İrkä: «Kontsertlarnı özäm» digäç, irem «eläkterde»

İre mobilizatsiyägä eläkkän cırçı İrkä sotsial çeltärdäge sähifäsendä tamaşaçılarına videomöräcäğat kuygan.

«Hörmätle yaratkan tamaşaçım! Ozak uylagannan soñ, bergäläp şundıy fikergä kildek, bu videonı töşerergä buldık. Bik ciñel bulmagan çorda yäşibez. Üzegez kürep torasız. Bu mäşäqat, bu kaygı här ğailägä bärep kerde. Härberebez borçılıp, dulkınlanu belän yäşi başladı. Berençedän, sezgä üzem, ğailäm, irem Artur isemennän rähmät äytäsem kilä. Matur süzläregez öçen rähmätem çiksez.

Oktyabrdä uzaçak Kazan belän Çallı kontsertların kuyarga buldık. Şundıy avır çorda bez kütärenke ruhta bulıp, ber-berebezgä bulışıp, töşenkelekkä birelmiçä, berdäm bulıp, ber-berebezne añlap yäşärgä tiyeş. Cırlarıbız, kontsertlarıbız belän sezgä can azıgı biräsebez kilä. Äydägez, yahşı äyberlär turında kübräk uylıyk äle.

Bik köçle yañgırdan soñ da, matur itep koyaş çıga. Bezneñ başta uñay fikerlär genä bulırga tiyeş. Bez kitkän yegetlärebezne äybät käyef, köçle, berdäm bulıp kötep torırga tiyeş.

«Kontsertlarnı özäm» digäç, irem miña şaltıratıp, «eläkterde» disäm dä bula. «Sin kontsertlarnı kuyarga tiyeş. Sin – köçle hatın, sineñ kebeklär bügen küp! Sez bergä bulırga, töşenkelekkä birelergä tiyeş tügel» , – dide irem.

Berdäm bulıyk, berdämlektä bezneñ köç!» – dip söyläde cırçı.

Çıganak - "İntertat"

Source: shahrikazan.ru