News Tatar news add news

Kazanda Häter köne çarası uzdı

Azatlık çaradan turı efir täqdim itte.

Miting ber säğat çaması dävam itte. Kazanda kön salkınça ide, yañgır yaudı. Azatlık häbärçese Häter könendä 150-200 keşe katnaştı dip häbär itte.

Çarada Tatar ictimagıy üzäge häm "Azatlık" häräkäte aktivistları, tarihçı İlnar Garifullin, "Solntse" mäktäbe başlıgı Pavel Şmakov häm başkalar çıgış yasadı. Küpçelek çıgış yasauçılar bıyıl Häter könen oyıştıruga küpsanlı karşılık buluın iskä aldı, şulay da çaranıñ uzuın keçkenä ciñü dip bäyäläde.

Häter köne çarası doga kılu häm "Tugan tel" cırın başkaru belän tämamlandı.

Kazanda Häter köne mitingları häm Kazan kirmänenä uram yöreşläre 1990 yılda oyıştırıla başlangan ide. 2014 yıldan uram yöreşlären tıydılar. Soñgı yıllarda çara şähär üzägennän çittä, Tinçurin parkında uza.


1 day, 16 hours ago
1 visists
Source: www.azatliq.org