Latin

Аҩымҭақәа. Ахәбатәи Атом. Жәамш Рхроника. Алирикатә Етиудқәа. Амраԥҳа - 15

Süzlärneñ gomumi sanı 700
Unikal süzlärneñ gomumi sanı 480
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Ас ак шбыхьуаз ҩашьозма?
Ҳара баҳхымхәыцуазаргьы,
Уа бымала бҽыбшьуама?
Харантә иԥшӡоуп ари адгьыл, аха
Уқәгылар, бзанҵы гәаҟра угхаӡом.
Бхәыц, сыԥҳа! Бхәыц, скаԥха!
Амра аԥҳа
Иаҳҳәап, гәаҟра сыгымхеит,
Иаҳҳәап, саблит сара уи адгьыл,
Аха абзиабараз агәаҟра, абылра
Уи еиҳау, еиӷьу иҟоузеи, саб?
Уи зегьы ирыцкыми, сан? Мамзар
Иалсхуазеи абри ажәҩан сара
Сшәахәа мацараны анхара?
Аӡәы изы сымбылуа,
Аӡә са сзын дымбылуа?
Саб, сукәыхшоуп, исҳәо урҳа! –
Абзиабара сацныҟәар сҭахуп!
Ааԥын-ссир
Амра лаша! Агәнаҳа ҟоумҵан!
Абзиабара уаԥырхагамхан!
Уа улакҭа лашеи са сиаҵәареи
Рыгымхар ҳамаҳәи ҳаӡӷаби,
Адгьыл аҿгьы урҭ рыԥсҭазаара
Ссирӡан иҟалашт! Амра, уаахәыц!
Амра
Сара исҳәаз ҳәоуп! Адгьыл ахь
Исышьҭуа – аӡәгьы дсымаӡам!
Баргьы сыԥҳа бакәзар –
Са сҳәатәы бахыԥаӡом!
(Диманы дцоит Ааԥын-ссир.)
Ахра
Сара исҭахыу, сызҭахыу бакәзар,
Сара иахьысҳәо бсыцныҟәоит.
Мамзар мчыла џьаргьы бызгом!
Уажәнатә сымҩа сықәлоит!
Бгәы иаанамгааит, исзымариоуп ҳәа,
Исҳәаз, изуз зегь баша исҳәеит ҳәа.
Бымш аабзиахааит, Амра аԥҳа!
Бшәахәа стәыла аҩычап, аха
Быбзиабара – сара исыԥсырҭахап!
Амра аԥҳа
Мап, Ахра, уаанҿас!
Усышьҭуам! Исылшом уи сара!
Ахра
Ус анакәха, гәыбӷан уаҳа исымамыз!
Аҳаҳаи, уабаҟоу, Бзоу?
(Аҽыкьыркьырбжьы.)
Аҩбатәи
Иҟазар ауаа – урҭ зхылҵуа!

Бзоу
(иаацәырҵуеит)
Ҳаҳаи, сара сыхиоуп!
Ахра
(Амра аԥҳа дналыҵаххны)
Сара соуп Ахра –
Дгьыли жәҩани ирԥоу!
Са сзын иҟоу бакәзар,
Быԥс снапы ианҵа!
Быԥ, Амра аԥҳа!
Амра аԥҳа дыууааӡа дыԥоит лхы мшаҭа.
Иналыҵаххны даамҵырԥаауеит Ахреи Бзоуи, дрыма
ицоит. Игоит Еҵәаџьаа рнапеинҟьабжьқәа, рааихабжьы,
амацәысқәа реинҟьабжь, нас урт инарыцлоит
ахаҵарашәа, аҽыкьыркьырбжьы. Уи иаанагоит: Ахра
ажәҩан далуаа Амра аԥҳа итәылахь дааигоит!
АЕПИЛОГ
Апролог аҿтәи асахьа. Ана-ара рҭыԥқәа рҿы
инықәԥалоит Абыжьҩык. Урҭ уажәы иуаркалеиуа
акәымжәы ҟаԥшьқәа ршәуп.
Абыжьҩык рдиалог (Игәырӷьаҵәа)
Актәи
Афырхацәа аныҟам – аамҭа ыҟаӡам!
Афырхацәа еснагь ииуеит!
Ахԥатәи
Иҟазар ахҭысқәа – урҭ цәырызго!
Аԥшьбатәи
Акыр зычҳаз – акрибеит, рҳәоит!
Акыр зылшазгь – кыр дахьӡеит!
Ахәбатәи
Аҳаҳаи, ауаа, шәҿыхақәа!
Афбатәи
Аҳаҳаи, шәыхқәа шәаарыхақәа!
Абыжьбатәи
Аиашареи ақьиареи аԥыжәара ргеит!
Ажәлар, шәгәаҵәеилгара ассир дахшеит!
Актәи
Алашара!
Аҩбатәи
Аԥхара!
Ахԥатәи
Аԥсҭазаара!
Аԥшьбатәи
Ҿыц ишәзааигоит!
Ахәбатәи
Амра аԥҳа ссир дима даауеит!
Актәи
Бзиа шәықәын, ажәлар!
Абыжьҩык
Бзиа шәықәын, ажәлар!
Есааира илашо иаацәырҵуеит еиџьны игылаз ауаа,
аха арҭ рдиалог ацәа иалнахуашәа, ргәырҩа иалнахуеит,
рыхқәа иаарыхоит. Иаацәырҵуеит ахәаны Ахреи Бзоуи,
Амра аԥҳа дрыманы.
Абыжьқәа
Ахра! Ахра! Ахра даҳзааит!
Аа, илашоит! Алашара ҳзааигеит!
Ахра
Амра аԥҳа, сыбла ԥха!
Иҟоуп, иҟоуп сыжәлар еиқәханы!
Ирылаша алашара ирзаабгаз!
Амра аԥҳа аҳәиҵәҳәа лгәыгәым аҟынтә ирылалшоит
амра ашәахәақәа, иккаӡа ишоит, зегь гәырӷьоит:
Алашара!
Аԥҳәыс
Аԥсҭазаара ҳзыхынҳәит!
Ҳаҷкәын даҳзыхынҳәит! Еи, ажәлар!
Еи, ахацәа, аҳәсақәа! Ахәыҷы-аду!
Шәиԥыл, шәиԥыл ҳҵеи фырхаҵа!
Зегьы
Закә шаноу иаҳзааигаз!
Закә лашароу илхылҵуа!
Амра аԥҳа! Амра аԥҳа!
Ахаҵа
Ҳгәыӷра шынаӡаз еиԥш, рацәа
Уразҟы наӡааит ҳҵеи лаша!
Аҳаа, Саҭанеи-Гәашьа!
Баша бҳалам бгәашьан!
Иҟаҵа, иҟаҵа уи бдоуҳа!
Блықәныҳәа Амра аԥҳа!
Бақәныҳә ҳтәылеи ҳҵеии рлахьынҵа!
Саҭанеи Гәашьа
(дахьынтәааз умбаӡо, абахә даақәгыланы)
Уа сшамкәа сызшаз, лашара ҳзырбаз,
Ишубо-ишуаҳауа, иҟасҵоит адоуҳа,
Шьапымшла, напымшла
Даҳҭааит Амра аԥҳа!
Амшраз-аҵхраз дҭалааит
Ҳтәыла амӡырха!
Дымшхәбзазаха, дмарымажаха
Дазыҟалааит уама зыхҭызгаз
Аха аԥеиԥш ссиргьы змаз
Ҳадгьыл ҳгәацаԥха, ҳадгьыл ҳаԥсы злоу!
Дԥарахо, дыԥҳарахо,
Шәҩыла илхылҵуа, шәҩыла илааӡо
Ҳтәыла иамбац аҵеицәа ахьӡо!

Зегьы
Уа анцәа иҳәааит! Уа инаӡааит!
Саҭанеи-Гәашьа
Абриаҟара ашәеиқәара зхатәаз,
Атәыла анасыԥ шкәакәа иазыҵәахыз
Бызбзиахааит, Амра аԥҳа лаша!
Лыкәа иааҭыгаиы илхалҵоит ргәыӷра ашьана –
акасы шкәакәа.
Зегьы
Ибызбзиахааит, Амра аԥҳа лаша!
Саҭанеи-Гәашьа
Адунеи иахьа иқәугьы,
Уаҵәы иқәлараны иҟоугьы,
Рнаҩс еиҵеиран иҟоугьы,
Шәныҳәазааит, ԥеиԥшцәгьа шәымамзааит!
Ҩаԥхьа иаҳа-иаҳа шәҟәышхалааит!
Ҧсра ақәымзааит, ӡра ақәымзааит,
Амра ацзааит еснагь Адунеи!
Зегьы
Амра ацзааит еснагь Адунеи!
Ахаҵа
Аҟамақәа! Аҟамақәа! Иаажәг аҟамақәа!
Аҟамақәа еиҿаркуеит ҩыџьа. Амра аԥҳа дыҵыргоит
илеигәырӷьо.
Ашәа, ашәа цәырыжәга!
Агәырӷьара ду иаԥшьыжәга!
Ашәа цәырыргоит, акәашара, агәырӷьара. Хыхьынтә
иаақәгылоит Амреи Ааԥын-ссири. Иара алашара
ацыԥхь иҟьоит, лара – аиаҵәара, ашәҭқәа. Ишәҭуеит,
илашоит зехьынџьара. Ашәа еицырҳәоит.
Ашәа
Иахьеихагалоу уа бжьы-мҩак,
Иахьеиҿасуа уа бжьы-ԥшак,
Изыхчнызоу уа бжьы-шьхак,
Иҟоуп тәылак, тәыла ԥшӡак,
Тәыла ссирӡак, лашаӡак!
Иахьӡуп, ауп уи Аԥсынтәыла,
Иахьӡуп, иаԥхьоит Амратәыла!
Аԥсынтәыла, амратәыла!
Аԥсуа итәыла, аԥс атәыла!
Асахьа ниасуеит. Еиҭах Абыжьҩык аагылоит дасу
рҭыԥқәа рҿы.
Абыжьҩык рдиалог
(Ашәа амузыка иацырҳәоит.)
Актәи
Бжьы-мҩак ахьеихагалоу,
Быжь-ԥшак иахьреиҿасырҭоу,
Ҳарҭ ашьха дуқәа хчнызас ҳазмоу,
Амшын ҟәара шьалҭас измоу,
Иҟоуп тәылак, тәыла хәыҷык –
Тәыла ԥшӡаӡак!
Афбатәи
Ихазыҳәан анкьаӡа
Иҵәахны имаз анцәа!
Аԥсуа изы ноунагӡа
Инижьыз атәыла!
Ахԥатәи
Аԥсынтәыла – аԥс атәыла!
Аԥшьбатәи
Аԥсынтәыла – амратәыла!
Ахәбатәи
Аԥсынтәыла – аԥсуа итәыла!
Абыжьҩык
Аԥсынтәыла – аԥсуа итәыла!
Ихалоит ашәа, иаацәырҵуеит уи ҳәо адрама иалоу
зегьы. Рыгәҭа иаагылоит Ахреи, Амра аԥҳаи, Бзоуи.
Урҭ иаарывагылоит наҟ-ааҟ Амреи Ааԥын-ссири.

Нели Залҭинцка-иԥҳа ҬАРБА

АҨЫМҬАҚӘА
Ахәбатәи атом
ЖӘАМШ РХРОНИКА
АЛИРИКАТӘ ЕТИУДҚӘА
АМРАԤҲА

Аредактор Л. Чамагәуа
Компиутерла еиқәлыршәеит Н. Картозиа

Аформат 84х108 1/32. Атираж 300.
Иҟаҵә. акь. бӷь. 12,25. Инықә. акь. бӷь. 20,3.
Аҿаҵаԥҟа № 52.
Икьыԥхьуп “Акьыԥхь аҩны” аҟны.
Ақ. Аҟәа, Ешба имҩа, 168.
Sez Abhaz-Abaza ädäbiyättän 1 tekst ukıdıgız.