Latin

Хшәаӡшәа - 7

Süzlärneñ gomumi sanı 3140
Unikal süzlärneñ gomumi sanı 2381
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
ads place
Сыԥсы нацҵан зынгьы исцәыӡлоз.
Сгәы иасаркьалу зыбжьы еицамкуа,
Сашәа хатәра сыхәра рӷьага.
Ашәымҭакгьы ҳа ҳаицымкәа,
Ԥсыхәа абаҟоу, са сҿахәҳәага!
***
Сышьҭахьҟа схьаԥшын, иҵӡозеи саауеижьҭеи,
Саԥхьа снаԥшызар, сабацо саахьеит.
Сашьҭуам асымҟәыл, иҵуазеи иауеижьҭеи,
Мшыцәгьабааԥс, мшыбзиа акыр срыниахьеит.
Сықәын ари адгьыл иқәызго сԥымло,
Шьҭазаҵәык сыман сцон сахьцара,
Амцашьҭа мыцәа сгәаҵа ианыло,
Хәрашәакгьы амыхәо иблырц ишбылра.
Иарбан, закәызеи исҿыхо, сызҿыхо,
Харада харак сырҭарц иаҿу?
Ацәаха сымҭо ашамҭаз сзырҿыхо,
Исыцрыхо дызусҭа, абас «сызҭаху»?
Скараха аамҭа салоуп ҳаиламӡо,
Амши аҵхи сыԥсаххьеит кырҵуеит.
Аӡиас хыҵхьеит аҭраҵәҟьа иҭамӡо,
Цәгьамыцәгьа нықәҳәа иагарц иццакуеит.
Сԥеиԥш сшазыԥшыз сааԥсазаап санҿыхаз,
Игәасҭеит мчыла ишамуаз акгьы.
Ԥышәаран, исиааиуан аамҭа исыцрыхоз,
Уи ауп исзырҵаз нас, сшымчыдаз саргьы.
Имҩастәын уандәықәла, хԥышәароуп иҟоу,
Ушзымцо мҩабжа уанааиуа иубоит.
Сеидру, мҩабжа, сахысхьоу сахьыҟоу,
Уи сара сакәым изусу иӡбоит.
***
Амҩа сықәлон маӡала,
Усышьҭалозар усыхьӡала.
Ушҟа снеиуан маӡала,
Усымбарцаз уҽӡала.
Ашәҭқәа сԥылан иҽырбон.
Узлацаз ахь схы сырхон.
Амра гылон иҭашәон,
Сара гәыӷрала сынхон.
Амза сыхәаԥшны иччон,
Мзашәахәала сҿанаҳәон.
Абжа еиҩысшон амш инҵәоз,
Аҵкы ашәысхуан аҵх ицоз.
Ааԥын салалан сышәҭуан.
Аӡын сҵаан саахынҳәуан.
Аԥхын сӡыхьуп, сҭабаӡом,
Ҭагалан бӷьыцны скаԥсаӡом.
Аԥша сацуп маӡала,
Ԥшалас иақәтәоу усыхьӡала.
Ажәҩан салоуп сиеҵәаны,
Адгьыл сықәуп ҿыц сышәҭны.
Шәааигәа сыҟоуп смаӡаны.
АШЫҚӘС ҾЫЦ АУХА
Бычча сыбҭар аҭыԥҳа,
Сгәалақәа сҵәахрын.
Быбжьы хааӡа иансаҳа
Ажәҩанахь сԥыррын.
Амҵәыжәҩаз саҳәарын аԥсаатә,
Мҩасҩык сихьыԥшрын.
Аха мҵәыжәҩада сааԥсон.
Рашьԥрык сазыԥшын.
Башәоуп схызхыз, изӡаӡом,
Ҽазнык исхьырша.
Исыҭам, ашәа сызҳәаӡом,
Сбыҳәоит, Анцәахша.
Сгәы иҭатәон хьыршаӡны,
Ԥсаатә мҩаск сагон.
Сыхәда иахаз иҭаӡны,
Кәалаԥ хәыҷык шәаҳәон.
Уи иахан быбжьыхаа,
Жәҩанынӡа инаӡон.
Сымҩа ган иҭӷәыхаа,
Ԥсаатә мҩаск сагон.
Ашықәс ҿыц ауха,
Ԥхыӡ ҽазнык бызбеит,
Ашықәс ҿыц ауха,
Башәақәа сбырҵеит.
Быччабжь сыбҭан, аҭыԥҳа,
Сгәалақәа сҵәахит.
Ҽазнык быбжьы ансаҳа,
Ажәҩан ахь сыԥрит!

ҼААНБЗИАЛА!
Ашықәс сыҭан, нас закәызеи,
Иарбан исҭаху уажәы.
Ҿыцны исыҭоуп, уажә сызҿузеи?
Иаажәг исшәысҵап акәымжәы.
Мҩаҿыцк ахь, бзиа збаша
Амҩа ҳақәлап, зегь ҳаицыз,
Бзиа збаша, бзиа зҳәаша,
Иаҳҳәогь иаауагь зегь акыз.
Иаҳзымхо ныҳәоуп, ачча, ашәа,
Амш иҿыцу зегь аҭоуп.
Ус шәымгылан шәеиқәыхьшәашәа,
Ашәа еицаҳҳәап, ус ахәҭоуп.
Мҩамыш, Ҽаанбзиала!

***
Анцәа дуӡӡа, амҩа сызҭаз
Уи зегь ҳзыҳәаны дабуп,
Исыгыз исыбзаз зегь гәазҭаз,
Исаназыжьыз
Иҭабуп!
***
Смаҿамҩа санылан снаскьон,
Саҵан исзымгоз еидарак.
Ирхәхьаз аӡә Ахәрашәа иҳәон,
Уи ашәагь сзацлон хьанҭаран.
Аамҭа иагәылсны инаскьон,
Уи амҩа сызныз исыркьаҿуаз,
Амшқәа иргәылкьаса ицон
Ахҭысқәа сышықәс зыркьаҿуаз.
Мцабылрак тәылак иахьӡон,
Аццышәгьы шкәакәан илеиуаз,
Асхыбеиԥш адгьыл хнаҩон,
Иџьасшьоз сымбацызт уи иеиуаз.
Иԥысшәоз дунеин уажәыҵәҟьа сахьцоз,
Дгьыли-жәҩани лашарак рыбжьысуан.
Шьхартәылан игәасҭон ишшаз,
Изымшоз ара аҵх хәылкьысуан.
Сҽыхәа срылԥаа сагон,
Ахаан чоу ҟамч зымбацыз.
Ԥшамҩа санылан снаскьон,
Ԥшабызшәа ажәакгьы зымҵацыз.
***
Сыԥсы ахҭынҵоуп сара стәыла,
Амца иацәыргеит ианбылуаз.
Абџьар сықәызкыз са сгәыла
Игәра зызгеи данаауаз.
Аблагәыӷра ибла дҭаччеит,
Аҭырасгьы Аԥсны иахыҵәт.
Аԥша иацыз Џьныш дыԥшаччеит,
Мраҵәахыга ԥҭахәашьк цәырҵт.
Ԥсныҟәгарҭа дгьылуп истәу,
Уи сыԥсҭыԥуп, сыбза иаирҭоуп,
Зыбзарӡала ҳәахьа ныжьтәу,
Ҭоурых-даҟьа-бӷьыц иаҩырҭоу,
Мцамҩа ианысыз иныҟәаҩ дыру,
Зышьха ргәаԥшьи рычҳаи злоу.
Сыԥсы-уазыри схьааи зныру,
Згараҿ хәрашәала иҭаҳәҳәоу.
Сгәы-амца-ҟәыга сыҽҳәа рхнышьна,
Сныҳәа-қәаб-хыҵ чҳара злам.
Аԥсыргәаҟқәа баша рҽыршьма?!
Ицәырган ухьқәа нагӡа иҳәам.
Сыԥсы ахҭынҵоуп сара стәыла…
Са сшьауардын зыжәҩа хәу.
Сгәы иаламӡо сара сгәала,
Ихымца қәхыгоуп узлашьу.
Ихәрашәахаз сыхәра рӷьага,
Сҿахә сырҳәага, сгәы сыԥсы.
Афырхацәа ртәыла нага.
Ԥрымҩа уқәзааит стәыла, Аԥсны.
***
Сара иӡхьаз сыԥшаауан,
Сахьцахьазнтә ҿыц саауан.
Сара иӡхьаз сыԥшаауан.
Ашәҭ агәаҵантә шьхыцк ԥыруан,
Аҳаԥы лашьцахь схынҳәуан.
Уаҟа схьаақәа сҵәахуан.
Ҵыск ҷырҷыруан иааигәаны,
Сышҟа иааиуан уи ԥырны,
Аха иабаҟоу сыгәра агом,
Сара аҵыс бызшәа сызҳәом.
Аҳаԥы аҵа цәгьа илашьцоуп,
Уа ҳәагәыжьла аӡә дҿаҳәоуп.
Иансаҳаз санду иллакәын,
Изсалҳәозгьы сыцәарц акәын.
Алакә ду бызшәоуп иахьа,
Ҵыск исанаҳәеит ҩаԥхьа.
Уахь снаскьарцаз сдура азхомызт,
Аҳәагәыжьгьы абжьы гомызт.
Уаҟа иҿарҳәаз са дыздыруан,
Хьаас имаз саргьы исныруан.
Аҵыс иаҳәон иааигәа ишыҟаз.
Иара убас саргьы дшысзыҟаз.
Уи ак ихьыр ҳәа саншәа,
Исҵеит аҵыс хәыҷ абызшәа.
Арашь кьыркьырбжь саҳауан.
Сара агәашәаҟны схынҳәуан.
***
Сара агәхашҭра соут саазқәылаз,
Сахьынтәаауа сара исԥылаз,
Сцарц ахьысҭахыз, сахьцо,
Мҩас сызқәыло, сызлацо,
Исҳәаз, избаз саб икәал,
Зегь аасхашҭны ҳашҭа сҭалт.
Исԥылода, сызԥылода ара иҭацәыр,
Сашҭа-сгәара иахыкәласхьеит ус аӡәыр.
Саб иҽыхәа ашьҭа ҭаӡит ҳамӡырха,
Ԥхыӡ цәгьоуп избо снышьҭаларгьы ес-уаха.
Ԥсы қымқымқәак иртәым иашьҭоуп иҿҟьаса,
Изхылҵыда абарҭ иреиԥшу абгасса?!
Ҳбызшәа гәаҟуа ҳадгьыл иқәхеит игәыкуа,
Сан луҭра шьоукгьы ҭыхоит иркәыкәуа.
Снаԥшы-ааԥшуа сшәа сагәылатәоуп сзаҵәӡа,
Слымҳа ҿнахуеит аӡын ԥшамҩас иҵәыҵәӡа.
Аҩны хьшәашәа уҩнатәеит ҳәа уԥхаӡом.
Ԥхара ахьыҟам амца аԥхарагь узхаӡом.
Сыжәҩа ҭҟьама, мшәан, сабаҟоу, сазҵаауеит:
Усоуп, усоуп, жәҩан бызшәала аҭак аауеит.
Исымбаӡакәа абас сышхәыцуаз аамҭа цеит,
Сыҽҳәа ҟәардә-хәыҷ сзықәтәалозгьы аӡәы игеит.
Ҳашҭа-ҳгәара, ҳнаҩс акәара ԥхыӡла избалоит,
Иҿыцу ҩныкаҿ, иҿыцу дәыкаҿ снатәалоит.
Уаҟа иҭынчрам, сықә иаџьынџьрам, стәымуаҩуп.
Истәым саҳәом, истәу сашьҭоуп, сныҟәаҩуп.
***
Сымшын ҭаба, ԥслымӡ сакара,
Сахҭыгәлазҭгьы, схы збарызма?!
Сыӷба шкәакәа, сыжәлар кара,
Ирхыргахьоу сызҳәарызма?!
Саҿа ианхалаз сыдгьыл ахәра,
Изырӷьаша хәрашәак ганда,
Қьаад ианымыз сара сықәра,
Сан иаалгәалашәан илҳәанда.
Аҽыр-ҽырҳәа амшын хыҵны
Гәырӷьаҿҳәаша-ччаԥшьны исԥылап.
Сыжәлар аӷба изгаз инҭыҵны
Рыԥсадгьылаҿ ҿыц еиԥылап.
Урҭ назгарҵыз лаԥш иаркараз
Аӷба шкәакәа шьҭа иҭоурыхыз,
Амшын ацәқәырԥ гәамҵқәа згараз
Ирхыҳәҳәало ҳбираҟ шьҭыхыз.
Сымшын хыҽҽа, сгәырӷьа ӡхызго,
Ичарашәаз иааугалаша.
Баграт иашәа, схьаа схызго, –
Еицаҳҳәалап «Агара ашәа»…
***
Ашәан сара усҟан сзырҿыхаз,
Ҵхагәҭан сымшәарц исаҳаз.
Мҵәыжәҩас аԥшалас исыхәаз,
Сышьҭыԥраартә ароуп иахьсызҳаз.
Ажәҩангьы амзаҿа исзалаз,
Шәахәа-рҩаш са сҟынӡа иааӡон.
Шаран ашаеҵә зхьынҳалаз,
Шамҭа-лашаран иаршон.
Ажәала сдунеихәыҷ зрыцқьаз,
Ҷырҷыр-хәыҷ сҵысгьы ааԥсахьан,
Уарҳал-ԥрык дантәалан иԥсыцқьаз,
Адәы-иаҵәа ирыцқьарц дтәахьан.
Имҩадан мҩасҩык дцахьаназ.
Шьҭа нарха мҩакгьы ргахьан.
Ныҳәаԥхьыӡ ша-махә иҿаназ,
Гәыцқьак ибартә ихьӡахьан.
Ианӡаломызт ссахьа мза-ҿаназ,
Ныҳәаԥхьыӡ схьыӡсо снаскьон.
Ша-иҳәамҭа сылахь ианҵаназ,
Издырыр ҿырҳәалагь исҵон.
***
Сара ацәқәырԥақәа срыцын,
Амшын хықәаҿ сԥыххаа сцон.
Сара ацәқәырԥақәа срыцын,
Сшәах шкәакәан сынкабон.
Аҷныш арҵәаа сара сакәын.
Агәы сҭыҵуан сгәырҩаны.
Сыхәрыбӷьыцны хәрамӷьак сақәын,
Сырҳәон ахәраз сашәаны.
Сқәаршҩы бааԥсын ҩарны схыҵуан,
Дгьыл-хәра-ҭыԥқәакгьы сыӡәӡәон.
Сахьҭаҿарҳәаз ҳаԥык сҭыҵуан,
Аҭырас ықәхуа Аԥсны сахьӡон.
Зны ссаркьалны жәлар сырхыҩуан,
Хьымӡеи зымцеи ргәашә иҭго,
Аԥхьарца рахәыц саҿыҩуан,
Жәытәи-ҿатәи еилырго.
Аамҭа хан-ду сцон сыҩнысны,
Ажәлеиԥш сгәылшәан сынкашәо.
Хра-махә-шьанҵа-мҩа саҿысны
Шьха-қәасабқәа ахьынхо.
Сырҩашхароуп арахь сылбаарцаз,
Ашьха ргәыҵәҟьа сыҭҟьаны,
Ашьха рхьаа арха исҳәарцаз,
Рхак санысроуп сыԥшааны.
Зегьы срыцлоит сша-шаны,
Мыцәа-ԥсымшьа ҵхы ршаны,
Сеикәшаны.
***
Исгәалашәеит ишысхашҭхьаз акы,
Аха изакәыз сгәаламшәеит.
Шаҟа саргәаҟзеи
Абри акәзар агәхашҭра захьӡу?
Уи сгәы ауп изхашҭыз,
Аха сара изысгәалашәеи
Ишысхашҭхьаз.
Схи сгәи еимарклааит
Изхашҭыз.
***
Саб инижьит ус акы,
Иуԥхьаӡозар ираҩсуа шәкы.
Иҩым ԥҟароуп зегь рҿы,
Иахьҵәахугьы – са сгәаҿы.
Кәалӡны ҳахьчон саб ихыҩ,
Зышьҭа анхалаз ҳашҭа иҽыҩ
Дақәтәан дҭоушәа збоит иахьа
Иаԥсуа маҭәа ихылԥа, иххьа.
Зегь ҳаҵакын, идыр, икәал,
Хәы змаӡамгьы уи ауп ҳа ҳмал.
Урҭ ҳрыцәхьаҵыр хланҵы ҳцоит,
Ҳаҩны ҳгәара зегь ҵыкәкәоит.
Саб иныҳәа цәашь ҳахго
Мҩамыш ҳақәҵо, цәгьа ҳацәго.
Дкәыкәы-цыкәуа уск даҿын.
Ԥхашьароуп ҳәа акы иҿакын.
Аамҭа ҳахәламырӡ ҳааигон,
Зегьы иааҳамхны ҳхара игон,
Закә еидароузеи дызҵаз!
Ҳахьша згәыҵакны изгаз,
Саб, иҭымҵәо сгәы иҭахаз…
***
Ԥсы ҟьашьны ицода арантәи
Ԥсрыцқьара?!
Ԥсы ҟьашьра ицода арантәи –
Ԥсыҟьашьра?!
Ԥсыцқьарҭоуп уахьгьы арахьгьы,
Ԥсыцқьа изы.
Иалхуп иҭыԥгьы, Цқьаҭыԥны,
Ԥшьаҭыԥны.
Ара Амц нхозар, мцфарҭазар,
Мцы ахьызнымхо ҭыԥуп Уахь,
Ԥшьаҭыԥҵәҟьоуп, узнеир.
Зыԥсрыцқьа зызгаз имҩахаз
Амҩа ианысуагь рацәамзар
Ҟалап ҳәа шәгәы иаанагар
Бзиан.
Аԥсрыцқьарҭа абаҟоу зҳәаз
Иуҭаша аҭак дыртәуп.
Аԥсы зрыцқьо иҟьашьу змоу иоуп –
Убри шәиазҵаа.
***
Сара азҵаарақәа шысҭиуаз
Уаҩықәрак саахҭыгәлеит.
Еиқәлацәоу здыруада,
Рҭакқәа сшырзыԥшыз,
Сызҵаарақәа сцәажәын,
Рҭакқәагьы даргьы
Аамҭа исцәалаӡит.
Уи моу, иара аамҭа
Ахаҭагьы шажәыз
Сара иажәхьазгьы игәасҭеит,
Аха ҳмеиканит.
Ҳҭыԥқәа ҳаԥсахзаргьы
Саргьы сҿамхеит,
Иаргьы зыхнымҳәит.
Сызҵаарақәа ҭакда
Инхеит,
Аха уаҳа ирызҵаатәымкәа
Даргьы, саргьы, аамҭагьы
Ҳаиццеит.

***
Ашәалҟьамра –
Аԥсҭазаара ахаҭа шакәыз
Сызгәаамыкӡаӡеит.
Амра ҳәа ансаҳа,
Ажәҩан ахь сыԥшуан –
Исхароузеи?!
Амрақәа шырацәаз
Здыруаз ҿырымҭӡеит, –
Ашьыцра уҳәеит ҳәа.

***
Агәырҩеи ахьааи уааргәылҵны
Аҟырҟырҳәа узлаччозеи?!
Удгьыл уҵаччо,
Ианбаҟалахьаз.
***
«Сҩыза» игыруара нышьҭаҵан,
Саԥсуара игарц дшаҿыз
Рыҩбагь ицәыӡит.

***
Аламыс шԥеицәыӡи, иҳәахт,
Иумам уцәыӡуашәа.

***
Сыччо сышнеиуаз иаасԥылаз,
Бзырыччозеи ҳәа исазҵааз,
Сыԥсҭазаара сахыччоит ҳәа анласҳәа, –
–Сара сахыччаны салган
Аҵәыуара салагахьеит, лҳәеит.

***
Жәаҩантәҟа хаҵа ицахьаз,
Деиҭацеит ҳәа заҳаз
Деигәырӷьеит.
Дызгаз ижәлоузеи ҳәа
Иазҳәаз даниазҵаа,
Убриҵәҟьа сазымҵааит,
Иҳәеит.

***
Аҵла сықәлан сықәхеит.
Сӷьаҵәы-ӷьаҵәуа зызҿысҭыз
Сгәыла – Уа бықәтәаз,
Уажәыҵәҟьа ашьапы ԥысҟоит, иҳәеит.
***
Саамҭа абӷьыцқәа ирнысҵо узаныхӡом,
Издыруеит уи иаԥхьо мышкызны дшиуа.
Сымцахә мырцәа, сырхышьна узыкныхӡом,
Сыҽҳәа аԥхарагь иароуп изхьыԥшуа.
Аҽыуаҩ хаҵа зны агәырӷьаӡ мҩанызго,
Ашәаџьҳәаҩ диԥсахроуп мышкызны ԥсрахар.
Игәаӷьра дақәтәоуп аӷба мҩанызго,
Аԥҳәысгьы длыԥсахуеит афырхаҵа дҭахар.
Измоу изы, аламыс ауаҩра иашәагоуп,
Иабоубо, иузаахәом џьаргьы ирҭиӡом.
Ахра мҩахәасҭа храқәцәахь иҩагоуп,
Ихаларц иану зегь уахь изцаӡом.
Ҟәышра зынхома ауаҩага инхарҭаҿ,
Иабгьы дызнысыз уи амҩа ахаҭоуп.
Лаԥшы-хаа зыдкылоу доуҳа-цқьа атәарҭаҿ,
Неига мҩас иҟоу агәы ахсаала ианҵоуп.
Гәыцқьак иҭысуа амҩа харазар,
Иаша-цәашь-хәыла уи амҩа лашоуп.
Саамҭа абӷьыцқәарҿ иашак сызҳәозар,
Изынҩылоу сышьҭахьҟа иааиуа Рмаҿоуп!

ИЦАХЬОУ
Аӡә иԥхыӡаҿ смырҳәацәаган,
Аамҭа самихырц даҿын.
Аӷба сақәтәан, ацәқәырԥ хаган.
Сцон сахьзымцоз, агәашәқәа аркын.
Аԥша хыбаа сышьҭа ихиҵон,
Сыӷба шкәакәа аанарҳәырц.
Срашь-шьаҳага-зынџьыр ԥиҵәон,
Ԥрыга-мҵәыжәҩақәа анартырц.
Ҿаҵак иҟам ҵыс хәыҷк ааины,
Маӡа-ҷырҷыр-жәабжьк аҳәон.
Аҵх зҳәынҷоз ацәа ииааины,
Иԥхыӡ лакәаҿ агәашә ааимҟьон.
Уа сынҭалон схьычԥыԥырха,
Ашәҭқәа ргәаҵа сынҭаԥшырц,
Адәы-иаҵәа-уарҳал ссирха,
Ԥхыӡ дунеикаҿ ҳнеиҿаԥшырц.
Аамҭеиԥш снеиуан уи дысхьымӡо,
Иамуит уаҳа ҳнеиҿаԥшны.
Иԥхыӡ сзалымҵуа, сагьзымцо,
Ччаԥшьны сгылан сизыԥшны.

***
Аӡыцәа шьҭыԥраа, амш сызхьымӡаз,
Жәҩан-ԥҭа ҟәашқәа инрылаӡит.
Сыбжьы наҩит са сахьзымцоз,
Анаҟә ҟәашқәа ирылаӡҭит.
Ажәҩан ӡмыжьра иаалҵын Амза
Ԥагьа-хәлачча исыхәаԥшуан.
Лыԥха-мҩангаҩ, иаркыз сцәымза,
Схышә-ԥарда-шла иалыԥшуан.
Лак ҷыӷә-ҷыӷәуа ахьҭа ицәгылан,
Иеишуан аҵх гәаӷганы.
Иџьашьо инеиуаз амҩа ианылан
Ҷкәынцәак ччон илафганы.
Иркарагаз аҭынчра бжьыда,
Сымыш гәамҵқәа ирысҭахьан.
Сгәаҵа иҭыҩуа Ашәа зҩыда?!
Ашәа сшахьчоз гәасҭахьан.
Ацәымза кьаҭа, аҵх хьшәашәа,
Рсахьа еиҭаҳәа иалугои.
Хәыҷра-гәырӷьа иацыз сашәа,
Аҵх хьшәашәа излалугои.
***
Сдунеи кәырша маӡа мҩаны,
Сықәны саауеит санз аахыс.
Исҳәатәызгьы насгәыҵамӡо, исзырушаз иамуаны,
Сызқәиҭыз насгәыҵакны сымш аҳәаа санынахыс,
Саамҭа абжьы саркьалха исԥылеит.
Кәапеик хыршәлан сӡыхь ахтарҭаҿ,
Сықә-амҳәыр-ԥшьа-шьана снылеит,
Анцәа-рыхԥа-рыцқьа ртәарҭаҿ,
Уи нахыстәи сымҩа гәаҭан,
Сымшқәа рҭамӡа сусқәа ракәын,
Аамҭа исшәысҵаз аҿыцшьа сшаҭан,
Сдунеи-кәырша маҟас иақәын.
Идгьыл-маҭәан дгьыл ианымшәо,
Схәыҷра иацыз зны исыцәдухоз,
Зҳәынҵәра сцәеилашәаз еилымшәо.
Сзыргәаауаз, краамҭа ианымхоз,
Амш-шара иабла саркьаз,
Рыц лашарак схышә иацәызгон.
Сықә шаеҵәагь ашара иахьӡарцаз,
Аҵх лашьцара агәашә иҭызгон.
Сдунеи-кәырша-маҟа ԥымҵәа
Саԥсуа маҭәа аӡара еиҩызҵәоз,
Сыдгьыл ҭоурых ҳәахьа нымҵәа,
Сышьҭа дхымҵроуп бӷьыц ианызҵоз.
***
Сгәыӷрақәа срыԥхын, еимхәыцҵас исхасҵеит,
Акакала срымхо, иҿысхуан сыԥсеиԥш,
Иахысхуаз аҭыԥан сгәы аԥҽыхақәа ахасҵеит.
Сгәы аԥҽыхақәа сзымго ихьамҭастәит атсеиԥш.
Исзымҳәаз, исзымгоз, асырӡеиԥш илеиуан.
Сҭаларгьы иԥандан, нырцәҟа узлацои.
Аҽыҩҷкәын дызцәыӡыз аҽыхәа леиҩеиуан,
Амӷ еиԥш иуҿыхон иузымҳәои иузҳәои.
Дунеи дук сангылан исыцәдыун убранӡа,
Ахәыцраҵәҟьа сылымшо ашәа саганы.
Иџьасшьоит аамҭа салсны иахьанӡа
Сахьааиз, цәгьеи бзиеи џьарак иеизганы.
Аамҭа-саан-ҟьаԥс ианыӡлон са сышьҭа,
Ашьыцра сапынҵас ианшьылан уи асаан.
Лагәыӷра лаԥш схьыӡсо исыхьӡарцаз исышьҭан,
Ашҭа исыцәҭалеит сасык иеиԥш исзаан.
Еиҭаҳатә хҩаак еиԥш, сыгәаӷьра сцәыӡны,
Сгәыӷрақәа реимхәыц рахәыцны исзынхеит.
Ирыԥхны исхасҵон сгәыӷрақәа ҿыцны,
Акакала срымхо сыԥсеиԥш исцәынҵәеит.

***
Заамҭа ианымшәаз ԥҽит ианкаҳа,
Шьҭахь иннажьит аамҭа изныз.
Иҿҟьеит аџьҵла амахә раҳа,
Аамҭа хажәаа хәраны изныз.
Еидарак иаҵаз зымга шьҭала,
Изымгоз неигон ирҳәазо.
Амца ахьдырцәо иабыкәу мцала
Изҳәаз дарбан ҳәа иџьашьо.
Еихымца-гәылҟьа-мцажәла ззымкыз,
Иҽҳәа хьшәашәа даҭәҳәо дтәоуп.
Деикәша-гьежьит гәнаҳа ззымгаз
Иԥсы-рныҟәа-шҭа-цқьа дҭоуп.
Изҳәо здыруа иигогь дыруп,
Жәҩа-ҭҟьа-мҩала мҩас дцаӡом.
Аиха лыхқәа ираҳу џыруп,
Хьанҭа зныруа бӷа хәаӡом.
Аамҭа хахан дард ианызҵаз,
Санду лнапқәа цәгьа иааԥсеит.
Акәаркәашь ианыхны исызҭаз
Сан лкымҭа, аҵкы-ԥшӡа сԥеит.
Заамҭа ианымшәаз ԥҽит инкаҳан.
***
Ихьшәаны игәасҭеит,
Аԥшеиҿасырҭаҟны сынхозаарын.
***
Сыҟаӡам зҳәаз, уҟаӡам ҳәа иарҳәеит.
Иарҳәазеишь иҟаӡамкәа сыҟаҵәҟьоуп ҳәа итәаз.
***
Исзышьҭымхуа шьҭысхыр гәнаалам,
Исыцәдыуцәоу маҭәа снаалом.
Ашәа сзымҳәо саламгароуп,
Ҷанра ицаша ҷан сымгароуп.
Ԥаршеи усла хьӡык сызгашам,
Шәи ҭагьежьуа уашҭа ҿиашам.
Сықә сацәхьаҵыр ҩашьарамхо,
Иацәугашеи иутәым уамхо.
Сыдгьыл сирҭа сгара ашәами.
Сыԥсы аҭыԥгьы саб иҿгами.
Сымца еикәацәар срыхьҭашьыпеи,
Сбызшәа сыхьыр сгәашәгьы акыпеи.
Ар ҳәа ззырҳәо арацәа ами,
Ҳашьҭахь иааиша ԥхьа ицо рами.
Сгәы зсыхьуа са схазы акәӡам,
Ҳахәра ӷьароуп абӷьыц ақәҵан.
Сашҭа иҭалаз угәы цқьоума,
Сыԥсы, сыдгьыл уԥсы ҩноума.
Абас дыҟоуп сара исыгу,
Анцәа идыруеит уаҵәы исықәу.
АҼААРТРА
Исҟьашьыр аӡыхьгьы,
Ӡыхәашьрагь сзаушам.
Уа ҿамҩак ихуто
Иҿажәкуа дазыԥшлап.
Ҳәатәы исымаз, сыхьгьы,
Сықәра ҳамҭа ануша,
Схәыҷреи сдуреи ируҭо,
Саамҭеиԥш исшалап.
Згәы ашәқәа ашәа рҭыҩуа
Ихароузеи, дагьныҳәоуп.
Ԥшырҭа лаԥш ихнахыз,
Иашҭа рыцқьа дҭоуп.
Нырцәи-аарцәи еигәныҩуа,
Ԥсы лашак ҵаныҳәоуп,
Ныҳәа-ҳәахьа иҿнахыз,
Гәыцқьа лыԥха изҭоуп.
Дгьыли-жәҩани еикьысын,
Ԥша-маӡак ныбжьырган.
Гәашә узҭамло инаган
Хьҭракаҿ ирҵәахит.
Рашь-мҵәыжәҩа ҭрысын,
Дәеикәша ҽыҩ наԥырган.
Ҟаза дук изнаган,
Храҿ-хыхәхәа инаркит.
Ибангьы избомызт,
Дәеикәша ҽыҩ ааԥсазаап,
Ирҳәахьаз еиҭарҳәон.
Ҟаза дук дыржуан.
Исҳәаша сызҳәомызт,
Иҟаз аамҭа цазаап,
Гәхашҭран уажә еиҭарҳәон,
Ақәахьтә аӡә дыԥшуан.
Исаҳаит уи иажәа,
Ԥсы ақәҵатәын иуҵозар,
Амцоуп кәиц нзыжьуа,
Аҽҳәа зшьо дҟалар.
Сықә хьча нас сырцәажәа,
Аӡырҩра сурҵазар.
Ажәоуп сыззынужьуа,
Бзы иашәан исызҳәар.
ААԤЫНТӘИ АҴХ
Аҵх салаԥшуан иссирха,
Иҭынчу ада жәа зымҳәац.
Аҵх сышьха, аҵх сырха,
Сҽыхәа хага ӷәра зымбац.
Аҵх зҳәынҷаз аҵар рашәа,
Слымҳа ишҭаҩуаз сыцәа ҟьалт.
Аҵх хьшәашәа аԥша хьшәашәа,
Схышә инхыҵны сыкәа иҭалт.
Сааԥын рыжәтә-хаа сырҩышьыга,
Сылабжышқәа ирыцны ицо,
Сқәыԥшра саркьа кыдҟьа аԥҽыга,
Снауҿаԥшаанӡа уаамҭа нҵԥәо.
Зны сухьӡашашәа сымбази,
Сушьҭанеиуан ушәҭқәа ҟәшәо.
Уа уанцози са сахьцози
Зынӡак иамуазаап еиқәшәо.
Аҵх сыха, аҵх сныха,
Сқәыԥшра дәы ссир ауахҭа.
Аҵар рашәабжь са сгәы аԥҽыха,
Сан лгарашәа ахаҭа.
АҬЫԤҲА
Схыза сықәызжәо аҭыԥҳа,
Башҭа иҭамӡар са сҽырҳа?
Сҽыхәа ццышәуп ӷәрагь ахам,
Аҽы надиқәа рашҭа иҭгам.
Ԥрымҩоуп, мҵәыжәҩоуп измаҭәоу,
Бара аҽықәтәара бырҵоу?!
Сара сажәа сгәаҵа иҭгоуп,
Сныха иамҵызгаз Ажәоуп.
Аӡбахә сеиҳәеит са с-Нцәа,
Мҩак санырҵеит Ашацәа.
Бжьызаҵәк сыхьӡала изырго,
Сыԥсыр сҿыхо уи анго.
Бара ибыҭоу даҽакуп,
Цаԥха змам агәашә аркуп.
Нцәеи Мци еиԥылар ҟалаӡом,
Нцәа дҟәышцәоуп, дузжьаӡом.
Уи дызцу иоуп дзаҳауа,
Бзы Ашәа ныжьны данхынҳәуа.
Уашҭа дҭысуеит ԥшьашьҭа ҭго,
Игәырӷьо иуԥыло узлаго.
Сара уи амҩала саауеит,
Сҽыхәа ӷәрадагь саҳауеит,
Сажәа сныха сгәы иҭакуп
Сыхраҿ ныҳәа снапы иакуп.
Урҭ зызгәамҭаз Аҭыԥҳа,
Башҭа иҭамӡар са сҽырҳа?!
Ибырҳа! Аҭыԥҳа!
***
Ишԥасыхьуаз гәҭыха нымҵәак,
Сышҟа иааҩуан ашәа ԥымҵәак.
Жәҩан Еҵәаџьаа рҽеидырхалон,
Жәҩангәашәԥхьара иақәшәаз дҭалон.
Доуҳа мцак аԥхара сныруан,
Сара исыҭам шсыҭам здыруан.
Сара сныҳәа мыцхәфарамызт,
Аԥхьа анеишьа мыцҳәарамызт.
Сықәлабашьа зегьы иркуамызт,
Аҵла хәарҽгьы ҵәымӷ акуамызт.
Сан инлыжьит сара снеишьа,
Саб иныҩ ихҭыс арҽеишьа,
Ԥхьахә зырҭозгьы изаҭәаз иакәын,
Зегьы ирбарҭан, пату рзақәын.
Уаҩра нага хырҽхәарамызт,
Хьажь рҟыжра шәаҳәарамызт.
Зегь ҳцәыӡызшәа згәы казыршәыз,
Ахҭа иҭамшәеит ахҿа иуршәыз.
Гәҭыха нымҵәан са сгәы иҭарсуп,
Џьаркеиԥш сабгьы ихаҿы иарсуп.
***
Сыԥсы шьҭысхит, сыԥсы ҿысхит,
Аҵх лашьца сыԥсы анысхит.
Ашә саахыҵит амш, ҳаицирцаз.
Ԥсаатә мҩасны ҳашьҭыԥрырцаз,
Ибжьы ааҩуан аҵх иаркараз,
Имҩа ԥышәан иахьҩадараз.
Ныҟәаҩык иҽышьҭыбжь ааҩуан,
Бызшәа ҿыцла амш ак аҩуан.
Уи са сакәызма измаҳаша,
Сара саҵами сара с-аша.
Изго исзымгоу сызгәамҭакәа,
Ҭыԥ ҟьашьыкаҿ ишьҭамҵакәа,
Ссааҭ ахыцқәа исхакнаҳаз,
Сымцарц сарҳәеит зны санкаҳаз,
Аха рҷық ауп са сзырҟьалаз,
Сгәы абжьы сымызхыз, исгәалаз.
Агәашәқәа атуан сахьцоз сыржьоназ,
Аԥсаа рашәа саргьы исҳәоназ,
Мҵәыжәҩак сашьҭан ԥырра зқәымыз,
Сымш инысхыз бӷьыцны искыназ,
Аԥшандагеиԥш схагьежьыхуан,
Мраҭашәамҭаз кәицк ацрысхуан.
Иблыгазаргь былра сықәыз,
Зны исшәарами ауалқәа исықәыз.
***
Сҵырҟаџьыба сыԥсы нҭасҵан,
Амҩа сықәлеит сца, сымца.
Смши сҵхи рҟәых еиласҵан,
Аԥша иасҭеит иансыхьӡа
Ҳәатә инсыжьуаз назаҳашаз,
Гәыӷра зцысҵогь уаҩ дызбом.
Ухь, угәала гәалс изҳәаша,
Сылаԥшҳәаа иабартә инхом.
Игьамадоу аӡы зҵысхьоу
Мҩаныфоушәа, сбызшәа сшьом.
Иаҳхамшьаӡаз ҳақә ҳазҵыҵхьоу
Иалгоу мҩада ашҟа узцом.
Зықә зыцәдуу дзыҵагылом,
Қәауншьҭахь цәгьа дбааӡоуп.
Аҳәоу нымҵәаҿ кәаԥ дыргылом,
Ҩыра зным ақьаадгьы цқьоуп.
Сымҩа кьыбан, сыԥсы сџьыбан,
Исзымгарҳәа сшәа, сымшәа,
Сызлацашаз ижәҩан кьыбан,
Амҩа сықәын сца, сымца.

Ишеит,
Сыршеит.

***

Аҵхи амши
Рыкәа сҭоуп,
Сырзымхеит,
Сеиҭымхеит.
Алашьцара саршәон,
Алашара сацәшәон,
Илашьцар ҳәа,
Сыршар ҳәа.
Саӡәызар сҭахын,
Лашаран сахын,
Ақә лашьца.
Аҵх сыҩныҵыр сҭахын.
Баша сахын,
Сыршаанӡа,
Ишаанӡа,
Амра са исгәын,
Ибылуаз гәын,
Абылра агьама
Збарцаз.
Сгәы мра былуан,
Мра мцаҿ сынхоназ
Сеиқәхон.
Сгәы амца ҭархаган –
Сҭахон.
***
Исыкәашашьои сзымкәашозар,
Напениҟьара шәылмшозар.
Аҵыс ашәа са исызҳәома,
Махә иаҿыҵшәа ашәыр камшәои,
Амш анҵәамҭаҿ Амра ҭамшәои.
Мрагылара сышьыжь ами,
Нарҭаа ргәара арашьқәа ҭами.
Харантә иааҩуа ашәа зҳәода,
Бзоу убжьаргьы иақәуртәода?
Цуҭа-ҭакәажә схьаа нымҵәеит,
Абрыскьылгьы изынџьыр ԥымҵәеит.
Ҳаԥсҭазаара лакәха ишԥаҟоу,
Еиҭазҳәашагь шьҭа дабаҟоу?!
Ашә аҿырхит аӡлагара,
Ҳашԥақәдырхеи агәысакара.
Адаӷь ҟәаҿуеит, иаурҳәозеи,
Мҩа нҵәа ддәықәлар дызлацозеи.
Изымкәашо, дкәашароума,
Исымҳәашагь сшәырҳәароума?
***
Аамҭа-кнаҳа-уаргьала,
Сақәтәаны сгьалоит.
Аамҭа-кнаҳа-уаргьала,
Хыхь, ҵаҟа сагоит.
Сышԥааԥсеи, скарахеит,
Мши-ҵхи сеимдырххоит.
Алҩа мцабзда салахеит,
Сгәыӷрақәагь хсырҷоит.
Аамҭа-кнаҳа-уаргьала,
Аҵӷақәагь ххаахьеит.
Аамҭа-гәымбыл иркала,
Ууаргьалаз сажәхьеит.
Сышәҭ-маӡажәа ҿаартқәа,
Схәыҷра адәаҿ инхаз.
Слакә-неиҭаҳәа-ҽаартқәа,
Агарашәеиԥш сзыжьжьаз…
Аамҭа-кнаҳа уаргьалан,
Сақәнартәом, сажьоит.
Аамҭа-гәымбыл иаркалан
Суаргьалеиԥш иԥҵәоит.
Аамҭа-кнаҳа-уаргьала,
Сақәтәаны сгьалоит.
Аамҭа-кнаҳа-уаргьала,
Сақәтәаны сгьалоит…
***
Аҵх агәы иҭыҩуаз
Алашб жьқәа сдырҟьалон.
Амза-бжа-цәыҵыԥш
Ахьырхьыр иччон.
Сыԥхыӡ-нымшәа исыламӡоз
Ҵхымҩала ибналон.
Ҵхыбжа нахыстә асас
Хьтәы-ҵәҵәа-бжьык иргон.
Ашьха маӡа ацәыҵәахны
Арҩашхыҵ каҭәон.
Шамҭаргама цәырганы
Ашара иахьнагӡон.
Алашбыжьқәа ирыхәлашәаз
Жәҩаҭҟьа-мҩахь деихон.
Еҵәаԥхьаӡа икыдшәахьаз
Дгьылаз ихәахон.
Аҵх-ҽыкәбал-зақәымтәа
Зҟамчы-заҵә мыцхәыз,
Шамҭа-шьаршьаф-шкәакәақәа
Схышәаҿ иахьыхшьыз
Сыԥсы-ргәаҟгьы ырлашо,
Сымш-шәҟәы адыртуан.
Сыԥхыӡ-ҟьала згәыҵамӡаз
Аҵхгьы сцәыԥсуан.
АМЫШЬҬАЦӘГЬА
Ссааҭ ахыцқәа аҵх ԥырҟон,
Сшәа сацәыргон рҷық-ҷық.
Алашбыжьқәа рнапы еинырҟьон,
Сышԥазмыцәеи ҽа хәыҷык..
Адунеи ҭамӡа сара змыцәа,
Гәырҩа ԥҽыха ахәра зну.
Уаха исзацлеит иааз аӡыцәа,
Ҳҳәаса иқәтәа аҿыжра иаҿу.
Цәгьала ицәымӷын саб даныҟаз,
Абжьы ааигәа ианиаҳауаз.
–«Ашьапы заҵә» уаха иабаҟаз –
Слымҳа иҭаҩуан сызхәаҽуаз.
Хьаа мҩазгоз, аҵх арцәажәон,
Игәкылҵәаган цәгьала абжьы.
– «Ашьапызаҵә» – саб дыгәжәажәон,
Еиларгыло са схәы-сжьы.
Амышьҭацәгьа, цәгьа мҩанызго
Рылоуп ԥсаатәгьы ауаагьы.
Акызаҵәык уаха игәнызго, –
Смышьҭацәгьазшәа збон саргьы.

НАНҲӘА
Аамҭа-ҽыҩ-џьбара сзықәтәазгьы,
Ашькыл амҟьан сзахамгылеит.
Ҽықәтәа-неиаа саԥхьа ицазгьы,
Раӷәра ахшәазаап, еиламгылеит.
Ахыц иаҿҟьаз ахҿа инеиуаз
Згәы иалҟьаз аамҭа нгылеит.
Жәлар ирнышәаз Анцәа иеиуаз,
Дыԥсны ҳҿыхны деиҭагылеит.
Нан ҳәа заҳҳәаз Ан ҳалгәыҵак,
Адгьыл лыԥха ҳадылкылеит.
Ацқьа лҳамҭа аԥыц иаҿыҵак
Аԥсаатә мҩас дгьыл ианылеит.
Лаԥш иҵылгеит зымхеи зымтәеи.
Нан-лдоуҳа-ԥшьа иԥкымыз,
Дызхьымӡазтәи лхьаа нымҵәеи,
Еиднакылон Анра згымыз,
Ахьырԥарцәа зыдгьыл иақәыз,
Нан ҳәа заҳҳәо лыбла рхызааит.
Амшраз ииуа, имшхаз ракәыз,
Ран лныҳәа-цәашь акызааит.
Ҿамш Анан, Нан лыԥха!
***
Аԥша амҵәыжәҩақәа срынтәалан,
Саман ҳаблак еимнадон.
Аԥша мҵәыжәҩақәа сышәхалан,
Сара сныжьны иара цон.
Адгьыл-кәырша-гәара-камҳа,
Ҭыԥ-ла-ҷаԥшьа, аԥша гьежьуан.
Ма жәынҭыӷьла-ҵлак еиҭамҳа,
Рыбӷьы ҿӷәыхаа ржьы хнатуан.
Сара зымтәа ԥша бызшәала
Сықә рцәажәо снапқәа сҟьон.
Исызгәакьан аԥша акала.
Адунеи агәашәқәа збон.
Сара гәыла, иара ԥшала,
Хьаак ӡхаҳгон уажә амшын.
Сара мцала, иара жәҩала,
Амшын ақәԥара ҳаҿын.
Аԥша амҵәыжәҩақәа срынтәалан,
Саман ҳаблак еимнадон.
Хымҩас хьаан са сгәы акы алан,
Аԥшеиԥш сымҩасыр ҳәа сацәшәон.
***
Сышьҭазацәа мҟьалахында,
Сапат жьакцак адыртрын.
Шьыцра нхарҭа ашәқәа атында,
Сышьҭа ихылоз дызбарын:
Сышьха-каԥкаԥ аҵәҵәа зхасҵоз,
Абыз шьҭызхуа иахькашәаз.
Ахьтәы ԥыркы аҵыс иҩнасҵаз,
Зашәа зҳәаанӡа изцәынҵәаз
Ахӡы алызхыз зыбжьы надкыл,
Ԥрыга-мҵәыжәҩагьы ԥҵәарын.
Усҟан ашәа сыԥсы инадкыл,
Саргьы мҵәыжәҩада сԥыррын.
Сышьҭазацәа ахӡы зцәызгаз
Ирымпыҵшәарын рыԥсеиԥш.
Сыхьтәы ԥыркы сҵыс иҩнызгаз,
Сыҵхқәа арлашалап уаҵәеиԥш.
Аҵх лашьца ахышә сыҩныҵуан,
Сапат жьакцагьы асыртуан.
Сышьха-каԥкаԥ ашьха ихыҵуан,
Ахьтәы-ҵәҵәала саанарԥшуан.
Шьыцра нрхарҭагь сыҩнаԥшуан.
АЦАԤХА
Сара ажәҩан ду саҳаит,
Сара амҵәыжәҩақәа сырҳаит.
Ацаԥха маӡа сиркит.
Ажәагәашәԥхьарҭа асыртит.
Уа ихьрыԥсаран еилыџьџьон,
Ажәеи ашәеи еилаҭәон.
Убас жәа-хаак саҳауан,
Доуҳаи-гәи-ԥси еиԥнашьуан.
Мҩа алган уаҳа избаӡом,
Мҵәыжәҩа змамгьы дызԥырӡом.
Сыхь зегь ԥхыӡ ссирны саҭан,
Сара мҩа заҵәык сызган.
Уа цәгьа уургьы ҟалаӡом,
Мци нхарҭеи еилаӡом.
Бжьы заҵәыкоуп уаҟа иго,
Измаҳашагь мҩа имго.
Шәада дгьылаҿ санынха,
Сара исыҭан Ацаԥха.
Сара уи амҩала снаскьон,
Ажәеи ашәеи еилаҭәон.
***
Хьаас иҟаз сара сакәын,
Сыхәрыбӷьыцны ахәра сақәын.
Дгьыл маҭәала сеилаҳәан,
Жәҩан-ԥҭа-хызала сҭаҳәҳәан.
Зыхәра сақәыз ихәра ӷьомызт,
Ахәрышәагьы цқьа исызҳәомызт.
Сгәы амца иалашәаз былуан,
Ахәрабӷьыцра баша изуан.
Иҩыз хьаамызт сызгозгьы,
Ирызгәамҭеит саԥхьа ицозгьы.
Иҿазымҵаз сышәқәа ҿырхит,
Сахьынхозгьы сыхьӡ анырхит.
Аԥша амца азырцәома,
Сыхь зымбазгьы дырцәоума.
Хьаак хәрыбӷьыцны сақәырҵеит,
Схаҭа схьаан, сақәымӡеит.
Еҵәа блыцқәа срыцҭашәон,
Сыццышә блыхан срыцкашәон.
Сыхәра мӷьақәа схьаауан,
Ахәра абӷьыц сазгәаауан.
Хьаас иҟаз сара сакәын,
Сыхәрыбӷьыцтәны ахәра сақәын,
Уаҳа имӷьарц…
Исызмырӷьо.
***
Сыҩаӡара лаӡарамхар,
Сҭаӡара ҭшәахарамхар.
Сымш гәахәа мраԥхарахар,
Шәи-мҩасҩык дысхарамхар,
Сҭыԥ-санхарҭа-ԥшьа рыцқьахар,
Сыԥсыхьчаҩцәа сагьрыцҭахар,
Сышәҵә-уаӡом, сагьҵә-уатәӡам,
Аҽыхацәагь са исыуаӡам.
Сыбжьы исхаз ауп еиҭасымкӡеит,
Ҽырба игәара сыҽҭасымкӡеит.
Ашәҭқәа ԥшӡара иашьанами,
Мҩахәасҭангьы мҩак згарами.
Сыҵх агәы сҭацәажәалап,
Ҳаинымшәаргьы сыгәжәажәалап.
Сышьыжь-ԥшалас сарҿыхалап,
Сымыш усқәа срыцрыхалап.
***
Шәшьапаҵақәа шәрыцқьа,
Ашьациаҵәа гәнаҳауп.
Ҳадгьыл ҿызхыз Ԥсыцқьа
Иаамҭа саркьал кнаҳауп.
Ажәӡы ҟьашь зыхькьысыз
Аҵиаа-шҳам шәарҭоуп.
Аҽыҩқәа ираԥысыз
Шьыцра-ԥхьахә игарҭоуп.
Аԥша заӷәра зҿыҵшәаз,
Шнеиуа ифырҭынхоит.
Ацәқәырԥ кшақәа ԥызшәаз,
Адгьылаҿы дтәымхоит.
Амш ацашьа ацашьоуп,
Аҵх иахьынҳалом.
Хаша анаҩс ԥшьашоуп,
Ижәҩадоу ԥырра инаалом.
Агәашә зҿоу иатырцоуп
Иҭоумҵо дҭоумыжьлан.
Изышьҭымхуа данҭуцоуп.
Угәашәқәа еиҿоумыжьлан
Уи адагьы:
Шәшьапаҵақәа шәрыцқьа,
Ашьациаҵәа гәнаҳауп.
Ҳадгьыл ҿызхыз Ԥсыцқьа
Иаамҭа саркьал кнаҳауп.
***
Сара дуӡӡак саҟәырҷахоуп.
Сара дуӡӡак саҭынхоуп.
Дунеи иакәшо хацны схахоуп,
Доуҳа-мца-еиҿакла сырԥхоуп.
Сыжәҩан цыршәоуп еҵәакыдшәан,
Имблыз кәицны сеиқәырхоуп.
Дгьыл уаҩхарцаз кыргьы сҽысшәан,
Аха жәҩанда сыԥсы бжоуп.
Са сыгәлымҳауп, сыгәныхәҵысҭоуп,
Абжьы ҭаҩуеит сгәы иҭацәым,
Анцәа имҭа тәылак сыҭоуп,
Ԥсыла ирыцқьоу, зуал шәатәым.
Са сгәыԥҽыхоуп хьаа зламӡаз,
Шәҭыци шьхыци сырҭынхоуп.
Зыдгьыл хьаа згәаҵа иҭамӡаз,
Сыхәрашәаны хәраказ сҳәоуп,
Суцәыӡыргьы ԥшаара сықәуп,
Адгьыл салоуп сша-шаны.
Исхагылоу ажәҩан сықәуп.
Анцәа дуӡӡа иџьшьаны.
Сара дуӡӡак саҟәырҷахоуп…
УАҴӘЫНӠА
Сара сныҟәахьан саниз,
Сԥырхьан санныҟәаз.
Аха уанӡа са сызҿыз
Имаӡаз, ус иҟаз.
Сан исылҭеит абжьы исхаз,
Саб ачҳара – ҳамҭас.
Еҵәа рыԥхны сыхәда иахаз,
Зыццышә шкәакәа зҳамҭаз.
Адәы иаҵәа сықәсны сцон,
Ибылхьеит, иҵӡозеи.
Амра кнысхын цәгьала ицан,
Мрада-жәҩан зыԥсоузеи?
Са сырбаанӡа сихьан,
Сԥырхьан санныҟәаз.
Иацы анырҳәазгьы иахьан,
Уаҵәакәын сара исзыҟаз.
Амш акәабон ақәа,
Сарбааӡон сгәы аҟынӡа,
Рыҭра иамкуа ицон аӡқәа,
Ҳазнеирушь, нас уаҵәынӡа.
Уаҵәынӡа… уаҵәынӡа…
Уаҵәынӡа!!!

***
Хәашак сдәықәлан, сцеит сахьцашаз,
Хәаша лыхын са сзыхьӡашаз.
Шықәсла ахәашақәа неицысҵан,
Жәаха-шықәса-ржәаха анысҵан,
Сыԥсҭазаара рылх искымызи.
Амза жәахагь сара истәымзи
Ахәашеи жәаха-хыԥхьаӡареи
Март хыԥшацәгьа ԥша наӡареи,
Дара аԥшәыман, са ссасызу,
Sez Abhaz-Abaza ädäbiyättän 1 tekst ukıdıgız.
Çirattagı - Хшәаӡшәа - 8
  • Büleklär
  • Хшәаӡшәа - 1
    Süzlärneñ gomumi sanı 3204
    Unikal süzlärneñ gomumi sanı 2379
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хшәаӡшәа - 2
    Süzlärneñ gomumi sanı 3179
    Unikal süzlärneñ gomumi sanı 2392
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хшәаӡшәа - 3
    Süzlärneñ gomumi sanı 3214
    Unikal süzlärneñ gomumi sanı 2446
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хшәаӡшәа - 4
    Süzlärneñ gomumi sanı 3189
    Unikal süzlärneñ gomumi sanı 2398
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хшәаӡшәа - 5
    Süzlärneñ gomumi sanı 3231
    Unikal süzlärneñ gomumi sanı 2484
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хшәаӡшәа - 6
    Süzlärneñ gomumi sanı 3222
    Unikal süzlärneñ gomumi sanı 2390
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хшәаӡшәа - 7
    Süzlärneñ gomumi sanı 3140
    Unikal süzlärneñ gomumi sanı 2381
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Хшәаӡшәа - 8
    Süzlärneñ gomumi sanı 2222
    Unikal süzlärneñ gomumi sanı 1671
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.