Учак Урыннары

  Болыннарда калган
  Учак урыннары,
  Атларымны әзләп
  Йөри идем бары...
  Учак урыннары, учак урыннары...
  
  Һәр кишәрлек саен
  Алар төрле якта
  Ләхете иңеп төшкән
  Кабер кебек ята, —
  Алар төрле якта, алар төрле якта...
  
  Болында көз көне
  Шулкадәр күп алар;
  Сонгми күк алар,
  Орадур күк алар, —
  Шулкадәр күп алар, шулкадәр күп алар.
  
  Җир шарына тәңгәл
  Болын шундый чуар...
  Монда синең Болгар,
  Монда синең Суар?, —
  Болын шундый чуар, болын шундый чуар.
  
  Учак урынына
  Тишелмәгән курпы, —
  Минем яшь йөрәгем
  Урыныннан купты:
  Тишелмәгән курпы, тишелмәгән курпы...
  
  Нәфрәт кисәгедәй
  Тешен кыскан кисәу,
  Сонгмилар калка,
  Калка әллә ничәу, —
  Тешен кыскан кисәу, тешен кыскан кисәу...
  
  Коз кәне яланда
  Учак урыннары;
  Атларымны туплап
  Йөри идем бары, —
  Учак урыннары, учак урыннары...