Ғаламтор туралы

  Ғаламторға кіремін,
  О, аралап жүремін!
  Мейлі, белім ауырсын,
  Солсын, мейлі, реңім.
  
  Мұндай қызық сәттерде
  Жан серігім - тақ перне.
  Ұстамаймын кітапты,
  Керек емес дәптер де.
  
  Сабақты да қоямын,
  Тамақты да қоямын.
  Сөз-сусынды ішемін,
  Пайдасы Сурет-нанға тоямын.
  
  Ғаламторда жүремін,
  Қызық өмір сүремін.
  Көзім, мейлі, шаршасын,
  Мейлі, ауырсын жүрегім.
  
  Тыңдамаймын анамды,
  Тыңдамаймын ағамды.
  Тәртібімде ісім жоқ,
  Түзетпеймін бағамды.
  
  Барлығыңды таң қылып,
  Жүре берем қаңғырып,
  ...Уақытым жоқ, қоштасып
  Қоюға да мәңгілік.