Könyak Korea temperatura ülçi torgan sensorlar häm UV lampalar belän urnaştırılgan anti-virus avtobus torakların kuydı.
Seuldagı pıyala-divarlı stend temperaturıgız normada bulmasa sezne eçenä kertmäyäçäk.
Könyak Korea Uhan virus karşı yaña hay-tek front açtı - başkalasında avtobus torakların temperatura tikşerü torgan işeklär häm dizinfektsiyä yasıy torgan ultrafiolet lampalar belän nıgıtkannar.
Kerär öçen, passacırlar avtomatik termal-tikşerü kamera aldında torırga tiyeşlär. Keşeneñ temperatura 37.5C'tan tübänräk bulsa gına işeklär açıla.
Balaların tikşerü öçen astında ayırım kamera urnaştırılgan.
Pıyala-divarlı stend - härberseneñ bäyäse 100m von tiräsendä - eçendä virus üterü öçen häm şul uk vakıtta havanı suıta torgan, ultrafiolet lampalar belän cihazlandırılgan, klimat-kontrol sisteması kuyılgan. Buşlay vifi da tarala.
Dispenser kul dezinfektor belän tutırılgan. Toraknıñ kullanuçılarga härvakıt maskanı kiyärgä häm ber bersennän metrdan artık torırga kiñäş birelgän.
10 kiñäytelgän cihazlar Seulnıñ tönyak-könçıgış rayonda urnaştırgannar, alar Kovid-19'dan gına tügel muson yañgıraulardan häm cäyge kızudan da saklıy ala.
“Bez stendlarga barlık uylap kilgän anti-koronavirus ülçäülärne kuydık,” Kim Hvang-yun äytte, Akıllı Torak proyektnıñ rayonnıñ offitsial väkile.
Ütkän atnadan başlap, alarnı kuygannan soñ, härber stend härkönne tiräsendä 300 - 400 keşe kullangan, Kim dide.
Passacırlar üzlärneñ avtobus kürmi kaldırmas öçen panel yakınça avtobuslarnıñ kilär vakıtın kürsätä, şul uk vakıtta tıştagı traffiknıñ turı strim alıp bara.
Kim Ju-li, 49 yıllı hucabikä, yaña avtobusnı berençe märtäbä kullanıp äytte: “Min monda üzene şınlap sak his itäm, çönki min beläm, minem yanında bötän keşelär minem çikelle üzlärneñ temperaturaların tikşergännär.”