Şiğırzar - Larisa Abdullina

Halıq Prezidentı


Şähes atın bıuattarğa quşıu
Borondan uq kilgän ber yola.
Yaqşıların häterlähäñ - bayram,
Yamandarzan - qan-yäş qoyola.

Bına ğına Salauattıñ yulı!..
Aqmullanıñ, ana, zamanı!..
Uzğan bıuat baştarında Zäki
Bulğan ildeñ ärme-qalqanı!..

Egermense bıuat tolparında
Elep inde ilgä uzaman!
Unıñ ğämäldäre, eşe menän
Tarihtarza qalır ul zaman!

Bögön unıñ iseme ber oran!
Toğroloqqa hınau- iseme:
Äläm itep kütärgändä unı
Hin tanırhıñ ruhı köslönö!

Ir-egetteñ danı halqı menän!
Ir-egetteñ kösö - hezmättä!
Mortaza la tigän ruhi qalqan
Yäşäy başqort tigän yöräktä!

Farman birep isem alıp bulmay,
Yulbaşsılar tıua ilendä!
Ere ğäme menän yana ular,
Höyläşälär tuğan telendä!

Üz ilendä päyğämbärzär bulmay,
Üz ilendä tıua il başı!
Ul arqahın üz halqına teräy,
Kiläsäktä unıñ qaraşı!

Halqı ösön ul köräşkän keüyek,
Millät äzer unı yaqlarğa!
Yulbaşsılar yuldı başlap bara,
Ämmä ul da mohtac haqlauğa!

Könlöksölär, kämittär zä kiter,
Il kügendä qalır ber isem.
Halqı üze birze uğa atın:
Halqın zurlağan ösön,
Ilen haqlağan ösön,
Telen yaqlağan ösön!!!


2014

Başlıqqa isem?!


Taptılar bit häzer ämälen:
Ilde "yıyıp" quyıu ğämälen!
Horamayzar ber ni halıqtan:
Farman birep alıs-alıstan,
Başhız başqa isem ezläyzär,
Könbayıştan hälde küzläyzär.
Horamayzar: barmı tip eşeñ!?
Horamayzar: barmı tip aşıñ!?
Aynınımı halıq timäyzär,
Könbayıştı haman küzläyzär!
Nisek asray qarttar yändären?!
Horamayzar mäktäp häldären!
Höyäk taşlağanday halıqqa
Isem taptıralar başlıqqa!
Horamayzar: nisek äsälär?
Räsäy burlaqtarı - bisälär!
Horamayzar: nisek atalar?
Dürtteñ ösö yırzä yatalar...
Horamayzar nisek balalar?
Auıl hälen belmäy qalalar...
Isem taptıralar başlıqqa -
Eş taptılar eşhez halıqqa!
Olatayzar bezzeñ, ih, qayza?
Isem tabıu menän ni fayza?
Yomaqtağı keüyek bıl türä:
Üze başhız, üze tökörä,
Üze başlıq, üze isemhez,
Ğämäldäre şuğa ğilemhez.
Hakimdar za bezgä nimägä?
Ultırtalar töphöz kämägä...
Sal bıuattar bezzeñ tuphala,
Kiläsäkkä ular uqtala!
Horamayzar ber ni halıqtan:
Ber ni qalmas başhız başlıqtan...