Тылсым

  Изсәләр дә, кылыч чапсалар да,
  Юлыкса да юлда мең үткел,
  Шигырьле тел — фанилыкка бәйсез
  Үлемгә баш бирми андый тел.
  
  Гамәлендә азат адәми зат —
  Амин тотсын яки чукынсын —
  Әмма сүздә шигъри куәт булса,
  Ул сүз, — димәк, үзе бер тылсым!
  
  Шигъри сүзем минем — саф тылсымым —
  Авыр чакта сезгә кагылсын —
  Савыктырсын, горур итсен берүк,
  Кеше итсен безне бу тылсым!
  
  Кардәшләрем! Сезнең җанда туган
  Шигырьләрне әйтер суз көчен
  Ни өчендер Ходай мина биргән —
  Өлешемә тигән көмешем...
  
  Дөньялыкта яман сүзләр булмый,
  Яман әйтүчеләр булмаса —
  Булсын сүзем сүзләр чишмәсендә
  Сүзләр чылтыратыр
  Колаша,
  Китсен сузем фани бу денъяга,
  Йөрер юлы аның ак булсын —
  Савыктырсын, горур итсен берүк,
  Кеше итсен безне бу тылсым...