Latin

Хкягъай Эсерар - 03

Süzlärneñ gomumi sanı 3556
Unikal süzlärneñ gomumi sanı 1716
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Чун - партиядин,
Партияни - чиди,
Ам чи сенгер!
Адан къарар
Кьилиз тухуз
Гьазур я чун
Вири эллер.

Туькӏуьр и(йи)да
Чна гила
Малдарвилин
Коллективар.
Кӏватӏ авуна
Гьаниз вири
Чахъ авай кьван
Хипер, малар,
Туькӏуьрна
Хъсан гьаятар,
Гужлу некӏедин фермаяр,
Нисини гъери
Рас ийидай гур заводар.
Икӏ йисалай
Алатда йис,
Къени и(йи)да
Чна чи малдарвилин
Жинс.
Терг ийида куьгьнедакай
Амукьай ирс.
Малдарвал
Элкъуьрда чна
Гужлу тир карханайриз,
Якни, некни
Гудайвал уьлкведиз.
Ана чи зайиф майишат
Югъ - къандавай
Артух жеда.
Адан гьар са
Магьсулдарвал
Виш сефердал
Буллух жеда.
Емдин месэлани чна
Тадач кьулухъ.
Гужлу малдар
Майишат туькӏуьрунин
Эвелимжи шартӏ
Гьам я,
Алафсузвал,
План тахьун
Кӏвалахдиз еке тир
Гъам я.
Чи синифдин
Душманд (ин) гъиле
Ам гужлу тир
Улам я.
КОЛХОЗЧИДИН МАНИ
Чи колхозчи
Зарбачияр,
Зарбунал ийиз

Кӏвалахар,
Тергда чна
Куьгьне тегьер,
Куьгьне къайда,
Куьгьне йикъар
Лугьуз гьужум
Из кӏвалахал
Ийиз чилер
Зулар-зулар,
Акьалтна
Гугг... гурдин ванер
Къекъвез чиле
Тракторар.
Дигмиш хьана
Гьар са пата
Никни бустан,
Колхозд багълар.
Гьич аквадач
Буш дагъ, дере,
Кьиляй-кьилиз
Бере-бере
Яна хуьзва
Анра къеле
Чи колхоздин
Гур нехирар.
Иесисуз
Амукьнач
Гила чи
Баябан дагълар.
Кӏандайди туш
Чаз кьилдивал,
Чи колхозчи
Коммунарар,
Чан эцигна
Гьахъ кӏвалахдал
Бегьемарда
Чна кьур кар
Лугьуз, ягъиз
Зегьметд(ин) мани.
Икӏ физва
Йикъар, варцар.
Кӏевидаказ
Кӏватӏал хьана
Колхозчийрин
Гьяркьуь къатар,
Тухуз кьиле,
Советрин
Ругуд лугьур
Съезд(дин) къарар.
Кӏвалах физва
Икӏ, и тегьер,
Гъиз колхозри

Цӏийи бегьер.
Кӏватӏна чпиз,
Юлдаш кьуна
Гьар са кесиб
Урта лежбер.
Тадач лугьуз
Чи уьлкведа
Вад сан пландин
Эхирдал
Кӏус-кӏус хьайи
Никӏер, чилер,
Я чӏуру тир
Баябан чуьллер.
Чи метлебар,
Чун физвай рехъ
Фяле синифд (ин)
Дуьз рехъ я,
Чи партиядин
Дуьз тир, кьилин
Цӏарцӏи чаз
Ган (а) вай рехъ я.
Чан гуда чна
И цӏарцӏиз
Тухун патал
Ам (а) кьилиз,
Гуда чна
Къати румар
Эрчӏи, чапла
Сарсахариз.
Кьиляй-кьилиз
Коллективдин
Бинедал (а) лаз
Тергда чна
Душман
Кулакар синиф хьиз.
Чукӏурда чна абурун
Атан (а) маз
Чи колхоздиз
Атӏай къимет,
Терг ийизва
Темпелвални
Чуьруькчивал,
Гьар са гьуьжет.
«Гьар гьи касди
Гзаф карда,
Гьада гзаф
Къачуда
Лугьуз, маса
Къайда туна,
Кӏвалах тийирбур
Лап куда.
Атӏуз гьар къуз

Алчах агентарни
Четинвилер
Тежер эхиз!
Чи зегьмет я
Азад зегьмет,
Бегьер гуда
Ада къалин...
Къуй хкаж хьуй
Ва абад хьуй
Чи социализмд (ин)
Майишат,
Чи эхир метлеб —
Коммунизм,
Чи зегьметдал
Рас ийида
Чна ам (а)!
Кӏвалах зул - зул
Колхозчийрив
Вугузва,
Гьар са касди
Кӏвалахдин къарал
Къачуда.
Колхозчийрив
Вуганва
КОМСОМОЛКА
Гум... м... м.. гумм,
грум... м...
акьалтна гум...
—Зарбуналди
гьерекатда, —
лугьуз, кӏвахьиз
гьекьед курум,
Акъвазнава
дезгегьд кьилел,
гуз душманриз,
къати тир рум.
Социализм
туькӏуьрд чна!
— Чун я адан зарбачияр! —
Лугьуз кьилик
кутӏуннавай
яру ягълух
комсомолка —
жегьил рушар
Дуьз тир рекьин
кӏани вахар...
И дезгегь я
чи хай диде,
Кӏевиз кьада

чна ам пролетар
халкьдин гъиле,
Ара датӏуз
ишлемишда
чна ама,
Абад ийирвал
чи азад тир
яру уьлкве.
Вад сан план,
чи къуватрал
гъана иман,
агалкьунралди тухуда
чна кьиле,
Эцигуналди
чи уьлкведа
социализмдин
бине,
Туькӏуьрд чна,
Садвилелди
гигантрин
яру уьлкве.
Чан эцигна,
Ленина чаз
къалай рекье.
***
Рикӏел хуьда чна
фейи зулумдинни
черпелвилин
алчах сегьне,
Чи стхайризни
вахариз
куьчейра
гайи гуьлле...
Агъзурралди
кьейи мейитар,
Дар куьчейрин
цлар кӏане.
Гила амач
куьгьне вахтар,
Чи дявекар
я гил ракьар,
Шадвилелди
экъечӏнава
социализмд
дяведиз
миллионралди
зегьметчи папар.
Чун, комсомолкаяр

жегьил,
Акъваздач чун
Чи жергейрин
майвайрикай
цӏийиз гъайи.
***
Чун, Ленинан
рекьяй физвай
жегьил рушар,
Гьазур я чун
терг авуниз
куьгьне уьмуьр,
куьгьне гьалар.
Мектеб - клуб,
техника,
илимар,
Чи фабрикар, чи заводар —
Гьабур я чина
гуж - къуватар,
Виридалай гужлу
алатар,
лугьуз
Гьерекат ийида
Чи зегьметдин игитри,
Чун, большевик
жегьил рушар,
жеч чахъ лугьуз
маса къанун
идалай гъейри,
Агакьиз
амай кьван
чи гъил.
Шадвилелди
экъечӏда чун,
гьар фронтдиз
хкажна кьил.
Жедач чун
душмандин вилик
гьич са вахтундани
сефил.
*****
Гьужумда
чна илимдал,
кӏелда чна
кӏвалахни ийиз.
Агъзурралди
устад папар
гуда чна

хкаж жезвай
санайидиз.
Душманар чи
югъ - къандавай
жезва пехъи,
Абуруз жаваб яз
гуда чна
вишералди
теярачи.
теярачи. -самолет
ЛЕНИН КЬЕНА
Ван-сес амач, вири гъамлу, кьил хура(а)ваз акъвазна,
Зулум пара екеди я, мецерни гьам лал хьана.
Секиндаказ юзаз(а)вай гьуьл хьтин са шикилда,
«Ленин кьена» лугьуз, зайиф, гъамлу сесер ван хьана.
И мусибат хьана лугьун инсандин кьиле ацакьдач,
Ихьтин эх тежер са хабар лал хьайи мецяй акъатдач,
Душман кьиникь! Дугъри яни? Ви къармахдикай ам хкатнач,
Лянет хьуй ваз! Гьинизна на ам, куьз вуна чав вахкудач.
Лагь на чаз: мад пара яргъал ян адан сефер?
Кабабмир на къати цӏун ялавдал чи рикӏер.
Мазлум халкьдин чанда зурзун твадай и эзер,
Гуниз вун гьакьван ашкъилу ян мегер?
И хабар михьиз дуьньядин кесибриз ван къведа,
«Гьинва Ленин» лугьуз цавар, чилер къекъведа.
Эй азиз, къагьриман Ленин,вун хъша ман лугьуз шеда.
Рагъ акӏана, акьалтна чӏулав цифер...
Партиядин рикӏиз акъудна сагъ тежер хирер.
Чӏур авуна фяле халкьдин шад тир гьелер,
Кьил гана майдандиз атай и тегьер.
Фяле халкьар, квез теселли гуда за,
Шумудни са миллионар чахъ гала.
Коммунист интернационалдин кӏаник кваз,
Адан весиятар кьилиз тухуд чна.
Дугъри я, са гзаф чӏехи пагьливан къе квахьна чи.
Адан весиятар хуьз мягькем тир гьулдан хьтин
Амаз(а)ма чи Коммунист партия
Ва къуватлу ракьун гъилер куь.
МЕДЕНИ АСКЕР
Хьунухьалди
Медени
Аскер,

Жергеяр
Чи кӏватӏна
Иер,
Тергин чна
Куьгьне гьелер,
Бес я чна
Хъвайи зегьер,
Сад ийин зарб
Къанни садаз,
Инкъилабда
Дуьз тир везифа
им я чаз.
Эцигна тӏвар
Медени аскер,
Гьалда чна
Ленина чаз
Къалай рекьер,
Илимлу ийида чна
Чи уьлкведин
Азад эллер.
Чаз кӏаниди
Куькӏуьрун я
Чи уьлкведа
Коммунизмд(ин)
Чими эквер,
Артух авун
Чирвилинни
Илимд бегьер...
Ша!
Ша!
Ша!
Большевик хьиз
Мягькем
Хьана
ша!
Чӏехи регьбер
Партиядиз
Дуьз гаф
Гана
ша!
МЕДЕНИ ГЬУЖУМ
Вири!
Вири!
Вири!
Эркек,
Диши,
Гъвечӏи,
Чӏехи —

Гьазур хьана,
Вири сад хьиз,
Тахьурай сад
Кьулухъ акъвазиз!
Приказ ганва:
- Кӏела!
Кӏела!
Кӏела!
(В. И. Ленин)
Агъзурни
Кӏуьд вишни
Къанни цӏусад —
Цӏикьвед лагьай йис
Гьар са
Майдандал
Кӏватӏ хьана
Межлис-межлис...
Ораторар
Экъечӏзава
Сад-садан
Гуьгъуьнал (а) лаз:
- Юлдашар, кис...
Большевикри
Къачун (а) ва
Гьар са къеле,
Гьар са фронтда
Тухуз (а) ва
Къати дяве.
Маса гьалдиз
Элкъуьрнава
Чи виликан
Кесиб уьлкве.
Гьар патахъай
Хкаж хьанва
Социализмдин
Гигантар,
Дегиш хьанва
Куьгьне уьмуьр,
Куьгьне йикъар...
Акваз(а)мач
Кӏус-кӏус хьайи
Куьгьне никни
Гадарнавай
Буш чилер.
Туькӏуьрна
Колхоз-совхозар,
Кӏватӏ хьан(а)ва
Гьар са зегьметчи
Лежбер.
Гьулдан хьтин
Кӏеви хьанва
Социализм

Рас авунин
Гьар са сенгер.
Социализм
Эцигун къе
Чи камаллу
Кар хьан(а)ва
Икӏ, и тегьер.
Ам вилик чаз
Циферикай
Аквазвайд тир,
Гила амач
Ам чуьнуьх авур
цифер.
Амма
Къе
И артух жез(а)вай
Агалкьунрин
Къене
Амазма
Чӏулав
Леке.
Им кӏел-кхьин
Тийижирвал,
Им виш
Йисарин
Мед ениятсузвал,
Социализмд (ин)
Санайидин
Гигантрал
Вегьез серии
Куьгьне, зегьерлу,
ктӏай гьал.
Къенин йикъан
Жемиятда
Яшамиш жез
Авай инсан,
Илимдивни
сиясатдив
Патрум хьтин
Ацӏун хъсан,
Мягькем ийин
Къуват ва чан
Терг ийирвал
Гьар са душман.
Чи мягькем тир
Пролетар
Зулумд (ин) дуьнья
Авур кукӏвар.
И кардани
Гъалибвилериз
Чун фида,
Медениятсузвилелни

Къати гьужум
Чна ида.
РАКЬ ХКУДДАЙБУР
Галатнавай гьяркьуь къуьнер,
Пелекай гъуз гьекь авахьда.
Кӏутайрин тахъ-тахъдин ванер.
Гьар ванцикай къизил кӏвахьда,
Эй къуватлу ракьун гъилер!
Квез галатун, къвазун чидач.
Эй азад зегьметчи эллер!
Ракь галачиз чал чан къведач.
САККОНИ ВАНЦЕТТИ
Килиг вун, вуч лугьузватӏа а касди,
Цӏай кьуна куз(а)вай рикӏяй гьарагъиз,
Лепе ягъиз цавара къати ванци,
Аман стха... стха лугьуз ферядиз.
Цав, чил михьиз зулум хьана акваз(а)ва,
Яшайиш михьиз терг хьана кьуразва,
Миллионар къармахдин кӏаник кумазма,
Дерин гьуьлерин а пата яру пайдах къугъвазва.
Зегьметкешдин иви хъвадай залумар...
Сив ахъайна пехъи кицӏ хьиз къвазнава,
Расна электрический стулар,
Тарихра тахьай зулумар тваз(а)ва.
Тикь... тикь... тикь ийиз(а)вай минутри
Гзаф залум эсерар чукӏурзава.
Азиз къагьриманар Саккони Ванцетти
Инкъилабдин рекье къурбанд гуз(а)ва.
Гьар са тереф зулуматдив ацӏана,
Чӏулав цифер акьалтна, рагъни акӏана...
Чилер-цаварни феряддал атана,
Вагь! Гунагьсуз кьве къагьриман кана!...
Вагь! Гунагьсуз кьве къагьриман кана!..
Михьиз дуьньяд(ин) пролетаррин рикӏ къана.
«Сагърай куьн пролетарар!» — лагьана,
Эхиримжи келимаяр ван хьана.
Эй пролетарар, куьне
Хуьха и кар рикӏе,
Чи къагьриманрин рекье
Залум(а)риз румар це!

ЧИНАНИ AHA
Чина, СССР-да
Эцигзава,
эцигзава,
эцигзава,
Куьгьнеди
Чукӏур хъийиз,
Цӏийи хъийиз
Эцигзава..
Ракь ракьук,
Къван къванцик
Какадарна
Гилигзава...
Зи азад тир
Азадвилин
Яру уьлкве!
Чукӏурна на,
Терг авуна
Зулуматдин
Мичӏи дуьне.
Амайди туш
Агъавилин,
Я лукӏвилин
Гьич са эсер
Мад ви къене.
Гьукуматдин
Иеси я
Виликан лукӏ,
Къенин йикъан
Яру фяле.
Тергна миллетрин
Арадай
Душманвални
Гьар са фитне.
Са хизанди хьиз
Садвилелди
Кьуна чпин
Гъилер гъиле.
Вирида сад хьиз
Садвилелди
Акӏур мягькем
Къуьн-къуьне,
Эцигзава
Шадвилелди
Социализмдин бине
Вад сан план
Зарбуналди,
Агалкьунралди
Тухуз кьиле.
«Большевикрин

Къанун им я», —
Лугьуз гьар
Фронтда тухуз
Къати дяве.
Электрик станцияр
Хкаж жезва.
Чи уьлкведин
Гьар са пипӏе.
Залан санайидин
Бегьер
Югъ-къандавай
Жезва еке.
Вад вишни
Цӏемуьжуьд
Заводарни
Фабрикар,
Агъзурни
Яхцӏур
МТС
Станцияр,
Вишералди
Кьезил санайидин
Гужлу карханаяр,
Худда гьатда
Цӏинин йисуз,
Уьлкведиз гуз
Миллионрал
Тракторарни машинар.
Социализмдин майишатдиз
Агъзуррал гуз
Электрикдин
Моторар.
Хкаж жезва.
Хуьруьн майишат,
Туькӏуьрна
Колхоз, совхозар,
Еке, гьяркьуь
Социализмдин
Усулдин майишатар.
Кӏватӏна гьаниз
Миллионрал
Кесиб, уртабаб
Лежберар. йикъалай-къуз
Хкаж жезва
Зегьметчийрин
Дуланажагъдин гьалар,
Терг авуна
Бейкарвални,
Амач уьлкведа
Сад бейкар.
Югъ-къандавай
Эцигзава

Цӏийи уьмуьр,
Цӏийи гьалар...
Зегьметдин ашкъи,
Зарбачивал,
Акъажунар
Гужлу уна
Яратмишиз
Дуьньяд винел
Такур хьтин
Еке крар...
Агъзурралди
Цӏийи рекьер,
Цӏийи мяден,
Цӏийи шахтар,
Гьар фронтда
Гуз душмандиз
Къати румар...
Йисалай
Алатзава йис,
Кукӏвариз
Куьгьне вахтарикай
Амукьай ирс,
Мичӏивални
Медениятсузвал
Чаз тур пис.
Миллионрал
Фяле,
Лежбер,
Зегьметчийри
Алахъна чир
Ийизва
Чпиз илим,
Цӏийи фендерни
Техника,
Цӏийи кеспи.
Им (и) ганвай
Бегьер я чаз
Чи партиядин
Кьилин цӏарцӏи, Уьлкведа садни
Тазмач
Кӏел авун,
Кхьин тийижирди.
Тухуз (а) ва
Мажбури кӏел
Тутун патал
Кӏел тавурди.
Гишин,
Мекьи,
Паб,
Аял,
Гъвечӏи,

Чӏехи
Кӏватӏ хьана
Гьар майдандал.
Яру пайдахар .
Гваз вири,
Гьар патахъай
Элкъуьрна гьалкъа яна.
Полицийри
Команда гуз,
Халкьдин иви хъваз
Вердиш тир
Фашистри,
Сиясатдинни
Илимдин
Эсилдин метлеб
Такурди.
Йикъар физва
И формада
Амачиз я лукӏ,
Я агъа.
Чи азад тир
Жемиятди
Эцигиз
Социализм(а),
Икӏи бегьемариз
Ама.
Ана, капиталист уьлквейра
Гишин,
Мекьи,
Паб,
Аял,
Гъвечӏи,
Чӏехи
Кӏватӏ хьана
Гьар майдандал.
Яру пайдахар
Гваз вири,
Гьар патахъай
Элкъуьрна
гьалкъа яна.
Полицийри
Команда гуз,
Халкьдин иви хъваз
Вердиш тир
Фашистри,
Аллагьдин залпанд
Кьунвай
Чапхунчи
Алчах кешишри.
— Чаз фу, кӏвалах

Це лугьуз,
Гишинбурун
Гуругьри,
Агъзурралди
Кӏвалахдилай
Гадарнавай
Фялейри.
Кьиляй-кьилиз
Дарвилери
Кьуна капиталдин
Дуьне,
Гишин халкьдин
Тӏалабунриз
Куьчейра
Гузва гуьлле.
Къекъвез куьчейра
Солдатар
Яракьар гваз
Десте-десте...
Социал-демократар..
Къекъвез гишин
Халкьдин геле.
Югъ-къандавай
Артух ийиз
Халкьдал
Налогрин кьадар,
Хутӏунзава
Михьиз лежбер
Халкьдин хамар.
Йикъалай-къуз
Агъуз ийиз
Фялейрин
Зегьметдин кьадар,
Кӏвалахдин югъ
Артух ийиз
Шумуд сятар.
Ибур хьанва
Капиталистрин
Дуьньядин
Дибд адетар.
Миллионар
Къирмишзава
Буржуйриз къазанмиш
Ийирвал девлетар.
И чӏур хьунар
Сиясатдин
Чӏур хьунухьриз
Элкъвезва,
Михьиз капиталдин
Дуьньяда
Инкъилабдин гьерекатар
Къекъвезва.

Пролетаррин
Активвал
Къвердавай артух
Жезва.
Буржуазри
Гъил гадариз,
Гьар са алчах
Усалариз,
Агъзуррал инкъилабчияр
Гадарзава
Электрикдин
Стулриз,
Инкъилабчи
Къагьриманар
Яз гуьллейриз.
Амма ида
Чукӏурзавач,
Гьерекат мадни
Гужлу ийизва,
Вичихъ галаз
Миллионар
Къати дявейриз
Гъизва,
Буржуй дуьнья
Терг авунин
Эхир мукьвал
Ийизва.
И тегьерда
Кьве дуьньядин
Арада къати
Дяве физва.
Алатна икӏ
Йисар, варцар,
Амма пара
Тӏимил вахтар...
Гъалиб жеда
Гьар чкада,
Гьар уьлкведа
Пролетарар!
Михьиз дуьньядал
Эцигда
Азад Совет
Гьукуматар.
ШАХТАДА
Я экв авач, я — ракъин нур,
Кьуд пад палчух, кӏеви къванер.
Гьяркьуь, яргъи и мичӏи фур...
Къеняй къведа кӏутад ванер.

Гьяркьуь, яргъи, мичӏи шахта,
Лампайри тӏимил нур гуз...
Гъиле каца авай къуччагъ
Гьана къван хаз йифиз-юкъуз...
Чӏулав пелез акъатна гьекь,
Гьерекат(а), стха, лугьуз.
Тачка фад-фад ацӏуриз твах,
Къецел акъуд, хъивегь агъуз...
ДАГЪЛАРИН РАЗВЕДЧИКАР
(Аялриз гьикая)
Кьезил я гьава
Алмас хьиз михьи,
Гатузни ана
Кудач ракъини.
Гьамиша серин
Шагьвар рахада,
Гьар патахъ ян гуз
Цуьквер къугъвада.
Къацу я тӏулар,
Векьерни кьалар,
Алгъана патахъ
Гьакӏ хъунчар-хъунчар.
ӏӏ
Цав иниз мукьва
Я, хьанва вили,
Атир хьиз гьатна
Хам цуькверин ни.
Хурар и дагъдин,
Синерни рагар,
Гьалтда вал гьардан
Чухурар, кӏамар.
Авач я йиф, югъ,
Я са вил ахвар,
Авахьиз даим
Чархарилай ятар.

ӏӏӏ
Санлай хкатда
Къайи булахар,
Чкӏиз гьарнихъди
Хьана дар цӏарар.
Тӏимил агъада
Шимедин чархар,
Цавуз акъатиз,

Авахьда руквар.
Тепедал даим
Кӏватӏ жеда цифер,
Жанлу гьайвандикай
ӏV
Винел са гьайван,
Туштӏа са инсан
Гьич тахьайд хьиз,
Буш язва адан.
Кьакьан бушлухра
Анжах сад я шад,
Дагъларай дагъдиз
Лув гузвай кард,
Аэроплан хьиз,
Экъечӏда цавуз,
Гагь гуьлледи хьиз
Хъивегьда агъуз.
Къекъвез, тепеяр
Гъуьрчда, къугъвада,
Гагь къанихвилел,
Хъилел рахада.
V
Буш я инин
Сессуз, лал йифер,
Кьилел акъвазна
Килигиз гъетер.
Вацра экъисна
Вичин халд вилер,
И лал къаяяр
Ийида хуш сер.
И мензерада
Акьална вилер
Ахъа хъийидалди
Къарагъда цифер.
Экуьн кьиляй
Гьар са патахъай
Аквада вишер
Гум алаз хуьрер.

Гьа и дагъларин
Синерай виниз
Инсанар физва
Гьарнихъ вил ягъиз.
Фида, акъвазда,
Къванер кьечӏяда,
Гъиле (а)вай керки

Рага эцяда.
Къачуда къванер,
Хада, кукӏварда,
Сад чантада тваз,
Муькуьд гадарда.

Vӏӏ
Гьайвандин кӏвачни
Гьич хкӏун тавур,
Са сефердани
Инсанд (ин) чин такур
Дагъларин хурал,
Ягъайд хьиз къеле,
Инсанар ава ,
Алачухд къене.
Абуру гьаник
Кӏелда, кхьида,
Гагь хкаж хьана
Дагъдиз чкӏида.
Vӏӏӏ
Еке табагърал
Цӏарар чӏугвада,
Вири кӏватӏ хьана,
Хейлах рахада,
Мад секин хьана,
Вири хъукьвада,
Машинрал дагъдин
Шикил чӏугвада.
Са куьхъ ятӏани
Къекъведа абур,
Рахаз, хъуьреда,
Мад чин и(йи)да чӏур.

ӏX
Къе мад цӏегьер хьиз
Вири чархара
Чкӏана гьарнихъ,
Къекъвена пара.
Ярх жез, къарагъиз,
Чӏиж хьиз алатдач,
Эгъуьнда-эгъуьнда,
Са кӏус галатдач...
Элкъвена кьулухъ
Нянихъ хтана,
Гьар сада хейлах
Къванер хкана.

X
- Заз цӏивин жагъана!
- Заз ракь гаткана!
- И къванцик цинк ква!
- Идакни цӏивин!! Лугьуз рахана,
Фуни туьтӏуьна
Вири ксана.
Пакамахъди мад
Къарагъна вири,
Гьатна чархара
Гъиле (а) ваз керки.

Мад хейлах вахтар
Мугьманар квахьна.
Алачухарни
Дагъдилай алатна.
Сефил я дагълар
Гьа вилик хьтин,
Чӏуру хъувуна
Чпин кӏеви чин.
Амач са ван-сес,
Гьар пад я секин,
Я гьич са нефес
Цӏивдай инсандин.
Xӏӏ
Икӏ фена йикъар,
Къвана бул марфар,
Селлер кӏватӏ хьана,
Атана кӏамар.
Кьилел акъвазна
Гьамиша цифер,
Дагъдал кафан хьиз
Ацукьна живер.
Чин адан пара
Чӏуру хьана пис,
Къати аяздик
Алатна мад йис.
Xӏӏӏ
Хтана гатфар,
Цӏрана живер,
Авахьна ятар
Хьана хулер-хулер.

Ахъа хъувуна
Векьерни цуьквер,
Гьакӏ килигуналди
Тух жечир вилер,
Абурал къугъвазвай
Чими ракъин(ин) нур,
Ценерик кӏватӏна
Цӏару къвед, туртур.
XӏV
Маса гьал ава
Чина къе адан,
Гьарна инсанрин
Ва гьарагъунин ван.
Километрийрал
Кьакьан хурарай
Къведа итимрин
Къал-макъал, гьарай.
Жигъир я рекьер,
Кикӏидач кӏвачер,
Гагь дерин лекъвер,
Мад кьакьан синер.
XV
Гьа и жигъиррай
Карванрал ламар
Фида далуйрал
Алаз турбаяр.
Дагъдин дуьз кукӏвал
Шалманрин къав
Хкаж хьан(а)ва
Ккӏайди хьиз цав.
Инай ван къведа
Кӏашарин тахъ-тахъ...
Турбайрин див...див
Чкӏана гьар патахъ.
XVӏ
Ибур советрин
Разведчикар я,
Тухузвайдини
Лап еке кар я.
Вуч хьайитӏани,
Сел къвайитӏани,
Алатдач кардилай,
Лап кьейитӏани.
- Чна дагъларин, Лугьуда абуру, -

Пад-пад ийида
И яцӏу далу.
XVӏӏ
Дагъларин уьлкве
Аламаз леке
Тадач лугьуда
СССР-д(ин) къене:
Ада гуда чаз
Бул ракьни цӏивин,
Цинк, гимиш, къизил
Цурни алюмин.
И турба фида
Дагъларин рикӏиз
Аник квай кьван
Девлетар чириз.
XVӏӏӏ
Ракь я чаз лазим
Гьар са чкадиз.
Чи санайидиз,
Ракьун рекьериз.
Металлдикай расда
Вири машинар,
Гужлу заводар,
Цӏийи фабрикар.
Ам язва лазим
Недай фалайни,
Хъвадай целайни,
Экуь къалайни.
XӏX
Цӏивиндал куда
Домнадин пичер,
Чими ийида
Мензилар, кӏвалер.
Гьакӏни ам куда
Чи паровозра,
Гьуьлерал къекъвер
Чи пароходра.
Цур чаз лазим я
Гьар са затӏуниз,
Чӏехи станцийра
Электро худуниз.
XX
Ибур авачиз
Уьмуьр жедайди туш,

Ахьтин уьлквени
Вилик къведайд туш.
Гьар са регьятвал,
Медени уьмуьр
Ала гьа инрал,
Лазим я хьун чир.
Чи везифа я
Разведчикар хьун,
Чи дагъларик квай
Девлетар чирун,
Чӏехи разведчикриз
Жер куьмекар гун.
XXӏ
Икӏ шумуд виш cap,
Авур биши ахвар,
Дегиш жезва
Лал биши дагълар.
Абурун чкадал
Советрин цӏийи
Дагълар жез(а)ва
Рагъ хьтин экуь.
XXӏӏ
Фида мад йисар,
Дагъларин хурар
Хьана тӏеквенар,
Акьалтна шахтар.
Дагъларин мягькем
Зарбачи фяле
Гьатна абурун
Девлетлу геле!
Кьуна залан кӏаш
Къабарлу гъиле,
Хушбахт ийида
Чи яру уьлкве.
ДЯВЕ
I
Гьар са пачагьлугъ,
гьар уьлкве Европа ва
Америка!
Сирнавиз яракьрин къене,
Сивихъ кьадар ацӏанва.
Миллионрал
бейкар,
гишин
Куьчейра хьанвайла баят,
Расзавайди ажалд машин,

Инсанриз цӏийи хиянат!
Туп,
бомба,
гуьлле!
Зегьерлу газ, гужлу танкар,
Пехъи зегьер кьуна къене
Къекъвер еке самолетар.
Автомобиль,
аэроплан,
Цин кӏаникай фир гимияр
Расунал машгъул хьанва
Инсанд (ин) иви хъвар зилияр.
Ибру гишин миллионриз
Гудайд яни са тике фу?
Я тахьайтӏа им чанариз
Яни кьурур и (йи) дай агъу!?
ӏӏ
Фан ериндал чӏулав
барут!
- Яд кӏандани?
- Ма иприт!
Машин кӏантӏа,
ма пулемет!
Партал кӏантӏа,
къачу, ма
бинт!
Кӏвалах? - Вач фронтдиз,
Къачу гирванка картуфар!
Ажал кӏантӏа, ма лопатка,
Вач, атӏутӏ дерин окопар.
Гишин халкьди гузва лепе,
Зурзаз ргазва ам къене,
Теспача яз къекъвезва
Залан суал виридан сиве:
- Вуч хабар я,
Жанаби капиталист?!
Социал маса гудайди,
Социал фашист?!!
Гьарагъдалди экъечӏзава
Капиталдин ораторар,
Туьнтвилел гьарагъиз рахаз,
Сад-садал илисиз сарар:
- Ахмакьар, квез аквазвачни,
Вуч ятӏа чи метлебар, къаст?
Эвелимжи мурад я чи
Мягькем авун
жуван
власть!

Бул къазанжи,
генг базарар
Лазим я чаз сифтен (и)-сифте,
Бегьемруниз и мурадар
Лазим я
ивидин
дяве!
Маса халкьар лазим я тун
Тупунинни гуьллейрин сиве.
Хаммалд (ин) бине-колонияр
Кьун паталди жуван гъиле.
Ярубурун хаталувални
Югъ-къандавай жезва артух,
Эхир абуру бахтуниз чи
Гуда са еке тир курлух!..
- Чаз, гишин, мекьи халкьариз,
- Вуч хийир ава иникай?
- Ахпа...
- Вуч жеда кьван чаз ахпа!?
- Адалай кьулухъ хушбахт жеда
Шадвиливди диде-Ватан,
Куьнни дарвиляй акъатда,
Яцӏу жеда чунни, я чан!
Чна дуьнья ярубурукай
Тамамдиз ийида михьи.
Къазанмишда гур базарар
Къачурвал пара къазанжи...
Чун халкьарин я «бубаяр»,
Пис кар чна квез гьич ийич,
Куь намусдиз такӏан са кар
Са вахтундан (и) арадал гъич...
Чӏулав халкьди нарагьат яз
Ораторрихъ акална яб,
Гьардан рикӏе са кин аваз
Заландаказ гана жаваб:
- Хъсан, жанаби капитан,
Пара шукурар хьурай ваз,
Це чав винтовкани шинель,
Ядай чка аквада чаз!
Ораторар гьатна худда,
Трибунадал гьалчиз гъилер,
Пехъи тир са ашкъидалди
Рахаз хкажна лап кьилер:
Куьн и чӏехи
чи ватандин
Уьтквем рухваяр язва.
Рикӏел хуьх:
куьне куь чан
Ватандиз
къурбандзава!
Хуьнуьх патал
миллет,

ватан
Чнани къуватар хуьзва.
Уьтквемдиз
вегь куьне камар,
Чи ватандин кьегьалар!
ӏӏӏ
Десте-десте чӏулав халкьар
Яргъи, генг рекьерай фена,
Вил алаз шумуд дидеяр
Агьузардив ишена.
Яргъи дерин окоприхъ
Кӏеретӏ-кӏеретӏ агалтна,
Михьи, ачух тир гьавайрал
Барутрин ни акьалтна.
Сефил язва
халкьдин гьалар,
Гьардан
рикӏи-рикӏ незва!
Фронтдикай кьаз хабарар,
Кӏваляй-кӏвализ къекъвезва.
Кьуд патахъ агъзур вагон
Гьар юкъуз физ хквезва,
Недай суьрсет, барут, патрон
Тухуз, кьейибур элкъвезва,
Чуьллера еке тупари
Къати ванер ийизва,
Кьейибурни
шикестаяр
Машиндалди хкизва...
Миллионрал жегьил халкьар
Акъвазнава ажалд сиве,
Хуьнуьх патал аждагьанар
Ифей гуьлле кьуна гъиле.
Хабар кьадач гьич садани,
Бес гьикӏ ятӏа ибурун гьал,
Окопра гуьзлемишзавай
Гьар са декьикьада ажал.
«Душмандихъни» авач инсаф,
Хар хьиз къурда тупун гуьлле,
Офицерди рахаз тадач гаф,
Кьурур ида вири къене.
Гагь гуьлледик,
гагь маскада,
Гагь чукуриз,
гагь акъвазда,
Гьиниз фейитӏан (и), гьар чкада
Вилик пад гуьлледи кьада.
Вахт-вахтунда жагъидач тӏуьн,

Са вил ахвар,
я ял ягъун.
Гьатна гишинвални тӏегъуьн,
Вуч четин ян
дуланмиш хьун!
ӏV
Санал сагъ полк кучукнава,
Муькуьнал вишерал мейитар,
Чуьл барутдин цӏук куз(а)ва,
Журжурдал физ гуьллед патар.
Гьарнихъ хандакӏ,
векъи симер!
Цӏийи,
чими,
яру иви!..
Ивидив ацӏурна чуьллер,
Куьн патахъай ятӏа
са ни!..
Бомбайри падай фурарай
Акъатзава чӏулав гумар,
Зегьерлу агъуд газарай
Кьацӏурнава ракъин нурар.
Са чкадал кьейи балкӏан,
Кукӏвар хьайи аэроплан,
Шумудни са кайи ватан
Акурлахъди къведа такӏан.
Шумуд
девлетлу
гигантар,
Шумуд санайидин шегьер
Авуна байкъушд (ин) xapanӏap,
Чукӏурнава кьакьан кӏвалер,
Рахазвай лап уьмуьрд(ин) бедел,
Кана кьенва аялар,
Аквазмач трамвайрин гел,
Гьалт хьана къванерин цлар.
Санал - са гъил,
муькуьнал - кьил,
Санал кукӏвар хьанвай кӏвач,
Амач чка, вегьейла вил.
Гьинал яру иви алач!
Миноносцийри гьар са пад
Гугрум ванцелди язава,
Машинд (ин) рекьер (ав)уна
кьатӏ-кьатӏ,
Паровозар элядзава.
Солдатри хъваз вичин кӏани,
Вафалу тир стхад(ин) иви.
Вили-вилик гьерекатиз

Галатнавай залан кьили.
Килигна ам цӏу куз(а)вай,
Гумар алахьзавай чилиз,
Маса тегьер яна адан
Галатнавай кьурай чиниз.
Килигна синифд(ин) стхайриз
Квай вичин гуьлледин кӏаник,
Гьакъикъат кӏватӏ (ав)уна
кьилиз,
Алчахар лугьуз, кьуна рикӏ.
V
Фабрик, завод хьана хараб,
Лежбер халкь никӏиз физ(а)мач,
Мекьивал, каш хьана гъалиб,
Я товар, я ризкьи авач. Эгь! - лагьана, солдатди
Чӏехи тӏуб акӏурна пеле, Рекьиз (а) ва куьн патахъай
Зегьметчи лежберни фяле?
Гуругьри элкъуьрна фикир,
Чпин тупӏар кьуна сара,
Залан гьал авуна зикир,
Лагьана ажугъдал пара:
- Эй жанаби капиталист,
Стхади стха кьена чна,
Чи папар, аялар кьена,
Чи стхаяр чуьлда (а)мукьна.
- Хушбахт ватандин рухваяр,
Акӏ рахадай вахт чахъ авач,
Ашкъидалди вегьез камар,
Уьтквемдаказ вилик куьн вач.
Аллагьдиз къурбанда куьне
Куь гунагьар квачир чанар!
Куьне идаз дугъри гаф це! Лугьуз, къалурна кешишар.
Физ отрядар вили-вилик,
Са паяр чуьллера тазва,
Ракъинин нур ина къизмиш,
Яргъал цавай вич къалазва.

«Хушбахт» ватан хьана сурар,
Винел алтӏушна къаргъаяр,
Амач гьич са инсан «бейкар»,
Бул я мейит кур чкаяр.
Дяве гужлуз давамзава,
Дегишариз хер алайбур,
Акъвазна гуьлледин сиве
«Душман(а)риз чанар гай(и)бур.

Йикъалай-къуз артух жезва
Кьушунд арада туькьуьлвал,
Хкаж хьана винел къвезва
Живе хьтин наразивал.
Кьуьзуь диде ара датӏуз
Акъвазнава вилер алаз.
Шехьиз хизан - аялни паб Кхьиз, вилив хуьда кагъаз.
Мус куьтягь хьуй и дявеяр? –
Лугьуз, гьарна хабарар кьаз.
Гъвечӏи дагъдин ценеривай
Алахьна физ авай а полк,
Цава лув гуз къекъвез(а)вай
Гишин пехъерни чинеруг.
Аскӏан валар, кулар-кусар
Зайиф гарал къугъвазва.
Сенгердикай хкатзамаз,
Гегьенш тӏулар акваз(а)ва.
Офицерди гьерекатда,
Гъиле кьуна дурбуяр.
Мукьвалай хьиз акваз (а) ва
Куьгьне, чӏур хьай(и) паруяр.
Садлагьана ярхар хьана,
Теклифна вири ярх хьун,
Дагъдин ценек ацукьнавай
Фялейрин отряд ягъун.
Вири чилел ярхар хьана,
Кӏвачел акъвазна Анри,
Яваш винел гьерекатна
Галатнавай гъилери.
Ам килигна полкуниз
Арз(а) ийизвай вилерал,
Гъиле авай яргъи тфенг
Гадарна ада чилел:
Зи заводдин,
зи синифдин
Вафалу тир стхаяр!
Чна санал
Залан, гишин
Гьал авурд(и) я гзаф cap! Намусдалди икӏ лагьана,
Вичин залан гъуд къалана.
Афсердивай акъваз жезвач,
Ам цӏай квайд хьиз ргана,
Гъиле авай яргъи маузер
Къаравулдик кутуна.
Садлагьана цӏай ахъайна Анри чилел ярх хьана...
Полкуникай сад къарагъна,
Кузвай ванцел лагьана:

- Анри, тфенг вутӏ гадарна,
Ам лазим я кӏевиз хуьн.
Кьейибур тӏимил яни ада,
Лазим тирни вунни кьин?
Гъиле авай солдатд тфенг
Намусдалди хкажна,
Гишин жанавур хьиз афсер
Къацу чӏурал агажна...
- Кьейи кьванбур бес хьаначни,
Гьикьван къурай ивид селлер,
Чаз бес инсанвал кӏамачни? Лугьуз, хкажна гъилер.
Полкунай акъатна сесер:
Sez Lezgin ädäbiyättän 1 tekst ukıdıgız.
Çirattagı - Хкягъай Эсерар - 04
  • Büleklär
  • Хкягъай Эсерар - 01
    Süzlärneñ gomumi sanı 3668
    Unikal süzlärneñ gomumi sanı 1813
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 02
    Süzlärneñ gomumi sanı 3655
    Unikal süzlärneñ gomumi sanı 1917
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 03
    Süzlärneñ gomumi sanı 3556
    Unikal süzlärneñ gomumi sanı 1716
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 04
    Süzlärneñ gomumi sanı 3780
    Unikal süzlärneñ gomumi sanı 1863
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 05
    Süzlärneñ gomumi sanı 3831
    Unikal süzlärneñ gomumi sanı 2030
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 06
    Süzlärneñ gomumi sanı 3911
    Unikal süzlärneñ gomumi sanı 1812
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 07
    Süzlärneñ gomumi sanı 3783
    Unikal süzlärneñ gomumi sanı 1955
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 08
    Süzlärneñ gomumi sanı 3758
    Unikal süzlärneñ gomumi sanı 1799
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 09
    Süzlärneñ gomumi sanı 3717
    Unikal süzlärneñ gomumi sanı 1857
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 10
    Süzlärneñ gomumi sanı 4000
    Unikal süzlärneñ gomumi sanı 1765
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 11
    Süzlärneñ gomumi sanı 3815
    Unikal süzlärneñ gomumi sanı 1909
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 12
    Süzlärneñ gomumi sanı 3937
    Unikal süzlärneñ gomumi sanı 1963
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 13
    Süzlärneñ gomumi sanı 4173
    Unikal süzlärneñ gomumi sanı 1775
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 14
    Süzlärneñ gomumi sanı 4150
    Unikal süzlärneñ gomumi sanı 2293
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 15
    Süzlärneñ gomumi sanı 3821
    Unikal süzlärneñ gomumi sanı 1783
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 16
    Süzlärneñ gomumi sanı 3918
    Unikal süzlärneñ gomumi sanı 1506
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 17
    Süzlärneñ gomumi sanı 3731
    Unikal süzlärneñ gomumi sanı 1762
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 18
    Süzlärneñ gomumi sanı 3790
    Unikal süzlärneñ gomumi sanı 1987
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 19
    Süzlärneñ gomumi sanı 3838
    Unikal süzlärneñ gomumi sanı 1806
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хкягъай Эсерар - 20
    Süzlärneñ gomumi sanı 740
    Unikal süzlärneñ gomumi sanı 525
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.