Latin

Һәркемнең Үз Эше

Общее количество слов 186
Общее количество уникальных слов составляет 149
59.0 слов входит в 2000 наиболее распространенных слов
71.6 слов входит в 5000 наиболее распространенных слов
75.4 слов входит в 8000 наиболее распространенных слов
Каждый столб представляет процент слов на 1000 наиболее распространенных слов
Хикәя
Иртә таңнан торып, чык суларын эчеп, чәчәктән чәчәккә куна-куна уйнап, биеп, җырлап Күбәләк очкан-очкан да хәл алырга тукталган. Шунда тырыша-тырыша бал җыеп йөргән Кортны күргән, гаҗәпсенеп:
— И күршем, карендәшем, син көне буе иртә таңнан эштә, туктап та тора белмисең. Бераз ял итеп ал,— дигән, күңеленең һәм уеның яхшылыкта булуын яшермичә.— Синең өчен үзем бөтенесен дә башкарып куярмын!
Бал Корты эшеннән туктаган, аның белән сәламләшкән дә, Күбәләкнең килеш-килбәтенә, матурлыгына сокланып карап торган һәм нәзек, кечкенә кулларына игътибар итеп, бер дә ышанычлы түгел икәнлеген аңлап алган һәм:
— И гүзәл карендәшем, әгәр дә син минем өчен бал җыйсаң, мин синең өчен җырлап-биеп йөрсәм, ул вакытта дөньяның яме, болыннарның матурлыгы, яшәешебезнең тәме бетәр иде. Әйдә, һәркайсыбыз үзе белгән эшне җиренә җиткереп башкарсын, үз гамәле белән гомер сөрсен. Син дә, мин дә, башкалар да шуннан бәхетле булырлар,— дип җавап биргән.
Бал Кортының шушы акыллы сүзләре Күбәләкне хәйран калдырган. Берсен-берсенә карап, аңлашып елмаешканнар. Саубуллашып аерылышкач, һәркайсы үз эшләре белән очып киткәннәр.
Шулай шул, җир йөзендә һәр җан иясе үз гамәле белән яши. Әгәр дә берәүнең эшен икенче кем башкара икән, ул вакытта тормышлар да буталып бетәр иде. Ә бәлки мин ялгышамдыр?
08.05.94.
Вы прочитали 1 текст из Татарский литературы.