Latin

Тӏигьиржалрин Хкетар

Süzlärneñ gomumi sanı 559
Unikal süzlärneñ gomumi sanı 357
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Тlигьиржалвиди кlвалахзавай магазинда

Сарар чуьхуьдай паста «Сигнал» кlанзавай са аялди магазинчидив пул вугана:
–Халу, заз са «сигнал» ча ман.
Магазинчиди пул къачуна: –пи-пиипӏ! –лагьана анихъ фена.
Аялди мад: –Халу заз са «сигнал» ча ман.
–Па-паапl!
Вичиз яб тагуз акур аялди: –Халу за ваз пулни гана, вуна заз «сигнал» ганач эхир.
–Я бала, за ваз кьве жуьре сигнал гана, ваз мад гьихьтин сигнал кlанзава?

***
–Заз «къапу»дин питилар ча ман.
–Чаз къапудин питилар авач.
–Бес ибур вучар я? – аялди питилдал тӏуб эцигна.
–Абур ракӏаринбур я.

***
Магазиндай пасук къачуз кlанзавай са халади адаз пара килигна, тӏимил килигна, кьве рикӏин хьана магазинчидвай жузуна: –Я бала и пасукдихъ тlурар вучиз галатlа?
–Зазни чидач, я хала, зун духтур туш.

***
Тупуналди мал къачузвай са хуьруьнвиди мал тlимил къачуз акурла магазинчиди адавай жузуна: –Яда за ваз гьар са шеъ ужуз гузва, вуна тlимил вучиз къачузва?
–Я халу, чи автобусда жемят пара жезва, кlвачел алаз хъфена кlан жезва, гьакl хьайила пара кьаз жедач.
Магазинчиди:–Акl ятlа кlвачел алачиз хъфида ман.

***
Вири итимар я
Са тlигьиржалви балкlандин суракьдалди къунши хуьруьз акъатна. Рекьел гафарзавай пуд итим акуна абурув агатна: –Я стхаяр, куь ким гьина ава? Зун балкlандин суракьда атанва.
– Ваз и хуьре чалай пудалай гъейри итим жагъидач. Абур вири чпин кlвалахрал ала.
–Акl хьайила, квелай пудалай гъейри вири итимар я лагь ман, –лагьана тlигьиржалви вичин рехъди фена.

***
Бубади хциз: -Вач чан хва, къуншидивай нажах гъваш.
Са арадилай хтай аялди:-Абур к|вале аваче.
-Ак| ят|а чан хва, фена чи нажах гъваш.

***
Шагьаб муаллим манияр лугьуз мехъеррикни фидай. Са юкъуз адаз РОНО-дай эверна: - Я Шагьаб муаллим, вун са чӏехи школадин директор я. Им вуч кар я, вуна Дагъустанда язвай манийрин ван са кьил Пакудив агакьнава. Икӏ жеч эхир, я стха!
-Я чан чӏехид! Куь балкӏан кухунда лугьуз за зи гъенел далдамар хъиядачни гила?
***
Тартаяр гзаф хьанва
Са тlигьиржалви кьуьзуь кас автобусдиз акьахна. Вилик ацукьнавай жегьилри чка тагуз акур касди шофердихъ элкъвена:–Валлагь чан хва, дуьнья чlур хьанва, гьагила чlехи-гъвечи амач.
Ацукьнавай жегьилрикай сад адан гафарин ъавурда акьуна, кьуьзуьдан гаф атlана:–Я халу, а ваз акур валан кlане къуьрер амайди туш.
Хъел квай кьуьзуьда:–Чан хва, исятда вун хьтин тартаяр акьван гзаф хьанва хьи, икl хьайитlа валан кlане къуьр-къуьр я, гьич сикlни амукьдач.
***
Куш низ хьана?
Вилик девирра къунши хуьрерин арада чилерин патахъай гзаф дявеяр жедай. Тӏигьиржала Кушун патахъай кьиле фейи дяведай хъфизвай къунши хуьруьн жегьилрин вилик са мег рехи дишегьли экъечӏна. - Я балаяр, гьикӏ хьана, Куш* къахчуз хьанани? -Ваъ, лагьана жегьилрикай сада дамах гваз, -чна абурукай ругуд итим кьена. Дишегьлиди кьил галтадна, - куьн хьтин ругуд итим са зун хьтин дишегьлиди рухун хъийида, Куш низ хьана, Куш?
*Куш ­ Тӏигьиржала чкадин тӏвар.
***
Цӏегь тӏуьрдан кьилел цӏай ала
Гишин йисар тир. Миримаз цура хуьзвай са хъсан цӏегь авай. Йикъарикай са юкъуз адан цӏегь квахьна. Цӏегь чуьнуьхна тӏуьнвайди адаз якъин чизвай. Анжах и кар субут авуна кӏанзавай. Bири кимел кӏватӏ хьана ихтилатзавай арада Мирима ван алаз хьиз лагьана: – Килиг, гадаяр цӏегь тӏуьрдан кьилел цӏай ала гьа!
Кимел алайбуру вирида ван атай патахъ килигна. Абурукай сада кьве гъиливди вичин бармак кьуна цавуз килигна.
***
Я шткидай кӏвал авач, я ацадай кал (л.х.м.)
Кириман рушаз илчияр атанвай. Киримаз абур акьалтӏай кесиб тирди чизвай. Гьавиляй абуруз руш гуз кӏанзавачир. Тайин гаф атӏанвачир. Ихтилатрин арада рушан халуди Кириман япал кушкушна: – Яда. гзаф динж чка я, тапана це, вучиз лагьайтӏа абур я шткидай кӏвал, я ацадай кал, яни гуьдай ник авайбур туш.

Юсиф Халилов
Sez Lezgin ädäbiyättän 1 tekst ukıdıgız.