Сен ұйықтап жатқанда

  Ⅰ
  
  ..Сағат түнгі он екі болып қалды. Жұрт аяғы басылды. Алдымыздағы көшемен ең соңғы трамвай өтіп барады. Вагонда үш-төрт адам көрінеді.
  Күндізгі қаптап жүрген трамвай, троллейбус, автобустар қайда қазір? Олардың әрқайсысының арнаулы тұрағы - демалуға жайғасатын орны бар. Олар сонда жиналады. Мұнда түні бойы ұйықтамай, қызмет ететін адамдар бар. Олар әлгі мәшинелерді таңертеңгі сапарға әзірлейді. Күндіз бүлінген жерлері болса, жөндейді. Ішісыртын сүртіп, еденін жуып тазалайды. Таңертең троллейбус, трамвай, автобустар тап-таза болып, жарқырап шығады.
  
  ⅠⅠ
  
  ...Бүйірінде «Жедел жәрдем» деген жазуы бар мәшине қақпадан шығып келеді. Әне, жоғары қарай бұрылып, зырлап ала жөнелді. Әлдебіреу аяқастынан қатты ауырып қалған болар. «Жедел жәрдем» оны тез арада ауруханаға жеткізеді. Онда ұзақ түнде көз ілмей, адамды ажалдан арашалайтын кезекші дәрігерлер бар.
  Қалада бірнеше жедел жәрдем стансысы бар. Оларда жұмыс күндіз-түні бірдей қызу жүріп жатады.