Latin

Ҽнак, 1989 шықәсазы - 10

Süzlärneñ gomumi sanı 3325
Unikal süzlärneñ gomumi sanı 2264
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
уаҟа изӡбо ауаа рымазарц. Ҳара убри аус аҿы иаҳа
ҳалшоит. Иҳадгыло егьырҭ араионқәеи ақалақьқәеи
рҿы иҟалахьеит, иагьмаҷӡам.
Гәбаз Л.: – Иахьатәи ҳаизара аԥсуаа рымаца­
ра ирызкыу, егьырҭ амилаҭқәагьы рҽаладырхәырц
рылшоу?
Кьахьыриԥа Б.: – Аустав излаҳәо ала, рхы
ҳаладырхәырц рылшоит зегьы.
Ақәгыларақәа.:
Антелава Л.: – Иахьатәи Аустав апроект адкыла­
ра аԥсоуп ҳәа сгәы иаанагоит. Доусы игәы ишаанаго
ала, еиҳа аус ишахәҭоу иахьыруо дрылагылазааит.
Сгәанала, ҳара ҳаиҿкаара аус бзиақәа мҩаԥнагахьеит
ҳажәлар рзын, убри уалалар иаԥсахартә еиԥш.

Ҳагба Ф.: – Аус зуа аиҿкаара ҳаԥырхаганы
ижәымбаӡои?
Смыр В.: – Ҳагба изҵаара араҟа иаҭахымызт
ҳәа исԥхьаӡоит, избанзар, ҳара ҳаидгылара аус
ауеижьҭеи акрааҵуеит, аҽеиҿнакаахьеит. Ахьӡ
аӡбахә: сгәы иаанагоит аԥсадгьыл аиқәырхацәа ре­
идгыла ахьӡзар иаҳа иеиӷьуп ҳәа, ҳара ҳаԥсадгьыл
еиқәҳархароц ауп ҳазҿу.
Ҳагба Ф.: – Ҳаԥсадгьыл еиқәҳархароуп, аха иа­
хьа иҟаҳҵо уи иаԥырхагоуп ҳәа исԥхьаӡоит. Амч за­
урц иҟоу «Аидгылара» шьапҿаршә азаауеит. (Уаҳа
идырҳәом, длыбаарцоит.)
Аиба В.: – Мыцла иҳәоу аидгылара акәым ҳара
иҳамазааша, иаҭахым ҩныҵҟала ибаау аидгылара.
Зажәеи зуси еиқәшәо аидгылара ҳамазароуп. Ҳус
акакәзароуп зегьы, аха доусы излаҳалшо ала уахь
ҳаихозароуп. Гәдоуҭагьы еиҿкаауп даҽа еиҿкаарак
«Аԥсадгьыл» захьӡу. Амала аӡәы иҟаиҵо егьи
иԥимыргароуп.
Зарданиа Н.: – Ҿыц еиҿышәкааз аидгыла
шәыдысныҳәалоит.
Гәбаз А.: – Аустав ҳадаҳкылап.
Цыхьычба Л.: – Ари аидгыла садгылаҩуп, шәааи,
иааркьаҿны иҳадаҳкылап.
Барцыц В.: – Ажәлар амҩа иаша иқәуп.
Барцыц Л.: – Аидгылара ахьӡ даҽакала иԥсахзар
сҭахыуп. Аустав садгылаҩуп.
Ирыӡбеит: 1/ҿыц еиҿкаау аилазаара ахьӡ
шьақәырӷәӷәазааит «Гагратәи аидгыла «Абры­
скьыл» ҳәа /Гагрский Союз «Абрыскьыл»/ ; 2/жәлар
рдепутатцәа Гагра ақалақьсовет анагӡком аҿаԥхьа
аҳәара ҟаҵазааит аилазаара «Абрыскьыл» ҭарҩырц,
Аустав акьыԥхьра азин ҟарҵарц; 3/агазеҭ «Аван­
гард» аредакциа аҿаԥхьа аҳәара ҟаҵазааит Гагра

Жәлар р-Форум ахаҭыԥан ишеиҿкаау Гагратәи
аидгыла «Абрыскьыл», насгьы иахьатәи аизара
аматериалқәа агазеҭ ианыларц.
Изыӡырҩуан: Гыцба Л. анапхгарақәа рахь ааԥ­
хьарақәа рыдыркылараз. Ааԥхьарақәа рпроект­қәа
апротокол иацуп.
Ирыӡбеит: аҵыхәтәантәи аамҭақәа рзы иҟалаз
ахҭысқәа
ирызкны
ааԥхьарақәа
рпроектқәа
шьақәырӷәӷәазааит.
Аизара мҩаԥыргон рнапы аҵаҩуп / Б.Кьахьыриԥа/,
/Л.Гыцба/
Амаӡаныҟәгаҩ лнапы аҵаҩуп /И. Сиҷинаа./
Б
Председателю Президиума Верховного Совета
Абхазской АССР тов. Кобахия В.О.
Первому секретарю Гагрского Горкома партии
тов. Пилиа В.Д
Председателю Гагрского исполкома Горсовета
Народных Депутатов тов. Кучухидзе К.
Председателю КГБ Гагрского горисполкома тов.
Иоселиани
Мы, члены Гагрского союза «Абрыскьыл», счита­
ем справедливой борьбу народа за свою националь­
ную независимость и рады видеть Грузию само­
стоятельной, но при этом нужно учитывать, что все
народы, независимо от численности имеют право на
самоопределение. Если советизация Грузии в 1921
году считается для грузинского народа аннексией,

свержением существовавшего строя, то абхазский
народ имеет право считать аннексией ввод меньше­
вистских войск в Абхазию в мае 1918 года с целью
свержения советской власти в Абхазии и абхазской
государственности.
Акт свержения советской власти в Абхазии тогда
осуществлялся под флагом демократической респу­
блики /меньшевистской/ Грузии, который сегодня
признается вновь национальным.
По этим двум причинам – празднование дня госу­
дарственности 26 мая и вывешивание трехцветного
меньшевистского флага на территории Абхазии, –
возникают конфликты, переходящие в межнацио­
нальную рознь.
В связи с этим, мы настоятельно требуем, чтобы
официально было запрещено проведение праздни­
ка государственности 26 мая и вывешивание трех­
цветных флагов.
Не нужно забывать, что счастье одного народа
невозможно построить на несчастьи другого. Мы,
абхазский народ, также имеем право решать сами
свою судьбу.
Принято на общем собрании Гагрского союза
«Абрыскьыл» 23 мая 1990 года.
Председатель собрания подпись /Кехирипа/
В
Председателю Верховного Совета Абхазской
АССР тов. Кобахия
Председателю Совета Министров Абхазской АССР
тов. Анчабадзе

И. О. Министра ВД Абхазии тов. Ломинадзе
Председателю КГБ Гагрского горисполкома тов.
Иоселиани
16 мая 1990 года на стадионе г. Гагра проводился
матч чемпионата ГССР. Есть сведения, что в одном
из автобусов сидели сотрудники внутренних дел с
автоматами, ожидая начала кровопролития.
Если Вы знаете, что действия федерации футбо­
ла Грузии связаны с кровопролитием, почему Вы не
ставите вопрос о том, чтобы подобные мероприя­
тия проводились вне Абхазии, или же столкновение
считается выгодным фактом?
Принято на общем собрании Гагрского союза
«Абыскьыл» 23 мая 1990 года.
Председатель собрания подпись /Кехирипа/
Начальнику Гагрского горотдела милиции тов.
Гогиа.
Гагрский союз «Абрыскьыл» просит Вас выста­
вить охрану у стелы на границе с Краснодарским
краем 25-26 мая 1990 года, чтобы не были вывеше­
ны неконституционные флаги, которые могут вы­
звать межнациональную рознь.
Принято на общем собрании союза «Абрыскьыл»
23 мая 1990 года.
Председатель собрания подпись /Кехирипа/.

АХӘБАТӘИ АХӘҬАИаангылаз амашьынақәа Сергеи, Валикәа, Баграт,
Ирина, лҩыза ӡӷаб Леила уҳәа, амҩаду ааҭдырҭәаарц
егьрыгмызт. Урҭ зҽыззыркуаз ззымдыруаз ақырҭқәа
еилауаҭыруа ашкол агәарԥ иқәын, еизганы ирбы­
луаз агәам-сам амҩа ианыжьлан. Абираҟ анкнырх
нахыс, араҟа аангылара иаԥсамызт, ргәыҭҟьара
рхыԥсаанӡа иҳәан, Леуанти шьҭахьҟа имашьы­
на дынҭалеит. Ишьҭаз ауаа иҿыԥшырц, ирлас
амҩаду дҩанылеит, ацитрус совнхара шыҟаз ихы
рханы. Уаанӡа ҩбаҟа километр бжьазар акәхарын,
ааигәаӡа инкылҟьарын. Аҽны абираҟқәа ирыкных­
шьаз акәын дзызхәыцуаз. Бзыԥҭа Ҷыҭанаа Валикәа
заҵәык дазхеит. Авокзалаҿ Вадими Бадреи леины
аҭыԥ иқәырҵеит. Аихамҩаҿ аус зуаз рыда уаҩы
дрымбеит, аӡәгьы дырԥырхагамызт. Гагра ақырҭуа
школаҿ Бадра арҵаҩы ԥҳәыс заҵә дахьлацәажәаз
азхеит, рхала рбираҟ кнырхырц. Алаҳаӡыхь иа­
хьааиз, анхацәа маҷӡамкәа ашҭа иҭагьежьуан, аха
хацәнамырха рбираҟ хьчара иазхиаӡамызт. Иаҳәози
арҭ рхымҩаԥгашьа? Амҩаду ианыз уажәы рхы ахь­
хаз ацитрус совнхараҿ ирызԥшызи? Уи аҭыԥгьы
Алаҳаӡыхь иаҵанакуан.
Леуанти иабиԥара риашьараҿ ҭаца дук дрыман.
Акырӡа лхыҵуаны, лыԥсаҭа шкәакәахазижьҭеи уа­
мак ҵуамызт. Уи амҳаџьырра даараӡа бзиа илгәа­
лашәон. Лаҳаӡаа ықәҵырц еицырхашьшьы амшын

ахь ианкылсуаз аҽны, лара, алаҳаҵла дықәтәаны,
алаҳа ҿыхны илфозаарын. Дара, ҵыхәаԥҵәарак
рымамызшәа, агаҿа иазцон, рқыҭа усгьы ам­
шын иӡхықәгылан. Ишыҟалаз лыздыруамызт, аха
лара дзыжәлаз Кьахьыраа, Бениақәа, амҳаџьыр
иамгаӡеит. Лара Асԥа ақыҭан инхоз Џьансыҭк
дигеит. Урҭ ирыцындырхаз Хышбак лаҳәшьа
дирҭеит. Егьырҭ, лара лыжәлантәқәа, Бармышь ин­
хон. Алаҳаӡы иаанхаз аӡәык-ҩыџьак ықәҵит, ари
ақыҭа амшын аҿықәантәи агуберниа иаларҵеит
азын, зыфҩы гоз ауаа амшын ахь икылсит, дара
рҳәашьала, рыланхара рылшомызт. Аԥсны, округс
ианыҟарҵа нахыс, аҳәаа усгьы идырҭшәон. Бзыԥҭа
ақыҭан кәарк леиуеит Ахәҵантә. Арасаӡыхь ахьӡуп.
Уи ақыҭа еиҩшаны аӡиас Бзыԥ иазцон, аԥсуа окру­
ги аурыс губерниеи ҳәаас ирыбжьан. Аԥснытәи ао­
круг, Аҟәатәи, Қәҭешьтәи агуберниа иалан азын,
ақырҭқәа иӷархаз аԥсуа дгьылқәа рнапаҿы иаар­
гарц рҽазыркит. Амшын Еиқәа агуберниа иалалеит
Асԥа ахәҭаки Алаҳаӡы ақыҭеи, аурыс генералцәа
десҭынла адгьылқәа аархәон.
Цқьа еилкаам ишыҟалақәаз, аха аԥсуа ҭауад
хылҵшьҭра Инал-иԥа Асҭамыр Алаҳаӡы инапаҿы
иааит, зеижәтәи ашәышықәса анҵәамҭазшәа. Аԥсуа
нхацәа ааигеит инирхарц, иаргьы ицхраарц. Из­
дыруадаз уи шьҭрала иқыҭа акәзар… Избанзар,
аӡиас Бзыԥ унырыр, ишьҭан Иналқыҭ. Уаантәы иа­
ауеит аӡиа Инқыҭ ахьӡ. Уи ақыҭа Лӡаа иадын. Ау­
рыс ақыҭанхамҩа аиҭакра анымҩаԥысуаз, араатәи
анхацәа Иналаа иртәызшәа ддырҳәеит, аиҭакра
амал алыргарц. Уи иалҵыз дыруп, аурыс чынуаа
еилыркаахьан ҭауади-аамсҭеи анхацәеи ҳәа аԥсуа
ԥсҭазаараҿ еиҟәшарас иҟаз ишлаԥшхырԥагаз. Ус
аҽеиҩшара ӷәӷәа шьақәгыламызт. Анхацәа рхы

иақәиҭын. Абри аимак жәларык аурыс мчы иаҿа­
наргылеит, ицәырҵыз жәлар рҵысра убри акәын
иаҵакыҵәҟьаз. Даҽа
жәа-шықәса
рышьҭахь
аурысқәеи аҭырқәцәеи иаарыбжьалаз аибашьра
амҳаџьыр ӷәӷәала иарҵысын, ҳадгьылқәа ҭацәит.
Амала Иналаа Бзыԥҭа еиқәхеит. Алаҳаӡы акәзар
– знапаҿы иҟаз Инал-иԥа Асҭамыр зхы иақәиҭыз
аԥсуа нхацәа изаанымкылеит. Иахьынтәааигақәаз
ихынҳәит. Дцан, Самырзаҟани Гыртәылеи ирылга­
ны, агырқәуа ааигеит, ажәырҭ иагахьаз идгьылқәа
рыхдирҟьеит, аҽаҩра беиа аадрыхуан, даргьы нир­
хеит. Абарҭқәа дахьынӡарҿыз, уаҳа Асҭамыр инапы
злакыз цқьа иҭҵаам. Ирҳәон ареволиуционерцәа
иҽрыдиҳәалазшәа, ма адемократиатә дунеи
қәыԥшылашьа далаҟазшәа. Даҽа џьоукы изларҳәо
ала, Ҭҟәаԥс инаркны Егрынӡа иара дызхагылашаз
аԥсуа ҳәынҭқарра еиҿикаарц дашьҭан. Аиашаҵәҟьа
ахьыҟаз здыруада. Аус злаз – аӷацәа ирҳаит. Цқьа
еилкаамкәан, иара дҭадырхеит актәи аурыс револи­
уциа аламҭалаз. Иқыҭа Алаҳаӡы, амшын азааигәара
джын иара, ҩыџьа иԥацәагьы убра анышә иахьа
иамадоуп. Уи аҭыԥ ԥсыжырҭахеит. Ашьҭахь ақыҭа
дгьылқәа Егуминов иааихәеит. Идгьыл иалсу­
аз амҩа еихасырҭаҿ агәашә гылан, ииасуаз аԥара
рымшәакәа, изҭысӡомызт. Уи аҭыԥ иахьа акурорт ду
Пицунда ицо амҩа атрасса иахьаҿыҵуа ауп. Егумин
игәашә ҳәа иахьагьы иашьҭоуп. Асоциалисттә рево­
лиуциа дыхнарҵәеит акәымзар, ақыҭа иршәҭырц
дыҟан. Иара ихациркыз анхамҩақәа ракәын асо­
вет мчы аламҭалаз иҿиауа зҿыназхаз. Ақыҭауаа,
агырқәеи, Ҭырқәтәылан анибарҵәара иацәшәаны,
арахь иқәнагалаз ашәамахьцәеи, ҿаҵак адгьыл
умоуа иҭдырҭәаахьан. Асҭамыр ибзоураны, иҿиаз
агырқәа ара инхон, ақырҭқәа ирыҵанакыз ажә­

ларқәа хырҵәаны арахь уаҩ даарымгаӡеит. Убарҭ
ракәын иахьа аԥсуа гәазыҳәарақәа ирҿагылоз. Ари
закәызеи? Леуанти игәы иалан аҭоурых хҭысқәа
реизҳазыӷьара зегьы Аԥсны иахьаҿагылоз.
Изныз амҩаду арыӷьарахь анхарҭақәа даара
еиҿкаан. Убарҭ рышьҭахь адгьыл еиҵых шьҭан.
Даныхәыҷыз убра дааргахьан, аҽырҩра мҩаԥысуан.
Ирҳәоз акы идыруа, игәалашәо иахьа дыҟамызт.
Қырҭшәала имҩаԥыргон. Ааилашәшәымҭаз, аҽыҩ
дуқәа ҳәа изышьҭаз анықәҵ, ауаа еилыҵуан.
Даныхәыҷыз нахыс убри аҽырҩра ибла ихымҵуа
ихгылан. Аказы шаҳаҭра ауан, дызҳацԥхьаӡа ус
иҟаз ахҭысқәа еишьҭагылан, илаҽуан, мышкымзар
мышкы зны зҽеизызгахьаз мшын цәқәырԥазшәа
икшарц. Алаҳаӡы ҳәа хьӡыс измаз, жәытәла
иаԥсыуа қыҭа ӷәӷәаз аҭыԥан иахьа ԥсыуа ҭаацәарак
аларшәымызт. Аԥсҭазаара ԥхьаҟа ицон, закәытә тра­
гедиаз иахҭнагахьаз иқәынхоз ажәлар ирхашҭӡарц
егьрыгӡамызт.
Арыцҳара
ду
аҭоурыхҵәҟьа
иахашҭӡарц акрагызма? Ақыҭа агәаны, амҩаҿынтә
шьҭа иубарҭамкәан, зны иашҭа дууз нхарҭақәала
иҭахкааны, жәытә хыбра дук ахаҳәтә шьаҭа
убарҭан. Уи ҿыц иаадыртызшәа, убри азы акыр
нышә рыбӷьаҭыз џьушьарын, ааигәа акьыԥхь аҿы
иалацәажәон. Аҳык иашҭа иҭагылаз ханызма, ма
хыхьчарҭа баагәарак иҭагылаз уахәамазма, изакәытә
ҭоурых ҭыԥзи адгьыл аныӡӡаара иаҿыз ари? Уи
азааигәара, амҩа егьи аган ала алаҳақәа рыҵаҟа
иҵыҵуан аӡыхь. Уи иагьӡыхь хәыҷымызт, икәарны
икәарымкәа, иӡиасны иагьӡиасымкәа, ақыҭа иалс­
ны, амшын иазцон. Ақыҭа шынеибакәыз каршәран,
иҩаҳаракыз ҭыԥк џьара убла иҵашәаӡомызт. Нас
ақыҭа агәаҿы иабаанагоз зымҽхак маҷӡамыз
аӡыхь? Иџьоушьашаз, аҵеиџьқәа аӡы анырҭабоз

Кәыркәа мза анҵәамҭазгьы, аӡыхь иацӡаауамызт.
Аҵыхәтәантәи ажәа-шықәса иалагӡаны, ақыҭа
Алаҳаӡы Алаҳаӡыхь ҳәа ԥсахра маҷк аиуит. Леуан­
ти игәы иалан ус иҟарымҵар ада ԥсыхәа ахьаимууз.
Ажәытә хьӡы ԥсахрада инхар – ҭоурыхымзи. Цқьа
данхәыцлак, уи аԥсахра маҷ аиашара дазааиуан.
Аекскурсиа мҩаԥгацәа, аиҳараӡак уахь ирыдыр­
кылоз ақырҭқәан, аԥсшьацәа рыманы, ашьхақәеи
амшыни ирыбжьаркыз ақыҭа ԥшӡа ианалсуаз, ари
ақыҭа зыхьӡ ахыз агенерал Алахаӡе иакәын ҳәа,
мцы-фырхаҵак дцәыҵыргон. Убри еиладырбгарц,
ажәалагала иҟарҵаз аус ауит, аиҳараӡак аԥсуаа
рыгәҭаны аҳаҭыр зырҳарц зҭахыз аиҳабыраҿ итәаз
анрықәшәа. Алаҳаӡыхь – ҭоурыхла иааиуаз топони­
мын.
Амҩаду иаваӷӷааз аԥсаҵла ҳаракӡақәа ирыҵс­
уан. Бзыԥ ацҳаҿ днаӡаанӡа, арыӷьарахь мҩак аха­
гылан. Адырҩегь аԥсақәа ишрыҵаз, аҩнқәа инры­
лагылон, ашҭа ҭбаа арымарахь асовнхара аусҳәарҭа
ҩнан. Ауаа рацәа еилагылан, Леуанти иидыруаз, Пи­
цунда инхоз рхаҿқәа. Арымарахь акультура ҩны…
Хы-ԥштәык змаз рбираҟ! Амашьына ааникылан,
дыҩҭҟьеит, макьана иҽыззикуаз изымдыруа. Цҭәык
ашьҭыхрагьы иҭахӡамызт, арҭ ирыднагалоз ауаа
даҽакала ишрацәажәатәызгьы издыруамызт. Аб­
зиара знаалоз уаазма. Игылаз рыжәпара даалҵын,
Ԥлиа Давлеҭ дааидгылеит.
– Абаа, иакәым ак роумҳәан! – бжьы ҭынчла
дӷьаҵәыӷьаҵәуан иара.
– Иакәымла санбацәажәахьаз! – Леуанти дԥы­
шәырччон. – Абри абра икнаҳаны, абасҟатәи
ауаа ҳаилагылазаауама?! – иара дызлагарыз иҽи­
за­қәыршәомызт, имашьына иааҭыҵыз Вадим
Смыри Бадра Аибеи, егьырҭ амашьына хәыҷқәа

иаарыкәшози илаԥш нырхиган, Давлеҭ даазлыҵыз
жәпаҩык баша иахьгылаз џьашьо.
– Ҳрацәажәахьеит, дара рхала икнырхуеит, –
Давлеҭ еснагь еиԥш дҭынчын.
– Уи цәгьам, – ацҭәыҵәҟьа зҭахымыз Леуанти
иԥсы ааивигеит. – Ианба зырҳәа?
– Жәаба-жәохә минуҭ рышьҭахь.
– Шәзацәажәада?
– Аҩбатәи амаӡаныҟәгаҩ Сигәуа ара дыҟоуп.
– Усҟатәи аамҭа зиҭахи зиҳәаз?
– Уажәы еилацәажәарак мҩаԥигоит, нас икныр­
хуеит.
– Ҳгәы ԥырҵәеит, уара!
– Акультура ҩны иакәшаны игылоу аҳәсақәа
роуп, аҳәсақәа ҳреисуама? – Давлеҭ дԥышәырччон.
Уа игылаз аҳәсақәа ракәҵәҟьан. Ааскьа рҽеизга­
ны ицәажәоз дара ракәын, рыбжьы уахәомызт.
Рхацәа арахь, аусҳәарҭа азааигәарашәа, џьара
итәан, игылан, рылахь еиқәын, еицәажәаӡомызт.
Ашҭа шынеибакәыз алахь еиқәын, арахь рби­раҟ
мықәшәатә кнарҳаит, аныҳәа иаԥыларц. Ашәаџь­
ҳәара зуаз ԥшран рбираҟ иамаз, убасшәа ирнаашәа
икнаҳан, иаҵагылаз аҳәсақәа рылахь еиқәҵашьеи
аасҭха еилагылақәаз рхацәа рҿымҭшьеи убри
ирыҵнашьӡон. Ҳәсақәак рҿаархан, арҭ иаарвысуан:
– Аҳәсақәа шәоума ари зыхьчо, – аԥхьа игылаз
лахь Леуанти ихы наирхеит, – шәхацәа абаҟоу?
– Уи ҳара иаҳусуп, уара иалоухи, – лыбжьы ҭым­
гакәа, хаарак лыҵаӡамкәа, лара ҿаалҭит.
– Рбираҟ ҳҭахӡамкәан, асҟатәи ҳахьеизаз рцәым­
ӷыуп, уҽрылаумгалан, – Давлеҭ дҿаԥха-ҿаччахуан. –
Ашәы рышәҵаны иахьаанхаз умбаӡои.
– Уаҳа џьаракыр икнаҳаны удыруама? – ии­
боз иблахаҵ шаргьежьуаз ақырҭқәа идимырбарц,
Давлеҭ диеицәамкәа, Леуанти дҿаԥха-ҿаччон.

– Пицунда икнаҳамзи.
– Иаба? – Леуанти иҭиҵаауан.
– Аҳаблсовет ахыбра иахакнарҳаит, уара.
– Нас?
– Икныхны арахь ҳҿааҳхеит.
– Уи бзианы иҟашәҵеит.
Амашьынақәа рацәахеит. Урҭ иаарҭыҵыз адәы
ианаақәгыла, пицундаа нарылаҵаны, ашҭа ҭәырц
егьагмызт. Асовнхараҿ аус руеит ҳәа иаҵганы, ин­
дырхаз ақырҭқәа иагьмаҷмызт, уаҭахқәак зырҭаз
аԥсуаа урҭ ирылаӡуан. Уажәы еилагылаз аԥсуаа еиҳан
ара инхоз ақырҭқәа раасҭа. Ус иагьызлаҟамлози,
егьырҭ аҭыԥқәа рҿы инхоз ацхыраараз ирзымаа­
зар, аԥсуаа ракәзар – рҽеизыргеит. Аидысларанӡа
инаргар дара ирҭахымызт, уи убарҭан. Уи макьана.
Мышкы зны уи шраԥгылаз Леуанти дазхәыцуан.
Изацәцаӡомызт, арҭ рҽыҟаҵаны излааиуаз ала.
Қарҭынтә рҿаархацԥхьаӡа, рыуаажәларратә еиҿкаа­
рақәа ақәԥашьа мҩақәа ддырбон, ихырҵәаны иа­
аргахьази, шьҭа хатәгәаԥхарала нхара иаауази
ақәԥараз еидыркыларц рҽазыршәон. Ара инхоз
макьана ишәон, аха маҷ-маҷ рхаҵара цәырыргарц
агәазыҳәара рмоур алшомызт, арахь қарҭаа рҿаԥхьа
ишақырҭуа цқьақәаз аадырԥшырц рыхәҭан.
– Дареи ҳареи ҳазҿу ҳабакылнагои? – арҭ аҽны
еибабазшәа, Леуанти Давлеҭ дизҵаауан, арахь
еицықәԥозижьҭеи шьҭа жәа-шықәса иреиҳан.
– Ҳазҿыц ҳаҿымзаауеи, – егьи иҭак кьаҿын.
– Ақәԥара даҽа мҩак шьҭнахит, – Леуанти
игәы иалан. – Уажәраанӡа қарҭаа зегь рхароуп ҳәа
ҳақәгылан, аҭыԥан индырхаз ҳҿаҳмыргыларц ҽазы­
шәарак мҩаԥаагон. Даргьы ҳҿаԥара иацәшәон.
Шеварднаӡе Гагра астадион аҿы ианеизигаз угәа­
лашәо, уаантәы иқәганы игазшәа аурысқәа иа­

ныдирбоз? Уи аахыс даҽа фазак ҳанылеит, цқьа
ҳазымхәыцӡацт акәымзар. Рмилаҭ хдырра акала
иазҳаит. Иаартны иаҳҿагыларц қарҭаа қәԥоит, иагь­
рылымшацт узҳәом. Иҟоу умбои?!. Арҭ аибашьрахь
ҳкылыргоит. Ишԥаҟаҳҵои?
– Сыздыруам.
– Арҭ иааҟарҵалак ҳаҿагылалароуп. Ҳадгьыл
аҿы ҳашмаҷугьы ҳшаԥшәымацәоу рныруазаро­
уп, убри анҳампыҵҟьа, дара рыԥшәмара иҵегь
идырӷәӷәарц, ҳдыреибашьуеит.
– Аҳәааҿы рбираҟ кнаҳауп, уи уаҳама? – гәыр­
ӷьаҿҳәашазшәа Давлеҭ иаацәыригеит
– Ҳамцои нас! Уаҳа џьаракыр икнаҳаума?
– Иахьсаҳауа убразаҵәык инхеит.
Асовнхара
аусҳәарҭа
илалбаауан
џьоукы,
еилацәажәарак нҵәазшәа. Убарҭ дрылан Радмир.
Уа еилацәажәара шрымамыз Давлеҭ идыруан.
Изҭашәаз џьоук еимырсыкәа ишеилдыргарыз рыз­
дыруамызт. Радмир данааи, Пицундантә аҷкәынцәа
еизахьан, дрызҵааит аҩбатәи амаӡаныҟәгаҩ ара
дыҟазар еиликаарц. Уи диацәажәаны, аусҳәарҭа
ддәылҵзар акәхарын. Иара дахьнеиз зус ылымхкәа
ирыцрыҵуаз иакәӡамызт.
– Ииҭахыу удыруама?– Леуанти дҵаауан.
– Радмиру? Дҳазгәааны дыҟоуп ҳәа саҳаит.
– Иҽызхирҟьои?
– Ҳаиԥырхагазаап. Ҳҩызцәа уамак дызрыдгыла­
ӡом, умбои.
– Дырҭахӡам.
Уи ахаҵа кьаҿ, днарылс-аарылсуа дахьааиуаз,
днарыҿцәажәа-аарыҿцәажәақәон. Гәыбӷанк на­
риҭа-аариҭақәон уҳәартә, иҿаԥшылара хаамызт.
Дара иқәцәажәацәомызт. Рус рдыруан, амцхә­ҳәа­
рақәа зырҭахызи. Иарбан мчызаалак аԥыжәара

змазаауаз иара дрыдгылаҩын, аус злаз иара
иусқәа зламҩақәырҵашаз дашьҭан. Мышкы зны
аԥсуаа ишырҭахыз аамҭа рызбзиамхар, уи аамҭа
иашьҭаз ирзалгоз ыҟаӡамкәа ианынхоз, иара иаҳа
дманшәаланы даақәгыларын. «Иухәаша ауаа урыц­
зароуп, уара узцыда?» – ашьыжьтәи уи изҵаара
ҵарӡа Леуанти илымҳа иҭыҩуан. Аиҳабыраҿ ине­
из иахь иара, Радмир, арахәыц еимадага бзиа
бжьеиҵон, усҟан Леуантии иҩызцәеи, аԥсуараз аус­
қәа еиздырҳарц, акабинетқәа ирыҩнан, ажәлар еи­
зыргон, ус ала амч знапаҿы иааизи дареи иаразнак
аибарххарақәа рыбжьалон, аиаӷарахь ианкылнагоз­
гьы убарын. Ус рмыхьӡеи, Кванталиани данықәырга,
Наҷҟьебиа Гагра ақалақь дахадыргыларц данаар­
газ? Усҟан аԥсуаа еизан, ҿыц актәи амаӡаныҟәгаҩра
зырҭаз сааҭк аус идмыруӡеит. Шеварднаӡе иҟаиҵози,
адырҩаҽны Гәдоуҭантә дааигеит Гәарамиа. Аԥсуааи
ақырҭқәеи дрыбжьагыларц иҽазикит иара. Аԥсуаа
рахь иадицәалар – ақырҭқәа ируамызт. Ақырҭқәа
дрыдгылар – аԥсуаа иаарымуӡеит. Ас дахьрыбжьа­
хаз қарҭаа иргәаԥхозма, Қарҭҟа усура диаргазшәа
рун, иҭыԥаҿ иаҳа злеишәа бааԥсыз Қапба Енвер
даарышьҭит. Иамуазшәа аниба, арепрессиақәа
иҽыр­зикит. Убри аамҭаз Радмир еиԥшыз ҩызара уи
изыруан.
– Уҳацума? – усгьы еидгылаз ирымариаша иара
дааиуан, Леуанти уи дизҵааит, ҵабыргызшәа уамак
дԥышәырччомызт, ихаҿы ширлашозгьы.
– Уажәы апровокациақәа срылагома, – Радмир
деиҵамхеит.
– Абасҟатәи еилагылоу зегьы ҳапровокатор­
цәоума?
– Зегьы сымҳәеит, хадара азызуа шәоуми. Егьырҭ
уаа рыцҳақәоуп, изцу зусҭқәоу макьана ирыздырӡом.

– Уара уҳазгәааӡаны уҟоуп?
– Сышԥашәзымгәаауа! Аԥсшьарҭа ҩны сырҭарц,
аусқәа зегь ҟаҵан. Иахьа, уаҵәы ҳәа сшыԥшыз,
шәылкылсын, Надареишьвили иҿы, аԥсуаа ҭыԥк
анрышәҭо, ҳара шәҳазҵаала, урҭ зусҭқәоу иаҳа иаа­
дыруеит ҳәа иашәҳәеит.
– Ааи, – Леуанти даалҵызшәа иҽааириашеит. –
Абри акәзаапеи иҟалаз!
– Уара ухаҭа убас иоуҳәеит.
– Ус иасҳәеит, сҩызцәагьы сықәшаҳаҭын. Амала
уара заҵәык ҳулацәажәаӡомызт.

Иахьцалак
сара
сзышәҭахыми?
Сабашәԥырхагахахьоу?
– Уӡбахә нҭкааны аӡәгьы имҳәаӡеит, аха зыӡбахә
ҳамаз урылоуп.
– Иауеи сымҳәеи?
– Уааи, уааҳалагыла! Ҳазҿу уаҿыз!
– Иахькылыжәго сымбари.
– Иузеилымкааит акәымзар, Ҭамази ҳареи
ҳаицәажәара рхы иархәаны, аҭыԥ урымҭаӡеит.
Арахь уаҳҿадыргылеит.
– Уи аҭыԥ сара изгоит, иубап. Аха сусқәа
зшәырцәгьеи ҳәоуп сызҵаауа. Шәхала шәнасыгә­
ҭасны сшәыргылеит, сшәыцныҟәар шәҭахыуп, аа?
Зхы зцәымӷыу сакәны сыжәбома?
– Сара ужәлар урылагылазар сҭахын, аха
ҳзеилибакаауам. Аамҭа зҳарӡуеи, уцагәышьа.
– Уара ара иҟауҵои?! – иаангылаз, Леуанти
цқьа изымдыруаз арԥыск «Жигули» – дыҩҭыԥан,
ашацаҳәа даарыдххылт. – Абыржәыҵәҟьа уқәҵны
уца!
Радмир дҿаҳахазшәа уи диҿаԥшуан, нас иҽеи­
ҵамырхацәакәа, дтәаамаауа имашьынахь днеит.
Дынҭалан, ауаа иаарылганы, аԥсара иҵгаз амҩа

днанылеит. Иқәырцаз иԥшра имаӡамкәан, ҭынч
имашьына ирныҟәон. Иаарласны и-«Жигули» шкәа­
кәа, аԥсара иналаӡит. Ашҭаҿ ҭынчрацәан, Радмир
дықәызцаз, рыбжьык умаҳауа, еидгылан, аԥсра
иақәшәазшәа.
– Дуаҩԥсуп ҳәа абри шәышԥаиацәажәо?! – ихы
арҭ иаарызирхеит.
– Дуаҩаҳтәырц ҳгәы иҭоуп, – Давлеҭ дҭынчын,
иԥышәырччашьала егьи деиқәикуан.
– Ааи, дуаҩутәуеит.
– Уара иузиуи? – Давлеҭ уи дизҿлымҳан.
– Хаҭала сара акгьы сзимуӡеит. Уи аума аус злоу, –
иҳәан, иидыруаз рахь дцеит.
Аусҳәарҭа длалбаауан Сигәуа имацара. Асовн­
хара адиректор заҟа дцәырымҵышаз. Уи иусушьа
згәамԥхакәан изашшуаз ракәын ашҭа иқәгылаз.
Иара дрыханы иааигаз ижәлар ԥхашьозшәа, ахацәа
хаз-хазы еилагылақәан, рыҳәса ракәзар – аибашьцәа,
акультура ҩны аҿаԥхьа изықәҵуамызт. Адиректор
аҳәынҭқарраҿ ихьӡ шьҭырххьан. Асоциалисттә џьа
Афырхаҵа ҳәа ахьӡ ҩынтә ихырҵахьан. Ихьӡ асовхоз
иахырҵарц рҽазыҟарҵон. Иаргьы даара дбыргын,
знык дыԥсындаз ҳәа ихыццакуаз маҷӡамызт. Иара
ихьӡ дшеиҷаҳауазгьы, нырцәымҩа дықәлар макьана
иҭахӡамызт, уаанӡа исовнхара ихьӡ шахырымҵарыз
шидыруазгьы. Ашҭа иқәгылаз ашәҟәқәа аларҵон,
аиҳабыра рымҩа иаԥырхагахарц. Уаҳа ианамух,
«Советская Абхазия» ҳәа ахьӡ ахырҵарц иаҿын, рус
ықәырцалахьан.
Сигәуа икостиум иаҵәа, игалстук шкәакәа зқәыз
икьаҿ шкәакәа аҵаҵа, икьаҿыз иаҵкыс иҳаракыз
хаҵак иакәын. Сталин иԥаҵақәа иреиԥшын иԥа­
ҵа еиқәаҵәақәа. Убри иакәын дагьзеиԥшраз.
Алаҳа­ӡыхь дааӡахьан. Ақалақьтә комитет амаӡа­

ныҟәгаҩ иҭыԥ изҭодаз, уа иааргоз қарҭынтә
иаарышьҭуан. Аҭыԥан инхоз ақырҭқәа маҵура
бзиак рырҭомызт ҳәа иқәгылаз аԥсуаа ракәхымзи.
Иаҳа ҳаилыркаауаз џьаҳамшьози. Аиашаз Сигәуа
милаҭла ауаа еилимхрызшәа даақәгылахьан, аха
ртәы иадимцәылар қарҭаа ируазма. Еиҿыхара
ӷәӷәак аацәырҵыр, наҟ-ааҟ аиҿагылара аԥшьыргар,
иара зганахь диасуаз арбанхоз? Уаанӡа дызне­
иуазу здыруадаз, уи аҽны инапы ианырҵазгьы
изышьҭхуамызт, убасҟатәи игәы шыбзиамыз
игәалаҟазаара ианыԥшуан. Уи инықәҵра иазԥшны
итәаз Надареишьвили иакәын амықәшәатә, дгыг­
шәыгха амитингқәа, аизарақәа, ажәлар реимакеиҿакрақәа дрылахарц дыҟан.
Ақалақь комитет аҩбатәи амаӡаныҟәгаҩ ана-ара
днарыдгылақәазшәа иуит. Имццакышьа збоз Леу­
анти алаҳәа еиԥш абираҟ зхакнаҳаз акультура ҩны
абарҵахь дыҩхалан, данҵаҩыз зысценаҿ дкәашалоз
аҩныҵҟа дныҩнашылеит. Иҭацәын. Данаадәылҵуаз,
Сигәуа ахыбра аԥхьа игылаз аҳәсақәа дрыла­
гылан. Леуанти Ирина Сиҷинааи лҩыза Леилеи
даарыԥхьеит. Аҩныҵҟа итәазарц нарабжьеигеит.
Леила ақырҭшәа лымдыруази, ирҳәақәоз еилылка­
ар акәын. Иара абарҵантә длымбааӡеит, ҳәсақәак
аҩныҵҟа иҩналон. Сигәуа ихаҭагьы абарҵахь
дыҩхалеит.
– Ари абираҟ анбакнырхуа? – Леуанти амаӡа­
ныҟәгаҩ дынидгылеит, азԥшра иаԥсамызт иҳәарц
иҭахны.
– Иаарласны икнаҳхуеит, – Сигәуа уаҳа дымԥш­
ӡакәа аҩныҵҟа дныҩналеит.
Леуанти иҟалоз дазҿлымҳацәан, адәахьы дзаа­
нымхакәа, иҩналоз ҳәсақәак дышрылагылаз, аҩ­
ныҵҟа длеин, имацара ашьҭахьшәа ҭыԥк ааникы­

леит. Имацара иакәымзар, уаҳа хаҵа дтәамызт.
Изымлеизеи адәны игылаз ақырҭуа хацәа? Ма­
кьана иаартны аԥсуаа рҿагылара иацәыԥхашьозу,
иацәшәозу? Аҽны абираҟқәа ахькнырхыз абраҟа
иаҳа иуадаҩхеит, иадхалеит. Раԥхьа ирызԥшызи?
Аҩныҵҟа аҳәсақәаҵәҟьа уамак ирацәаӡамызт,
уаа ҩажәеижәаба-ҩык ыҟан. Егьырҭ зымлеизеи?
Рыҩныҵҟа аибарххара рымазма? Ус рыхьӡаломызт.
Ақалақьком амаӡаныҟәгаҩ асценахь дымҩеит.
Иааилатәаз рҿаԥхьаҵәҟьагьы даақәымгылеит, ра­
рымарахьтәи аганала аҭӡамци атәарҭақәеи рыб­
жьарашәа даагылан, игәы ахӡамкәа, усмҩаԥ­гатәык
мчыла идырҟаҵозшәа, аҳәсақәа рахь ихы наир­
хан, иааркьаҿӡаны жәахәык ҟаиҵеит, уи ажәахә
ахьӡызар.
– Ииҳәеи? – Леуанти Леила длазҵаауан.
– Уамак акгьы имҳәеит.
– Иахьцалак? – иара ихала алкаа ҟаиҵар иҭахын.
– Қырҭтәыла рыԥсадгьыл шакәу, уи аизҳара ду
шазыԥшу, доусы ихәҭа алеигаларц шиуалу…
Қырҭтәыла аизҳа-зыӷьара Аԥсны алаҵаны
амаӡаныҟәгаҩ дахьалацәажәоз Леуанти деила­
наршуан, иахьатәиала даҽакала егьузҳәомызт ум­
ҳәозар. Уажәыҵәҟьа аус злаз рбираҟ лаҳәа кныр­
хыр акәын. Абгыӡыр ԥштәы змаз рбираҟ алаба
иахьаркыз хыхьтәи акәақьҭаҿ ҩ-цәаҳәак алдан –
аиқәаҵәеи ашкәакәеи. Ашкәакәа иаанагоз атәыла
аԥеиԥш бзиа акәын. Егьи, аиқәаҵәа, рыԥсадгьыл
алахь еиқәызҵашаз ахҭысқәа шаԥгылаз, ԥхьаҟагьы
иаԥымгылар шыҟамлоз иадырган. Убри аиқәаҵәа
збаз, Қырҭтәыла егьырҭ ажәларқәа зҭанаргылахьаз,
ԥхьаҟагьы уи амҩа хьаҵрак шақәмыз еилызкаауаз
алаҳәа еиқәаҵәа ԥшран ибла иаахгылоз. Абираҟ ак­
ныхра дара рнапала имҩаԥысааит, аԥсуаа, насҭха­

шәа акәзаргьы, еикәшаны иахьгылаз – хымԥада
мчы­ла идырҟаҵаз усмҩаԥгатәын. Аҽны имҩаԥыс­
уаз ахҭысқәа аԥсуа ԥсҭазаараҿ акырӡа рыҵаркуан,
уи ахәшьараҵәҟьа аиуртә аӡәы игәалашәар, ма
арҭ акциақәа еиҿызкаауаз ахагылара анрылым­
ша агәалашәара иаԥырхагахарц рыҽԥыршәарын.
Амала урҭқәа уажәыҵәҟьа изрызхәыцуадаз, ҿымҭԥсымшьа адәахьы иеилагылаз рыԥсҭазаашьа ҽнак
иаҵанакуаз аамҭа иалагӡан.
Апартиа еиҿкаара амаӡаныҟәгаҩ иажәахә кьаҿ
нирҵәеит, дызҿыз мчыла идырҟаҵозшәа уажәгьы
аԥшра аман. Игәамбзиара акәын Леуанти уи
зҵигоз. Иара изыӡырҩуаз зҵаарақәак ирҭан, ҭынч
рҭак ҟаиҵон, еицәажәоз рнаҩсан ирҳәоз уамак
ираҳаӡомызт, амикрофон ықәгылаӡамызт. Уамашәа
иубартә, зегь рыла еснагь еиқәшәаз асовнхара
акультура ҩнаҿы алашара рзамыркӡазт, аҩныҵҟа
цәыҵлашьцаран. Сигәуеи аҳәсақәеи уамак ишеи­
дымхалазгьы, убри аамҭа кьаҿ иалагӡаны, Леуанти
ибла ихгылан араион даҽа қыҭакаҿ иҟамыз еиԥш
зеиԥшраз акультура ҩны асценаҿ даныкәашоз.
Қырҭуа хаҵа асак акәашара дирҵон хԥа-ԥшьба
қыҭа школқәа рҿы. Школцԥхьаӡа кәашарак,
ҩ-кәашарак иреиҳаны идирбаӡомызт. Бзыԥҭатәи
ашкол аҿы ԥсыуа кәашара заҵәык азыҟаиҵеит.
Ныҳәак ахьымҩаԥыргоз иманы дцон, убри аԥсуа
кәашаразаҵә ала дҭыҵларц. Гагра ацитрус совн­
хараҿ, ус ахьӡын ари, Октиабртәи ареволиуциа аи­
убилеик азгәарҭон. Х-школк рҿынтә х-кәашарак
ықәиргылеит. Ари акультура ҩнаҿы акәашацәа
рколлектив имазаарын. Аусуцәа ҩ-кәашарак
дирҵахьан. Уи аҽны акызаҵәык шықәиргылоз ан­
рылеиҳәа, урыс ԥҳәыс ҿак даацәырҵит, аԥсуа кәа­
шара мҩаԥыргарц шылҭахыз ала. Лхаҭа далазаа­

рын. Разыҟаҵаҩ иуамызт, бзыԥҭаа уи нарыгӡон ҳәа
инаҵиган. Лара иаалмуӡеит, ацҭәы шьҭыхра аҿынӡа
иналгон. Ҩ-гәыԥк аԥсуа кәашарақәа нармыгӡар
амуӡеит.
Аҳәсақәа дәылҵырц рҿаархеит. Сигәуа урҭ дры­
лагылан. Леуанти уа дтәан, иааиуаз ирыцдәылҵырц,
Иринеи Леилеи аныҩеихагьы. Игәи-игәи еилаԥшуа,
днарышьҭалеит. Қырҭуа ҳәсақәак абираҟ иаҵагылан.
Рмаӡаныҟәгаҩ дынрыдгылеит. Аҩныҵҟала аҩбатәи
аихагылаҿ кабинетк аҿынтә абираҟ кнырхын, ҵаҟа
игылаз инаддыркит, ахы ларханы. Икнызхуазгьы
ҳәсақәан. Ҵаҟа издыркызгьы ҳәсақәан. Рбираҟ
алаба иаакәдыршан, рмаӡаныҟәгаҩ икәшаны иа­
цәа­жәон. Ныҳәас имҩаԥыргаз егьыҟамызт, ус
аԥшра арҭеит умҳәозар. Иара имҩаԥыргазгьы Ле­
уанти амца ижәнаҵон, игәыҵхоз ааимырԥшырц
иҽирҭынчуан. Аҳәса рҿаархеит, рхаҵа заҵә дры­
ларгыла. Абираҟ ркӡамызт, уамашәа иубартә,
русҳәарҭахь изладәықәырҵаз узеилкаауамызт,
лаԥшхырԥагак
ркымзар.
Ашҭа
иаақәгылеит
дара, аусҳәарҭа ахыбрахь инеин, уа иааҵагылеит.
Иџьоушьашаз ахацәа ракәын. Рыбӷақәа аҭӡамцқәа,
ма абагьырқәа инарыдҵашәа игылан, ма адәаӡа
иқәтәан, ус иахьеилагылақәазгьы убарын, акы
рҽаламырхәӡакәа, хаҿсахьа рымаӡамкәан, ус зе­
гьы ззеиԥшыз наԥшцәазшәа. Аԥсуаа аҳәса махә­
ҿала ирылаларымызт ҳәа рыӡбазма, ма ҽынла
иргәыдымларгьы, уахыла ахацәа рымҩа ркыр
ҳәа ишәазма, еибырҳәақәоз еилукаауа иҟамызт,
хәыцырҭас иҟаз зегь шуздырҵысуазгьы. Аԥсуаа
ракәзар, – ҵыс бжьык аагар иуаҳартә, ҿымҭӡакәа,
ҭынч еилагылан, иџьоушьашаз, раамсҭашәа хым­
ҩаԥгашьа уазгәдухартә, изыхәҭазгьы даа­цәа­
жәартә. Шьҭа ақырҭқәа иҟарҵашаз рбарц, аԥсуаа

рыҽшдмырҵысуаз уамашәа иубарын. Анҭгьы
арҭгьы убас ҳамҭакы иаагыларц Леуанти игәы
азыҳәон. Убасҟатәи пицундааи иара ицны иааизи
аԥыжәара рыман. Аҳәсақәа неилыҵ-ааилыҵқәан,
џьоукы рыҩныҟақәа рҿынархеит, зус ду назыгӡаз
рыҽреиԥштәны, арахь рылахь рзеиҵыхуамызт.
Рызынтәык ықәҵаанӡа, ирҭааз ашҭа ҭадырцәыр
иаҳа ишеиӷьыз ӡбаны, Леуанти имашьынахь иҿы­
неихеит.Гагратәи
аҟнытә.

АҬОУРЫХ ШӘҞӘҚӘА
Аидгыла «Абрыскьыл»

аҵәахырҭа

А
Председателю Президиума НФА «Аидгылара»
Шамба С. М.
Руководство Гагрского Союза «Абрыскьыл» под­
держивает решение оргкомитета Гудаутского отде­
ления НФА «Аидгылара» от 28 мая 1990 г., и выража­
ет свое несогласие с решением Президиума НФА о
присутствии представителей грузинских неформа­
лов на мероприятии 31 мая в г. Сухум по поводу про­
ведения дня махаджирства, так как 26 мая по вине
названных неформалов и руководителей республи­
Sez Abhaz-Abaza ädäbiyättän 1 tekst ukıdıgız.
Çirattagı - Ҽнак, 1989 шықәсазы - 11
  • Büleklär
  • Ҽнак, 1989 шықәсазы - 01
    Süzlärneñ gomumi sanı 3297
    Unikal süzlärneñ gomumi sanı 2267
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 02
    Süzlärneñ gomumi sanı 3345
    Unikal süzlärneñ gomumi sanı 2347
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 03
    Süzlärneñ gomumi sanı 3757
    Unikal süzlärneñ gomumi sanı 2108
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 04
    Süzlärneñ gomumi sanı 3402
    Unikal süzlärneñ gomumi sanı 2321
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 05
    Süzlärneñ gomumi sanı 3357
    Unikal süzlärneñ gomumi sanı 2307
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 06
    Süzlärneñ gomumi sanı 3424
    Unikal süzlärneñ gomumi sanı 2301
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 07
    Süzlärneñ gomumi sanı 3334
    Unikal süzlärneñ gomumi sanı 2300
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 08
    Süzlärneñ gomumi sanı 3359
    Unikal süzlärneñ gomumi sanı 2204
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 09
    Süzlärneñ gomumi sanı 3272
    Unikal süzlärneñ gomumi sanı 2194
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 10
    Süzlärneñ gomumi sanı 3325
    Unikal süzlärneñ gomumi sanı 2264
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 11
    Süzlärneñ gomumi sanı 3495
    Unikal süzlärneñ gomumi sanı 2358
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 12
    Süzlärneñ gomumi sanı 3628
    Unikal süzlärneñ gomumi sanı 2375
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 13
    Süzlärneñ gomumi sanı 3536
    Unikal süzlärneñ gomumi sanı 2341
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 14
    Süzlärneñ gomumi sanı 3346
    Unikal süzlärneñ gomumi sanı 2337
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 15
    Süzlärneñ gomumi sanı 4072
    Unikal süzlärneñ gomumi sanı 2179
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Ҽнак, 1989 шықәсазы - 16
    Süzlärneñ gomumi sanı 618
    Unikal süzlärneñ gomumi sanı 534
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.