🕙 4 minut uku
Халкьдин рикӏе - эбеди экуь къамат
Süzlärneñ gomumi sanı 474
Unikal süzlärneñ gomumi sanı 355
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Вахтар, вацӏарай ятар хьиз, акунатакуна алатна физва. Накьан бязи жегьилар къе агьилар хьиз дегиш жезва.
Накьан къелемлух багъдиз элкъвена аквазва…
Амма накь чахъ галаз санал рахазхъуьрезвай, вичин сеслу чӏаларалди
кӏелзавайбур руьгьламишзавай устад чи патав гумачиз йис алатнавайди чир хьайила, рикӏел пашман гьиссерин луж элкъвезва.
Дагъустандин халкьдин шаир Байрам Наврузбегович САЛИМОВА чахъ, “Лезги газетдин” редакциядин къуллугъчийрихъ, галаз вичин уьмуьрдин лап эхиримжи йикъаралди алакъа хуьзвай. Ада вичини ина яргъал йисара культурадин отделдин заведующий яз кӏвалахайди, газетдикай адаз вичин багъри муг хьайидини рикӏел хтайла, на лугьуди, чаз ам гилани, сивел вичиз гьамиша хас яз хьайи мили хъвер алаз, гъиле цӏийиз кхьенвай эсеррин кӏватӏал аваз, “Ифей маша” - махсус рубрика давамариз къвезвайди хьиз жезва.
Гьайиф, ахьтин кар авач, устад ва чӏехи дуст чахъ галамач. И йикъара (20майдиз) шаир чавай къакъатна йис тамам жезва. И кар кьатӏайла, рикӏе чӏехи шаирдин экуь къаматди вичин тегьерда къалабулух твазва. Ада чаз вичин насигьатдин гафар тикрарзава: “Яшамиш хьухь, садазни регъуь жен тийирвал!” Чна адан ктабар гъиле кьазва, чав гагь шарагар галай туртурдин рахун, гагь ахвариз фин тийизвай чинардин кушкуш, гагь катна физвай булахдин ширшир, гагь Стӏуррин хуьруьн экуьнин шагьвар, гагь Шагьнабатдинни Шагь дагъдин серинар агакьзава. - Ваъ! - лугьузва чна. - Шаирар рекьидач! Абурун руьгьди датӏана инсаниятдиз хци жез, михьи жез, чилел, цавал - вири алемдал ашукь жез чирзава, къуллугъзава. Гьа икӏ чпиз эбедивал къазанмишзава. Байрам Наврузбегович Салимов 1929-йисан 5-майдиз Азербайжан Республикадин Къусар райондин Стӏуррин хуьре дидедиз хьана. Ам 1947-йисуз, Дербентдин педучилище куьтягьна, армиядиз фена, анани Высший военно-воздушно-десантный училище акьалтӏарна, ада 1958йисалди кьушундин частара офицер яз къуллугъна. 1958-1964-йисара ада газетда, журналда ва телевиденида отделдин заведующий, жавабдар секретарь ва редактор яз кӏвалахна. 1964-йисалай ам СССР-дин писателрин Союздин член тир. Шаирдин сифте шиир 1947-йисуз чап авуна, адалай инихъ Махачкъалада, Бакуда, Алма-Атада ва Москвада адан цӏудралди ктабар лезги, урус чӏаларалди чапдай акъатна. Б.Салимован шиирар азербайжан, къазах, туьркмен, уйгур, эстон, белорус, фарс, испан, Дагъустандин халкьарин ва маса чӏалариз таржума авунва. Шаирди сатирадинни юмордин жанрдани кӏвалахна. 1982-йисуз ам и рекьяй “Литературный газетдин” “Къизилдин дана” тӏвар алай премиядин лауреат хьана. Б.Салимов З.Ризвановахъ галаз санал кхьенвай ва сегьнейра эцигнавай “Дибироваз хъел къвезва”, “Гюльшен”, “Ашукь Лукьман” ва маса пьесайрин авторни я.
Шаирдин лап хъсан эсерар Дагъустандин школайрин учебникра гьатнава, адан чӏалариз композиторри цӏудралди авазар кхьенва. Б.Салимова З.Ризвановахъ галаз санал Къубадин лезгийрин фольклор къайдадиз гъана, лезги халкьдин игитвилин эпос “Шарвили” кӏватӏна, туькӏуьрна, кьилдин ктаб яз чапдай акъудна. Гила чахъ “Шарвили” эпосдин суварни хьанва! Байрам Салимоваз 1994-йисуз Дагъустандин литература вилик тухунин карда хьанвай агалкьунрай “Дагъустан Республикадин культурадин лайихлу работник” лагьай гьуьрметдин ва 1999йисузни Дагъустандин халкьдин шаирвилин чӏехи тӏварар гана. Шаирди лугьудай: “Умудди хуьзва дуьньядал инсан”. Адан ирс чаз тунвай экуь умудар хьиз я. Садрани пуч тежер, рикӏелай алудиз тежедай ирс… И чинин материалар гуналди чаз мад сеферда адан хизандиз, ирссагьибриз хьанвай магьрумвал кьезилариз, умудрин рехъ генани гьяркьуь ийиз кӏанзава.
Шаир Байрам Салимов чахъ галама, инлай кьулухъни ам чи руьгьдин дестекрикай сад яз амукьда!
Мердали ЖАЛИЛОВ
Лезги газет
Накьан къелемлух багъдиз элкъвена аквазва…
Амма накь чахъ галаз санал рахазхъуьрезвай, вичин сеслу чӏаларалди
кӏелзавайбур руьгьламишзавай устад чи патав гумачиз йис алатнавайди чир хьайила, рикӏел пашман гьиссерин луж элкъвезва.
Дагъустандин халкьдин шаир Байрам Наврузбегович САЛИМОВА чахъ, “Лезги газетдин” редакциядин къуллугъчийрихъ, галаз вичин уьмуьрдин лап эхиримжи йикъаралди алакъа хуьзвай. Ада вичини ина яргъал йисара культурадин отделдин заведующий яз кӏвалахайди, газетдикай адаз вичин багъри муг хьайидини рикӏел хтайла, на лугьуди, чаз ам гилани, сивел вичиз гьамиша хас яз хьайи мили хъвер алаз, гъиле цӏийиз кхьенвай эсеррин кӏватӏал аваз, “Ифей маша” - махсус рубрика давамариз къвезвайди хьиз жезва.
Гьайиф, ахьтин кар авач, устад ва чӏехи дуст чахъ галамач. И йикъара (20майдиз) шаир чавай къакъатна йис тамам жезва. И кар кьатӏайла, рикӏе чӏехи шаирдин экуь къаматди вичин тегьерда къалабулух твазва. Ада чаз вичин насигьатдин гафар тикрарзава: “Яшамиш хьухь, садазни регъуь жен тийирвал!” Чна адан ктабар гъиле кьазва, чав гагь шарагар галай туртурдин рахун, гагь ахвариз фин тийизвай чинардин кушкуш, гагь катна физвай булахдин ширшир, гагь Стӏуррин хуьруьн экуьнин шагьвар, гагь Шагьнабатдинни Шагь дагъдин серинар агакьзава. - Ваъ! - лугьузва чна. - Шаирар рекьидач! Абурун руьгьди датӏана инсаниятдиз хци жез, михьи жез, чилел, цавал - вири алемдал ашукь жез чирзава, къуллугъзава. Гьа икӏ чпиз эбедивал къазанмишзава. Байрам Наврузбегович Салимов 1929-йисан 5-майдиз Азербайжан Республикадин Къусар райондин Стӏуррин хуьре дидедиз хьана. Ам 1947-йисуз, Дербентдин педучилище куьтягьна, армиядиз фена, анани Высший военно-воздушно-десантный училище акьалтӏарна, ада 1958йисалди кьушундин частара офицер яз къуллугъна. 1958-1964-йисара ада газетда, журналда ва телевиденида отделдин заведующий, жавабдар секретарь ва редактор яз кӏвалахна. 1964-йисалай ам СССР-дин писателрин Союздин член тир. Шаирдин сифте шиир 1947-йисуз чап авуна, адалай инихъ Махачкъалада, Бакуда, Алма-Атада ва Москвада адан цӏудралди ктабар лезги, урус чӏаларалди чапдай акъатна. Б.Салимован шиирар азербайжан, къазах, туьркмен, уйгур, эстон, белорус, фарс, испан, Дагъустандин халкьарин ва маса чӏалариз таржума авунва. Шаирди сатирадинни юмордин жанрдани кӏвалахна. 1982-йисуз ам и рекьяй “Литературный газетдин” “Къизилдин дана” тӏвар алай премиядин лауреат хьана. Б.Салимов З.Ризвановахъ галаз санал кхьенвай ва сегьнейра эцигнавай “Дибироваз хъел къвезва”, “Гюльшен”, “Ашукь Лукьман” ва маса пьесайрин авторни я.
Шаирдин лап хъсан эсерар Дагъустандин школайрин учебникра гьатнава, адан чӏалариз композиторри цӏудралди авазар кхьенва. Б.Салимова З.Ризвановахъ галаз санал Къубадин лезгийрин фольклор къайдадиз гъана, лезги халкьдин игитвилин эпос “Шарвили” кӏватӏна, туькӏуьрна, кьилдин ктаб яз чапдай акъудна. Гила чахъ “Шарвили” эпосдин суварни хьанва! Байрам Салимоваз 1994-йисуз Дагъустандин литература вилик тухунин карда хьанвай агалкьунрай “Дагъустан Республикадин культурадин лайихлу работник” лагьай гьуьрметдин ва 1999йисузни Дагъустандин халкьдин шаирвилин чӏехи тӏварар гана. Шаирди лугьудай: “Умудди хуьзва дуьньядал инсан”. Адан ирс чаз тунвай экуь умудар хьиз я. Садрани пуч тежер, рикӏелай алудиз тежедай ирс… И чинин материалар гуналди чаз мад сеферда адан хизандиз, ирссагьибриз хьанвай магьрумвал кьезилариз, умудрин рехъ генани гьяркьуь ийиз кӏанзава.
Шаир Байрам Салимов чахъ галама, инлай кьулухъни ам чи руьгьдин дестекрикай сад яз амукьда!
Мердали ЖАЛИЛОВ
Лезги газет
Sez Lezgin ädäbiyättän 1 tekst ukıdıgız.