Latin

Чидай ксари рикӏел хкизва

Totalt antal ord är 349
Totalt antal unika ord är 233
0.0 av orden finns i de 2000 vanligaste orden
0.0 av orden finns bland de 5000 vanligaste orden
0.0 av orden finns i de 8000 vanligaste orden
Varje stapel representerar procentandelen ord per 1000 vanligaste ord.
italki
Заз Агьмедулагь лап хъсандиз чидай. Адан хизанрихъ, веледрихъ галаз таниш я, абур зи вилик чӏехи хьана. Зи рикӏел гьеле ам аспирант тир вахт алама. Чаз ам машгьур алим гьикӏ хьанатӏа акун кьисмет хьана.
Адан бажарагъ, языкознанидиз авай гьевес, лезги чӏалаз авай кӏанивал гьасятда аквазвай. Ам лезги чӏалан чӏехи пешекар тир, амма са и кардал сергьятламиш хьана акъвазнач, урус чӏални илимдин рекьелди ахтармишна. Адакай урус чӏалан кафедрадин доцент хьана.
Лезги филология, лезги чӏал ахтармишунин кардик А.Гуьлмегьамедова чӏехи пай кутуна. Идалайни башкъа, ам умуми образованидин школаяр патал учебникрин автор я.
Эхиримжи йисара Агьмедулагьди РАН-дин Дагъустандин илимдин центрада кӏвалахна. Ам чи арадай акъатун лезги халкь, гьакӏни вири Дагъустан патал хажалат чӏугвадай кар я.
Чи вилик адан надир ирс ва ада Россиядин илимдик кутур пай илимдин рекьелди чирунин чӏехи везифа акъвазнава. Алимдин гзаф кьадар ученикар — илимдин докторар, кандидатар — ама. За фикирзава хьи, абуру адан кар агалкьунралди давамарда.
Гьамидуллагь Мегьамедов,
филологиядин илимрин доктор, профессор, Тахо-Годидин тӏварунихъ галай педагогикадин НИИ-дин директор, Дагъустандин Халкьдин Собранидин депутат.
* * *
Агьмедулагь Гуьлмегьамедович гьакъикъатда зурба языковед, чи республика патал машгьур кас я. Адан са “Лезги чӏалан баянрин словарь” Дагъустандин лексикографияда зурба вакъиа я.
Адакай, адан дережайрикай яргъалди лугьуз жеда. Ам гьар са куьниз рикӏивай дикъет гудай, аналитически дериндай фикирай алим тир. Аспирант ва университетдин работник яз, зун адан патав илимдин идеяйрин патахъай меслят, куьмек кӏанз фидай. А.Гуьлмегьамедовахъ гьамиша гзаф аспирантар хьайиди я, ада лингвистрин-лезгиноведрин чӏехи школа тешкилна. Исятда адан ученикри, студентри, аспирантри Дагъустандин илимдин хиле тайин чка кьазва.
Агьмедулагь гьамиша намуслу, чӏехи инсанвал квай кас ва туькӏвей хизандин кьил тир. Адаз лезги чӏал, вичин лезги халкь гзаф кӏандай.
Нариман Абдулмуталибов,
Сулейман-Стальский райондин кьил, филологиядин илимрин доктор.
* * *
Агьмедулагь Гуьлмегьамедович заз хъсандиз чидай. Ам зи преподаватель тир. Ада чаз языкознанидай лекцияр кӏелна. Чна ашкъидалди адан тарсара иштиракдай, ихьтин дережадин лингвистар Дагъустанда лап тӏимил ава.
Гуьлмегьамедов машгьур алим, федеральный дережадин филолог тир. Адан лайихлувилерикай, агалкьунрикай, кӏвалахрикай, ахтармишунрикай тамам энциклопедия кхьиз жеда. Важиблу кар яз къейд ийин — ам лингвистикада тамам лезгиноведение аслу тушир хел хьиз туькӏуьрунин чешмейрив акъвазна. Зун адан языковед хцихъ галаз хъсандиз таниш я. Амни лап хъсан алим, лезги халкьдин патриот я.

Альберт Эседов,
общественный деятель, филологиядин илимрин кандидат.
Лезги газет
Du har läst 1 text från Lezgian litteratur.