Ukrainanıñ 4 töbägendä referendum başlandı

Ul Rusiyägä kerüne küzdä tota häm 27nçe sentyabrgä kadär däüam itäçäk

Ukrainanıñ könçıgışında Rusiyä yaklı separatistlarnıñ kontrolendäge Donetsk häm Luganskida, Zaporocye häm Herson töbäklärendä referendum başlandı. Ul Rusiyägä kerüne küzdä tota häm 27nçe sentyabrgä kadär däüam itäçäk.

Bilgele bulgança, Rusiyä däülät başlıgı Vladimir Putin referendum näticälären yaklayaçagın belderde.

Ukraina tışkı eşlär ministrı Dmitro Kuleba referendum kararına reaktsiyä belderep: “Yalgan tauış birülär berni üzgärtmäyäçäk,”-dide.

Türkiyä tışkı eşlär ministrlıgı da: “Rusiyä kontrole astındagı kayber Ukraina töbäklärendä beryaklı referendum oeştıru initsiativası borçu tudıra” dip belderde.

AKŞ ilbaşı Dco Bayden isä referendumnıñ BMO kileşüen citdi räüeştä bozuın äytte.

Referendum näticäsendä Rusiyäneñ älege töbäklärne annektsiyäläüe kötelä. Hökümät Rusiyä territoriyäse bularak kabul iteläçäk älege cirlärne saklau öçen strategik atom-töş koralları da kullanaçakları turında kisätä.

Source: www.trt.net.tr