AKŞ Ukrainaga östämä yärdäm kürsätäçäk

Bu hakta AKŞ däülät särkätibe Entoni Blinken citkerde

AKŞ däülät särkätibe Entoni Blinken Amerika armiyäse inventarennän Ukrainaga 400 million dollarlık östämä härbi cihaz häm kiräk-yarak yärdäme kürsätäçäklären açıkladı.

Blinken yazma açıklauında bolay dip citkerde: “AKŞ Ukrainanıñ üzen saklanuına yärdämçe bulu öçen östämä härbi yärdäm belän Ukrainanı huplarga däüam itä.”

AKŞ däülät başlıgı Dco Bayden birgän väkalät belän Ukraina öçen 26nçı tapkır AKŞ inventarennän koral häm cihaz alaçakların beldergän Blinken Caklanu ministrlıgı inventarennän alıngan 400 million dollarlık paketta östämä koral, kiräk-yarak häm hava saklanu cihazlarınıñ buluın belderde.

AKŞ däülät särkätibe bu paket belän Ukrainaga härbi yärdämnär külämeneñ yakınça 19,7 milliard dollarga citäçägen açıkladı.

Source: www.trt.net.tr