Latin

Аизга - 03

Süzlärneñ gomumi sanı 3184
Unikal süzlärneñ gomumi sanı 2254
0.0 süzlär 2000 iñ yış oçrıy torgan süzlärgä kerä.
0.0 süzlär 5000 iñ yış oçrıy torgan süzlärgä kerä.
0.0 süzlär 8000 iñ yış oçrıy torgan süzlärgä kerä.
Härber sızık iñ yış oçrıy torgan 1000 süzlärneñ protsentnı kürsätä.
Ҩада рҩашкгьы шьацәхыртәуеит.
Аамҭа ԥыруеит Сасрыҟәа ирашьха,
Адгьыл, ажәҩан сгәы дырҭәуеит.
Исаранџьроуп сашҭа азқәа,
Ацха афҩы хаа ахышәшәоит.
Ашәҭқәа исарҳәоит амш ишацлаз,
Сашҭа гәыцқьала ишәаҳәоит.
Ҳәамҭак иалхны ишәысҭарц сҳамҭа,
Ашьац есааира ииаҵәахоит.
Исымам ԥшыха, игарц сыбжьы хаа,
Ҵыск ашәа хаак канарҵәоит.
АБРИ АДГЬЫЛ
Изакә ԥсҭазаароузеи иқәыршоу абри адгьыл,
Уазыӡырҩы, уазыӡырҩы улымҳақәа надкыл.
Ԥхьарца бжьы цқьак агәылҩуеит ихааӡа,
Лашара нашанак агәылыҷҷоит иххаӡа.
Гәнаҳароуп, араҟа уахьымӡар угәахәтәы,
Гәаҳәароуп иунаҭо, инымҵәо зҳәатәы.
Хымхәароуп, иахьа уаныҟамла ахьхьа-џьџьа,
Ибираҟха ианузышьҭымх, ианзымычча уџьа.
Гәнаҳароуп, угәҭыха згәылымптыкәа инхар,
Хьаак мычҳакәа, лаӡарада уҳәҳәар.
Ашьацра мырҟьацыкәа унавсны умцалар,
Бираҟаи-иԥа иԥсышьала угәҭыхақәа ԥсӡар.

Иацы аиҳа аԥсҭазаара ссируп иахьа,
Исызҳарцоуп сыԥсҭазаара зыччо ахьхьа.
Ашьыжь исаԥаскылаз шәаҳәарц хәылбыҽха,
Сажәа сацәхымҟьауа, иҭҟьарц ихҿаха.
Абри адгьыл аҿы заангьы исуалхар аԥсра,
Ижәдыруаз, са сгәаҵа шымцо инҭыԥсаа.
Ари адгьылаҿ издыруеит ишсаҭәам ашшра,
Ганкгьы ишавамхо сгәыԥшқа ԥшаауа.
Изакә ԥсҭазаароузеи иқәыршоу абри адгьыл,
Уазыӡырҩы, уазыӡырҩы, улымҳақәа надкыл.
Иаҳәо уазхәыц, саргьы сылаԥш ахуп,
Хьаҳәхьачрада амаршәа ҳкларц сҭахуп...
САШӘАҚӘА РАШӘА
Аԥсуа хаҵа сара сихылҵит,
Аԥсуа қьабзқәа сыхьчаларц.
Адгьыл сыкәша-сыкәшо сааӡоит,
Адгьыл амаҵ са изуларц.
Ахра дуқәа сзы иныҳәоит,
Среиԥшны сышьҭра ӷьацаларц.
Амра лыбаан, саԥхьа ихырхәоит,
Ацԥхьқәа рыла схәыннагарц.
Ҿыц игәырӷьо ашьыжь сыҳәоит,
Са сышьҭрақәлан сымшәаҳәарц.
Бзыԥ аӡиас caxәыҭхәыҭуеит,
Шанас иаҵоу сыԥшааларц.
Сабацәа рҭоурых шсыԥхьац исыԥхьоит,
Уи еихаҳа ԥхьа изгаларц.

Гәырӷьа бжьыла ашәа рзысҳәоит,
Иқәԥо, амра рзын иԥхарц.

Сышәқәа ҟьаҟьаӡа иаазыртуа,
Шә-гәыҵхак сгәаҵаҿ иԥыртуа.

Аҭынчра ашәҭқәа са сыргәылптит,
Сашәа ашәақәа рыхшарц.
Адгьыл сыкәша-сыкәшо сааӡоит,
Адгьыл амаҵ са изуларц...

Сахыҽхәоит ухьӡ, ауаҩы,
Сара сызхылҵыз, анхаҩы!

ШӘНЕИБАЦ!

Уара угәҭыхоуп сара исыхьшу,
Шьыжьтәи ӡаӡаха исҿашу.
Зны исԥылар сымч змырхо,
Исаԥызо, сгәы зырӷәӷәо.

Ари ажәа — ныҳәоуп, еснагь исыцаҟоу,
Ари ажәоуп ԥсыс исхоу.
«Шәнеибац!» — ашәа сгәы иаҟәыҵәоу,
«Шәнеибац!» – сабацәа ирҭынхоу.

Нарҭаа рӡыхь еиԥш уа уцқьоуп,
Уажәа хәыцуп, ираӡоуп.
Шанак аҵоуп умахәҿа,
Баша икамшәацт уа ухҿа.

Ари ашәоуп гәырҩашәк еиқәҳәала,
Зымҩа ишьҭазҵо ишьаҳаны.
Аҩызцәа зсымоу, сзыҟам схала,
Сгәыӷрақәа згылоу ишьханы.

Уа уҭоурыхоуп са сзырԥха,
Сгәырӷьа, сгәыӷра, сгәацаԥха!

Ари ашәоуп са сымч зырҿыхо,
Ари насыԥуп — сымца еиқәзырхо.
Убри азами еснагь изысҳәо,
«Шәнеибац!» — стәыла зегь иахьӡо.
АНХАҨЫ

Мза шәахәоушәа еилыџьџьо,
Аҵхеиқәараҿ исҿаԥхо.
Акаҩҳәа сықәҿыҭ ԥхьа сызго,
Гәыӷра цәҩычала сеилаҳәо.
Ухьӡ ахьыҟоу са сгәаҟноуп,
Аԥсынтәыла уабаҟоуп.
О, сызхылҵыз, уԥашә, удац,
Наӡаӡа исымоуп сгәаҵа иҭаӡ.

Уара угәыԥшқоуп сара сзырԥхо,
Уиоуп исазҳәо уаҵәы сзакәхо.
Амца бжьазҵо сжьы, са сцәа,
Сажәа зҽыжәу игәырӷьаҵәа.

Насыԥла иҭәыми са сыҩны,
Сихылҵт анысҳәо анхаҩы.

Еицакра ақәзымҵо са сҿара,
Еснагь изыӷәӷәоу сара сҿа.

Аеҵәақәа сышьҭыхны сыркушәа,
Сгәырӷьоит, сгәашьамх ласуп.

***

Гәашьа илрышҳаз қәнушәа,
Аԥҭақәа бахәыкаҿ ихшьуп.
Адгьыл иагәылптыз ааԥнушәа,
Гәҭыхақәак сышҟа иццакуеит.
Бзыԥи сгәаҵеи еиԥнушәа,
Ацәқәырԥ быжьқәа уаҟа игоит.
Сԥызкуа иҟеи, снеиуеит ԥшьаала,
Сышьыжь сыччаԥшь аҿашуп.
Ажәҩан ԥшуеит исыҵашьыцуа,
Сымшқәа ргәеисыбжь иазыԥшуп.
СХӘЫЦРАҚӘА
Арԥарцәа еимаркыз аҭыԥҳа леиԥш,
Ахәыцрақәа сцәеисуеит сеимакны.
Амхылдыз иаҿыҵашәаз агәыр еиԥш,
Сабиҵас слымҳақәа срынкны.
Ахра иаҿалаз бчараҳушәа,
Хракаҿ сыхәныргоит сынҵәаха.
Алаҟәра ианымшәо ԥсаатәушәа,
Зны аеҵәақәа срылоуп сынцәаха.
Згәы заԥууааз рашьушәа,
Ладеи-ҩадеи сырхьыгӡа.
Абахә иалҟьаз рҩашушәа,
Иқәҟьа снаргоит рыҽкынҵа.
Арҩашаҿ исаҩсуам аҽазныхгьы,
Аилашрахь снаргоит наҟ хара.
Зны ҳаинаалан ҳаибарԥсыргьы,
Срызӡышоит, иҟам сызхара.

Ахра иаҿалаз бчараҳушәа,
Хракаҿ сыхәныргоит сынҵәаха.
Алаҟәра ианымшәо ԥсаатәушәа,
Зны аеҵәақәа срылоуп сынцәаха.
АМЗАРА
Асас иҿаԥхьа ихырхәоит,
Ажәҩан иалоу аԥсара.
Знык избаз еиҭа ихоит,
Сас дахь дызгымхо Амзара.
Мырхәагала ихыбуп аханқәа,
Ахаҳәгьы иагәылпытуеит акакаҷ.
Аччаҳәа ирҭашәаҳәоит аҵәцақәа,
Уаҟа иҭарҭәаз акаҷыҷ.
Асас идыруеит Амшын Еиқәа,
Амра афҩоуп иахылҵуа ԥсыс.
Шәымҩахыҵ ҳәа игылоуп «Ахьтәы уасцәа»,
«Амра», «Аԥсны», насгьы «Бзыԥ».
Асас иҿаԥхьа ихырхәоит,
Ажәҩан иалоу аԥсара.
Знык иаҭааз еиҭа ихоит,
Сас дахь дызгымхо Амзара.
АЏЬҴЛА
Ашәышықәсақәа рыԥсы ршьахьан уи ашәшьыраҿы,
Иахьгылаз ианаалон, ладахьы ахшьыраҿы.
Уи аџьҵла абӷьыцқәа чча-ччон ааԥныла,
Амҩасҩы данадҵуаз, иныҳәон гәаныла.

...Санцоз иҽырбон. Уажә сҵаауам игәаӷьны,
Сгылоуп садырсызшәа, икшоит сгәабжьы...
Аибашьраҿ аибашьҩы зыжәҩа ҿырхыз
Иеиԥш, игылан абжарак ҿжәаны.
АԤЫШӘАРА
Ауарба шҩеиуаз, аԥша ааҿаххит,
Еиндаҭлеит, ажәҩан еимакны.
Аԥша хагахеит, зынӡак аҽарӷьит,
Хланҵы иагәҭасырц ажәҩа ианкны.
Ауарба шымгәыӷуаз, амч анашәа,
Амч ҿа ахылҵит, иқәԥеит уамашәа.
Ахага иажәа цқьоуп ҳәа, аԥша,
Мҩамш! — аҳәеит, ишаҵахаз анаба.
АМШЫН
Амшын схыԥшыло стәан абаҳчаҿ,
Еивасны ацәқәырԥ сахь иaаyaн.
Амра, ихҷҷалоз сыблаҷыцаҿ,
Мацәыс цыԥҵәахазшәа еилҷҷаауан.
Кырҭа змамкәа аԥша иаваз,
Еичнарчон ацәқәырԥ еиҳагьы.
Ацәқәырԥ халон нас еиҵасны,
Аҽкыднаҟьон уи аапкны.
Аҽыргәаан, аҽыркаран,
Иӡыршушәа нас еиқәҭәеит.
Иаҵыблаазшәа амца иаҵаз,
Иара ахала ҭынч еиқәтәеит.

***

Ажәақәа ԥсаатәҵас иԥыруеит са сахь,
Аҵысҭреиԥш сгәаҵаҿы рыҭра рҳауеит.
Иҿыцу, иҿыцу ҽакала иԥсах,
Раидеиԥш бжьы хаак сдырҳауеит.
Ааԥынтәи аӡаӡеиԥш ицқьаӡа,
Саԥсшәа гәыԥшқа рыхьсыршеит.
Рыҭра ихыԥрааит ргәы ҵарӡа,
Сышьыжь шана иахсыршеит.

***

Амра шьыжьӡа иҩагылан,
Игәылшаауа иԥхеит.
Уа ԥҭақәак ааилагылан,
Хәыҭхәыҭла акы рҳәеит.
Имацәысит аҽыԥҳәа,
Адгьыл хьыҭшьит.
Идыдын, аҽырҳәа
Ақәыршҩы кашит.
Ашьхақәа гәырӷьеит,
Ахаҳәқәа каҷҷеит.
Ҿыц амра гәылԥхеит,
Адгьылгьы ччеит.

***

Гәаҟрак ианиазшәа, уахак иуазыруа,
Аԥҭақәа ԥхеибаҵа ицон наҟ ҩада.
Амца шәыцраҳҵоит ҳәа мҩабжа ираҳазшәа,
Ишзахәоз иҭалеит урҭ наҟ лада.
Амҩан иааҭгылеит, рымҩа намгӡакәа,
Алԥсаа дзауз иеиԥш, рылахь еиқәуп.

Рыгәҭыха ргәы иҭаҿаҳәа, жәакгьы мҳәаӡакәа,
О, урҭ аԥҭақәа рҿымҭра мбатәуп.

Гәҭыхак иаҵоуп аҵлақәа,
Аԥсабара иацәӡаны.

Еиҭадәықәлеит изышьҭаз рхашҭны,
Зны аҩада ихало, зны илбаауа.
Амза цәырҵит зегь ныԥхьаршәҭны,
Ԥырӷушәа аӡамҩа ҿыблаауа.

Сгәаҿы ишәарыцоит хәыцрақәак,
Иаамыртцәакәа рыгәҭакы.
Маӡак неибыҳәо аеҵәақәа,
Иааикәагылеит еизгәыкны.

АӠЫХЬ ХӘЫҶЫ
Ахаҳә снахан, амҩа асҭеит,
Уи аӡыхь хәыҷ иҵәахыз.
Ахьхьаҳәа инасҿаччеит,
Идәықәлеит иахьцатәыз.
Инеиуеит иара агәы ҿыцӡа,
Аԥаҩ ҿыцқәагьы ҟанаҵап.
Арха еиужьра аԥсы нықәҵа,
Уи амшынаҿ инаӡап.
АККАҲӘА ҾЫРҬУЕИТ АРБАӶЬҚӘА...
Бгыл ҳәа ҿырҭуеит арбаӷьқәа,
Аҵх ҵаула агәазы.
Рыбжьы хаа ныҵак абахәқәа,
Исыԥхьоит ашәа сҳәаразы.
Суада нсыжьит ашырҳәа,
Абарҵа саақәгылт са сласны.
Ԥшалас ссирӡак ҿыхааӡа,
Сгәыднаҳәҳәалеит иразны.
Еибарҟәындшәындуеит аҵарақәа,
Ныҳәак рымазаап, ҵаны.

Иахьеицәажәо ҳәоу еиқәшәала,
Сгәы дырҟәандоит, сгәы дырԥхоит.
Амза аҭәымҭоуп, амза аӡамҩа,
Аҿара аӡамҩеиԥш еикәаԥхоит.
Аккаҳәа ҿырҭуеит арбаӷьқәа,
Аҵх еиқәара агәазы.
Ашәа еицырҳәоит абахәқәа,
Ашәа рыцысҳәарц саргьы.
АӠЫХЬИ АМРЕИ
Амра, apaхәыц ҟаԥшьқәа ԥхаӡа,
Ихыхәмаруан ҳцыхаӡыхь.
Амра, арахәыц ҟаԥшьқәа паӡа,
Аӡы агәы ҭнарҷҷон аҽҵәылх.
Сыԥҳал сыман сахагылоуп,
Аӡы сзымтеит игәаӷьны.
Дааскьеит Бадра, – са дысгәылоуп, –
Ахаҳә ҭаиршәырц агәахьы.
Инапы сахьӡеит, имҭа аршәха,
Сиҳәеит: иумыршәын, ҳаи, умхәыц!
Ԥшӡала иуоуааит аӡыхь ажәха,
Иԥумҵәан амра арахәыц.

ААИГӘА АЧАРАҾЫ...
Ааигәа ачараҿы сахьнеиз,
Аԥсуа рԥызбак уа дызбеит.
Иԥшра, исахьа, имаҵушьа,
Ҳәашьак иқәым, — дысгәаԥхеит.
Аԥсуа маҭәа шинаалоз,
Шьыри, шәыҟандаз, ижәбарын!
Урыс хылԥамкәа хҭырԥак ихазар,
Гәындагь лыбла шанхарын.

***

Гәашьа аԥҭақәа иазлырхиазаап асра,
Аласкәыгә иааҿылгазшәа, еизгоуп.
Ассир лымпыҵҵышт ишәа-иза,
Иалылхша ӡбоуп, ҳа ҳзын имаӡоуп.
Издыруада, Кәбина аԥшаҳәашҟа,
Илрышҳарц илгаргьы ауеит,
Илыӡбаз дамеижьарц нас Гәында,
Сасрыҟәа днаскьаган, даауеит.
Изреиҳамзеи усгьы шә-ласахак,
Маҷ-саҷк лкуазма уи уажәы!
Лԥацәа ирзыбзиаз ран лҳақ,
Ҽнакала илымсышеи шә-кәымжәык.
Ԥхасҭак амыхьырц, аа, дгьежьит,
Абан дахьааиуа лыҽкынҵа.
Ус, ажәҩан еиҭашәеит, ихәашьит,
Иагьымацәысит лгәылҽанҵа.
Ахаҵа иеиԥш, жәа-ҵәыцак злахәмарыз,
Фырҭынк аакылҟьан, агәы еибакны,

Алашәага ирылашәаз абҭәеиԥш,
Илықәнаҵеит, илмыхәо икәкәны.
БЗЫԤҬА СЫМЦАХӘ....
Сзааӡаз агара, саб игәара,
Арха еиужьра, аккара, акәара.
Сзын ицәажәоит амҩахәасҭа,
Сзын бӷьыцгьы иақәым хашҭра.
Сашәа иамцоуп уи иахьа,
Сажәа иацуп уи ахьаа.
Адәы сықәлеит ара сины,
Сызцу, исыцу саб иҩны.
Сӡиас ԥагьа, сырха гәакьа,
Згәы цҳафыруа сқыҭа, скәакьҭа.
Ибираҟу сабацәа рҟәышра,
Ҩаза знымло сашьцәа рқәыԥшра.
Сыжәҩан зырԥшӡо, иакәицу схәыцра,
Сымца имыцәо, сышьҭа ҿыцқәа.
О, ари адгьыл, иани анбыкәу,
Зыхьӡ наӡаӡа са санықәуа?!
Сажәа иамцоуп уи иахьа,
Сашәа иацуп уи ахьаа.
Адәы сықәлеит ара сины,
Бзыԥҭа сымцахә — саб иҩны.
АМЗА СЫҚӘҶҶА...
Амза сықәҷҷа абаҳча сыҵоуп,
Ааԥынтәи аӡаӡа сҿаҳәҳәы.

Хәыцрашәкы реидара саҵоуп,
Макьанагьы сцом схынҳәны.
Аеҵә рыбла хыхь исхаччоит,
Ирбоит насыԥла са сышҭәу.
Гагра мӡанра, шәҭыла иҭхаџьу,
Еиԥшноуп сгәаҵагьы шышәҭу.

Ақьызқьызбжьы саҳауеит ахәыԥшӡа,
Абжамҽамра сеилшьаауа.
Схәыҷра ԥаҟьԥаҟьуа иаҵахазшәа,
Сахагылан, сгәы ԥшаауа.
ААԤЫНТӘИ АҚӘА

Аҵла рымахә хыхь еилышьу,
Рыхқәа неидкыло уск рыӡбоит,
Амза амахәқәа ирыбжьысны,
Адгьыл шә-сахьак аннаҵоит.

Ихәыҭхәыҭуеит ааԥынтәи ақәа,
Илеиуеит адгьыл иазгәыкуа.
Ҭынч, изҩыдан, ихааӡа,
Ахәышҭаарамцеиԥш, иԥхаӡа.

Сгәы саԥысуа снеиуеит ԥшьаала,
Еидароуп сашәақәа исгәаԥхо.
Сгәы ишахшаз мҩашьо, сшьала
Ишәуп, рӡамҩақәа еикәаԥхо.

Иахалт, иҭалт ашьац аԥсы,
Ахҷаҭ иаҩызоуп иаразы.
Мыч ҷыдак рылалт са сыдәқәа,
Ирҭакәырт адгьыл адақәа.

АХЬАЦАҴЛА
Ахьацаҵла, схәыҷра зыдҳәалаз,
Иахьагьы зыҵаҟа зхәыҷра ччалоз,
Ҳԥацха еиԥш сыԥсы зыдхалаз,
Анык леиԥшҵәҟьа ҳзыхьчалоз.
Сзы иԥхьацаган уи агәырӷьабжь,
Зымҵа ашьацра сыԥсы аӷраз.
Иахьыҵыршаз ҳхәыҷра аччаԥшь,
Маӡас иҟоу ҵәахны измаз.
Игәырҩоит уажә иара ахьгылаз,
Изыниаз арыцҳара ацәа иҭагӡа.
Аҽа ишԥеиԥшха, зтәыҩа хыржәаз,
Зсахьа еиҭасыз игыдӡа.

Ҭынч илеиуа ақәа шәаҳәоит,
Жәыкгьы дәҳәыԥшкаҿ ижаҳәоит.
Цәыҵшьа сымам ожәааны,
Сцом, сбааӡар ҳәа сацәшәаны.
Улеила, улеила, улеила ақәа,
Улеила, исҳәаанӡа «ухкәа!»
Еилоуҳәа-еилоуцап са сыхәқәа!
Рыԥсы ҭоуҵап са сыдәқәа!
АИБАШЬҨЫ ИԤСЫ АҬБАМҬАЗ
(Абаллада)
Адгьыл иахәылҟьон ахәшә абылфҩы,
Адгьыл қыџьқыџьуан, иасызшәа афы.
Абџьарқәа жьышуан, аҟаҿыҳәа ицҳауан,
Қәыџьма млашьушәа, адгьыл дырбзауан.

Ажьакцеиԥш иуцҳауан аӷацәгьа ибжьы,
Абџьарқәа ирҟәаҟәахьан адгьыл ажьы.
Адгьыл ажьышәақәа ҭыфаан ишьҭан,
Ԥсеивгаха рықәымкәа, ахымҭақәа еишьҭан.

Дгәыднакылт адгьыл, иарҭынчырц иԥсра,
Еидшәалахьан чаӷьа зҭамыз иӷра.
Адгьыл ӡышхәас иажәуан ауаҩ шьа,
Иҟыруа ихагьежьуан уарбак аҽшьуа.

Аԥҭақәа еикәагьежьуан жәҩан агәаны,
Ажәҩан агәы зегь ԥҭеиқәала икәаны.
Аибашьцәа бџьарла еиқәныхла иҳәазон,
Аҵааԥша уазыруа хьархьҵас ирҿҳәазон.

Ахьаа импыҵнакәкәааз ибла ҭаауан,
Ԥхыӡқәак ирылалеит, иблақәа еимдон.
Ԥхыӡынгьы ԥхыӡмызт, лабҿабан иара изы,
Ргәара дааҭалахт, иҭалан иԥсы.

Аҿақ-аҿақҳәа ахымҭақәа еинҟьон,
Аибашьҩы иҿаԥхьа аԥсрацәгьа қьақьон.
Иҩашьахьан адгьыл, ашьа ахьыҵәҵәа,
Ҿамҩак азыҳәан иҿажәкуан ахәцәа.

Иан дааиԥылахт, арҵәаа дыҳәҳәеит:
— Дызусҭада! — Ихалымҵеит. Ишҟа деихеит.
– Сыбла самжьеит, аиаша, ишәҳәа!
Аиааира! Аҭынчра! Шәызгылеи, шәшәаҳәа!..

Адгьыл агәаҟбжьы еиҳа иӷәӷәахон,
Аԥсуа ҷкәын игәы apaхәыцқәa еиҳа иххахон.
Ижәлар дрызхәыцны, ихымҭа ҭирҟьон,
Аӷа ишҳам ахьеилашуа ихымҭа иарҟьон.

Аҵәаабжьы, алаӷырӡ, агәырӷьа, абацәа,
Агәылацәа, иқәлацәа, ақыҭа аԥацәа...
Ажәҩанаҿ иҟамызт аԥҭа ҿаҳәақәа,
Амра иарӡыҭхьан аԥҭа ҿаҳақәа.

— Сумырԥхашьан, нан! — иҿыцӡа иаҳалон,
Реиԥырҵшьа игәалашәар, — еиҳа деилахон.
Адгьыл аиқәырхара! — абри акәын иқәкы.
Амра ақәырԥхара! — иуасиаҭ – игәҭакы.

Уи аамҭаз дааҭрысит, илҟьеит ахы,
Иԥхыӡ хаа даалнахт икасышхаз игәы.
Абар, акгьы рыгмызт, идақәа ҭацәуан.
Акәашмҿеиԥш адгьыл аҿҿаҳәа ибылуан.

Икылкаан уи дхысуан, дацәымшәа ихы,
Агәнаҳа! – Игәаҵӷа иналҟьеит ахы.
Иабџьар ауижьуамызт, икын ирӷәӷәаны,
Ашьаӡа игәыдшыла, игәы рыхханы.

Иԥсымҭаз адгьыл иакәиршеит инапқәа,
Иԥсымҭа дцәажәон игәы еибакуа.
Иан гәаҟ уи аамҭаз ргәашәаҿ дыхшьын,
Дыԥшуан амҩахь, лԥа имҩа даԥшын...

Кыраамҭа дабашьуан илҟьаз ахца,
Аԥсуа шьа уазыруан адгьыл аҽахьыгӡа.
Ӡкылҟьоушәа игәыцқьа цон ишьабаны,
Иабџьар ҭынхада шьҭалт ишьапаны.

Ажәҩан иаҵачыз ахылҩаԥсылҩа,
Ахш афҩоуми иахышәшәо.

***

Заҟа иразузеи адгьыл зҩыда,
Насгьы аҵарақәа ишәаҳәо.
Бжьык гәыбзыӷӡа иқәыҩуеит арха,
Амра жәҩангәаҿы инаӡеит.
Ауапа шкәакәа ашәнахын ахра,
Кьаҿ шьацԥшшәылак ашәнаҵеит.

***

Ашьхақәа ркалҭан гәырӷьак кашуазар, –
Саргьы скашуеит.
Ашьхақәа ирхыкны мрак лашозар, –
Саргьы слашоит.
Амцабз иахәлашәаз асакәмал еиԥш иӡыҭуазар, –
Саргьы сӡыҭуеит.
Згәырӷьа былхьоу абылра дацәцазар, –
Саргьы сацәцоит.
Аҿара аӡамҩеиԥш ашәаԥшь былуазар, –
Саргьы сбылуеит.
Ачарашәа ахьырҳәаз шәгәы ԥыруазар, –
Саргьы сԥыруеит.
Ашьхақәа ркалҭан гәырӷьак кашуазар, –
Сгәырӷьан скашуеит.
Ашьхақәа ирхыкны мрак лашазар, –
Саргьы слашоит.

***

Ацәа иалоуп аԥсабара,
Аҭынчра абжьыҵәҟьагьы гаӡом.
Аха суадаҿ агәырӷьа-ччара,
Нас ацәажәабжь еиқәтәаӡом.

Аҵх ныҟәоит агәыдыҳәа,
Ашьапышьҭа мыргаӡо.
Аха суадаҿ акәатаҳәа,
Насыԥк ныҟәоит имтәаӡо.

***

Аҽыр иҵҵәрааз арҩаш иагхом,
Аԥынгылаз уи тәаӡом.
Ашьҭа алхраз жыга иаҳәом,
Икәанызануа убаӡом.
Амҩа скып ҳәа хаҳә дук лықәҵан,
Зымҩа угылан уазыԥшла.
Агәы икылкәраап уи кәараҵан,
Амҩа иқәлап еилашуа.

***

Сыгәҭыха адырразы
Хара ицатәым,
Ишыцқьоу сцәанырра –
Сыблақәа ирҵәахрым.
Сыбзиабара ӡыхьуп,
Иахьыҵҵыз сгәаҿоуп.
Аартра зылшазгьы
Уа ублақәа роуп.
АРҨАШ
Арҩаш ҩыҵхәраан, амҩа ҭӷәыхаа,
Апҟаҩҳәа иҽыжәлеит, иццакӡеит.
Ацаҟь кышра ҿыӡәӡәаа инеиуа,
Еизҳарак сгәаҵаҿ иарӷьацеит.

Зқьышықәсала абла ахаччоит,
Мап, ахааназ уи ажәӡом.
Аԥшалас ацәқәырԥ цас еичнарчоит,
Қәыԥшрак аҵоуп, уи шәаӡом.
Ус хаҳә дукгьы амч мырхакәа,
Илыҵҳәа ганкаҿы инартәеит.
Ҵлакгьы ҟытҳәагь амырҳәакәа,
Иухәҭоуп аҳәозшәа, иарҳәазеит.
Шьхакгьы инажәлеит игәаан ихыҵуа,
Иаԥшаарц иаҵоу уа маӡас,
Apҩаш леиуеит, агәы ҭыҵуа,
Аҳәышра ҭыцәаан аиаҳәаҵас.
Нарџьхьоу ирашь еиԥш ҳәҵәыла иԥоит,
Зыбжьы заԥыҟьаз ацәқәырԥа.
Ицыгәхыршәҭны аԥаҩ иаахоит,
Шәах шкәакәала икәаба.
Нарҭаа рыбаҩ ҷыдоуп иамоу,
Сыԥсуеит аздырӡом уи бзанҵы.
Сасрыҟәа ишьакәхап мчысгьы иалоу, —
Ахра иахаҩуа зыбзарӡы.
Инеиуеит арҩаш, ахрагә ҭӷәыхаа,
Гәҭакы лыԥшаахқәак ирыхьӡоит.
Ацаҟь кышра ҿрыцқьаа ианлеиуа,
Еизҳарак сгәаҵаҿ иарӷьацоит.
САРА СЗЫНԤШЫЛО
Сабацәа ршьала иӡрыжәу аамҭоуп,
Сара сызхылҵыз.

Анҵыра сызҭо урҭ рҳәамҭоуп,
Еихасҳарц — изхьымӡаз.
Аԥсабареиԥш ицқьоу рҭоурыхоуп,
Абжьы сызҭаз.
Ргәымшәара, урҭ рыгәҭыхоуп,
Избаз рымҭас.
Рычҳара сымҩаз иԥызоуп,
Сашәақәа зрыԥхыз.
Ргәеисыбжь сгәеисыбжьхарц азыноуп,
Аеҵәақәа зсыԥхьаз.
Иамуит ҳәа мҩабжантә ахьамҵроуп,
Сгәалақәа ԥхьазкыз.
Ишәа-иза ирымаз рхәыцроуп,
Ахрақәа ҳаразкыз.
Сабацәа ргәаҵа иҭашәҭыз ашәоуп,
Сымчқәа зыргәыӷыз.
Зҭоурых ӡыхьу Нарҭаа ражәоуп,
Сшьаҿа зыргәырӷьаз.
Бираҟҵас инаргоз рыламысоуп,
Сзынԥшыло, згәы сшаҭо.
Ацәгьара сзуургьы убри азыноуп,
Абзиала аҭак зусҭо...

***

Иахьак сыҵоуп Гагрыԥшь абаҳча,
Ацыӷцәеиԥш ашьацра еилыбзаауеит.
Егьараан избаргьы рыбла рхачча,
Амреи аӡаӡеи еиҿыԥсаауеит.

Маӡак аҵоуп аҵлақәа рызҳашьа,
Рыбӷьы бырфынра қашәқашәоит.
Исырҭо агәҭыхақәа ирымам ҳәашьа,
Сшыҵоу исымбаӡакәа сыршоит.

Аҵх аныцәоу иҭаҳәахаа,
Насыԥк ҿнаҭыргьы са исызкуп.
Исаҳаит аӡыхь хәыҷ абжьыхаа,
Сыдгьыл азыҳәан игәыкуп.

Амшын гәыбзыӷуеит аҟәара ԥхьашьшьаа,
Ухьӡ ҳәаны акәараҳәа аӡы инахәоит.
Ублақәа инырхыԥшылаз имам хашҭшьа,
Аԥсыуа ҭыԥҳаушәа ургәаԥхоит.

Абахә ианавҵуа амра шаанӡа,
Сашҭоуп раԥхьа изҭаԥхо.
Хәылбыҽхаҵәҟьа амшын ианӡаало,
Насыԥк снаржәуеит сгәы нхыхәхәо.

Суҳәоит, иҵсны инеиуа абаҳча,
Умцарц ашьацра нарҟьацны,
Уазхәыц иац абра саныҵаз,
Ашьацра исцәылашәаз сыԥсы.

***

Абахә ианавҵуа амра шаанӡа,
Сашҭоуп раԥхьа изҭаԥхо.
Хьаак нхазар сара сгәаҵан,
Иароуп раԥхьаӡа изырӷьо.

БЫМШӘАН
Ажәакоуп цхыраарас сзыҳәо,
Игәышьҭыхгоу, са сзын иԥыршәам.
Уи ажәа аиааирахь исыԥхьо,
Схьаа шьаҳага — «бымшәан».
Ажәакоуп сымчқәа еихазҳауа,
Сызҭымҵуа тышак сҭашәар.
Аиааирахь сышхало сазҳәо,
Сықәра, сынҵыра — «бымшәан».

Ҩада имҩасуазар аԥшахаа,
Игәыднакыло сара соуп.
Аҵх анышәҭуа, амза кахха,
Маӡа ицәажәо сара сгәоуп.

Ажәакоуп агәаҟрахьтә са сҭызго,
Сҭуԥаарц унапгьы сумыркын.
Сгәашьамх аԥсыхаара ҭазкуа,
Сымҩа ԥызымкуа — «бымшәан».

Ахра иалҟьаз арҩаш хьшәашәа,
Са исызхәыцноуп агәы зшуа.
Еҵәаџьаа рӡамҩа иаду сашәа,
Иҟалом саныҟам уи ашшуа.

Ажәакоуп цхыраарас сзыҳәо,
Игәышьҭыхгоу, са сзын иԥыршәам.
Аиааирахь сышхало сазҳәо,
Схьаа шьаҳага — «бымшәан».

Аҽыԥ амца зхылҟьо ашьанҵа,
Ашьанҵа иалоу са сыԥсоуп.
Сашҭа хызҟьо ари ашьацра,
Ԥшӡарас иаҵоу сара соуп.

Саҿысырц егьшагым лыԥхала,
Алашьцараз саҿҟьаргьы сеилахом.
Уи ажәа ансхьугӡа, нас схала,
Аеҵәақәа сырхьынҳалоит — сҭахом.

СЫМШҚӘА РГӘЕИСЫБЖЬ
Ҭынч аӡаӡеиԥш иҭымго абжьы,
Схәышҭаарамца иаршәҭыз ашәа аҽаԥшьы,
Аҳәиҵәҳәа ибӷеиҵыхгаха ацыԥхь аҟьарц,
Аԥсрабла иҭашәахьоугьы ахьуҳәа дыҭҟьарц,
Сгәоуп иазҭоу, иахоугьы сыԥсоуп,
Сымшқәа ргәеисыбжь акаҵәара иаҿасоуп.
Ашьхақәа ирҿалакьуа ицоит уи аҽкаршә,
Ашара иаццәырҵуеит аҵхқәа ԥхьаршәҭ.
Сымшқәа ргәеисыбжь, сыгәҭакы, сгәыблра,
Саԥсшәа, сымшбзиа, слакҭа, сыгәра.
Аиааира иахшаз сабацәа рхыԥша,
Ицәыргам амаӡа зцу ахьыԥшьа.
Умҩа ҿахҵәазар усҟан ицҳау,
Анасыԥқәа рынасыԥ еиҳау.
Гәыҵхоуп, игәҭыхоуп, аиаша иахҿоуп,
Агәаҟра еиқәышьаҳа ишьҭазҵо ҿароуп.
С-Бзыԥҭа, амзаҿа, амҩахәасҭа, ахәы,
Ҽаанбзиала ҳәа ажәла зқәыԥсоу амхы.
Сымшқәа ргәеисыбжь — сӡыхь хәыҷ абжьоуп,
Схаҿсахьа, са сыгәаӷьра иамоу сҟазшьоуп.
РИҴАТӘИ АԤСАБАРА
Ахра кнаҳа ашьынӡафаҿ, гәамҵра ахьақәым ԥсҭазаара,
Гәында илгәушәа ҭынчра ахьамам,
Агәаҵа ахьеисуа аҭҳара.
Шә-мцабзк срылзго, шә-гәаҟрак срырзго,
сашәа иазҭо ԥызара,

Риҵа аӡиа, Риҵа аԥсабара — блак иазымбац азхара.
Ааԥын акәхап уара узхылҵыз, еицакра зақәым уԥшӡара,
Ҽхәара зцәаҩам, зсахьа мӡанроу,
сасдахь дызвымсуа инцәахшоу.
Риҵа гәыԥшқа, Риҵа гәыраз, ухәыцра сшәуп ишаеҵәха,
Ԥсыс сырхоушәа ашәаԥыџьаԥ,
сызбар изцыло, сызкәыхшоу.
Иблахкыгоу жәҩан хьыҵәцара, сгәыӷра дуқәа ахрақәа,
Гәыс иазҭоузеи,
бжьыс иахоузеи уи иаҿыҵҟьаз аӡҭаҽҽа.
Аҳаракыра анцәа ирзишан, хыхь еибарԥоит абӷабқәа,
Нарџьхьоу иакәхап уа иаҿысыз ҽышьапхыцла иҭыҿҿа.
Сашәа еихазҳауа, сахьак рҿыхо,
иқәҟьа илеиуа аӡиасқәа,
Ҵыси ҳәыҳәи шәкыла, зқьыла иашьҭоуп,
Риҵа, уҭҵаара.
Нацәакаҷча илырлашазшәа
ихәыҵшаауа ушьха рҩыҵақәа,
Риҵатәи аԥсабара, зхәыцшьа ссиру,
иашьҭоуп ҿыцӡак аԥҵара.
Лаԥшыхаа згымхо, ныҳәаԥхьыӡ зыцрымшәо,
ахаҳә хьыршәыгәқәа рымаӡа,
Ахра иалиааз ашыц иаҵәара,
сызбарц иԥшуа рыхқәа хырҳәҳәо.
Хьыӡ ҿыцк дырҳазшәа, аҟәҟәаҳәа ихысуа,
Нарҭаа аауашәа еиқәибаҵа,
Быжьқәак сгәы иҭысуеит, аиашазы,
Нарҭаа аауеитоуп еицышәаҳәо.
Ахра кнаҳа ашьынӡафаҿ, гәамҵра ахьақәым ԥсҭазаара,
Ашьац иаҵәара, ижәытә уарҳалны
саԥхьа икаршәу асаара.
Шә-мцабзк срылзго, шә-гәаҟрак срырзго,
сашәа иазҭо ԥызара,
Абас иахьыҟоу аԥсыцқьа иҭыԥаҿ,
аира иаҩсааит са сыԥсра.

***

Дшаҵәуа дыҩноуп иахьа аԥацха,
Зықәра неихьоу Хьрыԥс ианду.
Гәырҩас илеишлоз наҟ иԥхьаца,
Дыччоит анду, згәы аарту.
Илаан анкьа даныҩназеиԥш,
Илыҵԥраауеит уи лшьамхы.
Ишеишеиуа игылаз амреиԥш,
Илаша-лашоит лхы-лҿы.
О, деимарклоит анду хәыцрак,
Иҭазмыргылац уи лгәы аҭра.
Лыкҷыра иамоуп урҭ зегь хәыҵаршә,
Қәкыс илымам рыртытра.
Ахәышҭаарамца иадашьхәоуп лҟәышра,
Дыҩноуп аԥацха дгәырӷьаҵәа.
Лмоҭа илызирхынҳәит лқәыԥшра,
Еициоуит ҩыџьа аԥацәа.
ГАГРЫԤШЬ АЦЫԤХЬҚӘА
Знык инаҿыхәаз Гагрыԥшьтәи аӡыхь,
Даанамгар ауӡом арахь даҽа зных.
Гагрыԥшь умбацзар, иуздыруам Аԥсны.
Бзиала уаабеит, уаҭаа лассы!
Ашьхақәа иаҵәабӷьыла еснагь еилаҳәоуп,
Имканӡо бӷьыцқәоуп, изгәылптыз са сгәоуп,
Уи ацыԥхь сгәыблыроуп, ихьҭазар уарԥхоит,
Ахәра унызаргьы, иунымло иарӷьоит.
Гагрыԥшьтәи аеҵәақәа рыԥхашьа хазуп,
Аҳауа ԥсыршьагоуп, ицқьоуп, иразуп.

Ашәаԥыџьаԥ сгәыӷрақәа ӡаӡан ирҿашуп,
Сашәақәа ԥсҭакыгаха рӡамҩа иахьшуп.
Аҵхқәа рымаӡа рыгәҭыхақәа рнышь,
Удмырӡсацзар иумбацт, иуздыруам Гагрыԥшь.
Гагрыԥшьтәи ашәаԥшь сӡамҩеиԥш ибылуеит,
Иааироушәа аӡыхьқәа ргәы ҭыԥраауеит.
Знык инаҿыхәаз Гагрыԥшьтәи аӡыхь,
Даанамгар ауӡом арахь даҽа зных.
Гагрыԥшьтәи ажәҩан сбызшәала ишәуп,
Аиҩызара ашәала абаҳчақәа шәҭуп.
АЖӘАҚӘА ИРДЫРУЕИТ РЫҬРА
Исцәыӡит ажәак, сыԥсы зыӷраз,
Ажәа, ажәа цәаҳәа ссирк иазхаз.
Ишызбоз алахь еиқәылеит сцәаҳәа,
Алахь еиқәылеит, ишыччоз — ахьхьа.
Иқәыԥшыз игәылшәаз ҵхы ссирк агәазы,
Ахра иахшазшәа имшәо аказы.
Сашьҭоуп, уи сашьҭоуп схьаҵуам џьара,
Аԥсабара агәашәқәа аартуа — аҷара.
Аҵаа шьашьалеиԥш ицаз иӡыҭны,
Лакә хьшьушәа инышьҭԥрааз аҽӡаны.
Ацаҟьа агәаҵа иҭаршәыз aҭaxxap,
Санышәом, сажәа аџьалда иҭахар.
Аԥҭақәа рхыза ԥхьаршәҭны сыԥшааит,
Исымбеит ҳәа сзыхынҳәуам, аҭахызар сырԥшаап.
Ссаркьа нашанаха ацыӷцәа сҭакәрып,
Амца шахылҟьо исыма сыԥрып.

Ашьҭа уанҭаз, нас хырхарҭа сымбо,
Снеилап, са снеилап хәыцхәыц зегь еимдо.
Схала исымбаргьы исԥылар ахаҭа,
Издыруеит ишавымсуа, ишадыруа аҭра...

***

Илеимҵарк-ҩеимҵаркуеит икыдшәаз аеҵәа,
Сиеҵәахә кыдуп! – дныҳәоит избаз.
Икыдшәаз аеҵәа сахьгылаз сгәаҭа,
Дыргак сызҭаз уажәыҵәҟьа маӡа.
Икыдшәеит аеҵәа шәа шәыԥшымҭаз,
Шәықәра иацнаҵарц жәаба.
Ашәа снаҭеит сара ҳамҭас, —
Сгәаҿы ишеишеиуеит, шәааи, ижәба!..
РИҴА АӠИА ИСЫЦӘҬАШӘЕИТ
Шьыжь иҿыхаз аҵар рашәа,
Мшыншәа иччаԥшьны сгәы иҭашит.
Ҿыц ихәыҵшьшьаа амца аԥхара,
Аџь ԥырӷышқәа ргәы сҭаԥшит.
Исықәныҳәеит амра аԥхара,
Мҩамш аҳәазшәа ашәахәа ҿпит.
Издыруеит иансыҵоу агәаԥхара,
Бысҿаԥшы ҳәа ҵыскгьы ԥрит.
Иахак ахьаа хьархьшәа исҿыхоз,
Зымҩа ишьҭасҵеит ишьаҳа.
Гәыӷрак сгәаҵан ҿыц ирҿыхо,
Ашьха скыдуп сџьашьатәха.

Ҿыц исыԥхьоит хәыцрак сама,
Ашьҭа схыларц ҿыц маӡак.
Сацны сцоит нас, азамана,
Ҿыцны исыжәлеит даҽа мцак.
Иԥытлеит схәыцра ушьха амҵан,
Ҿыц ишәҭит, ишәҭит схы-сҿы.
Шә-гәыҵхак ҭызгоит Риҵа аҵантә,
Мцаҿыцк еиқәылеит са сгәаҿы.
Ҿыц, нас, скыдлеит Риҵа ашьха,
Риҵаз yaҟa акаҩ сшәаҳәеит.
Сыԥсы сзаамгеит санықәлоз амҩа,
Риҵа аӡиа исыцәҭашәеит.
СҚЫҬА
Уара уда capa сқыҭа,
Ca сыԥсҭазаара акы азхом.
Сдеисра хьшәашәоуп уара уда,
Ԥхаԥсык злоу ажәак сызҳәом.
Амра зцәыӡыз ажәҩан сеиԥшуп,
Ихаам, иԥхам са схәышҭаара.
Бзыԥҭа уда агәаҟра сԥеиԥшуп,
Сԥеиԥш иунаҭоит хәарҭара.
Са сзын ашәагь иамам гьама,
Сеиԥшуп ааԥын иҿшәаз абӷьыц.
Исҳәап аиаша, исҳәап аргама,
Сымҩаслап сеиԥшха сара аԥхыӡ.
Уара усыцнаҵ, са с-Бзыԥҭа —
Агәра згоит сшахьӡо сгәыхәтәы.

Сухымшазҭгьы, уара сқыҭа,
Исмоуӡар алшон аҳәатәы!
АМЫРХӘАГА
Уа шьыжьбзиа, амырхәага,
Абахә иавҵыз еилыхха.
Амра — сыччаԥшь аиқәырхага,
Гәыҟаҵагала уеилаҳәа!
Уа шьыжьбзиа, ашьыжь шара,
Амра ахцәышьқьыр зҿаԥсоу.
Уа шьыжьбзиа, амҩа ҿыцқәа,
Сышьха гәыраз иаҿасоу!
Амырхәага — сыхгәарԥхага,
Маӡа гәарҭак сызԥзыртуа.
Сымчқәа ргәашьамх — аҿахәҳәага,
Ула сыҟоуп сгәы ҭыԥраауа.

Харада иахьеиԥҟьаз аҵеира азҳара,
Араҟа имариами агәала арҳара.
Сызхара сызқәыԥсычҳауам саныҟоу абра,
Саалоит Цандрыԥшьҟа, ус, абара...
Ара ииз ажәа исзеиԥштәуам ажәак,
Ара игәылшәаз ашәа исзадкылом ашәак.
Аратәи аҭыԥқәа исарҳәо рацәоуп,
Қәыԥсычҳабжьыла аҭыӡҭыԥқәа рҳәацәоуп.
Уи хызҩаша ԥсыуа бжьык ҭыҩуам иахьа,
Аԥсуа илҩаҵә ҩеиуам ҩаԥхьа.
Избоит, ахаҳәқәа араҟа игәынқьуеит,
Агәнаҳа зламӡаз адгьылгьы қьуеит.
Сызхара сызқәыԥсычҳауам саныҟоу абра,
Саауеит Цандрыԥшьҟа, ус, абара...

Иарбан усу са исиааиуа,
Ашьха уҩавшәар угәыбылха.
Иарбан гәыхьу сымԥан иааиуа,
Иааир, икамԥсои ицыблаха.

Агәалақәа азыҵәахӡом аӡиас Ԥсоу,
Схала еилысыҟәшәоит аҵа иахьҭаԥсоу.
Ишыцәоу саниаргьы, иадыруеит сныҟәашәа,
Сылахь еиқәызар, иаҳәоит уи сыгәшәа.

Зны сҟаларгьы абра сгәамҵуа,
Хьааи гәырҩалеи сымч каԥсо.
Иалашәазеиԥш ас-ҽыҭ амца,
Иарӡыҭуеит уцыԥхь ансҿаԥсо.

Аратәи аеҵәақәа ҵәыуеит, хаӷеиҭа,
Иҟам аччабжь — сабацәа ргәыӷырҭа.
Аратәи агәыхьгьы – инымҵәо ацәаҳәа,
Аратәи ахәыҭхәыҭбжьы – «Амҳаџьыр» ихҵәаха.

СААУЕИТ ЦАНДРЫԤШЬҞА...
Схәыцуа сыҵоуп Цандрыԥшь аккара,
Аԥсыуабжьык ҭыҩуам Ацанба игәара.

Сызхара сзықәыԥсычҳауам саныҟоу абра,
Саауеит Цандрыԥшьҟа, ус, абара...
1983

АМҨА ИШЫҚӘУ ИХӘТӘУАМ АХАҲӘ
Ихәыҵшьшьаауа сыштәоу схәышҭаарамца,
Цәгьахәыцк ицрыҵуа сахәнатәрым.
Шҳамк ласыжәлан са сыргәамҵуа,
Мҳаџьырҵас сымҩа ҿаԥҵәарым.
Ашәа ҳәо са сшықәу амҩа,
Ажәак сзымҳәо сгәы тәарым.
Икахәхәа ишҩеиуа сара сылҩа,
Исиааиуа ҩысҭаа дҟаларым.

Сзеиҭамҵуа саҿашәеит урҭ ршьацҳәа,
Ааԥынтәи ашәақәа насыԥны исҭоуп.
Ирҭаххар сҩышьҭкәыцәаа сыргоит хара,
Рыбжьы ҳарак сашьҭаӡам, сарҿыхоит рыԥсыԥ.
Исылаҵо амч-ҿа сҟанаҵоит сеилыхха,
Сгәаҟны акәушәа иахьыҵҵыз Бзыԥ.
САБ ИАҲӘШЬА

Ацәқәырԥа аҵаҟа ишиуа сыгәҭыха,
Адҵа намыгӡакәа иҭахарым.
Иамраӡакәа ҽеишәа аптыха,
Абӷьыц амахә иаҿшәарым.

Иныбҵуа рацәабшьон, баҳәон аԥсра,
Башьцәа рылымкаа бахыбаан бзара.
Банызба ишбылсра ибылсхьан ашәӡы,
Ҩнума, дәнума аиқәаҵәа бышәҵаны.

Сгәаҿы ишыҟоу жәлар рыԥхара,
Ҷыхьи урҭи рзы слаҳәрым.
Сыҵх аԥшьызар сымш икьаҿхаз,
Ашәак аганахь инхарым.

Аԥхьашьа анысҵа ныҳәан ба бзы,
Башьцәа рнапҩымҭақәа, излаз ба быԥсы,
Бсызрыԥхьа ҳәа исыбҭон, саб ицәӡаны,
Усҟан уи амаӡа збомызт ҵаны.

Ихааӡа ишсыншуа схәышҭаарамца,
Цәгьахәыцк ицрыҵуа сахәнатәрым.
Шҳамк ласыжәлан са сыргәамҵуа,
Мҳаџьырҵас сымҩа ҿахҵәарым.

Быблақәа сыдхалон, исыдхалон аҽны,
Исыҳәон, исыҳәон, исыҳәон бхаҿы.
Быхчы иаҵырхын имчыдахаз бнапқәа,
Ҿыц иаҳзаазшәа снапы иаркуа...

Амҩа сшықәу сынкахәыцуа,
Сгәанаҭарым аџьалк аахьаҳә.
Исыжәларым сцәа сҭарӡыӡо,
Амҩа ишықәу ихәтәуам ахахә.
АЖӘАҚӘА РЫЦҲӘА
Изҳәаша дыжәбахьоу ажәақәа рыцҳәа,
Рыхаара нцәарашәоушәа срыма итәоуп.

Былаӷырӡ ҭыԥқәа амҳәыр еиԥш изныз,
Ашәҟә ҩежьқәа, аамҭала быхьӡала иҩыз.
Саб иашьцәа мбаӡакәа ргәыбылра сыркуа,
Ҳамҭас исыбҭеит рысалам шәҟәқәа.
Ибасҳәоит аиаша, ибасҳәоит имӡа,
Гәкаҳара рныԥшуам, имԥсит, ихаҵа.
Саб иашьцәа идырым асолдаҭ ибаҟа,
Рхаҵара ахаҳә-цәы иануп иҭаԥҟа.

Сзыцәом, сбызхәыцуеит, сзыцәом уахак,
Хәҩеишьцәа раҳәшьазаҵә, ицәгьами бҳақ.
Алашбжьы гацыԥхьаӡа агәашәахь сыԥшуеит,
Бсызрыԥхьа бҳәошәа быбжьы саҳауеит.
САРА САХЬЫНХО
Сара сынхоит аԥсуа дгьылаҿ,
Аԥсуа нхамҩа абла ахьҭоу.
Сара сынхоит ашьха рҩашқәа,
Аламысаз иахьшәаҳәо.
Сара сааӡеит аԥсуа иашҭа,
Шәҭыла ирыԥху имӡырха.
Аԥсуа қыҭа, измам хшаҭа,
Неироуп! – ахьҽыжәлаз имцаха.
Сара сынхоит аԥсуаа ршьала,
Ицәажәо ахаҳәқәа ахькәабоу.
Сара сырхылҵит хьыӡла-ԥшала,
Зыӡбахә ахара игахьоу.
Сара сынхоит ажәа ахьԥызоу,
Уахьгәыднакыло урԥханы.
Сара истәуп ишәԥыло амуза,
Аԥсыуа ҵасла еилаҳәаны.
Сара сынхоит Бзыԥҭа ақыҭа,
Абахә дуқәа ршьапаҿы.
Бзыԥ ахаҭами сара сызхылҵыз,
Уиоуп изсымоу иара агәы.

***

Схәыҷреиԥш ичча-ччоит акәыркәырҳәа,
Аҵхҵәца ақьышә ԥшӡақәа.

Ашара иацҿыхаз цәаҳәоушәа,
Ӡиаск леиуеит игәыкуа.
Сан лкыкахш иааӡазшәа,
Sez Abhaz-Abaza ädäbiyättän 1 tekst ukıdıgız.
Çirattagı - Аизга - 04
  • Büleklär
  • Аизга - 01
    Süzlärneñ gomumi sanı 3452
    Unikal süzlärneñ gomumi sanı 2279
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 02
    Süzlärneñ gomumi sanı 3384
    Unikal süzlärneñ gomumi sanı 2338
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 03
    Süzlärneñ gomumi sanı 3184
    Unikal süzlärneñ gomumi sanı 2254
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 04
    Süzlärneñ gomumi sanı 3065
    Unikal süzlärneñ gomumi sanı 2265
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 05
    Süzlärneñ gomumi sanı 3041
    Unikal süzlärneñ gomumi sanı 2359
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 06
    Süzlärneñ gomumi sanı 3016
    Unikal süzlärneñ gomumi sanı 2325
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 07
    Süzlärneñ gomumi sanı 3025
    Unikal süzlärneñ gomumi sanı 2353
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 08
    Süzlärneñ gomumi sanı 3058
    Unikal süzlärneñ gomumi sanı 2307
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 09
    Süzlärneñ gomumi sanı 3060
    Unikal süzlärneñ gomumi sanı 2343
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 10
    Süzlärneñ gomumi sanı 3015
    Unikal süzlärneñ gomumi sanı 2297
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 11
    Süzlärneñ gomumi sanı 3046
    Unikal süzlärneñ gomumi sanı 2279
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 12
    Süzlärneñ gomumi sanı 3118
    Unikal süzlärneñ gomumi sanı 2356
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 13
    Süzlärneñ gomumi sanı 3028
    Unikal süzlärneñ gomumi sanı 2276
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 14
    Süzlärneñ gomumi sanı 3066
    Unikal süzlärneñ gomumi sanı 2347
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 15
    Süzlärneñ gomumi sanı 3091
    Unikal süzlärneñ gomumi sanı 2393
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 16
    Süzlärneñ gomumi sanı 3079
    Unikal süzlärneñ gomumi sanı 2424
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 17
    Süzlärneñ gomumi sanı 3122
    Unikal süzlärneñ gomumi sanı 2383
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 18
    Süzlärneñ gomumi sanı 3051
    Unikal süzlärneñ gomumi sanı 2311
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.
  • Аизга - 19
    Süzlärneñ gomumi sanı 1297
    Unikal süzlärneñ gomumi sanı 1103
    0.0 süzlär 2000 iñ yış oçrıy torgan süzlärgä kerä.
    0.0 süzlär 5000 iñ yış oçrıy torgan süzlärgä kerä.
    0.0 süzlär 8000 iñ yış oçrıy torgan süzlärgä kerä.
    Härber sızık iñ yış oçrıy torgan 1000 süzlärneñ protsentnı kürsätä.