Инвожо пилемъёс

Инвожо пилемъёс



инвожо пилемъёс
бадӟым лымыё шормуӵъёсын
уяса лобо зарезьёсаз
удмурт инлэн
дыртытэк каллен берыктӥськыло
уйпалась лымшор пала
мамык тыбыръёссэс-тöлпооссэс
адӟытыса
лудъёс возьёс вылтӥ лобо
вылӥысен учко герберъёсмы шоры
соос доры жутӥськыса вуо
кырӟанъёсмы эктонъёсмы кöтӝожъёсмы вань кылъёсмы
вожъяськись палэс пальпотонъёс
бамчочоро золтӥськылэ синкылиен чиля
урод учкем но суй вылын горд виштыос
ваньзэ соос синйылтыло ваньзэ тодо
инвожо пилемъёс
люкисько соос удмуртъёсын
ӝоген инбам луоз чылкыт
шунды сутоз удмурт бусыосты
писпуослэсь зынзэс нюлэс калык
вунэтыса улэ
гужемлэн но ышиз ӝуйы зыныз
паллян но бур палан одӥг восток
кыр котькытын нюлэс кошке
уяса кошко пилемъёс