Дельфин

  (Болған оқиға)
  
  Суасты жартастарының арасындағы жолды тек дельфин ғана білетін. Кеменің келе жатқанын сезісімен көмекке асығатын. «Сақ бол, бұғаз өте қауіпті. Соңымнан жүріп отыр» дегендей, басқару тұтқасындағы кісіден көз алмай, қадала қарайтын.
  «Кеме соңымнан келе ме, жоқ па» дегендей, артына қарайлаған дельфин кеме алдында жүзіп отыратын.
  Бұғаздан аман-есен өткен теңізшілер қуаныштан дельфинге қолдарын бұлғап: «Сәлем!» - деп шуласып жататын.
  Бұл жолы бұғазда «Пингвин» атты кеме пайда болды.
  Әдеттегідей дельфин көмекке асықты. Бірақ бір жауыз әрі ақымақ адам палубада тұрып, оған винтовкадан оқ атты.
  Сөйтіп, ол дельфинді жаралады. Ашуланған дельфин тереңге сүңгіп, жоқ болды.
  Оны бір ай, екі айға дейін ешкім көрмеді.
  Сонан соң қайтадан пайда болып, тағы да адамдарға жол көрсетіп жүрді. Тек «Пингвин» атты кеме бұғазда жартасқа соғылып, апатқа ұшырады.