Уку

  Сөекле сенелларем
  Гафифә илә Вәсимәгә
  
  
  Безне адәм иткән уку,
  Адәмне алга илткән уку,
  Илтеп күккә җиткән уку,
  Уку, уку, уку.
  
  Юлымызны хак иткән уку,
  Йөземезне ак иткән уку,
  Уземезне баг иткән уку,
  Уку, уку, уку.
  
  Раст, чын кеше эше уку,
  Баг вә рәхәт җимеше уку,
  Ачкан рәхәт ишеген уку,
  Уку, уку, уку.
  
  
  Гакылга нур биргән уку,
  Мөкатдәс уй биргән уку,
  Су юкта, су биргән уку,
  Уку, уку, уку.
  
  Дәүләт, бәхет биргән уку,
  Мөлек, тәхет биргән уку,
  Безгә кирәк илла уку,
  Уку, уку, уку.
  
  Урысча да уку – уку,
  Кытайча да уку – уку,
  Кемчә генә дә уку – уку,
  Уку, уку, уку.
  
  Ирләргә дә фарыз уку,
  Кызларга да фарыз уку,
  Фарыз әптнен, барсы – уку,
  Уку, уку, уку.