Latin

Къудрат Велиханов-90: Хци сатирик, хъуьтуьл лирик

Süzlärneñ gomumi sanı 274
Unikal süzlärneñ gomumi sanı 229
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
XX асирда Къуба пата арадал атай лезги литературадин машгьур векилрикай адни жегьил йисара вичин шиирар "Кефчи Къудрат", гуьгъуьнай "Кьилегь Къудрат" тахаллусралди кхьей чӏехи шаир Къудрат Велиханов я. Цӏи ам дидедиз хьунин 90 йис тамам жезва.
Кьилегь Къудратан поэзияди лезги фольклордай миже къачунва ва шаирди чи литературадин зурба классикар тир Етим Эминан, Стӏал Сулейманан ва Хуьруьг Тагьиран традицияр чӏехи сеняткарвилелди давамарнава.
Къудрат Кибечханан хва Велиханов 1922-Кьилегьрин хуьре дидедиз хьана. Хайи хуьре ирид йисан мектеб куьтягьайдилай гуьгъуьниз уьмуьрдин жаван вахтар Ватандин Чӏехи дяведин йисарал дуьшуьш хьайи жегьил шаир 1942-йисуз фронтдиз рекье гьатна.
"-Ватандин чӏехи дяве башламишайла за хуьруьн мектебдин ирид лагьай класс куьтягьна колхозда жувалай алакьдай гьар са кӏвалах ийизвай: -рикӏел хкидай шаирди- Кьилевайбурун, иллаки парабуру вил ягъазвай бригадирдин буйругъар кьилиз акъуддай. Военкоматдай эверайла Кцӏариз, анайнияхди Худатдиз фенай. Чун фронтдиз рекье кутурди квез хъсан чидай Себри Бабаев тир."
Дяведин вахтунда адал 5 хер хьана. Ам Ватандин Чӏехи дяведин ӏ дережадин ордендиз ва маса наградайриз лайих акуна.
"-Хайи хуьруьз хтана бубадин кӏвал-югъ авай гьал акурла зи вилерилай мичӏивал фена,-лугьудай фад-фад чал илифдай Кьудрат халуди.-Чӏерейрик галай кӏарасарни кваз хкудна канвай ина ацӏукьнавай чаз мукьва са дишегьлиди. Мажбур хьана Гьасанбег лугьудай къуншидин кӏвале амукьна, дяведай къуьнерик галаз хтай шинелдик къаткиз-къарагъиз мажбур хьанай зун..."
Ахпа куьмекдивди хайи кӏвал туьхкӏуьр хъувуна къайдадиз хкай жегьилди 1948-йисуз Жавагьирахъ галаз хзан къурмишна, веледрин иеси хьвана.
"-Шиирар кхьиз жува-жув кьатӏайдалай, мектебда кӏелдай чӏавалай кьил кутунай за-лагьанай чӏехи шаирди. -Рагьметлу Мирзагъа муаллимдиз кхьей цӏарар къалурайла ада давамарун ва гзаф кӏелун меслятнай. За адан гафуниз амална. Кьуьзуь жедалди ктаб акъудиз хьаначтӏани, теснифриз ара ганач..."
Им шаирдихъ галаз адан рикӏ алай "Кцӏарин" редакцияда эхиримжи гуьруьш ва ихтилат хьанай. Ам 2003-йисан июндиз кечмиш хьана хайи хуьре кучудна.

"Кцӏар" газет
Sez Lezgin ädäbiyättän 1 tekst ukıdıgız.