🕙 2 minut uku
“Шарвили” - школада
Süzlärneñ gomumi sanı 279
Unikal süzlärneñ gomumi sanı 199
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Хайи литературадин тарсара аялриз материал чирун патал муаллимривай чпин кӏвалахда методикадин цӏийи къайдаяр, техникадин такьатар ва Интернет ишлемишун истемишзава. Цӏийи къайдайри цӏийи жуьредин тарсарни арадал гъизва. Ихьтин тарсар Сулейман-Стальский райондин Герейханован хуьруьн 1-нумрадин юкьван мектебда фадлай кӏвалахзавай кьилин категориядин муаллим, РФ-дин Президентдин грантдин сагьиб Сегьерханум Рашидовна ОСМАНОВАДИН тежрибада гзаф дуьшуьш жезва.
Ада муаллимар патал “Лезги литературада Етим Эминан яратмишунар чирдай тарсар”, “Гьаким Къурбанан эсеррай адетдинбур тушир тарсар”, “Школада Мердали Жалилован “Фу” поэма чирун” ктабар акъуднава. Лезги чӏаланни литературадин муаллимри адан тежрибадикай менфят къачузва. Алай вахтунда Сегьерханум Рашидовнади муаллимар патал “Школада “Шарвили” эпос чирун” ктаб акъуднава.
Лезги литературадин программада VII классда аялриз халкьдин мецин эсерар чирун патал 6 сят ганва. Абурукай 4 сят - “Къванцин гада” ва 2 - сят “Шарвили” эпосдиз. Саки 20 манидикай ибарат тир “Шарвили” эпосдин мана-метлеб ачухарун патал 2 тарс тӏимил я. С.Р.Османовадин ктабди и месэла регьятдиз гьялиз куьмек гузва. Ам лезги чӏаланни литературадин муаллим Р.А.Алиметовади кхьенвай сифте гафуникай, “Шарвили” эпос чирунин мана-метлебдикай, эпосдин гьар са махуниз ганвай баянрикай, Дагъустан Республикадин лайихлу муаллим Ж.Н.Жамалова “Шарвили” эпосдай тухвай тарсмярекатдиз гайи къиметдикай ва ишлемишай ктабрин сиягьдикай ибарат хьанва.
Авторди жегьил муаллимриз метлеблу меслятар гузва, хийирлу рекьер къалурзава. Ада вичин тарсара Шарвилидикай шиирар манидалди лугьузва, шиирар туькӏуьрзава. Ихьтин алакьунар чаз Сегьерханум Рашидовнади кхьенвай ктабрайни аквазва. Шарвилидикай ада кхьизва:
Эхь! Шарвили чи кьегьал я,
Ам чи руьгьдин даях я!
Лезгистандин панагь хьайи
Лезги халкьдин дамах я!
Авторди гьар са тарс жуьреба-жуьре амалралди гегьеншарзава, абур дерин чирвилер гудайбур, машгъулатдинбур ва инсанпересвилин тербия квайбур жезва.
Сегьерханум Рашидовнади тарсара ТСО-дикай ва компьютеррикай, литературадин илимдикай, тарихдикай гегьеншдиз менфят къачузва. Чна умуд кутазва, Сегьерханум Рашидовна Османовадин цӏийи ктабдикай гьар са муаллимдиз вичин кӏвалахда еке куьмек жеда.
Жаклина МЕЙЛАНОВА,
Педагогикадин институтдин илимдин къуллугъчи
Лезги газет
Ада муаллимар патал “Лезги литературада Етим Эминан яратмишунар чирдай тарсар”, “Гьаким Къурбанан эсеррай адетдинбур тушир тарсар”, “Школада Мердали Жалилован “Фу” поэма чирун” ктабар акъуднава. Лезги чӏаланни литературадин муаллимри адан тежрибадикай менфят къачузва. Алай вахтунда Сегьерханум Рашидовнади муаллимар патал “Школада “Шарвили” эпос чирун” ктаб акъуднава.
Лезги литературадин программада VII классда аялриз халкьдин мецин эсерар чирун патал 6 сят ганва. Абурукай 4 сят - “Къванцин гада” ва 2 - сят “Шарвили” эпосдиз. Саки 20 манидикай ибарат тир “Шарвили” эпосдин мана-метлеб ачухарун патал 2 тарс тӏимил я. С.Р.Османовадин ктабди и месэла регьятдиз гьялиз куьмек гузва. Ам лезги чӏаланни литературадин муаллим Р.А.Алиметовади кхьенвай сифте гафуникай, “Шарвили” эпос чирунин мана-метлебдикай, эпосдин гьар са махуниз ганвай баянрикай, Дагъустан Республикадин лайихлу муаллим Ж.Н.Жамалова “Шарвили” эпосдай тухвай тарсмярекатдиз гайи къиметдикай ва ишлемишай ктабрин сиягьдикай ибарат хьанва.
Авторди жегьил муаллимриз метлеблу меслятар гузва, хийирлу рекьер къалурзава. Ада вичин тарсара Шарвилидикай шиирар манидалди лугьузва, шиирар туькӏуьрзава. Ихьтин алакьунар чаз Сегьерханум Рашидовнади кхьенвай ктабрайни аквазва. Шарвилидикай ада кхьизва:
Эхь! Шарвили чи кьегьал я,
Ам чи руьгьдин даях я!
Лезгистандин панагь хьайи
Лезги халкьдин дамах я!
Авторди гьар са тарс жуьреба-жуьре амалралди гегьеншарзава, абур дерин чирвилер гудайбур, машгъулатдинбур ва инсанпересвилин тербия квайбур жезва.
Сегьерханум Рашидовнади тарсара ТСО-дикай ва компьютеррикай, литературадин илимдикай, тарихдикай гегьеншдиз менфят къачузва. Чна умуд кутазва, Сегьерханум Рашидовна Османовадин цӏийи ктабдикай гьар са муаллимдиз вичин кӏвалахда еке куьмек жеда.
Жаклина МЕЙЛАНОВА,
Педагогикадин институтдин илимдин къуллугъчи
Лезги газет
Sez Lezgin ädäbiyättän 1 tekst ukıdıgız.