Gıykab

Gıykab [1]
Çıktı hicrätdin yide yöz illedä2-
Töşde ğalämgä härablık zilzilä.
Üze – aksak, gaklı – ahmak, fetnädar
Zolımını izhar kıldı häryirä.
Küp golamä vä mäşaihlär şähid
Buldılar dine islam nurilä.
Darelislam fetnäsendin, bel gayan
Buldı väyran, akdı yäşlär häüfilä.
Nä cavap birer Hoda kaşıda ul,
Sorsa Alla şiddät-ü gıykab ilä.
Ya İlahi, äylä ul bändäñne sän
Ahirätdä zalim vä cahil ilä.

Tärcemäse:
Çıktı hicri belän cide yöz illedä-
Töşte ğalämgä cir teträü kebek harablık.
Üze aksak, gakılı-ahmak, fetnä iyäse
Zolımın tarattı här cirgä.
Küp ğalimnär häm şäyhlär şähid
Buldılar islam dine yulında.
(Anıñ) fetnäsennän islam yortı, açık bel,
Tuzdırıldı, häveftän küz yäşläre aktı.
Ni cavap birer ul Hoda karşında, –
(Ägär dä) Alla katı cäzaga tartsa.
Ya ilahım, ul bändäñne sin tege dönyada
İt zalimnär häm cahillär (tomanalar) rätendä.

* Tatar ädäbiyätı tarihı... I tom. – Kazan: Tatar. kit. näşr., 1984. 291-292 b.
1 Gıykab – cäza, üç.
2 Hicridäge 750 yıl häzerge yıl isäbe belän 1350 yılga turı kilä. Çınlıkta isä Aksak Timerneñ Urta İdelgä, şul isäptän Bolgarga da höcüme 1391 yılga karıy.

Click or select a word or words to search the definition