Latin

Барлык матурларның солтаны. Газәл

Süzlärneñ gomumi sanı 169
Unikal süzlärneñ gomumi sanı 134
28.2 süzlär 2000 iñ yış oçrıy torgan süzlärgä kerä.
35.5 süzlär 5000 iñ yış oçrıy torgan süzlärgä kerä.
35.5 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Сәүдегем бән-адәмиләр җаныдур,
Каму хублар хубының солтанидур.

Кичте Ләйли, кичте Ширин[1] хублыгы,
Ошбу көн-мәнем шаһым дәвранидур.

Бәндәседер буеның-сәрвү, чинар,
Ай вә көнәш-йөзенең хәйранидур.

Яңагы сайрулара алма сатар,
Дудагы-дәрдиләрнең дәрманидур.

Нә яңак кем, мат итәр тазә гөли,
Нә дудак кем, Мисри шәкәр[2] канидур.

Иңәке зинданына төшкән әсир,
Ул ки бу көн Йосыфи Кәнганидур[3].

Каша, күзә алданурса дагыйлар
Мөхсиннең-тәфәрреҗе, рәхманидур.

Тәрҗемәсе:

Минем сөйгәнем-адәмнәрнең җаныдыр,
Барлык гүзәлләрнең дә солтаныдыр.

Кичте Ләйлә, кичте Ширин гүзәллеге,
Инде бу көн – минем шаһым (сөйгәнем) дәвредер.

(Аның) буеның бәндәсе-кипарис, чинардыр[4],
Ай вә кояш – (аның) йөзенә үзләре хәйрандыр.

Яңагының балкышы (алсу төсе, матурлыгы) – алма сатар,
Иреннәре – авыруларның дәвасыдыр.

Шундый яңак ки – яшь гөлдән дә матурдыр!
Шундый ирен ки-Мисыр шикәреннән дә татлыдыр!

Ияк чокырына төшкән әсир (ягъни аңа күңеле төшкән кеше),
(Гүя ки) ул бүгенгенең Йосыф Кәнганиедер.

Кашы, күзе сихерчеләрне (дә) алдарлык,
Мөхсиннең ул – куанычы, Алласыдыр.
_________________
[1] Ләйли, Ширин – Шәрык әдәбиятындагы мәшһүр хатын-кыз образлары.
[2] Мисри шәкәр – Мисыр шикәре.
[3] Биредә Кәнган коесына салынган Йосыф күздә тотыла.
[4] Кипарис, чинар – зифа буйны белдерүче образлар. Ә биредә алар үзләре гүзәл кызның буена мөкиббән киткәннәр.
Sez Tatar ädäbiyättän 1 tekst ukıdıgız.