Latin

...Кунды, кичде

Общее количество слов 325
Общее количество уникальных слов составляет 198
34.2 слов входит в 2000 наиболее распространенных слов
48.2 слов входит в 5000 наиболее распространенных слов
54.2 слов входит в 8000 наиболее распространенных слов
Каждый столб представляет процент слов на 1000 наиболее распространенных слов
Бу йир үзрә[13] ничә хан кунды, кичде[14],
Ки хан үзрә[15] ничә хан кунды, кичде.

Бу дөнья бер көһел кар(е)бансарайдыр[16],
Ки ничә дөрле карбан кунды, кичде.

Бу өвдә[17] чөн дәхи без бер кунагыз[18],
Ки монда ничә миһман[19] кунды, кичде.

Дүкәли[20] хуҗа, кол, бай, юхсыл[21],
Гидай[22], шаһ йексан[23] кунды, кичде.

Камусы аглайу[24] килде вә күчде,
Әйт: канкысы хәндан[25] кунды, кичде?!

И ничә натәван илә тәвана[26],
Ничә дана[27] вә надан кунды, кичде.

Бу җөмлә халкы[28] бер-бер нәүбәт илә
Он итде бу дегермән, кунды, кичде.

Бу базар эчрә һәрбере мәтагын[29]
Сатубән[30] корды дөкян[31], кунды, кичде.

Бу зәһрә һич бере булмады тиръяк[32],
Бу шәһрә[33] ничә агъйан[34] кунды, кичде...

...Җиһани хөкменә мәхкүм идәнләр[35],
Әҗәл хөкменә фәрман, кунды, кичде...

...Кани ул Адәм, Хаува, ки әүвәл
Бу мөлкә килде гөръян[36], кунды, кичде.

Кани Нух, Хәлил, Исхак, Йагъкуб,
Йа Йосыф-маһе Кәнган?! – Кунды, кичде...

...Кани Идрис йа Гыйса ибне Мәрьям,
Дәхи Муса ибне Гыймран[37]?!-Кунды, кичде...

...Кани Искәндәр, Кәсри вә Кайсар[38],
Ничә фәгъфур[39], хакан[40] кунды, кичде...

...Бу таҗ-тәхтә һәргиз горрә улмаң[41], –
Ки ничә шаһ, солтан кунды, кичде...

...Бу мәйдан(н)ы тотмады бере һич,
У(л) җөмлә пәһлеванан[42] кунды, кичде...

...Камал Өмми җәһанә горрә улма,
Чө(н) сәнең бики чәндан кунды, кичде[43]...
_____________________________
[13] Йир үзрә – җир өстендә (йөзендә).
[14] Кичде – "теге дөньяга китте" мәгънәсендә.
[15] Хан үзрә – мәмләкәткә.
[16] "Бу дөнья – бер иске кәрвансарайдыр" (кунак йорты).
[17] Өвдә – өйдә.
[18] Кунагыз – кунакбыз; кунабыз.
[19] Миһман – кунак.
[20] Дүкәли – никадәр.
[21] Юхсыл – юксыл.
[22] Гидай – фәкыйрь, ярлы.
[23] Йексан – бердәй; бер төрле рәвештә.
[24] Камусы аглайу – һәммәсе елап.
[25] "Әйт: кайсысы шат булып..."
[26] "И ничә көчсез белән көчле (куәт иясе)".
[27] Дана – белемле, белем иясе.
[28] Җөмлә халкы – барлык халыкны.
[29] Мәтагын – әйберен, малын.
[30] Сатубән – сатып; сатар өчен.
[31] Дөкян – кибет.
[32] "Бу агуга һич булмады аны бетерә торган дәва" (противоядие).
[33] Шәһрә – шәһәргә.
[34] Агъйан – бай; затлы.
[35] Мәхкүм идәнләр – хөкем ителгәннәр.
[36] "Бу патшалыкка килде ялангач..."
[37] Биредә дини-мифологик затлар санала.
[38] "Кайда Александр (Македонский), Хөсрәү вә Цезарь".
[39] Фәгъфур – Кытай императоры.
[40] Хакан – төрки, монгол халыкларының императоры; каган.
[41] "Бу таҗ – тәхеткә һич алданма (кәпрәймә)".
[42] "Ул барлык пәһлеваннардан..."
[43] "Өмми Камал җиһанга алданма, Чөнки (ул) синең кебек ничәләрдән калды..."
Вы прочитали 1 текст из Татарский литературы.