Кылын шудонъёс

Кылын шудонъёс


— Кызьпу, шу.
— Кызьпу.
— Тыбыр улад тылпу.
— Кеч шу.
— Кеч.
— Дӥсьсэ кесь.

— Марым, марым...
— Марым бере кыл быре.

— Петыр, турбича шу.
— Турбича.
— Сизьым шуэз тон бича.

- Тон школае мынӥськод-а?
- Уг.
- (У) Ымад сисьмем кунян кук, сое йырйы но пук.

- Тусьты шу.
- Тусьты.
- (У) Ымдэ бадӟым усьты.

- Тон тракторез адӟид-а?
- Ӧй.
- Ымад ӵыжтэм вӧй.

— Уг, шу.
— Уг.
— Ымад кунян кук, сое йырйыса пук.

— Ӵок шу.
— Ӵок ке ӵок, тыбырад дас вить кортчог.

Алдам-балдам карылӥ,
Коньыбыжез куртчытӥ.

Алдай-быдтӥ, кылдэ вандӥ,
Кебит йылэ сэрпалтӥ.

Коньы карез возьматӥ,
Алдай-куштӥ, серектӥ.

Орекчаны быгатӥ,
Сизьым шур йылэ вуттӥ.

Ӧрекчай, кокчай,
Нырулад кут кутчай.

— Экон, мынод-а школае?
— Уг.
— Ымад тари ӝук.