Şiğırzar - Salauat Yulayiv


Egetkä


Beyıktä osa qozğon qoş,
Unan beyık osor ılasın bar.
Ilasından da beyık osa torğan
Qoş batşahı — qıyğır börköt bar.

Şul börköttäy, yıget, batır bul.
Tayğanıñda tayan dustarğa.
Yauza arıslanday acğırıp,
Yän ayamay taşlan doşmanğa




Zöläyha


Zöläyha, hin yırgä ingän hur qızı,
Küzzäreñdä balqıy Zöhrä yondozo.

Küzzäreñ, güyä, töndäge kük yözö,
Yaqtıra şul küzzäreñdä ay üze.

Er hurı hin yäki ocmah şäülähe,
Hındarıñ, güyä, färeştä käüzähe.

Min, bahır, hine, Zöläyha, nıq höyäm.
Äytä almaysa hüzzäremde, baş eyäm.

Hiñä dan yırlar ösön telem zäğif,
Höyöüyemde äytergä hüzem zäğif.

Zöläyha, hin yırzä yörögän hur qızı,
Küzzäreñdä yana kükteñ yondozo.




Min ülmänem, başqorttarım!


Hin alısta minän, Vatanım!
Tıuğan töyäk bigeräk ayaulı.
Qaytır inem dä bit, başqorttar,
Ayaqtarım mineñ bığaulı!

Qarzar kümä mineñ yulımdı,
Tındarımdı qısa taş yorttar.
Ämmä yazın irer ul qarzar.
Minme? Yuq, ülmänem, başqorttar.




Tirmämdä


 Tirmäm tora kömöş keüyek
 Yılğa yarında.
 Huş yısle säskälär üsä
 Tirä-yağımda.
Kötöüzär yöröy. Min üzem
 Yatam tirmämdä.
 Tuğandarım, yaqındarım
 Mineñ ergämdä.
Şul saq tirmäm işegen
 Asırğa quştım.
 Tön buyı tıñlanım moñon
 Handuğas qoştoñ.
Nindäy yaqşı, nindäy tatlı
 Buldı bögön tön.
 Kerpek tä qaqmay ütkärzem
 Oşo töndö min.




Tıuğan ilem


Mineñ tıuğan qırzarım,
Balday tatlı hıuzarım,
Yalandarım, urmanım,
Kükkä aşqan Uralım, —
Mineñ izge töyägem,
Hezze höyä yörägem.
Kügärep kükkä ürelgän
Qarlı başın Uraldıñ,
Küzzeñ yauın alırzay
Maturlığın qırzarzıñ
Mäñge maqtar inem min,
Mäñge danlar inem min.

Tıuğan-üskän ilemdän
Yazmışım yıraq taşlaha,
Hezze hağınıp ölgöräm,
Töşömdä hezze gel küräm,
Mineñ tıuğan qırzarım,
Balday tatlı hıuzarım,
Yalandarım, urmanım,
Höygän hılıu Uralım!
Tıuğan yaqtan yıl ishä,
Ul miñä häbär kilterä;
Tıuğan-üskän yıremdän,
Özölöp höygän ilemdän, —
Mineñ tıuğan qırzarzan,
Balday tatlı hıuzarzan,
Yalandarzan, urmandan,
Kükkä aşqan Uraldan
Miñä häbär kilterä.




Uralım


Ay Uralım, Uralım,
Kügärep yatqan Uralım.
Nurğa sumğan tübähe
Kükkä aşqan Uralım!
Hine maqtay yırzarım,
Hine danlay yırzarım.
Tönön kükkä ay qalqha,
Altınday balqıy Uraltau;
Köndöz kükkä kön qalqha,
Kömöştäy balqıy Uraltau.
Bittäreñdä, Uraltau,
Qamıştay qarağay urmanıñ,
Itägeñdä, Uraltau,
Balastan bolon, qırzarıñ...
Qızarıp qalqqan qoyaştı
Hayrap qarşılay qoştarıñ;
Tonyorap batqan qoyaştı
Hayrap ozata qoştarıñ.
Ay Uralım, Uralım,
Hılıu za hılıu Uralım!
Hüzem böthä lä telemdä,
Yırım bötmäne, Uralım!
Maqtap quray uynaham,
Bötmäy zä torğan köy bulır.
Danlap yırım yırlaham,
Bötmäy zä torğan yır bulır.




Uq


Haualarğa uq soyorğottom,
Qarluğasqa teyze uqqınam,
Ayaqqayım yanına qolap töşkäs,
Mesken qoşto yälläp yuqhınam.

Hauağa atqan uqqayım
Tau, urmandar aşa uzhası.
Qarluğasqay qoşto ültergänse,
Ber doşmandıñ yänen özhäse.




Yau


Zamanalar bulğan elgäre,
Bulğan ildeñ batır uldarı.
Baş yıtmäslek eştär eşlägändär,
Bötä ğaläm belgän ularzı.

Ğümer buyı yöröp yauzarza,
Yıyğan ular hanhız dustarzı,
Eñgän ular bik küp batırzarzı,
Qırğan ular hanhız doşmandı.

Qurqmağandar sihırsınan,
Acdahalay usal yauızdan,
En-päreyzeñ mäker-häylähenän,
Yılan säsä torğan ağıuzan.

Ruhım kütärelde mineñ dä,
Eyärlänem min dä atımdı.
Doşman safın tar-mar itergä
Izge yauğa uqtay atıldım.

Min qıyrattım doşman saftarın.
Ös yöz doşman höcüm ittelär.
Bik küptäre ayaq astında
Käüzälären tupraq ittelär.

Yauız doşman yauı esenän
Atım alıp sıqtım aqlanğa.
Aqlandağı yılğa sitendä
Ultırıp, täsbih äytep allağa,
Izge yauğa tağı baram min,
Azatlıq häm şöhrät tabam min.



Click or select a word or words to search the definition