Avrupa parlamentına Kreml hakerları höcüm itte

Avrupa parlamentı räise Roberta Metsola monıñ Rusiyäne “terrorçılıknı yaklauçı däülät” iğlan itülärennän soñ buluın belderde

Avrupa parlamentı räise Roberta Metsola Rusiyäne “terrorçılıknı yaklauçı däülät” bularak iğlan itkännän soñ hakerlar höcümenä duçar buluların belderde. Ul Tvitter akkauntında bolay dip yazdı: “Avrupa parlamentı bik katlaulı kiber höcüm astında. Kreml yaklı ber törkem cavaplılıknı üz östenä aldı”.

Metsola mäğlümati tehnologiyä belgeçläreneñ höcümgä karşı köräşülären citkerde. “Bu Rusiyäne “terrorçılıknı yaklauçı däülät” iğlan itüebezdän soñ buldı,”-dide ul häm: “Minem cavabım: Clava Ukraine (Ukrainaga dan)” dip yazdı.

Frantsiyäneñ Ctrasburg şähärendä uzgan Avrupa parlamentınıñ gomum şurasında Rusiyäne keşeleksez, zalim gamällärdä gayeplädelär häm anı “terrorçılıknı yaklauçı däülät” bularak tanuçı karar ölgesen 58 karşı, 494 deputatnıñ uñay tauışı belän kabul ittelär.

Source: www.trt.net.tr