Kotadgu Belek

Tel turında ...Ukuşka, belegkä bu telmäçi tel, Yarutgaçı irne yoruk telen, bel. [Ukuga, belemgä tılmaç ul bu tel, Keşene nurlagan närsä tel ul – bel.] Keşeg tel agırlar, bulır kot keşe, Keşeg tel oçızlar, yarır ir başı. [Keşene tel hörmätle, bähetle itär, Keşene tel oçsızlar, başın yarır.] Tel arslan torır, kür, işekdä yatar, Äya evlüg arsık-başıñnı yiyär. [Tel işektä (çitlektä) yatkan arslan kebek ul, Anıñ belän beraz gına saksızlık başıñnı aşar.] Telen imgämeş ir nikü tär, işit, Bu süz eşkä totgıl, üzeñä iş it: [Naçar telle ir ni dip äytä, işet, Bu süzne ğamäl kıl, üzeñä iş it:] "Mäne imgäter tel idi ük tälim, Başım kismäsene kisäyen telem". ["Mine tel küp bälalärgä sala, Başım kiselgänçe, (min) telemne kisäm".] Süzeñne küdäzgel, başıñ barmasın, Teleñne küdäzgel, teşeñ sınmasın. [Süzeñne küzät, başıñ kitmäsen, Teleñne tıy, teşeñ sınmasın.] Budun tele yaulak – sine süzlägän, Keşe kılkı kirtüç – iteñne yiygäy. [Halıknıñ tele yaman – sine süzlägäy (gaybäteñne), Keşeneñ holkı kirtle (naçar) – iteñne aşar...] İsänlek teläsä sineñ bu üzeñ, Telendä çıkarma yaragsız süzeñ. [Sin üzeñä isänlek teläsäñ, Teleñnän yaraksız süz çıgarma.] Beleb süzläsä, süz belegkä sanır, Belegsez süze üz başını yiyır. [Belep süzläsä, süz akıllıga (belemlegä) sanalır, Nadannıñ süze üz başına citär.] Ükeş süzdä artık asiğ kürmädem, Yänä süzlämeşendä asiğ bulmadım. [Küp süzdä artık fayda kürmädem, Yänä (küp) söyläşüdän fayda almadım.] Ükeş süzlämä süz, berär süzlä az, Tömän süz tögenen bu ber süzdä yaz. [Küp söylämä süz, beraz (gına) söylä, Un meñ süz töyenen ber süz belän yaz (çiş).] Keşe süz belä kuptı, buldı mälik, Ükeş süz başıg yirgä kıldı külik. [Keşe süz belän kütärelde, hökemdar buldı, Küp süz başnı cirgä iderde (başnı cirneñ külägäse itte).] Ükeş süzläsä, "yañşadı, – tir, – tele", Yänä süzlämäsä, "agın", – tir keşe. [Küp söyläsä, äyterlär: «tele yomşardı (buşka äylände)", Yänä söylämäsä, "telsez", – dip äyterlär.] Kali mondag irsä, yorık utru or, Yorık utru orsa, keşeg yököter. [Ägär alay ikän, urtalıknı tot, Urtalıknı totsa, keşe kütäreler.] Teleg käd küdäzgel, küdäzelde baş, Süzeñne kısırgıl, oza(y)tıldı yäş. [Teleñne kıska tot, baş(ıñ) saklanır, Süzeñne az söyläsäñ, gomereñ ozınayır.] ...Näçä mondag irsä, beleb süzlä süz, Süzeñ bulsı(n) kürsü karagına küz. [Ägär şulay ikän, süzeñne belep söylä, Süzeñ küzsezgä küz kebek bulsın.] Belegsez karagı torır, bilgelüg, Yöre, äy belegsez, beleg al ölüg. [Belemsez sukır torır, hiçşiksez, Kil, äy nadan, belemnän öleş al.] Tuguglı üler, kür, kalır bilgesez, Süzeñ idgü süzlä, üzeñ ülgesez. [Tugan (keşe) ülär, kür, kalır bilgesez, İzge süz söyläsäñ, ülmässeñ üzeñ.] İke näñ belä ir karımaz üze, Ber – idgü kılınıçı, ber – idgü süze. [İke närsä belän keşe üze kartaymas, Bere – kürkäm holkı, bere – izge süz.] Keşe tugdı, ülde, süze kaldı, kür, Üze bardı yañluk, atı kaldı, kür. [Keşe tudı, ülde, süz kaldı, kür, Üze kitkäç tä (yahşı) iseme kaldı, kür.] Teregleg teläsä üzeñ ülmägü, Kılınçıñ, süzeñ idgü tot, äy bägü... [Üzeñä betmi torgan tereklek teläsäñ, Holkıñnı, süzeñne izge tot, äy akıl iyäse...] Belem turında ...Beleg birde yañluk bedüde bu kön, Ukuş birde ötrü yazıldı tögen. [Belem birde, (şunıñ belän keşe) bu kön böyeklekkä ireşte, Uku arkasında küp töyennär çişelde...] ...Belegne bädüg bel, ukuşnı olug, Bu ikke bädüter ödürmeş kolug. [Belemne böyek, ukunı olug bel, Bu ikegä kollık kılgan böyek bulır...] ...Belek mäğnäse, bel, nikü tir beleg: Belek belsä ötrü yırar irdä ig. [Belem mäğnäsen bel, ni dip äyter belem: Belem belgän keşedän bäla-kazalar yıraklaşa.] Beleksez keşe barça iglig bulır, İgig imlämäsä, keşe tärk üler. [Nadan keşelärneñ barçası avıru bula, Çiren dävalamasa, keşe bik tiz ülä. ] Yöre, äy beleksez, igeñne uta, Beleksez onıtsän, i bilgä kota. [Kil, äy nadan, avıruıñnı dävala, Belemsez (ikänseñ)-tübän sin, belemle (ikän)-bähetle.] Ukuş ul borındık, anı yitsä ir, Teläkkä tigär ul tömän arzu yir. [Belem ul (güyä) tezgen (yögän; iyär), ägär dä keşe anı eläktersä, Telägenä ireşep, küp maksatların ğamälgä aşırır.] Ukuş bulsa irgä, kür, ayıgı ükeş, Belek belsä, ötrü bulır ir köşeş. [Belem bulsa keşedä, kür, (ul) küp faydalıdır, Belem belsä, keşe qaderle buladır.] Ukuş berlä eşlär kamug eş ködüg, Belek berlä biklär bu bulmış ödüg. [Belem belän barlık eşlär ğamälgä aşar, Gıylem belän biklär maksatlarına ireşä.] Şağıyrlär belän aralaşu turında ...Basa kilde şağıyr – bu süz tergüçe, Keşeg üggüçelär yämä yärgüçe. [Yänä kilde şağıyr – ul süz tezüçe, Keşene maktauçı häm dä sügüçe.] Kılıçta yetigräk bolarnıñ tele, Yänä kılda yinçkä bu hatıyr yulı. [Kılıçtan ütkenräk bolarnıñ tele, Yänä kıldan neçkäräk häter yulları.] Tatıg, yinçkä süzlär ukayın tisä, Bolardin işet süz, ukılgay basa. [Tatlı, ütken süzlär belim disäñ, Bolarnı tıñla, alarnıñ süzläre ciñel töşenelä.] Tiñizgä kerer kürsä küñlen tögäl, Gühär, yencü, yakut çıkarır mäsäl. [Kürsäñ: alar küñel diñgezenä tämam kererlär, (Annan) gäühär, ence, yakutlarnı çıgarırlar.] Ular üksälär, ükde ilkä barır, Kalı süksälär, atı artıb kalır. [Alar maktasalar, maktauları ilgä taralır, Ägär süksälär, (keşeneñ) yamanatı kalır.] Usa, idgü totgıl bolarnı, kadaş, Bolarnıñ telengä elenmä, adaş. [Uyla, yahşı tot bolarnı, kardäş, Bolarnıñ telenä eläkmä, adaş.] Kalı idgü ügde teläsä üzeñ, Bolarnı sevender, kiselde süzeñ. [Ägär yahşı maktau süzläre teläsäñ üzeñ, Bolarnı söyender, bette-kitte süzem.] Nikü kılsa, birgel bolarka tögäl, Bolarnıñ telendin üzeñ satgın al. [Ni sorasalar, bir alarga tögäl, Bolarnıñ telennän üzeñne kotkarıp kal.] Hönärçelär belän mögamälä kılu turında ...Täkıy ber kotısı bu uzlar torır, Terelgü teläb üzgä uzluk kılır. [Yänä ber törkeme bu hönär iyäläre torır, Yäşär öçen (alar) ostalık kılır.] Kiräklek keşelär yämä bu siña, Yakın tot bolarıg, tosulgay toña. [Bolar siña şulay uk kiräkle keşelär, Alarnı yakın tot, (alar siña) fayda kitererlär.] Timerçe, itekçe yänä kırmaçı, Yä sırçı, bidezçe, yä ukçı, yaçı. [Timerçe, itekçe häm dä kıruçı (stolyar). Yä buyauçı, bizäüçe, yäisä uk-cäyä yasau ostası.] Bu dönya yitege bolardin torır, Acunda tañ eşlär bolardin torır. [Bu dönya baylıgı alardan torır, Ğalämdä tañ (kalırday) eşlär bolardan bulır.] Bolarnıñ belä ma katıl häm karıl, Sevender ularıg seveneçen terel. [Bolar belän katış häm aralaş, Alarnı söyender – (üzeñ dä) söyeneç belän yäşärseñ.] Eşeñ kılsalar, tärk tiren tigrü bir, Yiydırgıl, eçergel aşıñ kiñrü bir. [Eşeñne başkarsalar, bik tiz tiyeşle hakın bir, Aşat, eçert, aşların mul itep bir.] Äyeñlämäsenlär sine halık ara, Atıñ artmasın monı käd kürä. [Söylämäsennär sineñ hakta (gaybät) halık, Yamanatıñ çıkmasın, monı yahşı bel.] Yämä yakşı äymeş beleklek süzeg, Budunga bagırsak, ni küñle tözek: [Niçek yahşı äytkän belek iyäse süzne, Halıknı yaratuçı vä küñele tözek keşe:] "Tereklek telämä, at ädgü telä, At ädgü kiräk bu terekle, belä. ["Tereklek tügel, ä izge at (isem) telä, Bu tereklekkä izge at kiräk.] Üzeñ ülgü, ahır bu atıñ kalır, Atıñ ädgü bulsa, tereglek tatır. [Üzeñ ülärseñ, ahırda izge isemeñ kalır, Atıñ izge bulsa, tereklek tatlıdır.] Kemeñ atı äsiz bulıb artasa, Añar yegräke ul terek tormasa. [Kemneñ atı yaman bulıp kalgançı, Anıñ öçen tere tormavı yahşıraktır.] Mün – ul tereklek, telä ädgü at, Esiz kılma, ädgü kılın mäñü at". [Bu tereklek – bozıklık, telä izge at, Üzeñne pıçratma, izgelek kıl, (şunda siña) – yahşı isem!"] Yäşlekne sagınu häm kartlık turında Yöregle bolıt tik, yegetlekne idtem, Töbi yil kiçär tik, tereklek tögättem. [Akkan bolıt kebek, yäşlekne ütkärdem, İskän cil-davıl kebek, gomerne uzdırdım.] Esizem yegetlek, esizem yegetlek, – Tota belmädem min sine, tärk kaçıttım. [Yäşlegem ükeneçle, yäşlegem ükeneçle, – Tota belmädem min sine, – tiz kaçırdım.] Yänä kilgel imdi, yegetlek, mäña sin, Ayada totayın, agı, cöz tüşättem. [Yänä kayt inde, yäşlegem, miña sin, Qaderläp totarmın, yıfäk-parçalarga gına salıp.] Esiz bu yegetlek kanı, kança bardı? – Teläb bulmadım män niçä ma telättem. [Bu yäşlek ezsez genä (sizdermiçä) kaya, kayçan kitte?- Ezläp taba almadım, – nikadär teläsäm dä.] Tereklekkä tatgı söçek, can sävençe, Yegetlek tik ädgü yuk irmeş äyettem. [Yäşäeşkä tatlı eçemlek, can söyeneçe Yäşlektän başka närsä yuk ikänen beldem inde.] Keçeklek tatıgı, yegetlek eräce Yitterdem män im di totarda kürättem... [Sabıylık tatısın, yäşlekneñ rähäten Min inde yugalttım, totar mäldä kaçırdım...] ...Äsirgäb açırmän säña, äy yegetlek, Kamug kürkeme sän yırattıñ, yırattım. [Ükenäm, açınam siña, äy yäşlegem, Hämmä kürkemne sin üzläşterep kaçtıñ, (ä min) yugalttım.] Tämam arguvan tik kızıl miñzem irde, Bu kön zäğfäran orgın iñdä tarıttım. [Tämam alsu töstä ide minem yözem. Bu kön aña inde sarı tösne siptem.] Yıparsıg kara başka kafur eşedem, Tulun tik talu yöz kayuka ilättem? [Cöfarday kara başıma (ak) kafur börkedem, Tulgan ayday matur yözemne kayda kaldırdım?] Yaruk yaz tik irdem tömän tü çäçäklek, Häzanmı tüşättem, – kamugnı korıttım. [Küp çäçäkle nurlı yaz kebek idem, Köz cileme iste, – barısın korıttı.] Kayın tik budım, uk tik köni, töz, Yä tik igri buldı, igeldem, töñettem. [Kayınday buyım uk tik turı töz (ide), (Häzer ul) cäyä kebek bökräyde – iyeldem, hälsezländem...] ...Keçeklek kiçerdem, yegetlek yiterdem, Könem çalpaladım, üzemne çökettem. [Balaçaknı uzdırdım, yäşlekne kaldırdım, Könnäremne (buşka) ütkärdem, üzemne çükterdem.] Yimäk, eçmäk irsä – yiydem, eçtem ud tik, Teläk sörmäk irsä, tömän tug tuzıttım. [Aşarga, eçärgä bulsa, sıyır kebek aşadım, eçtem, Teläkne ütäü öçen, küp vakıt uzdırdım (tuzan tuzdırdım)...] ...Teläk arzu berlä yögerdem niçä män, Kotırmış büre tik acunnı ulıttım. [Telägemne ütäü öçen küpme yögerdem min, Kotırgan büre kebek dönyanı şaulattım.] Keşeg tottım, aldım köçen yarmakın män, Kemeg sördem irdem, keme ma açıttım... [Keşelärne totkın kıldım, köç belän akçasın aldım, Beräülärne sördem, ikençelären gazap kıldım...] Nikü ayıgı? Ahır yäneş yirgä buldı, Toru kaldı, dönya ike bäz elättem. [Ni fayda? Ahırda cirgä kaytası bulgaç, Dönya torıp kaldı, (min) ike bäz (käfenlek) alıp kitäçäkmen.] Yalıñ kildem irde, yalıñ kirü yirgä, Nilüg dönyaka üzñe monça isetdem. [Yalangaç kildem inde, cirgä dä (kabat) yalangaç kerermen, – Ni öçen dönyaga isem kitte!] Kiçär dönya kiçte tübi yil kiçär tik, Kiçär dönyaka üz osalın basıttım. [Kiçär dönya iskän cil-davıl kebek kitte, Fani dönyaga üzemne bastırdım...] ...Nikü iktem irsä, anı urgu ahır, Nikü urdım irsä, anıñ üz söçettem. [Ni çäçkän bulsam, anı (häzer) uram, Ni urgan bulsam, anıñ (belän) üzemne (häzer) yuatam...]