News Tatar news add news

Kazanda berençe tapkır «Taba» yäşlär etnoforumı uzaçak

4 noyabr könne Kazanda berençe tapkır «Taba» yäşlär etnoforumı uza. Çaraga etnokultura proyıktların gamälgä aşıruçı yäşlär cıyıla, iñ uñışlı dip tabılgannarı grantlarga iyä bulaçak.

«Tatarstan halıklarınıñ yäşlär assambleyase» räise Timur Kadıyrov süzlärençä, multiformatlı forum berniçä yunäleştä eşläyäçäk. «Taba» etnoproyıktlar pitçingı, icadi oçraşular, kürgäzmä häm halıklar duslıgı festivale. Forumnı, bıyılgı başka bik küp çaralar kebek, onlayn küzätü mömkinlege tudırıla. Ul Tatarstan milli kitaphanäseneñ yaña binasında uzaçak.

Halıklar duslıgı festivale 1990 yıldan birle oyıştırılıp kilä. Bıyıl anıñ 30 yıllıgı. Kazan ilküläm tehnologiyä-tikşerenü universitetınıñ tärbiyä häm sotsial eşlär buyınça prorektor Albina Şäväliyeva çarada kürşe töbäklärdän dä icadi kollektivlar häm çıgış yasauçılar kiläçägen häbär itte. Baştarak respublikada yaşäüçe millät väkilläre katnaşında uzgan festivalğä soñrak Başkortstan, Udmurtiyä, Mordova, Mari El başka İdel buyı töbäklärennän dä kilä başlagannar. Şulay uk soñgı yıllarda klassik folklor ansamblläre genä tügel, rok, rep kebek zamança stille kollektivlar da çıgış yasıy. Tagın ber yañalık – çarada milli ornamentlı kiyemnär modasın kürsätü dä bulaçak.


3 weeks, 2 days ago
19 visists
Source: shahrikazan.ru