Ukraina portlarınnan cibärelgän aşlık

Ukraina portlarınnan cibärelgän aşlık mikdarı 6 millon tonnadan artıp kitte

Rusiyä-Ukraina sugışı arkasında yäşängän "azık-tölek krizisı" riskınıñ beterelüenä kagılışlı Türkiyäneñ tırışuları belän buldırılgan "aşlık koridorı"nnan bügengä kadär cibärelgän aşlık mikdarı 6 million tonnadan uzdı.

Türkiyä Milli saklanu ministrlıgınnan yasalgan belderügä kürä, 2022nçe yılnıñ 22nçe iyül könne İstanbulda Türkiyä, Rusiyä, Ukraina häm Berläşkän Millätlär Oeşması tarafınnan "Aşlık häm azık-tölek produktlarınıñ Ukraina portlarınnan kurkınıçsız räüeştä cibärelüe dokumentı”na imza salındı.

İstanbuldagı urtak koordinatsiyä üzägeneñ 27nçe iyüldä eşçänlegenä başlauı belän Ukrainanıñ Odessa portınnan berençe köymä 2022nçe yılnıñ 1nçe avgust könne häräkät itterelde.

Bügengä kadär 260 köymä Ukraina portlarınnan çıktı, cibärelgän aşlık küläme isä 6 million tonnadan uzdı.

Köymälär belän kukuruz, boday, könbagış şrotı, könbagış mae, şikär çögendere, soya, borçak häm arpa kebek azık-tölek eşlänmäläre alıp barıla.

Aeruça bügen tagın 8 köymäneñ Ukraina portlarınnan häräkät itüe belderelde.

Source: www.trt.net.tr