Testamentu Berria - 37

23 Behar izan da beraz zeruetan diraden gauzen figurak, hunelako gauza hauzaz purifika lite-

zen, baina zelestial berak purifika ditezen hauk
diraden baino sakrifizio hobez.
24 Ezen Iesus ezta leku saindu eskuz eginetan sarthu, zein baitziraden egiazkoei ihardesten
zerauezen figurak: baina zeruan berean, orain
Iainkoaren begitharte aitzinean guregatik konparitzeko.
25 Baina ez anhitzetan bere burua ofrenda
dezanzat, Sakrifikadore subiranoa leku sainduetan urthe guziaz berzeren odolekin sartzen zen
bezala.
26 (Berzela sufritu behar ukan zukeen anhitzetan munduaren fundationeaz geroztik) baina
orain behin sekulen konsumationean, bekatuaren destruktionetan, bere buruazko sakrifizioaz
konparitu izan da.
27 Eta hala nola ordenatu baitzaie gizonei
behin hiltzera, eta gero iujemendua:
28 Halaber Krist ere behin ofrendatu izanik
anhitzen bekatuak aboli litzanzat, berrizko aldian
bekatu gabe agerturen zaie haren begira daudenei salbamendutakotz.

KAP. X.
1 Legeak ez sanktifikatzen. 6 Iainkoa
zeren eskez egon. 10
Sanktifikationea. 12 Krist Iainkoaren
eskuinean. 14 Oblatione bakoitz bat.
16 Allianza. 18 Bekatuen
barkamendua. 22 Kristgana ioaitea.
23 Esperanzazko konfesionea. 24
Karitatea. 26 Espiritu sainduaren
kontra den bekatua. 30 Mendekioa
defendatzen. 32 Afliktioneak. 36
Patientia. 38 Fedea.
1 Ezen Legeak ethorteko ziraden onen itzala
zuelarik, ez gauzen imajina bizia, urthe oroz
ardura ofrendatzen zituzten sakrifizio hezaz
berez, ethorten ziradenak iagoitik ezin sanktifika
zitzakeen.
2 Berzela ala etziratekeen gelditu ofrendatu
izatetik, ikusirik ezen sakrifikatzen zutenek
behin purifikatu izanik, bekatutako konszientiarik batre gehiagorik etzukeitela ukan?

3 Bada sakrifizio hetan bazen urthe oroz
bekatuen konmemoratione arranberritu bat.
4 Ezen inposible zen zezenen eta akerren
odolaz bekatuen kentzea.
5 Halakotz, munduan sartzean, dio, Sakrifiziorik ez ofrendarik eztuk nahi ukan, baina gorputz bat apropiatu ukan drautak niri.
6 Halaber holokaustak ez oblationea bekatuagatik etzaizkik plazent izan:
7 Orduan erran ukan dut, Huna, ethorten
nauk (liburuaren hatsean eskribatua da nizaz)
egin dezadan, o Iainkoa hire borondatea:
8 Lehen erran zuenaren gainean. Sakrifiziorik
ez ofrendarik, ez holokaustik ez oblationerik
bekatuagatik eztuk nahi ukan ez eztituk aprobatu: (zein Legearen arauez ofrendatzen baitirade)
orduan erran ukan du, Huna, ethorten nauk egin
dezadan, o Iainkoa, hire borondatea.
9 Kentzen du beraz lehena, gerokoa ezar
dezanzat.
10 Zein borondatez sanktifikatu izan baikara,
Iesus Kristen gorputzaren behingo oblationeaz.
11 Sakrifikadore orok bada asistitzen zuen
egun oroz administratzen eta maiz sakrifizio

berak ofrendatzen zituela, zeinek iagoitik bekatuak ezin ken baitzitzakeizten:
12 Baina haur sakrifizio bakoitz bat bekatuakgatik ofrendaturik, eternalki iarria da Iainkoaren eskuinean.
13 Goitiko denaren begira dagoelarik, haren
etsaiak haren oinen eskabella ezar diteno.
14 Ezen oblatione bakoitz batez konsekratu
ukan ditu sekulakotz sanktifikatzen diradenak.
15 Eta testifikatzen drauku Espiritu sainduak
berak ere: ezen aitzinetik erran duenaz geroz,
16 Haur da egun haien ondoan hekin eginen
dudan allianza, dio Iaunak, Emanen ditut neure
Legeak haien bihotzetan, eta haien adimenduetan hek ditut eskribaturen:
17 Eta haien bekatuez eta inikitatez ez naiz
gehiagorik orhoit izanen.
18 Bada gauza hauen barkamendua den
lekuan, ezta gehiago oblationerik bekatuagatik.
19 Ikusirik bada, anaieak, badugula libertate
leku sainduetan sartzeko Iesusen odolaz,
20 Dedikatu draukun bide freskoan eta bizian
gaindi, belaz, erran nahi baita, bere haragiaz:

21 Eta badugula Sakrifikadore handi bat Iainkoaren etxearen kargua duenik:
22 Goazen egiazko bihotzekin eta fedezko
seguranzarekin, konszientia gaixtotarik bihotzak
xahuturik:
23 Eta ikuzirik gorputza ur xahuz, dadukagun
gure esperanzaren konfesionea bariatu gabe
(ezen fidel da prometatu duena)
24 Eta gogoa demogun elkarri karitatera eta
obra onetara inzitatzeko:
25 Utziten eztugularik gure kongregationea,
batzuk kostuma duten bezala, baina exhortatzen
dugularik elkar: eta haur hanbatenaz gehiago
zenbatenaz baitakusazue hurbiltzen dela egun
hura.
26 Ezen baldin iakiara bekatu badagigu egiaren ezagutzea rezebituz geroztik, ezta gehiago
sakrifiziorik bekatuakgatik gelditzen:
27 Baina iudizioaren begira egoite terrible
bat, eta suaren furia adbersarioak iretsiren
dituen bat.
28 Baldin zenbeitek menospreziatu balu Moisesen Legea, miserikordiarik batre gabe, bigen
edo hiruren testimoniajetik hiltzen zen.

29 Zenbatez uste duzue tormenta borthitzagoa merezitu dukeela, Iainkoaren Semea oinen
azpian ezarri ukan dukeenak, eta allianzako
odola, zeinez sanktifikatu baitzen, profanotan
estimatu dukeenak: eta gratiazko Espirituari
iniuria egin draukeonak?
30 Ezen badazagugu erran duena, Ene da
mendekatzea, nik rendaturen dut, dio Iaunak.
Eta berriz, Iaunak iujeaturen du bere populua.
31 Gauza horriblea da Iainko biziaren eskuetara erortea.
32 Orhoit zaitezte aitzineko egunez, zeinetan
illuminatu izan zinetenaz geroztik, afiktionezko
konbat handi sufritu ukan baituzue:
33 Alde batetik guzien monstranzatan eskarnioz eta tribulationez ezarri izan zarete: eta
berze aldetik estatu hartan erabilten ziradenenen lagun egin izan zaretenean.
34 Ezen ene estekaduretako afliktionean ere
partizipant egin izan zarete, eta zuen onen galtzea bozkariorekin rezebitu ukan duzue: zinakitelarik zeurok baithan onhasun hobe bat duzuela zeruetan, eta permanent denik.

35 Eztezazuela bada iraitz zuen konfidanza,
zeinek baitu rekonpensa handia.
36 Ezen patientia behar duzue, Iainkoaren
borondatea egin dukezuenean promesa rezebi
dezazuenzat.
37 Ezen oraino denbora apurto apurto bat,
eta ethorteko dena ethorriren da, eta eztu
beranthuren .
38 Eta iustoa fedez biziko da: baina baldin
zenbeit aparta badadi, eztu ene arimak hartan
plazerik hartzen.
39 Baina gu ezgara perditionetara apartatzen
garenak, baina fedeari iarreikiten giaizkionak
arimaren salbamendutan.

KAP. XI.
2 Fedearen exzellentia eta fruktuak.
6 Fedea gabe ezin izan Iainkoaren
gogarako. 16 Iainkoaren zibitatea.
Promesak Aitetarik ethorri.

1 Bada, fedea da nehor esperanzatan den
gauzen fundamenta, eta ikusten eztiraden gauzak erakusten dituena.
2 Ezen harzaz aitzinekoek testimoniaje ukan
dute.
3 Fedez aditzen dugu Iainkoaren hitzaz mundua egin izan dela: gauza inbisiblen demonstratione egin ledinzat.
4 Abelek fedez Kainek baino sakrifizio exzellentagoa Iainkoari ofrendatu ukan drauka: zein
fedez testimoniaje obtenitu ukan baitu iusto
zela, zeren Iainkoak haren donoez testifikatzen
baitzuen: eta oraino fede harzaz hil delarik
minzo da.
5 Fedez Henok eraman izan da, herioa ikus
ezlezanzat: eta ezta eriden izan, zeren eraman
baitzuen Iainkoak: ezen eraman zedin baino
lehen, testimoniaje ukan zezan Iainkoaren gogarako izan zela:
6 Bada inposible da fede gabe haren gogarako izatea: ezen Iainkoagana ethorten denak,
behar da sinhets dezan ezen Iainkoa badela, eta
hura bilhatzen dutenen rekonpensazale dela.

7 Fedez Noek, dibinoki abertitu izanik oraino
ikusten etziraden gauzez, beldurturik, apresta
zezan arka bere familiaren salbatzeko: zein
arkaz kondemna baitzezan mundua: eta egin
zedin fedearen arauez den iustitiaren heredero.
8 Fedez Abrahamek deithu zenean obedi
zezan Iainkoa, heretajetan hartu behar zuen
lekura ioan ledinzat, eta parti zedin norat ioaiten
zen etzakialarik.
9 Fedez egon zedin prometatu izan zaion
lurrean berzerenean bezala, tabernakletan egoiten zela Isaak-ekin eta Iakob-ekin promes beraren herederokidekin.
10 Ezen zibitate fundament-dunaren begira
zegoen zeinen egilea eta fundazalea baita Iainkoa.
11 Fedez Sarak ere haziaren konzebitzeko
indarra rezebi zezan, eta adinetik lekora erdi
zedin, zeren estima baitzezan hari promes egin
zeraukana fidel zela.
12 Eta halakotz batetarik (etare ia hilaganik)
sorthu izan da jende handi zeruko izarrak bezala, eta itsas kostako konta ezin daiten sablea
bezala.

13 Fedean hauk guziok hil izan dirade promesak rezebitu gabe: baina urrundanik hek ikusirik
eta sinhetsirik eta salutaturik, eta aithorturik
ezen arrotz eta estranjer ziradela lurrean.
14 Ezen gauza hauk erraiten dituztenek, klaroki erakusten dute ezen bere herriaren ondoan
dabiltzala.
15 Eta segur, baldin harzaz orhoit izan balirade zeinetarik ilki izan baitziraden, itzultzeko denbora bazuten:
16 Baina orain hobeago bat desiratzen dute,
erran nahi baita zelestiala: hunegatik Iainkoari
berari ere etzaio laido haien Iainko deitzera,
ezen preparatu zerauen zibitate bat.
17 Fedez ofrenda zezan Abrahamek Isaak,
enseiatu izan zenean, eta seme bakoitza ofrenda
zezan, promesak rezebitu ukan zituenak:
18 (Zeini erran izan baitzaion, Isaaktan deithuren zaik hazia)
19 Estimaturik ezen Iainkoak hiletarik ere
resuszita ahal lezakela: nondik are hura konformitatez rekruba baitzezan.
20 Fedez, ethorteko ziraden gauzez benedika
zitzan Isaak-ek Iakob eta Esau.

21 Fedez, Iakob-ek hiltzean Iosefen semetarik batbedera benedika zezan: eta adora zezan
bere makila buru gainean bermaturik.
22 Fedez, Iosefek hiltzean egin zezan mentione Israeleko haurren ilkiteaz: eta bere hezurrez
manamendu eman zezan.
23 Fedez, Moises sorthu izan zenean, gorde
izan zen bere ahaidez hirur hilebethez, zeren
haur ederra baitzakusaten, eta ezpaitziraden
beldur Regeren ordenanzaren.
24 Fedez, Moisesek ia handiturik refusa
zezan Faraoren alabaren seme deithu izatera:
25 Hautatzenago zuela Iainkoaren populuarekin aflijitu izatera, ezen ez denbora guti batetakotz bekatuzko atseginen ukaitera:
26 Abrastasun handiago estimaturik Kristen
iniuria, ezen ez Egipten ziraden thesaurak, ezen
rekonpensara beha zegoen.
27 Fedez utzi zezan Egipte, Regeren hiraren
beldurrik gabe: ezen inbisible dena ikusten balu
bezala, fermu eduki zezan.
28 Fedez egin zitzan Bazkoa eta odol isurtzea: lehen sorthuak desegiten zituenak, hek
hunki ezlitzanzat.

29 Fedez iragan zezaten itsas gorria leihorrez
bezala: zein gauza enseiaturik, Egiptianoak hundatu izan baitziraden.
30 Fedez Ierikoko murruak eror zitezen, zazpi
egunez inguratuak egonik.
31 Fedez, Rahab paillarda etzedin gal inkredulekin batean, espiak bakerekin ostatuz rezebitu ukan zituenean.
32 Eta zer erranen dut gehiago? ezen denbora faltaturen zait, kontatu nahi badut Jedeonez,
eta Barak-ez, eta Samsonez, eta Iefthez, eta
Dabid-ez, eta Samuelez, eta Profetez:
33 Zeinek fedez konbatitu ukan baitituzte
resumak, fedez egin ukan dute iustitia obtenitu
ukan dituzte promesak, bozatu lehoinen ahoak,
34 Iraungi suaren indarra, itzuri izan zaizte
ezpata ahoei, sendo egin izan dirade erietarik,
borthitz egin izan dirade gerlan, estranjeren kanpoak ihesitan irion dituzte,
35 Emaztek rezebitu ukan dituzte resurrektionez bere hilak: eta batzu hedatu izan dirade,
delibratu izatera konturik egiten etzutelarik
resurrektione hobe bat obteni lezatenzat.

36 Eta berzeak forogatu izan dirade eskarnioz eta ukaldiz, baieta gehiago estekaduraz eta
presoindegiz:
37 Lapidatu izan dirade, segatu izan dirade,
tentatu izan dirade, ezpata herioz hil izan dirade:
hara huna ebili izan dirade ardi eta ahunz larruz
beztiturik, abandonaturik, aflijiturik, tormentaturik.
38 Eta ezpaitzen mundua haien digne: desertuetan errebelatuak zabiltzala eta mendietan eta
lezetan eta lur zulhoetan.
39 Eta hauk guziek fedez testimoniaje obteniturik, eztute rezebitu ukan promesa:
40 Iainkoak zerbait hoberik guretako probediturik, gu gabe perfektionetara ethor ezlitezenzat.

KAP. XII.
1 Afliktione sufritzera exhortatzen. 2
Krist fedearen kapitaina. 9 Espirituen
Aita. 14 Bakea. 22 Iainkoaren

zibitatea. 24 Iesus ararteko. 28
Reberentia eta beldurra.
1 Gu ere bada, hain testimoniozko hodei handiak inguratzen gaituenaz geroz, karga guzia,
eta gu erraxki trabatzen gaituen bekatua egotzirik, konstantki garreitzan proposatu izan zaikun
lasterrari:
2 Beha gaudelarik fedearen kapitainagana
eta, konplizaleagana, Iesusgana: zeinek eskutan
zuen bozkarioaren orde sufritu ukan baitu krutzea, ahalkea menospreziaturik, eta Iainkoaren
thronoaren eskuinean iarri izan da.
3 Konsidera ezazue bada dilijentki nor den
halako kontradiktionea bere buruaren kontra
bekatoretarik sufritu ukan duena, zuen gogoetan
faltaturik akit etzaiteztenzat.
4 Oraino eztuzue odolerano resistitu ukan,
bekatuaren kontra konbatitzen zaretela:
5 Eta ahanzi zaizue exhortationea, zeinek
zuei haurrei bezala erraiten baitrauzue, Ene haurra, eztezala menosprezia Iaunaren gaztigua, eta
eztakiala gogoa falta harzaz korrejitzen aizenean.

6 Ezen maite duena Iaunak gaztigatzen dik,
eta rezebitzen duen haur guzia zehatzen dik.
7 Baldin gaztigamendurik sufritzen baduzue,
Iainkoa bere haurrei anzo presentatzen zaizue:
ezen zein da haurra aitak gaztigatzen eztuena?
8 Bada baldin gaztigamendu gabe bazarete,
zeinetan partizipant baitirade guziak, beraz bastard zarete eta ez seme.
9 Eta gure gorputzen aitak gaztigari ukan
ditugu, eta reberentiatan eduki ditugu: ezgaitzaitza espirituen Aitari ungiz suietago izanen,
eta biziko baikara?
10 Ezen hek egun gutitakotz, berei irudi
zaien bezala, gaztigatzen gentuzten: baina
hunek gure probetxutan, haren saindutasunean
partizipant garenzat.
11 Bada gaztigu guziak ordu berean eztirudi
bozkariotako dela, aitzitik tristitiatako: baina
gero iustitiazko fruktu bakezkoa rendatzen
draue harzaz exerzitatu diratenei.
12 Goititzazue bada zuen esku laxoak, eta
zuen belhaun iunktura partituak xuxent itzazue:

13 Eta bideska xuxenak egin ietzezue zuen
oinei: maingu den gauza bidetik aldara eztadinzat, bainaitzitik sendo dadin.
14 Bakeari zarreitzate guziekin, eta saindutasunari, zein gabe nehork ezpaitu Iauna ikusiren.
15 Gogoatzen duzuelarik nehor aldara eztadin Iainkoaren gratiatik: zenbeit erro karmin goiti
ialgiten denek trubla etzaitzatenzat: eta anhitz
harzaz satsu eztitezenzat.
16 Ezten nehor paillard edo profano, Esau
bezala, zeinek bianda batetan sal baitzezan bere
lehen sortzezko primeza.
17 Ezen badakizue are gero heretatzeko
benediktionea desiratzen zuelarik, refusatu izan
dela: ezen etzezan eriden penitentiatako lekurik,
nigar urirekin benediktionearen eskatu izan
bazen ere.
18 Ezen etzarete ethorri eskuz hunki ahal
daitekeen mendi batetara, ez erratzen den sura,
ez haize buhunbara, ez lanhora eta tenpestatera,
19 Eta tronpeta soinura eta hitzen bozera,
zein enzun ukan zutenek, rekeri baitzezaten
gehiagorik ezlakien dreza hitza.

20 (Ezen manatzen zena ezin sufri zezaketen, zein baitzen, Baldin abre batek ere mendia
hunki badeza, lapidaturen da edo geziaz iraganen da.
21 Eta Moisesek (hanbat zen terrible erakusten zena) erran zezan, Izitu naiz eta ikaratu)
22 Baina ethorri izan zarete Siongo mendira,
eta Iainko biziaren zibitatera, Ierusalem zelestialera, eta Aingeruen anhitz millatako konpainiara,
23 Eta zeruetan eskribatuak diraden lehen
sorthuen kongregationera, eta guzien iuje den
Iainkoagana, eta iusto sanktifikatuen espirituetara:
24 Eta Iesusgana allianza berriko Arartekoagana, eta Abelenak baino gauza hobeak erraiten
dituen odol isurira.
25 Begirauzue refusa eztezazuen minzo
dena: ezen baldin itzuri izan ezpadirade Iainkoaren izenean minzo zena menospreziatzen zutenak lurrean, gu anhitzez gehiago punituren gara,
baldin zerutik minzo denaganik erauz bagaitez.
26 Zeinen bozak orduan higi baitzezan lurra:
baina orain denuntiatu ukan du, dioela, Oraino

behin nik higituren dut ez solament lurra, baina
zerua ere.
27 Eta hitz hunek Oraino behin, deklaratzen
du fermu eztiraden gauzen, hala nola eskuz egin
diradenen desegitea: fermu diradenak daudezenzat.
28 Hunegatik higi ezin daitekeen resuma hartzen dugularik, dadukagun gratia, zeinez hala
zerbitza baitezakegu Iainkoa non haren gogarako baikirate, reberentiarekin eta beldurrekin.
29 Ezen gure Iainkoa su konsumitzen duen
bat da.

KAP. XIII.
1 Karitatea, Hospitalitatea. 4
Ezkonza. 5 Abaritia gaberiko
konditioneak. 8 Krist eternal. 9
Doktrina estranjerak. 13 Kristen
ignominia. 15 Iainkoaren gogarako
sakrifizioak. 18 Orationea. 20 Krist
pastor.

1 Karitate fraternala egon bedi.
2 Hospitalitatea eztakizuela ahanz: ezen harzaz batzuk etzakitelarik ostatuz rezebitu ukan
dituzte Aingeruak.
3 Zareten orhoit presonerez, hekin presoner
bazinete bezala: aflijitzen diradenez, zeurok ere
gorputzez aflijitzen bazinete bezala.
4 Honorable da guzien artean ezkonza, eta
ohe makula gabea: baina paillartak eta adulteroak iujeaturen ditu Iainkoak.
5 Zuen konditioneak bire abaritia gabe, zareten kontent presentekoez: ezen erran ukan du
berak, Ezaut utziren, eta ezaut abandonaturen.
6 Hala non seguranzarekin erran ahal baitezakegu, Iauna ene aiutazale, eznaiz beldur izanen gizonak ahal daididan gauzaren.
7 Zareten orhoit zuen gidazalez, Iainkoaren
hitza deklaratu ukan drauzuenez, zeinen fedea
imitatzen baituzue, konsideratzen duzuelarik
zerik izan den haien konbersationearen fina.
8 Iesus Krist atzo izan dena eta egun, hura
bera da eternalki ere.
9 Doktrina dibersez eta estranjerez etzaiteztela hara huna erabil: ezen on da bihotza gratiaz

konfirma dadin, ez biandez, zeinetan ezpaitute
probetxurik ukan aplikatu izan diradenek.
10 Badugu aldare bat zeinetarik iateko zuzenik ezpaitute Tabernaklea zerbitzatzen dutenek.
11 Ezen abren gorputzak, zeinen odola ekarten baita bekatuagatik sanktuariora Sakrifikadore subiranoaz, erratzen dirade tendetarik lekora.
12 Halakotz Iesusek ere, sanktifika lezanzat
populua bere-odolaz, sufritu ukan du portaleaz
kanpotik.
13 Ilki gaitezen bada harengana tendetarik
lekora haren ignominia ekarten dugula.
14 Ezen eztugu hemen zibitate permanentik:
baina ethorteko denaren ondoan gabiltza.
15 Harzaz bada ofrenda diezogun ardura
Iainkoari, laudoriozko sakrifizio, erran nahi baita,
haren izena konfesatzen duten ezpainen fruktua.
16 Bada benefizentia eta komunikationea
eztakizkizuela ahanz: ezen halako sakrifizioez
plazer hartzen du Iainkoak.
17 Obeditzazue zuen gidazaleak, eta susmeti zakiztez ezen hek beillatzen dute zuen arimakgatik, kontu rendatu behar dutenek bezala: egiten dutena alegeraki egin dezatenzat, eta ez

gogoz garaitik: ezen hura ezlizateke zuen probetxutan.
18 Othoitz egizue guregatik: ezen aseguratzen gara konszientia ona dugula, desiratzen
dugularik gauza guzietan honestki konbersatzera.
19 Eta hanbatez gehiago othoitz egiten drauzuet haur dagizuen, sarriago restitui nakizuenzat.
20 Iainko bakezkoak bada (zeinek hiletarik
itzul erazi baitu ardien Artzain handia allianza
eternalezko odolaz, Iesus Krist gure Iauna)
21 Konfirma zaitzatela obra on orotan, bere
borondatearen egitera, egiten duelarik zuetan
haren aitzinean plazent datenik, Iesus Kristez,
zeini gloria sekula sekulakotz. Amen.
22 Halaber othoitz egiten drauzuet, anaieak,
sufri ezazue exhortationetako hitza: ezen hitz
gutitan eskribatu drauzuet.
23 Iakizue gure anaie Timotheo largatu izan
dela, zeinekin (baldin sarri badator) ikusiren baitzaituztet.
24 Salutaitzazue zuen gidazale guziak, eta
saindu guziak. Salutatzen zaituztez Italiakoek.

25 Gratia dela zuekin guziokin. Amen.
Hebraikoetara eskribatu izan da
Italiarik Timotheorekin.

S. IAKES APOSTOLUAREN
EPISTOLA KATHOLIKOA
KAP. I.
2 Tentationea. 3 Patientia. 5
Sapientia. 8 Gogo doblea. 12
Bizitzeko koroa. 14 Guthizia. 18
Hitzaz enjendratu izan gara. 20
Iainkoaren iustitia. 22 Legearen
enzuleak. 26 Mihiaren bridatzea. 27
Relijione egiazkoa.
1 Iakes Iainkoaren eta Iesus Krist Iaunaren
zerbitzariak, hamabi leinu barreiatuei, salutatione.
2 Ene anaieak, bozkario perfektotan edukazue tentatione dibersetara eror zaiteztenean:
3 Dakizuelarik ezen zuen fedearen foroganzak patientia enjendratzen duela.

4 Baina patientiak obra perfektoa biu, perfekt
eta integro zaretenzat, deusen falta etzaretelarik.
5 Eta baldin zuetarik zenbeitek sapientia faltarik badu, eska bekio Iainkoari, zeinek emaiten
baitraue guziei benignoki, eta ez reprotxatzen:
eta emanen zaio.
6 Baina federekin eska bedi, batre dudatzen
eztuela: ezen dudatzen duena, haizeaz erabilten
eta tormentatzen den itsas bagaren pare da.
7 Eztezala bada estima gizon hark deus Iaunaganik rezebituren duela:
8 Gizon gogo doblatakoa, inkonstant da bere
bide guzietan.
9 Gloria bedi bada anaie konditione baxotakoa bere goratasunean:
10 Baina abrats dena, gloria bedi bere baxotasunean: ezen belhar lilia bezala iraganen da.
11 Ezen nola iguzkia beroarekin goratu eta,
erre baita belharra, eta haren lilia erori, eta
haren irudi ederra galdu: hala abratsa ere bere
bide guzietan ximalduren da.
12 Dahatsu da tentatione sufritzen duen
gizona: ezen forogatu datenean rezebituren

duke, Iaunak hura maite dutenei prometatu
drauen bizitzeko koroa.
13 Nehork, tentatzen denean, ezterrala Iainkoaz tentatzen dela: ezen Iainkoa ezin tenta
daite gaizkiz, eta nehor eztu tentatzen.
14 Baina batbedera tentatzen da bere guthizia propriaz tiratzen eta bazkatzen denean.
15 Gero guthizia, konzebitu duenean, ertzen
da bekatuz: eta bekatuak akabatu denean, herio
enjendratzen du.
16 Etzaiteztela abusa, ene anaie maiteak.
17 Donatione on oro, eta dohain perfekt oro
garaitik da argien Aitaganik iausten dela, zein
baithan ezpaita kanbiamendurik, ez aldizkazko
itzalik.
18 Hark bere borondatez enjendratu ukan
gaitu egiazko hitzaz, haren kreaturetako primitiak bezala ginenzat.
19 Halakotz, ene anaie maiteak, biz gizon
guzia enzutera lehiati, berantkor minzatzera, eta
berantkor aserretzera.
20 Ezen gizonaren aserreak Iainkoaren iustitia eztu konplitzen.

21 Halakotz, iraitzirik zithalkeria guzia eta
malitiazko superfluitatea, emetasunekin rezebi
ezazue, zuetan landatu hitza, zeinek salba ahal
baititzake zuen arimak.
22 Eta zareten hitzaren egile eta ez solament
enzule, zeuron buruak enganatzen dituzuela.
23 Ezen baldin norbeit hitzaren enzule bada
eta ez egile, hura mirailean bere begitharte
naturala konsideratzen duen gizonaren pare da.
24 Ezen konsideratu ukan du bere burua, eta
ioan izan da, eta bertan ahanze zaio nolako zen.
25 Baina miratu datena Lege perfektoan,
zein baita libertatezkoa, eta hartan perseberatu
dukeena, zeren ezpaitate enzule ahanzkor izan,
baina obraren egile: hura dohatsu izanen da
bere eginean.
26 Baldin zenbeitek uste badu relijioso dela
zuen artean, bridatzen eztuelarik bere mihia,
baina bere bihotza enganatzen duelarik, halakoaren relijionea bano da.
27 Relijione pura eta makula gabea Iainko
eta Aita baithan, haur da, zurtzen eta emazte
alhargunen bisitatzea bere tribulationetan: eta

makula gabe bere buruaren begiratzea mundu
hunetarik.

KAP. II.
2, 9 Akzeptione personez egitea. 8
Legearen konplitzea. 13 Miserikordia
gaberiko kondemnationea. 14 Fedea
obrak gabe ez deus. 17, 20 26. Hila.
1 Ene anaieak, eztuzuela Iesus Krist gure
Iaun gloriazkoaren fedea, personen akzeptionerekin.
2 Ezen baldin sar badadi zuen kongregationera gizon bat urhezko erhaztun bat duela, prezioski beztiturik: eta sar dadin halaber edozein paubre xarki beztiturik,
3 Eta ikartze duzuen prezioski beztitua denagana, eta erran diezozuen hari, Hi iar adi hemen
honestki: eta paubreari derrozuen, Hi ago zutik
han, edo iar adi hemen ene eskabella azpian:

4 Eztuzue diferentia egin ukan zeurok baithan, eta egin izan baitzarete pensamendu gaixtoezko iuje?
5 Enzuzue, ene anaie maiteak, eztitu Iainkoak elejitu mundu hunetako paubreak fedez
abrats izateko, eta hura maite dutenei prometatu drauen resumako heredero?
6 Baina zuek desohoratu ukan duzue paubrea. Ala abratsek etzaituztez tiranizatzen, eta
etzaituztez gortetara erekarten?
7 Eztute hek blasfematzen zuen gainean
inbokatu izan den Izen ona?
8 Badarik ere baldin Lege reala konplitzen
baduzue Eskripturaren araura, zein baita, On eritziren draukak eure hurkoari eure buruari bezala, ungi egiten duzue:
9 Baina baldin personen akzeptionerik baduzue, bekatu egiten duzue, eta reprehenditzen
zarete Legeaz transgredizale bezala.
10 Ezen nork ere Lege guzia begiraturen
baitu, eta punktu batetan faltaturen, guzietan
hogendun da.
11 Ezen erran duenak, Eztuk adulteraturen,
erran du halaber, Eztuk hilen. Bada baldin adul-

teratzen ezpaduk, baina hiltzen bai, Legearen
transgredizale egin aiz.
12 Hala minza zaitezte eta hala egizue nola
libertatezko Legeaz iujeatu behar diradenek.
13 Ezen kondemnatione miserikordia gabe
eginen zaio miserikordia egin eztukeenari: eta
gloriatzen da miserikordia kondemnationearen
kontra.
14 Ene anaieak, zer probetxu, baldin norbeitek badarra fede baduela, eta obrak eztituen?
ala fede hark hura salba ahal dezake?
15 Eta baldin anaiea edo arreba billuziak
badirade, eta peitu eguneko bitanzaren:
16 Eta zuetarik zenbeitek haei erran diezen,
Zoazte bakerekin, bero zaitezte eta ase zaitezte:
eta eztinguztezuen gorputzaren nezesario diraden gauzak, zer probetxu dukeite?
17 Hala fedea ere, baldin obrak ezpaditu, hila
da bere berez.
18 Baina are erranen du edozeinek, Hik fedea
duk, eta nik obrak zitiat, erakuts iezadak eure
fedea eure obrak gabe, eta nik erakutsiren
drauat hiri neure obretarik neure fedea.

19 Hik sinhesten duk ezen Iainko bat dela:
ungi egiten duk: deabruek ere sinhesten die, eta
ikara diabiltzak.
20 Baina nahi duk iakin, o gizon banoa, ezen
fedea obrak gabe hila dela?
21 Gure aita Abraham ezta obretarik iustifikatu izan, Isaak bere semea aldare gainean
ofrendatu zuenean?
22 Badakusak nola fedeak obratzen zuen
haren obretan, eta obretarik fedea akabatu izan
dela?
23 Eta konplitu izan dela Eskriptura dioela,
Sinhetsi ukan du Abrahamek Iainkoa, eta inputatu izan zaio iustitiatara, eta Iainkoaren adiskide
deithu izan da.
24 Badakusazue bada ezen obretarik iustifikatzen dela gizona, eta ez fedetik solament?
25 Halaber Rahab paillarda ere ala ezta obretarik iustifikatu izan, rezebitu zituenean mandatariak, eta berze bidez idoki zituenean?
26 Ezen nola gorputza espiritu gabe hila
baita, hala fedea ere obrak gabe hila da.

KAP. III.
3 Mihiaren deskriptionea. 13
Konbersatione ona. 14 Inbidia eta
tharritamendua. 15 Lurreko
sapientia eta garaikoa. 18 Iustitiazko
fruktua.
1 Ene anaieak, etzaretela majistru anhitz:
dakigularik ezen kondemnatione handiagoa
rezebituren dugula.
2 Ezen anhitz gauzatan huts egiten dugu
guziek Baldin zenbeitek hitzean huts egiten
ezpadu, hura gizon perfektoa da, eta bridatan
eduki ahal dezake gorputz guzia ere.
3 Huna, zamariei bridak ahoetara emaiten
drauztegu obedi gaitzatenzat, eta haien gorputz
guzia hara huna drabilagu:
4 Huna, barkak ere, hain handi diradelarik,
eta haize borthitzez erabilten diradelarik, hara
huna erabilten dirade gobernail xipito batez,
norat ere gobernazalearen plazerak nahi baituke.

5 Hala mihia ere menbro tipito bat da, eta
gauza handiz bantatzen da: huna, su xipito
batek zein egurtze handia iraxekiten duen.
6 Mihia ere su bat da, eta inikitatezko mundu
bat: hala diot mihia ezarria dela gure menbroen
artean, zeinek makulatzen baitu gorputz guzia,
eta iraxekiten gure naturaren kursua, eta iraxekia da gehennaz.
7 Ezen bestien, eta xorien, eta sugen, eta
itsasoko arrainen natura guzia hetzen da, eta
hezi izan da natura humanoaz:
8 Baina mihia ezeinere gizonek ezin hez
dezake: zeba ezin daiten gaitz bat da pozoin
mortalez bethea.
9 Harzaz benedikatzen dugu gure Iainko eta
Aita: eta harzaz maradikatzen ditugu Iainkoaren
irudira eginiko gizonak.
10 Aho ber batetarik ilkiten da benediktione
eta malediktione: Ezta behar, ene anaieak, hauk
hunela egin ditezen.
11 Ala ithurri batek zulho beretik emaiten du
dulzea eta mina?

12 Ala fikotze batek olibarik ekar ahal dezake, edo aihenak fikorik? hala ezin ekar dezake
ithurri batek ere ur gazi eta geza.
13 Nor da zuhur eta iakinsu zuen artean? erakuts bitza konbersatione onez bere obrak, zuhurtziazko emetasunekin.
14 Eta baldin inbidia saminik baduzue, eta
tharritamendurik zuen bihotzetan, etzaiteztela
gloria, eta gezurrik ezterrazuela egiaren kontra.
15 Ezen zuhurtzia haur ezta garaitik iausten