Üzem turında cır

Äytsälär dä: barıp tor sin, dip,
Dönyanıñ iñ rähät cirenä.
Äyter idem: kiräk tügel, dip,
Kaytam min, dip, tugan ilemä.

Äytsälär dä: altın sarayda tor sin,
Läkin ileñ ireksez kalsın, dip,
Äyter idem: mine zindanga sal,
Fäqat ilem irekle bulsın, dip.

Niçek teli canıñ, şulay yäşä,
Kara kaşlı kızlar üzeñä,
Disälär dä, äyter idem: kiräk tügel,
Kaytam min, dip, zäñgär küzemä.

Satmas yeget ilen altın-kömeşlärgä,
Ägär yugaltmasa vöcdanın;
Altınnı ul çüpkä sanar,
İñ kıymmätle kürer vatanın.