Latin

Аҵеира - 3

Süzlärneñ gomumi sanı 2560
Unikal süzlärneñ gomumi sanı 1786
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Изжәыз, дадраа, «Хәанчкара»,
Иагеит урҭ зегь ҽаџьара.
Изжәыз аҩыцқьа «Акаҷыҷ»,
Ашәа лзиҳәоит Камаҷыҷ.
ИСЫҬ ИАУАЗАР
Исыҭ иауазар, уажәшьҭа аԥсыха,
Уара, аҩныҵҟатәи саӷа,
Изкәаҳауа Аԥсны агәҭыха,
Сдоуҳа шьҭазҵо ирыӷӷа.
ИСЫЗРЫЦҲӘА
Ашәақәа урыцыз, сашәа,
Ажәақәа урыцыз, сажәа.
Ашәа зҳәо, исызицҳәа сашәа,
Сажәа уаԥсазар, уцәажәа.
АШҬА АНЫЛАШО
Аҷҷа-ҷҷаҳәа агәашәқәа аатуазар?
Аԥшәма асас ду диҭоуп.

Агәашәқәа иаатуа зегь ҿыҵуазар,
Уи шҭа лашәуп, иагьдамроуп.
АԤСҬАЗААРА БӶЬАҬУЕИТ
Аԥсҭазаара бӷьарҭуеит,
Иҵнахуа сыздыруам.
Ус иҟан ажәытәгьы,
Ус иҟоуп аҿатәгьы,
Ус иҟалоит ԥхьаҟагьы.
СГӘЫ БАНААЛА
Сгәы арахәыцқәа зегь сыртлоит,
Арахь иҭызгоит сыгәгьы ԥшьаала.
Снапсыргәыҵа инықәҵа ибысҭоит.
Иҟалозар, сгәы банаала.
АЛАКӘ
Алакә, лакә иҭацалоуп,
Алакә лакәзароуп.
Аҵакы зегь ԥшӡазароуп,
Изызкугьы ԥсҭазаароуп.

СИШЬ!
Кәынҷеи Ҷынҷеи ашәа рҳәома,
Сишь! Ҟармаҵысуп ашәа зҳәо.
Еицыҷырҷыруа уск дырххома,
Мап! Рхатә усқәоуп урҭ зышьҭоу.
САРА УСЫЦЫЗ
Сҩыга хәыҷы, сара усыцыз,
Амҩабжара саанумыжьын.
Сызлугахьоу даара имаҷым,
Зны ӡыбларан, зны иӡмыжьын.
Кәтол. 02.08.2001

БЗИА ЕИБАБОИТ
Ҷкәыни ӡӷаби еидҽырбалоит,
Бзиа еибабоит.
Акы ахьшәашәара рыднагалоит,
Урҭ даҽакы иарԥхоит.

УИ ДФЫРХАҴОУП
Зыԥсадгьыл зхы ақәызҵаз,
Аԥсуа фырхаҵа,
Ухьӡ шкамшәаӡо удыруаз,
Уаанхоит ҳара ҳгәаҵаҿ.
ИСЫЛШО ҲӘА АКАГЬЫ ЫҞАМ
Исылшо ҳәа акагьы ыҟам,
Сымч каԥсахьеит.
Сыкәша-мыкәша
Зегь хәаԥсахьеит.
СНАҨС
Ҭынч инхарц азыҳәан снаҩс,
Схәыцра шьҭасҵаӡом ҵәахтәыс.
Сара ишәысҭом схы уадаҩс,
Сусгьы шәысҭом рыххатәыс.
ИСЗЫНКЫЛОМ
Сашәақәа шьҭыҵуеит, исзынкылом,
Урҭ зегьы ԥсыцқьала исызҭәуп.

Ирҳәо хшыҩла исызгәынкылом.
Аха сыжәлар ишәызкуп.
УС ИШОУП
Иҟамлозаап импытыр,
Ипытыз залшом имышәҭыр.
Аӡә дыҟоуп игыу зегь иӡоит,
Ашәҭқәа иҿало бжак канӡоит.
Бжакгьы ыҟоуп аԥша иҿнаршәаз,
Ишьақәиргылоит ус зегь зшаз.
ЕИӶЬЫН СЫМИР
Ашәышықәса абжа сҭысит сара,
Иҟасҵаз ҳәа ыҟам акагьы.
Башаӡа исзишеит аира,
Еиӷьын сымир еиҳагьы.
21.11.2005

САХЕИТ, СЕИҬАХЕИТ
Сахеит, сеиҭахеит,
Саҵгәеит, сеихеит.

Сымаха сышьаха,
Ишызбоз зегь хеит.
ИАЛЫСХУЗЕИ
Иалысхузеи умшгьы, уҵхгьы,
Аԥсҭазаара ухаҵкы.
Са сахьымӡаз, аха усгьы,
Ахьыԥшымрахь уааццакы.
ИАНАКӘЫМ, ИАХЬАКӘЫМ
Инацәкьарақәа еидикылт,
Ираҵәеит иҭаҷкәым.
Иҟьарц иҽазикит,
Ианакәым, иахьакәым.
***
Аԥсуа идгьыл ахы анаркуеит аӡиас Ԥсоу.
Мрагыларахь ихнарҷоит Егры аӡы.
Аԥсуа изыҳәан ауп ари адгьыл зшоу,
Иҳаӷоу ишьапы ҭамшәароуп уажәшьҭа аӡәы.
Кәтол. 18.11.1993

***
Ҳбызшәеи ҳаԥсадгьыли еиқәхарцаз,
Рхы иамеигӡеит ҳара ҳҿар.
Ирыдымгылаз ӡәыр дҟалазар,
Аԥсны иҟамлароуп ихабар.
Кәтол. 17.03.1994

***
Адунеиажә акагь сзалам,
Сара сзын ихыбгалоуп.
Ус иҟазаргьы, сыԥсы уалоуп,
Аԥсны, сзықәу уара узоуп.
Тамшь. 18.03.1994

***
Гь. Чачба иажәеинраала «Уарада»
амотив аҟнытә

Сара ҩныда, гәарада
Аӷа сынижьт, харада.
Адәы сықәхеит нхарада
Исҳәоит сахьгәаҟуа «Уарада».
Кәтол. 15.03.1994

***
Ҳаит, амарџьа шәмаашьаӡакәа,
Иалашәҵароуп Аԥсны амал.–
Иҳәоит дбақьуа, дмыццакӡакәа,
Ишәахьоу џьушьап ихаҭа иуал.
ДАХӘАРА
Лаԥш ахьнеиуа нахара,
Ҭынч инеиуеит Дахәара.
Аҩыҵа ҵҟәашра, аҟәара,
Иузбашам угәазхара.
Ҟәланырхәа. 02.08.2001

***
Уааигәа гәыӷра сымаӡам,
Уашҭаҿ аҳауа сызхаӡом.
Насгьы иуасҳәап сымаӡа:
Ақыҭаҿы сзынхаӡом.
Аҟәа. 1979

***
Наҟ-наҟ исмоур бымада,
Ишԥазури, срыцҳами.
Изасҳәода сымаӡа?
Ԥсык сиҩызоуп, сыҟами.
Аҟәа. 19.11.1979

***
Рӡыхьқәа ҭабоит,
Ауаа шабоит.
Сыла иабоит, –
Аргама иҭахоит.
27.10. 1993

АГӘАЛАШӘАРА
Еиқәызҵо дамамзаргьы
Уи ахәышҭаара амца,
Изтәыз дхахаӡа даркуп.

ИҬАБУП
Сызлыҵыз сыжәлар,
Сызхылҵыз сабшьҭра,
Сызлиааз сқыҭа,
иҭабуп.
01.11.2009

ДЫБЛАХКЫГОУП
Лыбла маахыруп, игәыблуп, иразуп,
Шәаалԥеиԥш иауазар, макьана дхәыҷуп.
СЫЛАШАРА
Бара бансыцу, сылашара,
Есҽны иацлоит сымч-сылшара.
СЫԤСЫ ҬШӘААНӠА
Са сшәаҳәарцаз даҽа зныкгьы,
Сыԥсы ҭшәаанӡа исҭахуп.

СЫԤСЫНТӘЫЛА
Егьа аамҭақәа царгьы шықәсыла,
Сыԥсы усҭоит, схы уқәысҵоит, сыԥсадгьыл
Аԥсынтәыла.
Аҟәа. 11.09.2004

АЖӘАԤҞАҚӘА
Аамҭа иақәыршәаны иныҟәо, аамҭа игоит.
Аанда зышшуа, ахҵысҭа аиҭоит.
Агәҭакы нагӡамзар, агәҭыхахь ииасуеит.
Агәҭыха нагӡамзар, агәырҩахьы ицоит.
Агәылацәа ирымжыз абаз кылҵәагьы даԥсам.
Аӷа думырҳар, агәырԥса уқәшәом.
Адгьыл иахо, адгьыл ихоит.
Адунеи аҿы иҟоуп афатәқәа ҩба: акы угәы
зырҭәуа, егьи – умгәа.
Адунеи зегь реиҳа злеишәа цәгьоу, арыжәтә
ауп.
Адунеи зегьы еибаркны измоу, арыжәтә
зыӡбыз иоуп.
Аӡәы дыԥсит – нарцәы днаскьаргоит, егьи
дыржит, нас деиҭаргоит.
Аӡәы итәы иашьҭалаз, ихатәы ицәыӡуеит.
Ажәа ҭҟьар, ахҿа иаҩызоуп.
Ажәа бзиа уи хәрабӷьыцуп.
Ажәа хыумтыр, аԥсыԥ азгом.
Ажәа хьанҭа зҳәаз, еидарас иауеит.

Ажәлар рыбла акы узацәӡом.
Ажәра иазхәыцуа, еиҳагьы даражәуеит.
Аиаша зҳәо дыҟамзар, амц зцәырҵуам.
Аиаша кылдыршәшәаауеит, ацәгьа анышә
ақә­рыжьуеит.
Акәтаӷь шаҟәа акәҷышь гәылҵуам.
Акы ахә ушьозар, икапан, иза.
Акыр иаԥсоу ачҳара, акагьы ианаԥсам ыҟоуп.
Алабашьа ахаҭабзиара ачамҳа иаҟәнуп.
Алашә ида зегьы ирбоит жәҩан гәы икыду
аеҵәақәа.
Алыхәҭа икылымсыз ашыла, абысҭа азуам.
Алыхәҭоуп еилызхуа аџьаџьеи агәӡеи.
Амҵ есқьынагь изыԥыруам, амҵәыжәҩақәа
хоит.
Амаӡа маӡахарцаз аӡәгьы иаҳәатәым.
Амла иакуаны зҿаҵа еиҩызшоз, рызхара
анырфа, аиҭанаиааира иаҟәыҵит.
Амцҳәацәа рыгәҭаны аиаша аҳәара уалагар,
уиаша мцхоит.
Амц ыҟамзар, аҵабырг зҳәодаз.
Амца царҭак амаиургьы, џьара ихәыҵымҟьар
ауӡом.
Амцхә умцәажәалар, ирацәаны иуаҳауеит.
Анцәа иаҵкыс аԥсцәаҳа даиааиуама? Мап! Уи
ихы иирбаӡом.
Анцәа иишаз, аԥсцәаҳа дигоит.

Анцәа уиҳәозар, уԥсы цқьазароуп.
Анышә иаҭан егьа иукәаҳаргьы, ацәгьа
цәыҵымҵыр ауам.
Апоезиа ауаҩы дарҿыхоит, ашәҟәы ауаҩы ацәа
далнахуеит.
Аԥсра зегьы ирԥеиԥшуп, аха аԥсра бзиа акыр
иаԥсоуп.
Аԥсцәаҳа дубарц уҭахызар, пату иқәҵала.
Аԥсы даныргәалашәо мла дакӡом, урҭ аныҟам,
ддыԥшылахоит.
Аԥсымҭә зегь ус иҟоу џьишьоит.
Аԥсымцқьа зегь рыԥсы цқьам џьишьоит.
Аԥшра цәгьа думбакәа, аԥшӡа дуздыруам.
Арупап инаҩсан ҩысҭаа дыҟам.
Арыжәтә ахшыҩ иаԥсоуп.
Арыжәтә ахьыҟам, ахәшьарагьы ыҟам.
Арыжәтә гәыбзыӷны укәа иҭалоит.
Арыжәтә зымжәыз дыгәнаҳауп, иашьыз –
еиҳагьы.
Асагәреи згәылам ацәашьы, ибылуам цәашь­
ҵас.
Атәым жәҩан аҵаҿы зхатәы бызшәа
зхазмыршҭуа, иԥсадгьыл аҿы иҳәалар, имазкуада.
Ауаа зырччо, ихаҭа дыччархәуп.
Ауаа рзы аџьабаа збо, ихы дахашәалом.
Ауасхыр шьҭамҵакәа, аҭӡы ҩаумган.
Ауаҩы дызлацәажәо аиаша ала ианизы­шьақә­
мырӷәӷәа, амц аҳәарахьы дианагоит.

Ахаҵа иааирыхуа махәҿала, аԥҳәыс икҿылгоит
акҿыҩра.
Ахага данхагаха, аҿаасҭа ҟалоит.
Ахәымга егьа дуршьышьыргьы, акагьы злам
азын уеисра далагоит.
Ахьҭа уамкырц азы умца рыхиа.
Ахьы шумоу зегьы ироуҳәар, иуқәпапан
уеимырҵәоит.
Ацәажәара иацуп аӡырҩра.
Ацәгьа дҳаҭыруп ицәгьоу рыгәҭаны.
Ацәгьа зуз абжа ицуп, иуртә еиԥш дҭазыргылаз
ишеибгоу ицуп.
Ацәгьа ҟаҵазар, еиҭазҳәо дыцәгьаҳәаҩуп ҳәа
дыршьоит, аха ииҳәо ахаҭа аиашоуп.
Ацәгьаҳәаҩы дарбану, уи иҟам ианым зҳәо,
ацәгьа зыршо иоуп.
Аҵа змам агәыр, арахәыц узкылдом (узаҵдом).
Аҵа иркыз дҵарҷҷоит.
Ачҳара еиқәырхагоуп.
«Аҽагажә ҳаԥшьа хтыгоуп». Аҽагажә ыҟа­
мызҭгьы аҳаԥшьа хыдмыртлаӡоз?
Ашәа ахала ашәа азҳәом, ашәа ззымҳәо изҳәо
идирҳәом.
Ашәа сыцызҳәо дыҟазар, ахапа цәырызгон.
Ашәа зҳәо рацәоуп уахынла, урҭ рыбжьы ҽын­
ла иуаҳаӡом.
Ашәа зҳәоз есҽны О! Ридада, убри иоуп амал
дугьы змаз.

Ашәарҭара ианҭашәа зыԥсадгьыл ззымыхь­
чаз, ижәлар рзы аҳәынҭқарра изыргылом, ихатә
ҳәынҭқарра аргылара далагоит.
Ашьха иҟоу далацәажәоит, амшын агаҿы
дтәаны.
Аҳаԥы иҭоу ацәыҵлашара дазыԥшуп.
Баша дықәуп адунеи, издырам иахьыҟоу
ладеи-ҩадеи.
Бзымзар иҟоузеи абзиа азҳәозар.
Гәҭыха змам игәы ҭынчуп.
Дәахьтәи ԥшӡа аасҭа, ҩныҵҟа ԥшӡа акырӡа
еиӷьуп.
Дыҟоуп иԥсыз, иҟоуп иԥсыз, дыҟоуп зынӡаск
иԥсӡаз, иҟоуп ишыбзаз иԥсыз, дыҟоуп ԥсра
зқәым.
Дыҟоуп ицәан аԥхыӡ иалоу, дыҟоуп ацәа иалоу,
дыҟоуп ацәа иалахаз.
Егьа аиаша уҳәозаргьы, умчыдазар – удыр­
хәахәоит.
Еиқәырхагас иҟоу хыхьчароуп, аԥсцәаҳа
еилихӡом.
Еидхалаз рхаԥыц еибаҿоит.
Еснагь аиаша ныҟәызгоз, знык агха иоургьы
ианаршьоит, даҭарҵом.
Жәлар змам дҳәынҭқарым, аҳәынҭқарра иашь­
ҭоу жәлар имаӡам.
Жәлар рхы счаԥоит зҳәаз, ауаа рзын акагьы
даԥсам.

Збызшәа аҳәара иацәыԥхашьо, дыԥхамшьоуп.
Згәы ҭынчу, гәырҩа змам иоуп.
Згәы зегьы ԥсыцқьала иҭаҳәҳәоу, џьанаҭ
изыԥшуп.
Зегь аиаша ҟарҵозар, ацәгьа зыршода.
Зжәытә шьҭра иазхьамԥшуа, шьардаамҭа
дцоит.
Зхы ада хәыцырҭа змам, дгьамдоуп.
Зхы ахьыҟоу здыруа, ихәамцгьы еибгоуп.
Зхы изамыхәо, анцәа димам.
Зцәажәара шьаҭа иашала иззышьақәмыргыло,
амц аҳәара мыцхәы ихҭеикуеит.
Зҳәаа иҭыҵыз, ҳәаа иоуӡом.
Зыҵа ԥҵәаз агәыр, аӡахраҿы уаҳа иухәом.
Зыԥсадгьы аанзыжьыз, игагоуп иҟоу.
Зыԥсадгьыл казыжьыз, наунагӡа дацәыӡит.
Зыбз зыхәлашәаз иҟырҟы иамҵасуеит.
Зыблақәа аш еиԥш аԥара хылаз, ддырлашә­
уеит иарада акгьы идырбом.
Зыгәраго ԥҳәысымзар, абысҭа лумырун.
Зыжәла иацәыԥхашьо, дыжәладоуп.
Зышьҭахьҟа ихьаԥш-кәаԥшуа, ицәа дацә­
шәоит.
Иԥсы шҭамгьы, «зыԥсы ҭоу» дреиӷьуп.
Иаԥсоу ҳәамҭак иахьа иҳәазар, уи мышкызны
иаԥсахоит.
Иакәым ҟазҵо, иҟоумҵан ҳәа иаҳәара уқәым­
шәарцаз, иҟаимҵартәеиԥш дааӡатәуп.

Ианиуа икьаасуа, ианыԥсуа иӷызуеит.
Игхаз дырны изырҽеиз, агха ихьит ҳәа дшьа­
тәым.
Идырны жәлары ирцәуҵәахыз, мыждараны
иузцәырҵуеит.
Изықәкыз аҟынӡа ухымҭа мнаӡозар, еиӷьуп
ухысганацәа зынӡа иумырҵысыр.
Иҟаҵоу маҷым, шаҟа ҟаҵатәузеи.
Иҟам ҭыԥк, еибафарак ахьыҟам.
Иҟам дызгәалашәо рҿы дыҟоуп.
Иҟәышу ауаҩы дыззымԥшааз, ахага иахь
дцоит.
Икаԥсаз ажәла зегьы аауам.
Имҵәыуоз, еиҳагьы дырҵәыуоит.
Инамцхәны бзиа еибабаз, аҩсҭаа иеилихуеит.
Инамцхәны изқәуҵаз апату, инарҳәы-аарҳәны
дуҿаԥоит.
Ирҳәахьоу рацәоуп, иҳәатәу шаҟаҟоузеи.
Ирымҳәац иарбану, зхы иҭало дыҟазар.
Иуҭаху дуҭахызар дуԥшаауеит, узҭахым ухы
идумгалан.
Иуҵәахыз ыӡуам, иумҳәар ицәырҵуам.
Иузынамыгӡо аус уаламгар еиӷьуп.
Иушәу қәыршәзар еиҳа еиӷьуп, маҭәа уаара
ушәызар аиҳа.
Иуҳәо аԥша иамгарц азы, аӷәра аҿазароуп.
Иуҳәо ҳәазар, уи хпатуқәҵароуп.

Ихажәаау аҵла иамахәҿазар, шьарда аамҭа
зыннаҵуам.
Ихахаӡа иарку ацәашьы мҩабжара иҿыблаар,
уи зымлашеит ахара.
Ихәыцуа ахәыцрақәа дрытҟәоит.
Ихәыцуа ихәыцрақәа еиҟәышәшәозар, урҭ
еимхәыцҵас икаԥсоит.
Ицқьоу аҳауа уфарц азыҳәан, аԥсыԥ иухылҵуа
цқьазароуп.
Ишахәҭоу еиԥш ухәыцны, ухәыцрақәа ҳәа.
Қәра маҷзаргьы иниҵыз, имҩасыз гәырҩада,
убри иоуп аԥсҭазаара збаз.
Ҟазшьала еинымаало еиԥырҵыр еиӷьуп.
Ҟармаҵысҵас ашәа изымҳәар, уи даԥсам ҳәа
думԥхьаӡан.
Лаԥш хәшәазҭо, лаԥш иаку иоуп.
Лаԥшы хаа аԥсынҵра ҭанаԥсоит.
Маанала ицәажәо имаана укыроуп.
Мрада ԥхарра ыҟам, мцада – ахәышҭаара.
Мцыла зхы ӡырызгаз, аиаша иҳәаргьы, зегь
акоуп агәрагара иауӡом.
Ԥарала зыхә ршьо, акагьы иаԥсам иоуп.
Ԥхӡашала иаарыху, гьама ҷыдак змам ауп.
Ԥҳәыс дахьыҟам, цқьарак ыҟам.
Ԥҳәыс дызхагылоу аҿы ус цқьак ыҟам.
Сасык дааины кырузицымфо, умгәа умырҭә­
лан.

Сызлацәажәо схатәы бызшәа сара исныха­
қәыроуп.
Уҿаҳазар еиӷьуп, иуҳәо акагьы иаԥсамзар
аасҭа.
Уԥсы ахьы ахьыршо иҟаларц азы, адәы уанықәу
хьык уаԥсазароуп.
Уаниуаз иааугаз, унарцәахь иугоит, иуциз
акрыҟазар, адунеи иазынхоит.
Уаха-саха аасҭа, унаха-снаха еиӷьуп.
Уаҩытәыҩса изымычҳауа уӷроумыгӡан.
Уаӷа бзиа уас дҟауҵап ууа хәаԥса иаасҭа.
Убз хҵәазар еиӷьуп, иакәым аҳәар аасҭа.
Убзиахар сузыбзиахоит, уцәгьахар сшыбзиоу
саанхоит.
Угәаӷ змоу, игәаӷ умкын.
Угәи уԥси зегьы цқьазар, ахаҳә еиҩусоит.
Угәы иҭоукыз абзиа иазкызар, инагӡа, ацәгьа
акәзар, угәы иҭоукыз ухы азын ишьҭаҵа.
Узыхӡыӡаауа думпыҵҵәраауеит.
Уҟазар аҵкыс, уҟамзар еиӷьны уҟоушәауҟамшәа аҵкыс еицәоуп, уаныҟала уҟалароуп
хьаҳәа-ԥаҳәада.
Умаӡа аӡәы ианиоуҳәа, зегьы ираҳаит ҳәа
иԥхьаӡа.
Умцәажәар уҿаҳау џьыршьоит, амыцхә уцәа­
жәар ргәы ԥуҵәоит.
Ухаԥыцқәа зегь каԥсар акада, иаанхазгьы
ыҵырхуеит.

Ухәыцрақәа иаԥсоу акрылазар, иумҵәахын.
Ухы ахә шаҟароу дырны, даҽаӡәы ихә шьала.
Ухы ухнахуазар арыжәтә, еиӷьуп зынӡаскгьы
иумжәыр, иуханаргылозар ахы, уамеигӡакәан
ижә.
Ухызхыз ажәа, агәра умган.
Ушьҭахьҟа ухьамԥшын, уаԥхьаҟа умыццакын.
Ушьапы шаҟароу дырны, ухыза ӡахы.
Уҳәан-сҳәан уламзар, изҳәо уидымҳәылан.
Хгашьа змам аус уԥеиԥшзар, еиӷьуп улашәхар,
уагьдагәахар.
Хшыҩла еиҟарам, мчылагьы еиҟарам.
Хәыцрак ада агәыламзар ухәыцра, даҽа хәыц­
рак агәылҵраны иҟаӡам.
Хы змам ҵыхәагь амам.
Цәгьа умамзар, уцәгьа рҳәазар ихьааумган.
Цәгьамзар бзиа ҟазымҵац хышә шықәса
дцаргьы, џьаҳаным изыԥшуп.
Ҵара змамгьы иқәырҵоит, хшыҩлагьы ихдыр­
ҷоит.
Ҽԥныҳәа умамзар, аҽԥныҳәаҩ дуоуӡом.
Шаҟа нуҵыз акәым, инуҵыз шнуҵыз ауп.
Шаҟа ужәыз акәӡам, ишужәыз ауп, ишужәыз
акәӡам, иужәыз ауп.
Шаҟа узыфо дырны, ухәы анҵа.
Шаҟа умоу здыруазар, шаҟа угыу уасҳәон.
Шаҟа уҳәаз акәым, иуҳәаз ауп.

Шаҟаҩы уршәиуа убриаҟарагьы урныҳәоит.
Шәблакы умазаргьы бла бзиак иаԥсамзар,
ашәк зегьы лашәуп.
Ҩнуҵҟала уӷразар, аҩсҭаа уирыцқьоит.
Џьаҳаным ицараны иҟоу, иҭыԥ заанаҵ ир­х­
иоит.
Џьоукы имыццакӡакәан иҩуеит, џьоукы иҩ­
уеит, иццакуеит.

АШӘИԤХЬЫӠҚӘА
Абгақәа урыхәхааит.
Абна улӡааит.
Агәнаҳа уқәшәааит.
Агәы мыжда уқәхааит.
Адамра хыла уасааит.
Адунеи уаныӡааит.
Адәы сакара уқәхааит.
Адыдмацәыс улҟьааит.
Ажәлар рышәи угымхааит.
Аӡахәа ухарҵааит.
Аӡы ҩеиааит.
Азҩа уагааит.
Азҩа угымхааит.
Азҩа улнахааит.
Акаамеҭ узыҟалааит.
Акәап-ныха уҿасааит.
Акы ухнажәааит.
Ала ажьра ужьраханы, ацгәы аҟәаҟәа умҵар­
ҵааит.
Алақәа урфааит.
Алаапк уцҳааит.

Алаҳәақәа урфааит.
Алеи аҳәеи уҵырхааит.
Алеи аҳәеи урфааит.
Алышькьынтыр урфааит.
Амаҭқәа урфааит.
Амҟәыл каҳааит.
Амца ҭашәааит.
Амца алҟьааит унхара.
Амца уақәҵаны урблааит.
Амца уалаблааит.
Амца укааит.
Амшмыхәла узыҟалааит.
Амықәшәатә уақәшәааит.
Амыждара узыҟалааит.
Анцәа дуқәшәиааит.
Анцәа уимырӷьацааит.
Анцәа ҳазшаз усимырбааит.
Аныха уакааит.
Аныха ухарахааит.
Анышә уарҭааит.
Аџьнышқәа урфааит.
Ақәыџьмақәа урфааит.
Аԥсцәаҳа уикааит.
Аԥсы уԥсхааит.
Аԥсышьа цәгьа уоуааит.
Асаҵарел улнахааит.
Ауоу ҳәацәа уашҭа иҭалааит.

Афаха умоуааит.
Афы уҿасааит (уӡӷасааит).
Ахаҳә ауааит.
Ахыкәалаа уқәшәааит.
Ахьшь уагааит.
Аҳәа урфааит.
Аҳәынаԥ учычааит.
Ацхь уагааит.
Ацәа уалымҵааит.
Ацәаҟәа ҭалааит.
Ашара уахьымӡааит (умбааит).
Ашацкыра уахьымӡааит.
Ашә нкыдҵа.
Ашәаџьҳәацәа уашҭа иҭалааит.
Ашьа уҿыҵааит.
Ашьараӡа ҭашәааит.
Аҩсҭаа дучычааит.
Багада ацҳа уқәымсааит.
Барақьаҭ умоуааит.
Бзиа умбааит.
Гәаԥхачара умоуааит.
Гәырӷьара умбааит.
Дыдрыԥшь-ныха ухарахааит.
Еиҭаҳәара умоуааит.
Еимаҷаҩааит.
Елыр ныха уҿасааит.
Еуру уҿашәааит.

Ӡызлан улкааит.
Иԥсы уеимгәанакааит.
Иаарласны инухатәааит.
Иуқәхәлааит.
Иузымшааит.
Иухаҳәҳәааит.
Иуҩысҭаа чысхааит.
Ишьаарҵәырахааит.
Ламыс анцәа иуимҭааит.
Лашара умбааит.
Лых-ныха ухарахааит.
Қьач-ныха усааит.
Мқымгари ухы ухнахааит.
Мцала ублааит.
Мшаԥы узымшааит.
Ԥеиԥш цәгьа уоуааит.
Ԥсгарҭа умоуааит.
Ԥырхагас иуоуааит.
Тәамҩахә умоуааит.
Ҭыԥ умоуааит.
Уҭабааит.
Уҭабгааит.
Уҭарҟәаҟәааит.
Уҭарыблааит.
Уҷапан кашәааит.
Уқәлацәа урыламгылааит.
Уқәлацәа урылшәааит.

Уқәыццышәааит.
Уҵаакәкәалааит.
Уҵабгааит.
Уҵәҩан шьапы ыҵухааит.
Уԥсцәа еиҭоугааит.
Уԥсцәа ыҵухааит.
Уԥсы иарҭааит.
Уԥсынҵры ҿыцәааит.
Уԥсынҵры кьаҿхааит.
Уԥсышьа цәгьахааит.
Уԥыххаа-жьыххаа уааргааит.
Уаҵаҟьаҟьааит.
Уаамӡааит.
Уаарыхра умфааит.
Уажәымҭа аӡахәа ахарҵааит.
Уажәымҭа цәгьахааит.
Уалыхәдахааит.
Уан уаалымылхааит.
Уахьца умааит.
Уашҭа азар ҳәацәа ҭалааит.
Убз ахы шьшьааит.
Убла аҵәыршы иҭнахааит.
Убла акакаҷ ыҵашәааит.
Ублақәа ҭухааит.
Ублақәа ҭышәшәааит.
Ублааит.
Угәаҵәахы акааит.

Угәарцқьааит.
Угәарымлааит.
Угәашәқәа акааит.
Угәы ҿнакааит.
Угәаҵӷа ԥҵәааит.
Угәахы ҿнакааит.
Угәахы кылнажәааит.
Угәы ахыкәалаа ҭашәааит.
Уеҵәахә кыдшәааит.
Уӡааҟәрылааит.
Уӡи умцеи еиқәуҭәааит.
Уеиҭаргааит.
Уеиқәыбгааит.
Уеиқәыцәааит.
Уеибга узҩыда арахь умааит.
Уеимабгааит.
Уеимаҳааит.
Уеимырҵәааит.
Уеиханакааит.
Уеихаткачааит.
Уеихашәааит.
Уеихнахааит.
Уиешьара урылӡааит.
Ужәла ыӡааит.
Ужәҩангәы лашьцааит.
Уҟәаҟәаса уааргааит.
Уҟырҟы акы икылнахааит.

Уҟырҟы еималааит.
Укҿарҟәаҟәааит.
Укәаҷалакааит.
Укәыкәыл ықәӡааит.
Укыдыԥсылааит.
Укыдынҵәалааит.
Укьатеи ааҳәааит.
Укьатеи кылнахааит.
Ула абзиа амбааит.
Умала ужьы уфааит.
Умгылааит.
Умца ыцәааит.
Умҩа кьаҿхааит.
Умӷьацааит.
Унҭаԥсы уцааит.
Унҭанҵәа уцааит.
Унаҿгәыӷьаа уцааит.
Унаҿыԥсаа уцааит.
Унаҵаԥсы уцааит.
Унаҵанҵәа уцааит.
Унеиҭаргааит.
Унықәҩаа уцааит.
Уныҵабга уцааит.
Уныҵашәкәа уцааит.
Урыԥҳа кылнажәааит.
Усакаса ҭаргалааит.
Усаса еихнахааит.

Утҟәацааит.
Уура умфааит.
Ухахамҿы рыблааит.
Ухәдаџьал хжәааит.
Ухәдаџьал хнажәааит.
Ухәдацәа ҵнакааит.
Ухәламшәы акааит.
Ухы ԥнаҽааит.
Ухы ԥуҽааит.
Ухы акәамаҷира ухнахааит.
Ухы акәара иҭабааит.
Ухы арагәаԥшь иануҟьааит.
Ухы ухнахааит.
Ухыбгалааит.
Уцҟьашәҟьа уааргааит.
Уцҟьашәҟьа уцааит.
Уццышәтәарахааит.
Уцәа уасааит.
Ушә акааит.
Ушьҭамҭа ықәӡааит.
Ушьапы иажәуҵааит.
Уҳәа-убз кылсааит.
Уҽыкноуҳааит.
Уҿаҳа-дагәан уаанхааит.
Уҿаҳәатәхааит.
Уҿы аԥаԥа ҭалааит.
Уҿы акааит.

Уҿыблааит.
Уҩны аршра ҩналааит.
Уӷра ԥнажәааит.
Хагәха уасааит.
Хыла уалҟьааит.
Хыла шәеисааит.
Хырҳагас иумоуааит.
Хыхь-гәыхь угымхааит.
Цәгьамзар бзиа умбааит.
Цәгьамзар бзиа уақәымшәааит.
Цәыблаҟы улкааит.
Шәдыхә амҳәааит.
Шәиԥхьыӡ угымхааит.
Шәкәыкәыл нибарҵәааит.
Шәнибарҵәааит.
Шәхибарҵәааит.
Шәықәӡааит.
Шәықәибахааит.
Шьаҭанкыла уқәыццышәааит.
Шьашәы уҭарыблааит.
Ҳазшаз илыԥха умоуааит.
Ҽааны умнеиааит.
Ҿаҵахәы умоуааит.
Ҿааҳәыра умоуааит.
Ҿашәа-гәыӡа умоуааит.
Ҿыцха уасааит.
Ҿыцха уцааит.
Џьаҳаным уҭыԥхааит.

АНЫҲӘАԤХЬЫӠҚӘА
Абзиара уԥеиԥшзааит.
Абзиара узыҟалааит (угымзааит).
Агәабзиара угымхааит.
Адунеи уақәлахааит.
Адунеи уагымзааит.
Ажәеиԥшьаа узыԥшызааит.
Ажәлар рныҳәа угымхааит.
Аӡы шыцәоу иубааит.
Аӡы шыцәоу анцәа иуирбааит.
Алԥха агәыԥха умазааит.
Амҩа бзиа уқәлааит.
Анцәа абзиара уирбааит.
Анцәа дузылыԥхааит.
Анцәа духәааит.
Анцәа иџьшьоуп.
Анцәа илаԥш хаа уоуааит.
Анцәа уиныҳәааит.
Анцәа уиргәырӷьааит.
Анцәа уирӷьацааит.
Анцәа улԥха ҳаҭ.
Анцәа ҳазшаз уиныҳәааит.

Аԥхыӡ бзиа убааит.
Аразҟы бзиа умазааит (уоуааит).
Арыӷьарахь анцәа уиргьежьааит.
Ацәгьа-мыцәгьа уҟәыблаазааит.
Ашара узыбзиарахааит.
Аҩсҭаа дуҟәыблаауп (дуҟәыблаазааит).
Барақьаҭ умазааит (угымхааит).
Гәаԥхачара уоуааит.
Гәаԥхачара умазааит.
Гәырӷьачара угымхааит.
Еиҭаҳәара уоуааит.
Еиҳа зымчу духылаԥшааит.
Жәҩан гәашәԥхьара узыԥшызааит.
Касы шкәакәала бымҩасааит.
Маҭа-чмаҭала угәырӷьааит.
Машәыр уқәымзааит.
Нар улбааит.
Ныҳәаԥхьыӡ угымхааит.
Ныҳәаԥхьыӡс иҟоу угымхааит.
Ԥеиԥш бзиа анцәа иуҭааит.
Ԥшӡала иузшааит.
Ԥырхагас иумоуааит.
Уқәӷьацааит.
Уҵеира иазҳааит.
Уҵх аабзиахааит.
Уҵәҩан шьап мыӡааит.
Уҵыхәтәа мыӡааит.

Уԥсынҵры духааит.
Угәыхәтәы уахьӡааит.
Уаарыхра ԥшӡала иуфааит.
Уаб иԥара уқәымӡааит.
Уабшьҭра мыӡааит.
Уабшьҭра уқәымӡааит.
Уажәымҭа бзиахааит.
Уажәымҭа шкәакәахааит.
Уалыхәдамхааит.
Уахажәааит.
Уахьца уаалааит.
Уашҭа абзиара ҭалааит.
Удырҩатә еиӷьхааит.
Ажәеиԥшь уирчааит.
Уиаҵәахә кыдымшәааит.
Уеибга узҩыда анцәа усирбааит.
Узҭаху угымзааит.
Уиешьара урыгымзааит.
Уеиҳа зымчу умаҵ иуааит.
Ула абзиахә абааит.
Умарымажахааит.
Умца мыцәааит.
Умш аабзиахааит.
Уура уқәзааит.
Ухәаша мблааит.
Ухәышҭаара ҿымцәааит.
Ухы-угәы уақәгәырӷьааит.

Ушьҭамҭа мыӡааит.
Хҭырԥа шкәакәала умҩасааит.
Хы-хшарала умашшааит.
Хырҳагас иуоуааит.
Хыхь-гәыхь умоуааит.
Хьымӡӷ уқәымзааит (умгааит).
Ҳаԥсуара уагымзааит.
Ҳадунеи уагымхааит.
Ҳазшаз абзиа уаҭәеишьааит.
Ҳазшаз духылаԥшааит.
Ҳазшаз еиҭаҳәара уиҭааит.
Ҳазшаз илаԥшхаа угымхааит.
Ҳазшаз илыԥха уоуааит.
Ҳазшаз уиныҳәааит.
Ҳалалс иуоуааит.
Цәамҭхаа уоуааит.
Чарала умҩасааит.
Шьарда аамҭа нуҵааит.
Ҽаанбзиала унеиааит.
Ҽааны ԥшӡала унеиааит.

АХҚӘА
Ахьыԥшымра ашәахәа
Аԥҳәысеиба ӡышла
Аҵеира
Ԥсоу
Џьаба Иоселиани иахь
Наҳар
Абзиабара
Аԥсымыцқьақәа
Аԥсыцәгьа
Анцәа ус ишеит
Схылҵшьҭрахь
Иуа иахь
Аҟәа
Ус адыруеит аҭоурых
Ушышәҭыц ушәҭла
Аҭынчра
«Зны саԥхьаҟа ак сыхоит...»
Цәаҭачы
«СССР ду, ухзырбгалада?...»
Шьхатәыла
Сара сыжәҵысуп
Ихьаам нас
Шаҟа гәҭыха сымоузеи
Дӷамшь
Сашҭа
Аӷәра зкырц зҭаху…
Ажьырныҳәа
Амшын Еиқәа
Хәыса икәара
Сиҿагылоуп амца ацразҵо
Аԥсцәаҳа иахь
Џьанаҭҟа
Улгап утҟәаны
Зегьы иаҳуалуп
Анхара
Зегьы уреиӷьуп
Бзана
Сгәы шьҭызхуа
Ахәышҭаарамца
Ашәеиқәаҵәа былаҳәоуп
Аԥсуа фырхаҵа
Ԥхьаҟа
Угәы иалымсын, аҩыза
Иахьа еизигоит аӡә амалыжә...»
«Аџьар рахь дкылсуеит уи...»
«Ишәасҳәари иахьала, аԥсуараҿ џьым...»
Уҳәан-сҳәан
«Амра каххаа иахьыԥхо...»
Ԥсыуа ԥҳәызбак…
Аҿара
«Саргьы дысзыԥшуп аԥсцәаҳа...»
Ажәҵыс
Аԥсуа
Аԥсҭазаара
Сышьхақәа
Кәафҭа шкәакәа
Агәҭыха
Хәышҭаарамцак
Изқәаҭыԥ ҭынчуп
С-Бабаду
Аиаша
Аԥсуа уиҭәҳәан дузахцом
Аӡхыҵра
«Иагьа иаӷьызаргь аԥша иасуа...»
Уа мшыбзиа
«Абзиабара – уи закәызеи?..»
Џьулетта
Хыла-хшыҩла
Аӡҿгьы усызиҭом
Сажәа
Умыццакын
«Сгәылак дыҟоуп, дшьалашьынуеит...»
Уахазаҵәык
Аԥсуа ԥҳәызба
Ӡызлан-ӡаҳкәажә
Ахәшәтәырҭаҿы
Иаанда анбардха
Кәачарантәи
Ишԥашоу иссирны
Шьыжьтәи аӡаӡеиԥш
Ахьԥшымра
Бааи ҳаинаалап
Аҿҳәара
Агәыцқьеи аԥсымцқьақәеи
Сажәеинраала
Ахәыцра бзиа
Аԥсҭазаара
Сымҟәыба
Иԥсыхәоузеи
«Абаа, ԥссыка, шәыԥхеибаҵа....»
Ацәыслампыр
Сыгәҭыхақәа
Шаҟа дыԥшӡоузеи
«Ас еиԥш иԥшӡамызҭгьы адәыкрын...»
Агәҳәы
Ушәҭлар сҭахуп
Сыжәҩа иқәуп еидарак
Инамыцхәны
Ахаҵа
Абаз кылҵәакгьы даԥсамкәа
Амарџьа
Иҟалазеи?
Атәымр
Асас иахь
Игәаԥхеибашьаз
Қьаадымзар иҟоузеи
Схәыцрақәа
Ачараҿы ԥсыуаҵасла
Аӡәы ихәыцрақәа дыхҭаркит
Аандак савҵалан
Егьаурым
«Акаҷыҷ»
Исыҭ иауазар
Исызрыцҳәа
Ашҭа анылашо
Аԥсҭазаара бӷьаҭуеит
Сгәы банаала
Алакә
Сишь!
Сара усыцыз
Бзиа еибабоит
Уи дфырхаҵоуп
Исылшо ҳәа акгьы ыҟам
Снаҩс
Исзынкылом
Ус ишоуп
Еиӷьны сымир
Сахеит, сеиҭахеит
Иалысхузеи
Ианакәым, иахьакәым
«Аԥсуа идгьыл ахы анаркуеит аӡиас Ԥсоу...»
«Ҳбызшәеи ҳаԥсадгьыли еиқәхарцаз...»
«Адунеиажә акагь сзалам...»
«Сара ҩныда, гәарада…»
«Ҳаит, амарџьа шәмаашьаӡакәа...»
Дахәара
«Уааигәа гәыӷра сымаӡам...»
«Наҟ-наҟ исмоур бымада...»
«Рӡыхьқәа ҭабоит...»
Агәалашәара
Иҭабуп
Дыблахкыгоуп
Сылашара
Сыԥсы ҭшәаанӡа
Сыԥсынтәыла
Ажәаԥҟақәа
Ашәиԥхьыӡқәа
Аныҳәаԥхьыӡқәа

ГИВИ УАНЧКА-ИԤА ҴНАРИА

АҴЕИРА
Ажәеинраалақәа
Ажәаԥҟақәа
Ашәиԥхьыӡқәа
Аныҳәаԥхьыӡқәа

Аредактор Марина Тәанба
Акорректор Емма Адлеиба
Асахьаҭыхҩы Руслан Габлиа
Компиутерла еиқәлыршәеит Асҭанда Аџьынџьал

Аформат 70х100 1/ 32. Атираж 300.
Иҟаҵә. акь. бӷь. 4,5. Инықә. акь. бӷь. 5,8.
Аҿаҵаԥҟа №

Sez Abhaz-Abaza ädäbiyättän 1 tekst ukıdıgız.
  • Büleklär
  • Аҵеира - 1
    Süzlärneñ gomumi sanı 3191
    Unikal süzlärneñ gomumi sanı 2164
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аҵеира - 2
    Süzlärneñ gomumi sanı 3119
    Unikal süzlärneñ gomumi sanı 2117
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аҵеира - 3
    Süzlärneñ gomumi sanı 2560
    Unikal süzlärneñ gomumi sanı 1786
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.