Başqortostandıñ halıq şağirı Timer Yosopovqa – 70 yäş

Başqortostandıñ halıq şağirı Timer Yosopov haqında ber kälimä yaźırğa niätlägäs, Maksim Gorkiy turahında zamandaştarı qaldırğan ber hätiräne iśkä töşörźöm. Ul moryaktar menän osraşıuğa bara. Hüź birelgäs, ber ni äytä almay häm: «Heźgä arnap beräy hikäyä yaźırmın», – tigän höyläm menän siklänä. Timer ağayźı häterlätte miñä oşo qılıq. Ul da, icadı haqında uñlı-hullı höyläp, här yırźä üźen propagandalap, äźäpheźlek kürhätep, här urınğa tığılıp yöröy torğan äźiptärźän tügel. Unıñ turahında icadı, bigeräk tä şiğırźarı höyläy. Şähsän üźemä huğış osoron kürgän, unan huñğı mihnättärźe üź iñendä tatığan bıuın väkileneñ totoş il, halıq äseneüyen, hıźlanıuın halıqsan obrazdar aşa birä alıuı yaqın.
 
Bıuındarı nığınmağan malayźarźıñ yäşäp ölgörmäś elek qartayıuın, qatındarźıñ höyöü tulı küźźärenän hağış, yuqhınıu, mäñgelek yuğaltıu yäştäre tamıuın, źur yauźan huñ yırźeñ üźeneñ yaralarına tüźä almay hıqrauın küräm, toyam Timer ağayźıñ şiğırźarında. Salauat batırğa, azatlıq ruhına arnalğan şiğırźarı aforizm keüyek iśtä qala. Kemdär genä belmäy häźer «Tıuğan yılı ğına bula unıñ, ülgän yılı bulmay batırźıñ» tigän yuldarźı? Gäzit-curnaldarźa totoş mäqälälär, mahsus bittär oşo yuldar menän ataldı. Ä ular Timer Yosopovtıñ tarihsılarğa möräcäğät, totoş halıqqa, keşelekkä öndäşeü räüyeşendä yaźılğan şiğırınan alınğan.

Oşo köndärźä Başqort däülät filarmoniyahında Başqortostandıñ halıq şağirı Timer Yosopovqa 70 yäş tulıu uñayınan, respublika yıtäkselege, yämäğätselek, qälämdäştäre, matbuğat heźmätkärźäre, uqıusılar unı bik źurlanı. Şağirźıñ äśärźäre menän ürelep barğan kisä Timer ağayźıñ üźe uqıuındağı şiğır menän tamamlandı. Rämi Ğaripovtı üź ostazı tip hanağan Timer Yosopovtıñ icadında la ruhi bunt, bögöngö menän kileşmäü, irtägähe kön ösön borsolou, ütkändär menän ğorurlıq toyğoho yarılıp yata. Şağirźıñ şiğırın üźenän dä häybät uqığan keşe yuq, tigände işetkänem bar. Bıl hüźźär, bälki, bötähenä lä kileşep tä bötmäyźer, ämmä Timer ağay haqında äytelgän töślö. Halıq şağirı şiğırźarźı ärnep, hıźlanıp yaźa häm şul kisereş menän uqıy źa. Küñeldäge his-toyğonoñ tauışqa sığıuı, küñel döröślögönöñ hüź ahäñe aşa yañğıraşı ihlas, yılı qabul itelä. Isın icad şulay bula torğandır. Şağirźıñ şiğırźarına öśtäp, ber ni äytähe tügel, ularźı uqırğa, tetränergä, hiśkänergä, yılınırğa ğına mömkin.