Latin

Шиирар - Апрел Агъабегов

Süzlärneñ gomumi sanı 171
Unikal süzlärneñ gomumi sanı 122
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Сенгер булах
Кьилел Шагьдин дагълар кьакьан,
Чӏехи Муругъ я ви макан,
Чи магьалра кутуна ван,
Гьиниз я ви сефер булах?
Сенгер булах, Сенгер булах.

Вал ашукь я чи эл-уба,
Дербенд, Муьшкуьр, Кцӏар, Къуба,
Шуршурдин ван аваз япа,
Ягъда чилиз метӏер булах,
Сенгер булах, Сенгер булах.

Ягъиз далдам, зуьрнеяр, тар,
Кӏватӏ жез винел свасар, рушар,
Мехъер кӏвализ жеда ухшар,
Чрадамаз шишер, булах,
Сенгер булах, Сенгер булах.

Ви винелди чун атана,
Ша, стхаяр женлагьана,
За, Шаира, Мирзехана,
Кьунай ви цел кьинербулах,
Сенгер булах, Сенгер булах.

Агакьзавач къе вав зигъил,
Акъатзава такваз дивил,
Къариб хьанва ви цихъ Апрел
Кьуразава жигер булах,
Сенгер булах, Сенгер булах.




Лезги руш
Булахдилай хквезвай руш,
Кӏвачерик вуч звер гала ви.
Заз пел чӏурна килигайтӏан,
Мад пӏузаррихъ хъвер гала ви.

Къуьнел кьунвай залан кутар,
Ви къуьнериз пар тахьурай.
Яваш эциг вуна камар,
Ви кӏвачериз тӏар тахьурай.

Кьилел алай лацу бишме,
Ви къуьнерал аватнава.
Къизил рангад яргъи кифер,
Ви юкьвалай алатнава.

Са кутар яд бес жедайд туш,
Мад са сефер ша булахдал.
Ваз килигна, чан лезги руш,
Акъатрай зи рикӏевай тӏал.
Sez Lezgin ädäbiyättän 1 tekst ukıdıgız.