Latin

Шигырьләр - Мухаммат Садри

Süzlärneñ gomumi sanı 122
Unikal süzlärneñ gomumi sanı 90
54.4 süzlär 2000 iñ yış oçrıy torgan süzlärgä kerä.
72.0 süzlär 5000 iñ yış oçrıy torgan süzlärgä kerä.
77.5 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Каз канатыКаз канатларын эзләргә
Төштем су буйларына,
Су буйларында йөргәндә,
Син генә уйларымда.
Каз канатларын санадым
Тезелеп кагынганда,
Айдагы кызга карадым
Өзелеп сагынганда.
Каз канатын кагынганда,
Мамыкларын җил ала,
Яшь вакыттагы мәхәббәт
Мәңгелек булып кала.

Кояш
Мине кояш, иң беренче күреп,
Тәрәзәмнән тәрәзәмә йөреп
Күзли кебек. Нидер эзли кебек.
Аерылабыз диеп кичендә,
Уйный кебек бүлмәм эчендә.
Кояшымны һәр төн көтәм мин,
Аны көтеп сагнып бетәм мин,
Карыйм очсыз күкнең түренә...
Юл бирмәсә болыт үзенә,
Сагыш төшә якты йөземә.
Ачык таңда, назлы иркә кебек,
Нур уйнатып янып һәм көлеп,
Ерак җирләр, таулар артыннан
Безнең якка ашыгып килә ул,
Сөенә-сөенә нурлар сибә ул.
Мине кояш, иң беренче күреп,
Тәрәзәмнән тәрәзәмә йөреп
Күзли кебек. Нидер эзли кебек.
Аерылабыз диеп кичендә,
Уйный кебек бүлмәм эчендә.
Sez Tatar ädäbiyättän 1 tekst ukıdıgız.