Кара Урман

  Кара да гынай урман, караңгы төн,
  Яхшы атлар кирәк лә үтәргә.
  Кара урманны чыккан чакта
  Кисеп алдым пар усак,
  Ай, аерылмаек, дус булсак.
  Заманалар авыр, еллар ябык,
  Дус-иш кирәк гомер итәргә.
  Кара урманны чыккан чакта
  Кисеп алдым пар каен,
  Ай, аерылмаек, дускаем.
  Кара да гына елан, ай, туз башлы,
  Йөридер лә камыш буенча.
  Кара урманны кергән чакта
  Кисеп алдым пар усак,
  Ай, аерылмаек, дус булсак.
  Ялгыз башым, юк юлдашым,
  Йөримен лә язмыш буенча.
  Кара урманны кергән чакта
  Кисеп алдым пар каен,
  Ай, аерылмаек, дускаем.
  Кара да гынай урман, караңгы төн,
  Нинди юллар белән үтәрбез.
  Кара урманны чыккан чакта
  Кисеп алдым пар усак,
  Ай, аерылмаек, дус булсак.
  Дус-иш белән бергә эш иткәндә,
  Теләкләргә тизрәк җитәрбез.
  Кара урманны чыккан чакта
  Кисеп алдым пар каен,
  Ай, аерылмаек, дускаем.