Latin

Къарагъ, эллер, чӏал хуьз экъечӏ!

El número total de palabras es 271
El número total de palabras únicas es 192
0.0 de palabras están entre las 2000 palabras más comunes
0.0 de palabras están entre las 5000 palabras más comunes
0.0 de palabras están entre las 8000 palabras más comunes
Cada línea representa el porcentaje de palabras por cada 1000 palabras más comunes.
italki
Куьре Меликан «Къул хуьз экъечӏ!» шиирдин с цӏарцӏив кьадайвал туькӏуьрнавай и эвер гун дуьшуьшдай арадал атанвайди туш. Къе чӏал хуьн ватан хуьн кьван четин хьанва. Гьавиляй Стӏал Сулейманан райондин чӏалал кьару векилри 2010-йисан 26-февралдиз лезги чӏал хуьнин месэладиз талукьарна Кьасумхуьрел тухвай конференциядал ихьтин эвер гун кьабулнай.
Ина чӏал хуьнин ва виликди тухунин мярекатар арадал атунихъ вичин тарих ава. 2007-йисуз Имам Яралиев райондин регьбервиле хкягъайла ам лезги чӏалазни эдебиятдиз кьетӏендаказ фикир гуз эгечӏна. Къуллугъдал тайинарзавай гьар са касдиз лезги чӏал ва Стӏал Сулейманан яратмишунар, гьич тахьайтӏа адан са шумуд шиир хъсандиз чир хьана кӏанзавай. Гьа икӏ, районда вири мярекатар лезгидалди тухун адетдиз элкъвена, идарайра лезги чӏалакай гегьеншдиз менфят къачуз гатӏунна. Райондин регьберди лезги чӏалаз кӏевелай къимет гуз акурла чпик руьгь акатай, виридалайни хцидаказ акъвазнавайди дидед чӏалан месэла тирди кьатӏай райондин яратмишдай ксари талукь идарайрин кӏвалахдаррихъ галаз санал тежрибадин конференция тухвана ва районэгьлийриз жуван милли чӏал хуьниз эвер гана.
Илимдин алемда вичихъ чӏехи нуфуз авай чӏалан алим Нариман Абдулмуталибова райондиз регьбервал гуз эгечӏай сифте йикъалай чӏалан месэлайриз генани кӏевелай фикир гана ва ам вилик тухун паталди вири жуьредин алахъунар авуна. Адан теклифдалди районда «Дидед чӏал хуьн, чирун ва гегьеншарун» тӏвар ганвай программа кардик кутуна. И программадив кьадайвал, гила бахчайра, мектебра ва маса идарайра вири мярекатар дидед чӏалал тухузва. Районда лезги чӏал хуьниз эвер гузвай баннеррикай ва лозунгрикай гегьеншдиз менфят къачузва.
Рикӏ шадардай кӏвалахрикай садни ина гьар йисуз лезги районрин уртах илимдинни тежрибадин конференцияр тухун я. А конференцийрин материалар ктабар хьиз чапдай акъудзава ва халкьдини абурукай гегьеншдиз менфят къачузва. «Къарагъ, эллер, чӏал хуьз экъечӏ!» вири лезги районар, вири лезги халкь патал туькӏуьрнавай эвер гун я. Ша чун вири хайи чӏал хуьз экъечӏин!

"САМУР" газет
Has leído el texto 1 de Lezgiano literatura.