İzrail Baş ministrı: “Döres bulganı – fälästinlelär belän ike däülätle kileşü”

İzrail Baş ministrı Yäir Lapid: "Fälästinlelär belän ike halık öçen ike däülät nigezendä kileşüneñ täemin itelüe İzrailneñ iminlege, iqtisadı häm balalarınıñ kiläçäge öçen döres bulganı”, - dide

Yäir Lapid Amerika Kuşma Ştatlarınıñ Nyu-York kalasında Berläşkän Millätlär Oeşmasınıñ 77nçe Gomum şura (General assambleya) söyläşülärendä katnaşuçılarga möräcäğat itte.

Lapid ike däülätle çişeleşne yaklauların, läkin "ber şartnıñ" buluın belderep:

"Fälästinlelär belän ike halık öçen ike däülät nigezendä kileşü İzrailneñ iminlege, İzrail iqtisadı häm balalarıbıznıñ kiläçäge öçen döres bulganı. Böten kirtälärgä karamastan bügen äle haman izraillelärneñ zur küpçelege şuşı ike däülätle çişeleş vizionın yaklıy. Min alardan berse. Ber şartıbız bar: kiläçäktäge Fälästin däüläteneñ tınıç däülät buluı. (Fälästinneñ) İzrailneñ mullıgına häm bar buluına yanayaçak başka ber terror nıgıtmasına äylänmäüe. Böten İzrail vatandaşlarınıñ kurkınıçsızlıgın härvakıt saklau sälätenä iyä buluıbız”, - dip äytte.

"İzrailneñ 17 yıl elek Gazzädän çigenüennän birle İzrail cirlärenä 20 meñnän kübräk raketa ırgıtıluın”, - äytep uzuçı Lapid: "Bu binada bezdän Gazzägä karşı çikläülärne ni öçen betermäüezne soradılar. İrtägä irtä belän monı yasarga bez äzer. Ber şartıbız bar: balalarıbızga raketalar atunı tuktatıgız. Korallarıgıznı taşlagız, bernindi çikläü bulmayaçak”, - dip belderde.

Yäir Lapid aeruça Fälästin İslami karşılık häräkäte “Hamas” kontrolendäge Gazzä sızıgında äsir totılgan ike İzrail gaskärieneñ irekkä cibärelüen häm başka ike İzraille gaskärineñ mäetläreneñ kaytarıluın teläde.

Fälästinlelärneñ "koralların taşlauların” teläüçe İzrail Baş ministrı ul çakta tınıçlık bulaçagın alga sörep:

"Häm Gazzädä häm Yordannıñ könbatış üzänlegendä bez sezneñ kiläçäkne bergä tözi alabız. Korallarıgıznı taşlagız häm sez tözergä telägän Fälästin däüläten “Hamas”nıñ häm “İslami Cihad”nıñ üz kulına almayacagın isbatlagız. Korallarıgıznı taşlagız, ul çakta tınıçlık bulaçak”, - dip bäyäläü yasadı.

Source: www.trt.net.tr