Çölüň deňiz günleri - 18

edip, ikinji gezek iteklenmegi hem netije bermeýär.
Daşyň kiçi-girim güýje hezil bermejegi belli bolýar.
Kirpi (Oýurganyp). Itekläb-ä gazgap bilmedik
muny. Indi biline ýüp daňyp, bir ýan gapdala gozgajak
bolubam bir göreliň!
Tilki (Daşa süýkenip durşuna). Bir ýerinden
gozgap bolsa, onsoň aşagyna agaç sokarys, daş
goýarys ony düňderip alyp ýatarys.
Goç bilen It daşyň biline ýüp daňyp, täzeden daşyň
üstüne hüjüme geçýärler.
Goç. Şeýdibem bir göreliň!
It. Şeýtsek alarys.
Kirpi. Agyrdyr özün-ä...
Eşek. Agyram bolsa, güýç jemlense, öňümizde
durup bilmez!
Eşek, It, Goç, Tilki dagy «häh-da-häh» bolşup,
ýüpden çekýärler. Pişik bilen Kirpi daşy yzdan
itekleýärler. Alagarga esasy beýemçi. Ol uçup daşyň
bir öňüne, bir yzyna geçýär. Güýçleri tijeýär.
431
Agageldi Allanazarow. Çölüň deňiz günleri
Goç. Hä, aldyk!
Kirpi. Güýç jemläp, ýene...ýene!
Eşek. Biraz-a gozgandy.
Alagarga. Gözganan bolsa, alyndygydyr onuň.
It. Hany ýene bir gezek, çynymyzy edip çekeliň!
Daş ýene-de aldyrmaýar. Olar alaçsyz derlerini
sylşyp,
onuň
töwereginde
gowadaklaşýarlar.
Nädenlerinde daşy aýryp boljagy barada pikir
edýärler. Daş bolsa dert bolup ortada güberilip ýatyr.
Goç aňyrdan gelip, daşy süsüp alýar. Kellesini agyrdyp,
ýene-de götin çekilýär.
Kirpi (Onuň bolşuny ýaňsa alyp). Goç, gardaş,
daşy süsüp süýşürjek bolsaň, maňlaýyňy ýardyrsyň!
It. Ha, möjegi tapyp bolsa, şonuň dişleri ýitidir.
Bu daşy ol gemrip-gemrebem gutarardy.
Goç. Möjek möjekdir, ol biziň bähbidimiz üçin
dişlerini zaýalamaz.
Eşek (Başyny silkip makullamak bilen). Onuň
ýoly bizden aýrydyr.
Tilki. Häzir suw meselesi eýsem diňe
şularymyzyň meselämizmişmi? Elbetde, ýok. Agzy
bar suwam içýändir, şonuň üçinem häzirki wagtda
bu ähli halk işi. Özi-de ýerinde bada-bat çözülmeli
mesele.
432
Agageldi Allanazarow. Çölüň deňiz günleri
Goç. Dost gepini senden eşitdim.
Tilki (Ýalmanyp). Entegem eşidersiň!
Alagarga (Gagyldap, ýene töweregini gyssaýar).
Hany dem alan bolsaňyz, ýene-de bir synanyşalyň!
Daşy yzdan itekleýäniňiz yza geçiň! Men... «Hä,
aldyk!» diýip, duýduryş berdigim, agzybirlik bilen
hüjüme geçýäris!
Goç. Tizräk daşy agdaryp, suwy hanasyna
salmasak, ekinler suwsap heläk bolar.
Tilki. Hany ýaňkymyz ýaly, bir gapdala agdarjak
bolalyň!
Kirpi
(Çete).
Ynanypdyr-ow
zaluwat.
Ynanmadyk bolsa, Tilkimi bize goşuljak.
Topar ýene-de itek-de-çomak bolşup, daşyň
daşyna geçýärler.
Garga galgap, bir daş daňylan ýüpden çekýänleriň,
bir yzdan itýänleriň gapdalyna gelýär. Şol arada dag
tarapdan göçgünli aýdym sesi eşidilýär.
Lal-la, lalla-laý, laý,
Lal-la, laý-laý, laý.
Ary bal tapanda
Şonda uly toý.
433
Agageldi Allanazarow. Çölüň deňiz günleri
Balyň özündenem
Süýji ady bar.
Bala biz Aýylar
Mydam hyrydar...
Lal-la, lalla-laý, laý,
Lal-la, laý-laý, laý.
Men ýaly eý görýän
Barmykan baly?
Bal gözläp sökýärin,
Daglary çöli.
Lal-la, lalla-laý, laý,
Lal-la, laý-laý, laý.
Onýança uzakdan eli çelek-bedreli bir Aýynyň
dagdan inip, hiňlenip gelşi görünýär. Hemmeler
üşerilişip şol tarapa gözleýärler.
Goç (Tamakin bolup). Aýy-ha güýçlüdir, şol
kömek bermezmikän?
Tilki (Aýyny synlap durşuna bir zady ýadyna
salyp ýeser ýylgyrýar. Soňam töweregine). Kömek
434
Agageldi Allanazarow. Çölüň deňiz günleri
haýyş etseňiz, onuň etmezligi mümkindir. Men haýyş
etsem welin... (Tilki howlugyp töweregini gözleýär
we ýoldaşlaryna ýüzlenip). Indi siziň maňa gulak
asmaly ýeriňiz geldi. Siz gidiň, men Aýy bilen ikiçäk
gürleşjek!
Kirpi (Onuň ne hyýala münenini biraz aňmak
bilen). Bularyň öz-özleridir, dil tapyşarlar.
Alagarga (Tilkä düşünmek bilen). Ýol seňkidir,
Tilkim, düşüber öňe!
Tilki (Howlugyp). Ýol meniňki bolsa, onda
hemmäň heniz Aýy bizi görmänkä, şu ýerden tiz
gidiň! Hol, arabany goýan ýerlerimiziň töwereginde
bir ýerlerde garaşyň maňa. Gerek bolanda, özüm
çagyryn sizi!
Topar Tilkiniň diýşi ýaly, howlugyşyp daşyň
töwereginden dargaşýarlar.
Daşyň töwereginde Tilkiniň bir özi galýar.
Tilki (Ýalmanyp daşyň töwereginden ýene
birki öwrüm edip, aňyrdan apaň-sapaň her ýerden
bir basyp gelýän Aýyny görmedikden bolup, ol
golaýlaberende, daşy gujaklap, begenip samrap
ugraýar). Gözläp gezenje daşym, zordan tapanja
zadym. Indi Tilkem baý bolar. Öýi köşk-eýwan
bolar...
435
Agageldi Allanazarow. Çölüň deňiz günleri
Aýy (Tilkiniň bir daşy gujaklap, dünýäni unudyp
oturanyny görüp, onuň gapdalynda gelip aýak
çekýär). Ýeri-how, Tilki, bu nä boluş? Gotur daşy
gujaklap, arkasyny sypap oturmaň näme?
Tilki (Aýa tarap öwrülip, göwnühoş ýalmanýar.
Şelaýynsyraýar). Aýy daýy, bu daş ýönekeý daş däldä...
Aýy (Gyzyklanyp). Hä, ol nähili daşmyş beýle?
Tilki. Biler bolsaň, Aýy daýy, muňa mähek daş
diýilýär. Şeýle keramatly daş hakynda, heý öň bir
ýerde eşidipmidiň?
Aýy (Oýlanyp, bir zady ýada salyp). Eşidipdim
öýdýän...
Tilki. Eşiden bolsaň, bu hakyt şol tapylgysyz
daş-da. Muny telim Gün inim bilen dagdan-daşa
dyrmaşyp, dabanlarymy gyýçak daşlara dildirip,
zordan tapdyk. Togalap-togarlabam, ine, şu ýere
getirdik. Öýe ýetirip bolsa, munuň bazarda aşyk
ýalysyna bir tokga altyn berilýär.
Aýy (Gyzyklanyp). Şeý diýsene?
Aýy (Mähek daşyň Aýyny gyzyklandyrandygy
belli bolýar. Öz-özüne). Şu Tilkileriň işi hemişe
ugruna-how. Şunuň ýaly gowy zat, maňa tapylman,
şuňa tapylaýmalymy? Ýogsam bizem-ä dagda
şulardan az aýlanamzok. Gerek daşyny gola salan
436
Agageldi Allanazarow. Çölüň deňiz günleri
deýýus-da, gör, ogul jigisi bolan ýaly begenip
dylym-dylym edýär... Ýa ýenjip daşyny elinden
alaýsammykam? Güýjüm-ä ýetmän duranok...
Tilki (Oba tarap seredip, Aýa özüniň kimdir
birine garaşýanlygyny mälim edýär. Soňam Aýa).
Aýy daýy, eger bir ýere howlukmaýan bolsaňyz,
meniň size bir haýyşym bar!? Bir salym şu daşa
göz-gulak bolup oturyp bilmersiňizmi? Inim häliräk
şu daşy ýükläp äkitmek üçin oba araba getirmäge
gidipdi. Azaşdy öýdýän, men gidip töwerekden
şonuň bir gözlegine çykaýyn!
Aýy (Alysa gözläp). Şeýle-de bir ýerde ýaňy
menem dagdan düşüp gelýärkäm, bir araba göräýdim
öýdýän.
Tilki (Ýalmanyp). Görensiň, Aýy daýy, görensiň.
Seniň şol göreniň meniň azaşyp ýören inimdir.
Aýy (Tilkiniň gymmatbaha daşyny nädip
elinden alarkam? diýip duran Aýa bu haýyş diýseň
hoş ýakýar. Onuň gökdäki dilegi ýerde gowuşýar. Ol
dessine Tilkiň haýyşyny kabul edýär). Sen arkaýyn
gidiber, Tilkim. Men tä, sen gaýdyp gelýänçäň,
daşyňdan gözümi aýyrman oturaryn!
Tilki. Aý, sag bol, Aýy daýy, senden tamam hem
şeýledi.
Aýy (Yzyndan oňa). Howlukman gidip geliber,
437
Agageldi Allanazarow. Çölüň deňiz günleri
men oturaryn gelýänçäň. Gyssanýan ýerim ýok!
(Daşa hyrydar seredip, çete) Bar, gümüňi çek şu
ýerden, onsoň özüm nätjegimi bilerin.
Tilki gidip ber depe aşansoň, özüni sakada bolýan
zatlary gizlin synlaşyp, «Indi näme borkan?» diýşip
ýatan ýoldaşlarynyň arasyna barýar.
Tilki gözden ýitensoň, Aýy töwerekde hiç kimiň
ýoklugyna ýene bir gezek göz ýetirensoň, ýaltaklap
suwuň öňünde keserip ýatan daşy iki tarapdan penjeläp,
kynlyk bilen egnine göterýär. Soňam ol ýerden tizräk
gitmek üçin, ýegedekläp sakadan daşlaşyp ugraýar.
Akarda ýene suw şogurdaýar. Aýy gözden
ýitensoň, alaňdan arkada gizlenişip, ony synlaşyp
ýatanlar aňyrdan begenişip ylgaşyp gelýärler. Olar
hezil edişip, suwa düşýärler.
Kirpi (Suwa düşýän Tilkini kenara çagyryp).
Tilki gardaş, hany sen bir bäri dur-la!
Tilki. Näme hyzmat, goňşy?
Kirpi. Suwa düşdüň dälmi?
Tilki. Düşdüm.
Kirpi. Üç gezek çümdüňmi?
Tilki. Dördem çümendirim.
Kirpi (Sumkasyndan gant bölegini çykaryp, ony
Tilkä uzadýar). Hany onda şuny bir agzyňa at, göreli
438
Agageldi Allanazarow. Çölüň deňiz günleri
gant öz tagamyny berse, seniň dertden dynanlygyň.
Eger ýene ajy kaksa, onda seni ýene bejermeli
bolarys.
Tilki (Kirpiniň beren gandyny agzyna atyp,
onuň tagamyny alyp begenýär). Süýji. Bal ýaly-la...
Kirpi (Ony gujaklap). Ine, indi sen dertden doly
gutulypsyň. Gözüň aýdyň!
Beýlekilerem
gutlaýarlar.
ýerli-ýerden
gelip,
Tilkini
Pişik (Öňe omzap). Indi bolan bu gowulyk üçin
aýdym aýtmasak bolmaz!
Tilki. Aýdymy joşup aýdarys!
Alagarga. Aýdymy joşup aýdarys!
Olaryň şatlygy soň suw hakdaky aýdyma öwrülýär.
Suwum, suwum, şogurda,
Şogurdyňa döneýin.
Höwes bilen hemişe
Güzeriňden ineýin.
Bal suwuňdan içeýin,
Bol suwuňdan içeýin.
439
Agageldi Allanazarow. Çölüň deňiz günleri
Aýlaw ýasap owsun sen,
Oýunlarňy oýna sen.
Öz şypaňdan, mähriňden
Bizem çetde goýma sen.
Şogurda sen, bal suwum,
Sesiň derman janyma.
Nirde bolsam howlugyp,
Dolanaýyn ýanyňa.
Suwuň derman janyma.
Aýdymdan soň haýwanlar hoşlaşyp dargaşýarlar.
Perde ýapylýar.
JEMLEME
Alagarga (Jar çekip uçup gelýär). Goňşular,
eşitdim-eşitmedim diýmäňler-how. Gaýraky bakja
ýerinde Goç hasyl toýy edýändir-le, how! Balaçagaňam alyp, goňşy-golamyň bilen üýşüp-üýşüp,
dolup-daşyp gelmelidir-how... Bu ýyl toý gaty giňden
tutulandyr-la, how! Indi öňki sähel zada darygyp,
şahlaryny talawladyp üstüňe topulyp duran Goçuňyz
ýokdur-haw. Indi ol giň göwrümli, parhly, eli açyk,
jomart, ilhalar bir goça öwrülendir-le, how.
440
Agageldi Allanazarow. Çölüň deňiz günleri
Ynanmadyk gelip görsün,
Toýda myhman bolup görsün!
Goç (Mähelle üýşüp ugransoň. Goç şahlaryny
talawladyp, mynasybetlenip öňe çykýar). Gadyrly
goňşular-doganlar! Mundan bary-ýogy bir aý
ozal, bilşiňiz ýaly, biziň akarymyzyň suwy sowlan
mahaly gyssagly üýşmeli bolupdyk. Döwrüň uly bir
synagyna düşüpdik. Şol synagdanam siziň ähliňiziň
ýerli-ýerde eden tagallaňyz bilen, sag-aman geçdik.
Sowlan suwumyzy täzeden gazandyk. Şeýdibem,
ýüregimiz ýerine geldi. Akarymyzda tolkun atyp
suw şogurdady. (Ol biraz säginip, minnetdarlyk bilen
töweregine göz gezdirip, ýene-de sözüni dowam
etdirýär). Elbetde, bu beladan dynmak agzybirlik
bolmadyk bolanlygynda asla mümkin däldi. Şu
kynçylyk mahalynda biz özümiz üçin ýene bir uly
açyş etdik. Biz birek-birege juda gerek ekenik.
Agzybir bolup bilsek, örän uly güýç ekinik. Men öň
gowlugyň tarapynda diňe özüm bar hasap edip ýörende bolsam, munuň-da beýle däldigine, arkamda siziň
barlygyňyza, biziň birek-biregiň zerurlygydygynada göz ýetirdim.
Kirpi (Gülümsiräp ýaňsyly). Ahyr soňy göz
ýetirenem bolsaň bolýar.
441
Agageldi Allanazarow. Çölüň deňiz günleri
Goç (Kirpä tarap öwrülip). Dogry aýdýaň, Kirpi
dost. Ýöne zerurlyk bolmasa, bu hakykady aňsat
bilip-de bolmaýan ekeni. Biziňkem «Betbagtlylygym
bagtymy tapmaga kömek etdi» diýleni boldy. Anha
tolkunyp, owsunyp akyp ýatyr gözüňe söweýin bal
suwumyz. Şol gazanylan suwuň netijesinde bol hasyl
ýetişdi. Uly şatlyk geldi. Gadyrly dostlar! Sizi bu
gün bu ýere şol uly şatlygy paýlaşmaga çagyrdym.
Eşek (Gapdalynda duran Tilkä). Goç zaluwat
indi bizi şeýdip gep bilen doýrup durjakmyka?
Tilki (Ýalmanyp, düşünme bilen). Ajygdyňmy,
Taýhar?
Eşek. Ozal agşamky iýen otum-how.
Goç (Goç gepleşýänleri görüp olaryň ýanyna
gelýär). Doganlar, pyşyrdaşsaňyzam, eşitdim.
Türkmenler «Dürtmeseň, duýmaz» diýipdirler.
Gyzyp köpräk gürläýipdirin. Size aýdasym gelýän
minnetdarlyk sözlerim ýene-de başga-da kän. (Ol soň
aýlanyp, myhmanlaryna sowgat gowşuryp ugraýar.
Eşege ýüzlenip). Sen endigiňe görä, arabaňam özüň
bilen toýa getiripsiň... Şol günem diňe seniň özüň däl
arabaňam bize hyzmat edipdi, şonuň üçin saňa iki
paý (Oňa bir gawun, bir garpyz uzadýar. Eşek alyp
arabasyna ýükleýär).
Goç (Pişige kädi uzadýar). Al, kädili çorba
bişirsiň.
442
Agageldi Allanazarow. Çölüň deňiz günleri
Pişik (Bir zatlary aňdyryp). Kädili çorba, noýba
atsaňam-a gowy bolýandyr...
Goç. Noýba-da at, Pişik goňşy! Hol barýarkaň
ekiniň aňrybaşynda noýba kändir. Şondan ýüzugra
geregiňi al-da gidiber!
Goç. (Ite Garpyz berýär). Köpek goňşy, agyrdyr
özün-ä götärsiň-dä...
It. Gerek daşyň agramy bomaz. Ýükläý araba,
bary-bir hemmämiz bir ýere barýarys!
Goç (Tilkä ilki bir, soň ýene bir gawun berýär).
Goňşy, bu-da seniň hakyň, paýyň. Uly iş bitirdiň,
seniňem her goltugyňa bir gawun.
Tilki (Begençli ýalmanyp). Goltuga berjek
bolsaň, garpyz gowy bolardy.
Kirpi (Ýaňsyly gülümsiräp çete). Goltugyň
garpyzy ýetik bolandyr-la!?
Goç. Garpyz? Hol üýşüp dur, özüň al göterip
bileniňi. (Soň Kirpä ýüzlenýär). Kirpi goňşy, men
seni tanamaýan ekenim. Sen-ä görüp otursam, tüýs
şol «Agramy bir kile, akyly on kile» diýlenleri
ekeniň!
Tilki (Hamala öwgüden özi galyp barýan ýaly,
her gujagynda bir gawun saklap durşuna). Goç
goňşy, taryp edilmeli bolsa, Tilki dostuňam bardyrow!
443
Agageldi Allanazarow. Çölüň deňiz günleri
Gördüň-ä Aýyny nähili aýlandyryp goýberişimi.
Ol bende henizem şol daşy günä göteren ýaly göterip
ýörendir. (Tilki hezil tapyp göwnühoşluk bilen
ýylgyrýar).
Goç (Töweregine gözläp). Ýoldaşlar, bir görsem,
gep-gürrüň bilen Alagargadyr Kirpi dostumyz ýatdan
çykyp barýar. (Ol gapdaldan bir hyýary alýar-da,
ony Kirpiň arkasyna dürtýär). Kirpi, seniň hyýary
gowy görýäniňi bilýän, ine, saňa hyýar. Äkit-de
hezil et çagalaň bilen! Onsoňam, dost, saňa ýene bir
aýtjak sözüm bar. Sen dost, ýene-de öňki kesbiňem
goýma. Men bar, ýok diýme-de, bakjadanam gyrpçyrp edibergin!
(Hemmeler bir-birleriniň ýüzlerine seredişip
ýylgyrjaklaşýarlar).
Goç (Alagarga ýüzlenip). Dost, senem uly iş
bitirdiň, howply habaram getirdiň, ýene-de ony
alyp ýatmagyňam ýoluny tapdyň. Sendenem juda
minnetdar. (Oňa elini salgap bakjany görkezýär). Şu
ekiniň haýsy ýerine gonaryn diýseň, tarhansyň sen,
rysgyňy tiribergin!
Alagarga (Begençli pasyrdap). Dost gepini
senden eşitdim, Goç aga. Dost gepini senden eşitdim.
Bor ahyryn şunuň ýaly goçlugam edibermek!
Goç (Töweregine göz aýlap). Ind-ä daşdan
444
Agageldi Allanazarow. Çölüň deňiz günleri
dynylmagyna gatnaşanlaryň ady tutulman galany
ýok öýdýän?
It. Atlar atma-at tutuldy.
Pişik. Aý, ýokdur-la...
Kirpi (Töwerege). Goňşular, ýatlamaly bolsa,
bu işe gatnaşan ýene bir-ä galdy?
Goç. Kim ol?
Kirpi. Oňa Aýy daýy diýýärler. Ol balam
gowy görýändir welin, ýöne bal ýaly gawunlaram
halaýandyr...
Tilki. Dogrudanam, şolam bolmaly.
It. Onuň-da ady tutulsa gowy toý güni.
Goç (Ynamly). Tutarys onuň adyny.
Eşek. Aýyň paýyny bas araba, özüm ýüzugra
gowagynyň agzyna düşürip geçeýin!
Araba Aýy üçin gawun ýükleýärler.
Tilki. Şü-ýä bolaýdy.
Kirpi. Kemi galan däldir.
SOŇY.
445
Agageldi Allanazarow. Çölüň deňiz günleri
MAZMUNY
Şol bir gezek uçan it.................................................................7
Çölüň deňiz günleri. ................................................................189
Hekaýatlar we ertekiler. .........................................................249
Howala..........................................................................................250
Çakgy............................................................................................250
Mähirlije köşejik...........................................................................252
Iki öýüň güjügi..............................................................................253
Gün doganlar................................................................................256
Ýok pasyl.......................................................................................258
Tyk-tyk..........................................................................................260
Towuk we horaz............................................................................261
Aýazbaba.......................................................................................262
Şeýdip aýdanyňda.........................................................................265
Ýaz gelip........................................................................................266
Aga bilen Aýazbaba......................................................................267
Agyr mesele..................................................................................267
Ary................................................................................................268
Iki boýdaş berýoza........................................................................269
Gar adam.......................................................................................270
Gara öý..........................................................................................271
Gör, kime garaşylan ekeni............................................................272
Iki kärdeş......................................................................................273
Ýyldyz ýygymy.............................................................................273
Kartoşka nirede ösýär...................................................................274
Myhman........................................................................................275
Ykbal haly.....................................................................................277
Ol otaga bir geç.............................................................................278
Ýakymly duşuşyk..........................................................................279
«A» alaňyň üstünde......................................................................280
Buýsanç.........................................................................................281
Bizden soraýar...............................................................................282
446
Agageldi Allanazarow. Çölüň deňiz günleri
Çary çopan....................................................................................282
Doganlar........................................................................................283
Erteki.............................................................................................284
Gämiler.........................................................................................285
Synag............................................................................................287
Gawun bäbek................................................................................288
Özüň iýmeseň...............................................................................289
Alaja..............................................................................................290
Taýçanak.......................................................................................291
Kapitan..........................................................................................293
Läle...............................................................................................294
Mähek daş.....................................................................................295
Nan................................................................................................298
Deňiz.............................................................................................299
Taňňy............................................................................................299
Şah çykanda gel!...........................................................................300
Öýlänçi..........................................................................................301
Hadysa...........................................................................................302
Rahmanyň öýkesi..........................................................................304
Tilkiniň ýüz birinji sapalagy.........................................................305
Şübhe.............................................................................................306
Türkmeniň ýaşyl Tugy..................................................................307
U-U-U-U.......................................................................................308
Batyrja gaýyk................................................................................309
Ýüzüni nurana-da gördüm-le........................................................309
Watan gadyry................................................................................311
Ykbal hatary.................................................................................312
Ýene-de bir, ýene-de bir................................................................313
Iň oňat oba.....................................................................................314
Baýdak..........................................................................................316
Şahyr.............................................................................................318
Güýçli............................................................................................322
Gulpak...........................................................................................326
447
Agageldi Allanazarow. Çölüň deňiz günleri
Gyranly babanyň erikleri we ýenekiler........................................328
Pobit daýy......................................................................................336
Ilkinji bäşlik..................................................................................342
Süýji gawun Waharman (erteki pýesa)...................................347
Mähek daş (erteki pýesa)............................................................395
AGAGELDI ALLANAZAROW
ÇÖLÜŇ DEŇIZ GÜNLERI
(Powestler, hekaýatlar, ertekiler)
II TOM
Redaktor
Suratçy
Dizaýn
G. Gulbaýew
G. Okaýew
D. Seýitgulyýew
Ýygnamaga berildi 16.04.2006
Çap etmäge rugsat edildi 10.11.2006. Ofset kagyzy.
Formaty 60/84 1/16. Çap listi 28.
«Hatdat» hususy çaphanasy. Magtymguly şaýoly, 198. A.
448