Гүлдер

  Гүлдер, гүлдер, көп гүлдер,
  Қызыл гүлдер, көк гүлдер.
  «Жайнар кезім келді» деп,
  Қанаттарың желбіреп,
  Таңмен бірге оянып,
  Күн нұрына боянып,
  Көрік бердің далаға.
  
  Гүлдер, гүлдер, не түрлі
  Құлпырды да жетілді.
  Барлық дала өртеніп
  Бара жатқан секілді.
  Өрт дегенім - гүл екен,
  Отқа ұқсап тұр екен.
  Лүпіл қағып жүрегім,
  Үзіп алдым біреуін,
  Сыйлайын деп анама.
  
  Гүлдер, гүлдер, шоқ гүлдер,
  Қызыл гүлдер, көк гүлдер.
  Тұра берші ырғалып,
  Тұра берші нұрланып,
  Сол тұрғаның ұнайды,
  Құлпырғаның ұнайды,
  Ұқсап сәби балаға.