Latin

Идел нәрсә ди?

Общее количество слов 120
Общее количество уникальных слов составляет 107
49.5 слов входит в 2000 наиболее распространенных слов
60.6 слов входит в 5000 наиболее распространенных слов
67.8 слов входит в 8000 наиболее распространенных слов
Каждый столб представляет процент слов на 1000 наиболее распространенных слов
Утырдым да барып бер ярлы җиргә,
Карап тордым озаклап мин Иделгә.
Матур кич. Якты йолдызлар. Матур ай.
Матур су буйлары хәйран калырдай.
Матурлап сайрый төрле-төрле кошлар,
Матурлыкка чумылган һәммә төшләр.
Идел, тик күкрәген калкыткалап, тын
Авыр сулап, моңаеп җырлый акрын:
— Минем,— ди,— хөр, ирекле улларым, сез,
Туган ил нинди хәлдә соң, беләмсез?
Изәргә, пычратырга хөр Ватанны,
Буарга яктылыкны, якты таңны,
Азат илнең матур иркен буарга,
Матур җирләрне кан белән юарга,
Исертеп тагы илне йоклатырга,
Хатын-кыз, яшь сабыйны еглатырга,
Ачу белән исергән, вәхшиләшкән,
Котырган эт шикелле анда дошман,
Янап канга буялган канлы кылычын,
Бозарга уйлый илнең инде тынычын.
Әнә дошман
Тора каннар коярга,
Ватанның бәгъренә кылычын тыгарга.
Ирек сөйгән сөекле улларым, сез,
Көрәшкә, әйдә! Йоклап тормагыз, тиз
Явыз дошманны хурлыкка салырга!
Вы прочитали 1 текст из Татарский литературы.