LatinHärber sızık iñ yış oçrıy torgan 1000 süzlärneñ protsentnı kürsätä.
Бәйрәмме бу?
Süzlärneñ gomumi sanı 116
Unikal süzlärneñ gomumi sanı 86
51.0 süzlär 2000 iñ yış oçrıy torgan süzlärgä kerä.
61.4 süzlär 5000 iñ yış oçrıy torgan süzlärgä kerä.
65.9 süzlär 8000 iñ yış oçrıy torgan süzlärgä kerä.
Бәйрәм димез. Бәйрәмме — бу бәйрәм безгә?
Әй дустларым, бу бәйрәмнән ни ямь безгә?
Күп кешенең үкси ятим балалары,
Моңлы күңел, яшьле күзләр карый күзгә.
Бәйрәмме бу дәһшәтле көн? Нинди көн бу?
Кардәшләрнең дошманга ут ачкан көн бу*.
Галиләрнең мылтык белән, зур туп белән
Дошманнарның баш сөяген ваткан көн бу.
Кич йокласак, бу куркыныч — төшемездә,
Көндез булса, бу һәлакәт — исемездә;
Якты түгел — чыкмый кояш көнемезгә,
Төнемез дә айсыз — бәйрәм түгел безгә.
Килешерме безгә бу көн бәйрәм итү,
Чын гайрәтле кардәшләрне онтып китү?
Инде, дустлар, шул каһарман кардәшләргә
Безгә тиеш чыннан берләшеп ярдәм итү!
Әй Ходаем! Якты көннәр бир син безгә,
Гыйлем нурын урнаштыр син миебезгә,
Әй рәхимле, рәхмәт атлы канатыңны,
Куш, фәрештәң җәйсен иде бу ел безгә.
Әй дустларым, бу бәйрәмнән ни ямь безгә?
Күп кешенең үкси ятим балалары,
Моңлы күңел, яшьле күзләр карый күзгә.
Бәйрәмме бу дәһшәтле көн? Нинди көн бу?
Кардәшләрнең дошманга ут ачкан көн бу*.
Галиләрнең мылтык белән, зур туп белән
Дошманнарның баш сөяген ваткан көн бу.
Кич йокласак, бу куркыныч — төшемездә,
Көндез булса, бу һәлакәт — исемездә;
Якты түгел — чыкмый кояш көнемезгә,
Төнемез дә айсыз — бәйрәм түгел безгә.
Килешерме безгә бу көн бәйрәм итү,
Чын гайрәтле кардәшләрне онтып китү?
Инде, дустлар, шул каһарман кардәшләргә
Безгә тиеш чыннан берләшеп ярдәм итү!
Әй Ходаем! Якты көннәр бир син безгә,
Гыйлем нурын урнаштыр син миебезгә,
Әй рәхимле, рәхмәт атлы канатыңны,
Куш, фәрештәң җәйсен иде бу ел безгә.
Sez Tatar ädäbiyättän 1 tekst ukıdıgız.