News Tatar news add news

"Bolgar radiosı" VIII Milli muzıkal premiyäsen tapşıru vakıtında iphone uynatılaçak

2020 yılnıñ 12 dekabrendä 18.00 säğattä “Bolgar radiosı” VIII Milli muzıkal premiyäsen tapşıru tantanası uzaçak.

Bilgele bulgança, kontsertnı onlayn formatta turıdan-turı translyatsiyädä “Tatarstan-Yaña gasır” telekanalında häm internet kiñleklärendä karap bulaçak. Ul gına da tügel! Bıyıl premiyä tapşıru tantanasında ayfon uynatılaçak!

“Bolgar radiosı” VIII Milli muzıkal premiyäse başlangançı bez ay dävamında radiotıñlauçılardan “Kaysı cır sezneñ öçen altın hit bulıp sanala?” digän sorauga SMS häbärlär kabul itäçäkbez.

2 noyabrdän alıp 12nçe dekabrgä kadär radiotıñlauçılarıbız 5522 nomerına MİLLİ süze belän başlap üzläre “Altın hit” dip sanagan cırnıñ isemen yazarga tiyeş bula. “Altın hit”larnı täqdim itep SMS cibärüçelär arasında IPHONE uynatıla. Ciñüçeneñ telefon nomerı oçraklı räveştä bilgelänä. Bähet yılmaygan nomer iyäsenä elemtädä buluı häm kontsertnı karavı möhim, çönki premiyä alıp baruçıları turı translyatsiyä barışında älege nomerga şaltıratıp, kontsertka bäyle ber sorau biräçäk. Abonent telefonın almagan oçrakta, ciñüçene yañadan saylau karalgan.

SMSlarda iñ yış yañgıragan cır isemnäre altın diskta tuplanaçak häm MİLLİ PREMİYÄ barışında halık hozurına täqdim iteläçäk. Älege bäyge altın hitlar isemlegen arttıru häm mäñgeläşterü maksatınnan oyıştırıla.

“Eldagıça premiyädä populyar cırçılar katnaşa, yäş cırçılarga da mömkinleklär biräbez, kaynar hit proyıktında ciñep çıkkan yaña yözlär belän dä tanışıp bulaçak. 12 dekabr, 18.00 säg. “Tatarstan-Yaña gasır” telekanalın kuşıp, yılnıñ kötep alıngan tantanalı vakıygasın küzätep barırga çakırabız”, - di “Bolgar radiosı”nıñ baş möhärrire-prodyuserı İlfar Kärimov.

“Bolgar radiosı” VIII Milli muzıkal premiyäsen tapşıru tantanası şahitı bulu häm turıdan-turı translyatsiyä barışında ayfon otu mömkinlegen ıçkındırmagız!

Reklama, 16+


3 weeks, 2 days ago
17 visists
Source: shahrikazan.ru