Гуждор куриськон

Гуждор куриськон

(Читается дзэк (лит;. бадӟым) попом перед закланием быка и во время благословения вина и хлеба.)*
Остэ, Инмаре, Кылдысинэ!
Ӟеч тулыстэ, гужемдэ, сӥзилдэ ысты милем!
Сизим котрескаен** одӥг кылысь-ымысь
султыськом-пуксиськом.
Ӟеч бускелен: Петыр шудэ-воре***, Гондыр шудэ-воре,
Керень шудэ-воре, Тёпан шудэ-воре, Тёмо шудэ-воре, султыськом-пуксиськом.
Пурга шудэ-воре, Бигра шудэ-воре, Ворца шудэ-воре,
Какся шудэ-воре, султыськом-пуксиськом.
Ю кылдысь-вордысь!
Тулыс уртче-валче потон дыръя,
лудэ гырыны, усъяны потон дыръя,
юзэ кизён-пальткон дыръя
капчизэ, кужымзэ сёт!
Гербере лэсьтыны, туртскыны потон дыръя,
турнаны, маштаны потон дыръя,
зурод сюрон дыръя
капчизэ, кужымзэ сёт!
Сӥзил артэ перез (?) вуон дыръя,
сюрло азьин вандон дыръя,
гидаз-азбараз пыртон дыръя,
обиняз пыртон-квасьтон дыръя
сёт милем шуддэ-бурдэ!
Кабан урдсы кабан мед тутоз-вытоз****,
лек тыллэсь-пулэсь, лек кизилилэсь мед утёз-вордоз!
Ӵукна султон дыръя,
семьяэныз обине мынон дыръя,
кутэсэн культое шуккон дыръя
чузги-пазги азвесь тысь мед пальткыськоз!
Лопатаэн пальткон дыръя,
тӧллы пумит пальткыса, меӵак мед усёз.
Тысьсэ обинись дӧдиэн валтон-кыскон дыръя,
сюсегаз ю кисьтон-тырон дыръя
калыклы шулдыртымон юсь кадь кугась***** мед луоз!
Юзэ пуниэн басьтэм,— пуни вистэм!
Кобыэн басьтэм,— кобы вистэм!
Сюлысэн басьтэм,— сюлыс вистэм!
Муӵкоэн басьтэм — муӵко вистэм!
Ю кылдысь-вордысьлы — Кылдысинлы!
Пудо сётысь-возьмасьлы — Инмарлы!
Муш ыстысь-косысьлы — Квазьлы Сябась!!!
Глазов уезд
* Авторез Н. Г. Первухин та куриськонъёсты Глазов уездын улӥсь удмуртъёслэсь гожъям. Верамъёссэс сак кылзыса, диалектсэс пусъем.
** Котреска — нянь колды.
*** Шуд-вор — воршуд.
**** Тутыны-вытыны — йылыны-пушйыны.
***** Куганы — куара сётыны.