LatinКаждый столб представляет процент слов на 1000 наиболее распространенных слов
Сәяси Тема
Общее количество слов 253
Общее количество уникальных слов составляет 164
48.1 слов входит в 2000 наиболее распространенных слов
55.9 слов входит в 5000 наиболее распространенных слов
63.1 слов входит в 8000 наиболее распространенных слов
(юмореска)
Садретдин карт колакка каты. Радио тыңлый алмый, телевизорның да сурәтен генә карый. Шуңа күрә, дөнья яңалыклары белән аны иң беренче карчыгы Гыйльмениса таныштыра.
Гадәттә, иртән торуга, сәяси темага әңгәмәләре менә болайрак башлана:
- Сиңа әйтәм, ишеттеңме әле, Гыйракны бумбыга тотканнар бит?
Садретдин карт бу яңалыкны түгел, карчыгының әлеге соравын да ишетми, әлбәттә.
- Ә-ә? Нәстә дисең?
- Бумбыга тотканнар, дим.
- Нәстәне тотканнар, карчык?
- Гыйракны, дидем бит, чукрак!
- Ник тотканнар сыйракны?
- Вәт карт җүләр! Сиңа сыйрак тотарга гына булсын! Картаеп акыл кермәде инде...
- Ишетмим бит, карчык, нәстә дисең?
- Сәдәм Хусәенне бумбыга тотканнар!
- Ә-ә, Сәлмән Хөсәенен тотканнармыни? Берәр ярамаган эш эшләгәндер, мәлгунь.
- И-и, саңгырау, Сәлмән Хөсәене димәдем лә. Буш Гыйракны бумбыга тоткан дим, ләбаса!
- Ә, буш тоткан дисең икән. Нәрсәне буш тоткан, карчык?
- Гыйракны дим лә!
- Сыйракны буш тоткан, дисеңме? Нишләп буш тоткан икән? Кысыбрак тотарга хәле җитмәдеме икән, карчык?
- Ә-ми-ри-кә президенты Буш турында сөйлим мин, тиле...
- Кычкырма ла шулкадәр, колагымны тондырасың бит. Саңгыраумы әллә мин. Әмирикә президенты Буш турында әйтәсеңмени? Инде ул да мөгез чыгарырга йөриме? Элекке президентлары Клинтын да Мәликә Либински белән чуалып, адәм рисвае булган иде. Инде монысы да сыйракка үрелгән икән...
- Буш Гыйракны бумбыга тоткан дим мин.
- Тоткандыр, тоткандыр, тегесе дә Мәликә дигән кәнтәйне тотып кына дәрәҗәсен төшерде бит.
- И, карт тиле, сиңа телемне әрәм итеп сөйләп торган мин җүләр! Белмим, кай җирең белән тыңлыйсыңдыр...
Гыйльменисәттәй сөт чиләген алып, сукрана-сукрана абзар-кура тирәсенә чыгып китә. Һәм аларның «сәяси тема»га иртәнге әңгәмәләре шуның белән тәмамлана.
Садретдин карт колакка каты. Радио тыңлый алмый, телевизорның да сурәтен генә карый. Шуңа күрә, дөнья яңалыклары белән аны иң беренче карчыгы Гыйльмениса таныштыра.
Гадәттә, иртән торуга, сәяси темага әңгәмәләре менә болайрак башлана:
- Сиңа әйтәм, ишеттеңме әле, Гыйракны бумбыга тотканнар бит?
Садретдин карт бу яңалыкны түгел, карчыгының әлеге соравын да ишетми, әлбәттә.
- Ә-ә? Нәстә дисең?
- Бумбыга тотканнар, дим.
- Нәстәне тотканнар, карчык?
- Гыйракны, дидем бит, чукрак!
- Ник тотканнар сыйракны?
- Вәт карт җүләр! Сиңа сыйрак тотарга гына булсын! Картаеп акыл кермәде инде...
- Ишетмим бит, карчык, нәстә дисең?
- Сәдәм Хусәенне бумбыга тотканнар!
- Ә-ә, Сәлмән Хөсәенен тотканнармыни? Берәр ярамаган эш эшләгәндер, мәлгунь.
- И-и, саңгырау, Сәлмән Хөсәене димәдем лә. Буш Гыйракны бумбыга тоткан дим, ләбаса!
- Ә, буш тоткан дисең икән. Нәрсәне буш тоткан, карчык?
- Гыйракны дим лә!
- Сыйракны буш тоткан, дисеңме? Нишләп буш тоткан икән? Кысыбрак тотарга хәле җитмәдеме икән, карчык?
- Ә-ми-ри-кә президенты Буш турында сөйлим мин, тиле...
- Кычкырма ла шулкадәр, колагымны тондырасың бит. Саңгыраумы әллә мин. Әмирикә президенты Буш турында әйтәсеңмени? Инде ул да мөгез чыгарырга йөриме? Элекке президентлары Клинтын да Мәликә Либински белән чуалып, адәм рисвае булган иде. Инде монысы да сыйракка үрелгән икән...
- Буш Гыйракны бумбыга тоткан дим мин.
- Тоткандыр, тоткандыр, тегесе дә Мәликә дигән кәнтәйне тотып кына дәрәҗәсен төшерде бит.
- И, карт тиле, сиңа телемне әрәм итеп сөйләп торган мин җүләр! Белмим, кай җирең белән тыңлыйсыңдыр...
Гыйльменисәттәй сөт чиләген алып, сукрана-сукрана абзар-кура тирәсенә чыгып китә. Һәм аларның «сәяси тема»га иртәнге әңгәмәләре шуның белән тәмамлана.
Вы прочитали 1 текст из Татарский литературы.