Latin

Шигырьләр - Гали Рәхим

Общее количество слов 147
Общее количество уникальных слов составляет 120
47.4 слов входит в 2000 наиболее распространенных слов
58.2 слов входит в 5000 наиболее распространенных слов
63.1 слов входит в 8000 наиболее распространенных слов
Каждый столб представляет процент слов на 1000 наиболее распространенных слов

ГАЛИ РӘХИМ




Романс


Бер заманны сине күргән идем:

Аксыл, тонык иде йөзләрең,

Тонык алтын иде нәкъ чәчләрең,

Фирәзәдәй — зәңгәр күзләрең.


Татлы хыял белән күз алдымда

Йоклап киткән идем тирбәлеп...

Шул хыялым маңгаемнан сөйде

Салкын кышлар буе тирбәтеп.


Уяндым мин шул ук хыял белән

Моңлы, гүзәл язның көнендә;

Күз алдымнан һаман син китмәдең

Нурлы җәйнең якты төнендә.


Әйт: күңелне нишләп дулкынлата

Көлүләрең, әйткән сүзләрең?

Чәчләрең шул синең тонык алтын,

Фирәзә күк — синең күзләрең...



Сонет


Утрып урманның аузында төйнәдем мин,

Бу моң төнне сандугачтан көннәдем мин;

Гаҗәеп бу матур төндә эл дә ничек

Тулылыгымнан бәхетемнең үлмәдем мин?


Ай яктысы төшкән дә күл шәүләләнгән,

Күл өстеннән томан чыгып гәүдәләнгән,

Матур-матур ак күлмәкле кызлар булып,

Күтәрелгән ап-ак көмеш дәү ләгәннән.


Ай нурыннан алар кием киенгәннәр,

Саф-саф булып тезелгәннәр дә килгәннәр,

Килгәннәр дә минем өсткә иелгәннәр.


Нурдан булган бу кызларның арасында

Күргәчтен «ике күзем карасы»н да

Оныттым мин йөрәгемнең ярасын да.


Вы прочитали 1 текст из Татарский литературы.